بقلم منة بدر
كيان فضلت ساكتة...
قلبها بيضرب بسرعة، بس ملامح وشها كانت متجمدة... مش قادرة ترد، مش قادرة تنفي، ولا حتى تقوله إنها مصدومة.
° مراد لاحظ ارتباكها، مد إيده على الطاولة ناحيتها وهو بيبص جوا عيونها مباشرة:
مراد (بصوت هادي):
أنا مش مستني منك رد دلوقتي...
أنا بس كان لازم أكون صريح،
° كيان عيونها دمعت، لكن بسرعة مسحتها...
حاولت تمسك أعصابها، بس جواها صراعات وحروب بين أفكارها .
كيان (بصوت مهزوز):
يعني إنت... بتحبني؟ بعد كل اللي حصل؟ بعد ما كنت بتتجاهلني وبتجرحني بكلامك وتصرفاتك؟
مراد:
أنا كنت بتهرب... من اللي بحسه...
بس كل مرة كنت بشوفك، قلبي كان بيفضحني.
° كيان خدت نفس عميق، وكأنها بتحاول تفك عقدة في قلبها...
بصّت له، بس عينها بعدت بسرعة كأنها خايفة تضعف...
كيان:
كل كلمة منك كانت بتوجعني...
وكل مرة كنت بتقسى، كنت أنا اللي بتهزّ من جواي.
° لحظة صمت غريبة بينهم...
صوت المعلقة بيخبط في الكوباية من طاولة قريبة، لكن مافيش حاجة في الدنيا كانت بتغطي على صوت قلوبهم.
مراد (بهمس):
بس أنتي ... بتحبيني؟
° كيان بصّت له أخيرًا...
نظرتها فيها ضعف وحنين وتعب
كيان (بصوت واطي):
أنا... مش عارفة أحبك ولا أكرهك.
بس كل حاجة جوايا بتتحرك لما بشوفك.
° مراد حسّ إن الإجابة دي رغم إنها مش اعتراف صريح، بس كانت أكتر جملة رجعتله أمل...
مراد (بابتسامة فيها وجع):
أنا هستناكي... مهما أخدتي وقت، أنا هنا.
° كيان نزلت عينيها...
قامت من مكانها بهدوء، وقالت وهي ماشية:
كيان:
أنا محتاجة أفكر... مش بنكر إنك حركت جوايا حاجات...
بس أنا تعبت.
° مراد وقف، ومشفش غير ضهرها وهي خارجة من الكافيه...
بس عارف إن الكلام ده كان بداية، مش نهاية.
---
بمجرد ما كيان إختفت عن عيون مراد وإتاكدت إنة مش شايفها ....
°كانت حافة إلانهيار إلا دائما كانت بتحاول متوصلهاش بس
كان لابد من النقطة دى ...
، وبصّت للأرض كأنها بتدور على حتة من نفسها ضاعت...
°سندت كيان على سور و بدأ كلام مراد ينعاد فى عقلها ...
° زي صدى طويل مابيخلصش...
> "أنا بحبك...
وأنا هستناكي..."
° دموعها نزلت، بس بهدوء...
كيان (في سرها):
ليه دلوقتي؟
؟
أنا تعبت يا مراد...
تعبت من التناقض، من الحرب اللي دايمًا جوايا...
بس برده... بحس إني ضعيفة قدامك.
° مسحت دموعها بسرعة، وكأنها مش عايزة حتى الشارع يشوف ضعفها...
° رفعت راسها للسماء...
كأنها بتستنجد باللي فوق علشان يطبطب على الوجع.
كيان (بهمس):
يارب... لو في بينا خير، قرّب...
ولو شر... ابعده من غير ما يوجعني.
° وقفت تاكسي، وركبت...
وقلبها مش راكب معا ...
^مراد لسة متحركش من مكانة ...وكان تفكيره مقايضة مش عارف يتحرك ولا يتكلم بس جواه حرب بين أفكاره ...
°بعد وقت كبير بدأ يفوق وينتبه لصوت الجرسون و هو بيسالة بقلق ...
حضرتك كويس .....فى حاجة ....حضرتك قاعد بقالك كام ساعة...
^مراد كل إلا عملوا إن هز رأسة ومتكلمش....
°قام مراد وهو بيقدم خطوة ويأخر خطوة ....
ركب عربيتة وتعبير كيان على كلامه مفرقتش خيالة ...
ودا خلى قلبى يدق بسرعة ..من الخوف ...
°مراد حاول يفوق نفسة من حاله التوهان إللى هو فيها ....
مراد فى نفسة :
فوق علشان تعرف تتصرف قبل ما حد يعمل لعبة عليها ....
°وصل مراد البيت وإتفاجى لما فتح وشاف إلا كانت نائمة
قدامة ......
يتبع ..