بقلم هنا حسين
عدى اسبوعين اركان كان بيشتغل وكان كل همه انه يلاقي رقيه علي شان ياخد ابنه
اما رقيه كانت ام زياد كانت مشغلاها خدامه عندها وهي علي شان خايفه ترجع كانت بتسمع كلامها
عند رقيه كانت نايمه دخلت عليها حليمه ام زياد
حليمه بزعيق..... قومي يا ختي كل ده نوم
رقيه قامت بنعاس وتعب
رقيه.... في ايه علي الصبح
حليمه..... كل ده نوم مش عارفه ان وراكي شغل
رقيه..... بس انا تعبانه وكمان نايمه متأخّر من شغل البيت ده
حليمه.... كمان ليكي عين تتكلمي مش كفايه قاعده ببلاش
رقيه...... ابنك ضحك عليا وخد فلوسي
حليمه.... براحتك عاجبك كده عاجبك مش عاجبك امشي من هنا
رقيه بقله حيله.... قولي عاوزاني اعمل لك ايه خليني اخلص
حليمه..... قومي جهزي لي الفطار وروقي الشقه
رقيه...... كل ده انت ناسيه اني حامل
حليمه...... براحتك يا اختي ما حدش قال لك اهربي من جوزك
وطلعت وسابتها
رقيه فضلت تلعن نفسها وغبائها
اذكروا الله
عند اركان
اركان..... شوف انت الصفقه دي وابقي قابل العميل
كارم....... انت في كل مره تخليني اقابل العمله انت لسه ماثر عليك غيابها
اركان..... كارم الموضوع ده اتقفل خلاص
كارم..... تقفل ازاي دي مراتك
اركان...... مراتي وهربت والله اعلم هي فين دلوقتي
كارم..... انت فقدت الامل انك تلاقيها
اركان..... يعني هي هتروح فين هلاقيها بقلم هنا حسين
عند يوسف كان بيتكلم في التلفون
يوسف..... خلاص هبعت لك المبلغ اللي انت عاوزه بس خليني على تواصل واي جديد تبلغني وقفل مع المتصل
دخل علي
علي..... انت كنت بتكلم مين
يوسف...... انا خلاص قربت اخد حقي
علي..... ازاي مش فاهم
يوسف..... مش مهم تفهم قريب جدا هتشوف بعينيك
صلوا على محمد
كارم..... عجبك الشغل هنا
هويدا..... اه كويس بس شايفه اركان متضايق
كارم..... متضايق من موضوع مراته
هويدا.... بس اللي اعرفه انه مش بيحبها
كارم.... ده كان في الاول لكن دلوقتي لا
هويدا...... ده بجد يعني هو بيحبها هو قال كده
كارم بغيره..... وانت مهتمه ليه اذا كان بيحبها ولا لا
هويدا..... انت تفكيرك راح فين انا بسال علشان اركان من النوع اللي مش بيحب بسهوله
كارم... لا حبها كمان يوم ما مشيت كان رايح يعترف لها هو اه ما قالش انه بيحبها بس كان باين عليه كمان ما تنسيش ان اركان صاحبي واعرفه من نظره
هويدا...... اتمني انها ترجع طب تفتكر ان لو رجعت اركان هيسامحها
كارم..... ما اعرفش بقى بعدين احنا هنفضل نتكلم عن اركان ورقيه ولا ايه
هويدا...... طب نتكلم في الشغل
كارم...... ولا شغل كمان انا عازمك على غدا ايه رايك
هويدا..... تمام ما عنديش مانع
صلوا على محمد
راح اركان على البيت وطلع على غرفته على طول
دخلت على اسماء لقيته واقف في البلكونه وسرحان
اسماء..... اركان مالك في ايه
اركان...... في ايه يا ماما في حاجه
اسماء..... لا بس خبطت على الباب ودخلت وندهت عليك كثير وانت ولا هنا
اركان..... انا اسف يا ماما ما خدتش بالي
اسماء..... عادي يا حبيبي ولا يهمك تعالى نتعشى سوا
اركان.... معلش يا حبيبتي مش جعانه اتعشي انت
اسماء..... اركان يا حبيبي انت خسيت النص من قله الاكل ليه يا ابني توجع قلبي عليك انا من الاول كنت مانعه جوازك ما كنتش عاوزه ورث ولا زفت بس انت اصريت
اركان...... ماما بلاش كلامك ده كل الحكايه اني اكل بره ولو جعت هاكل ما تقلقيش
اسماء..... ماشي اركان براحت
ومشيت وسابته وهو تنهد بحزن وقال وحشتيني
بقلم هنا حسين
عندي رقيه كانت خلصت ودخلت بتعب علشان ترتاح
بعد شويه دخلت عليها حليمه
حليمه..... قومي يا اختي انت هتنام
رقيه بتعب..... في ايه ثاني
حليمه.... زياد وخطيبته بره تعالي ضيفيه
رقيه.... ليه كنت الخدامه بتاعتكم
حليمه..... ليه يا اختي ولما فضلتي راجل عن ابني ورحت اشتغلت عنده خدامه ما كنتيش بتقولي لي الكلام ده
دخل زياد
زياد..... في ايه يا ماما
حليمه.... رقيه فاكره نفسها هانم ومش عاوزه تطلع تضيفكم حاجه
رقيه..... علشان انا مش خدامه وثمن قعدتي هنا ابنك اخذ فلوسي اللي كانت معايا وما سابش معايا جنيه
زياد...... ما ضربتكيش على ايدك يا حلوه
حليمه...... قسما بالله يا زياد لو ما طلعت عملت اللي قلت عليه ما تبات فيها بنت خديجه
زياد..... اهدي يا ماما وهي تعمل اللي انت عاوزاه
طلعت رقيه مجبره ضيفتهم تحت نظرات الشماته من حليمه وخطيبه زياد
راحت رقيه على المطبخ وقفت بتفكر في اللي هي عملته في نفسها وان اركان عمره ما افكر يهينها كده
حست بوجع حاولي تقاوم الوجع لكن الوجع زاد عليها
رقيه بصراخ..... اه الحقوني
يتبع
☺️قراءه ممتعه ورايكم يهمني ☺️
🌷دمتم في رعايه الله 🌷
🌹ما تنسوش صلوا على النبي🌹