بقلم يارا محمد
ملك كانت قاعدة ف الجنينه بعد ما زهقت من الاوضه كانت بتعتني بالورود بهدوء و من شباك اوضته كان بيراقبها اواب مراقب حركاتها و مبتسم بهدوء بس قطع ابتسامته صوتها .
تاليا
انت بتبص عليها ليه انا بحذرك باي غدر يا اواب علشان ساعتها هضحي بيك انت مش اي حد .
اواب بصلها بغضب مكتوب ورجع بنظره ليها بس لاحظ حد واقف وراها ونزل يشوفه مين
أما ف الجنينه دخل شاب ثلاثيني الفيلا و شاف بنت قاعدة مع الورد افتكرها تاليا .
حذيفه بسخريه
اتغيرتي يا تاليا بقيتي تهتمي بحاجه غير الفلوس .
ملك بصتله بهدوء واستغربت منه وهو كمان بادلها الاستغراب .
حذيفه
انتي مين اول مرة اشوفك هنا اعذريني بقالي كتير سايب المكان ؟!
ملك بهدوء و ابتسامه
انا ملك انت مين ؟!
حذيفه
انا اخو اواب الصغير حذيفه انتي بتشتغلي هنا ؟!
كانت هنتكلم بس اواب جه عليهم بسرعه وحضن اخوه
اواب بفرح
حذيفه ازيك وحشتني اوي بقالك سنين سايبني .
حذيفه
ما انت اللي اخترت يا اواب فاكر اخترت أننا نبعد بعد ما وصيه ابوك اتفتحت بس قولي مين دي .
اواب نتكلم بعدين تعالي نخش جوه ف كلام كتير مشتاق أقوله ليك بص لملك .
هتبقي هنا و لا هتخشي ؟!
ملك
لا قاعدة شويه مش هدخل دلوقتي .
و رجعت للي بتعمله وهما الاتنين دخلوا بس حذيفه اتصادم مع تاليا واقفه وهي متعصبه من شوفتهم كده .
حذيفه
ازيك يا بنت عمي بقالي كتير مش شوفتك مبروك حملك .
تاليا
ايه رجعك يا حذيفه مش كنت خلصت منك زمان جاي ليه وبعدين مش معاك مشاكل معانا حس ع دمك و مترجعش .
حذيفه بسخريه
افتكرت الايام غيرتك لكن لسه انتي زي ماهي روحك سودا وكلامك سم و علقم ايه هو انتي سواد قلبك ده مش خلص اتعظي انتي هتبقي ام ولو اني مش عارف هتبقي ام ازاي و انتي كده .
تاليا
انت بتهيني ف بيتي انت اتجننت ع الآخر ويا تري مشرفنا كام يوم وهتمشي ولا ناوي تقعد كتير .
حذيفه كان بيتكلم بس اواب اخده قبل ما الأمور تشتد بينهم ودخلوا المكتب .
حذيفه
مش مهم تاليا بس مين اللي برة باين عليها طيبه .
اواب بصله وحكاله كل حاجه بخصوص ملك و حذيفه سمعه بهدوء و اتكلم .
حذيفه
مرتاح ليها أصله لو كده يبقي حبيتها برغم اللي التصادم اللي حصل بينكم و اظن انها احسن ليك من تاليا ياريتها ظهرت من زمان ع الأقل مكنتش هتوصل للي وصلت ليه ده .
اواب
محتار يا حذيفه خايف عليها من تاليا هي مؤذيه و مستعدة تعمل اي حاجه بس علشان توصل للي هي عايزاه .
حذيفه
طيب ده الموضوع الفرعي اي الموضوع الاساسي اللي جيت ليا عشانه اسبانيا وقلتلي لازم تيجي علشان أقوله ليك .
اواب بصله بتردد و بعدين اتشجع و اتكلم .
اواب
حذيفه انا و تاليا السبب ف موت ابويا و عمي الفلوس عمتنا و...... ده كل اللي حصل بس اقسم ليك اني ندمان ع كل حاجه و تورطت م م،هرب كوكايين مش عارف اتصرف .
حذيفة كان بيسمع بصدمه كبيرة
يعني انت و هي السبب جالك قلب تقتل ابوك علشان الوريث و الطمع يا اواب ليه حرام عليك وخلتك تطرد اخوك الوحيد وجاي دلوقتي تفوق و تندم لو كنت انت ندمت انا مش مسامحك ابدا .
اواب
ارجوك يا حذيفه مش تتخلي عني دلوقتي انا محتاجك .
حذيفه ....
برة المكتب تاليا كانت واقفه بس مش سامعه حاجه دخلت ملك وشافتها ووقفت وراها .
ملك
حتي لو جوزك هما الاتنين ليهم أسرارهم مينفعش تسمعيها.
تاليا بصت وراها ولقتها مبتسمه ليها فجاه ضربتها بالكف وكان جامد لدرجه انها صرخت من قوته ونزفت من شدته .
اواب و حذيفه خرجوا ع الصوت ولقيه ملك مرميه و تاليا واقفه قدامها .
اواب بخضه
حصل ايه وليه هي مرميه كده ؟!
تاليا بكذب
القاتله اللي اواياها ف بيتي بتتجسس عليكم لقيتها واقفه بتسمع كلامكم ولما مسكتها بجحت فيا ف علمتها الادب .
ملك ببكاء
لا لا مش تصدقها هي اللي كذابه ومش انا و الله صدقني .
اواب ......