بقلم هنا حسين
طلعت رقيه بتوتر بس كانت فرحانه انها هتشوف اركان حست انه واحشها وقفت قدام الباب
خبطت علي الباب حتي اتها الرد بالدخول
دخلت رقيه لقيته قاعد علي السرير وجنبه اسلم بيلاعب فيه
اركان لف نحيه الباب لما مالقيش صوت
اركان بصدمه.... رقيه انت هنا بعدين كمل بغضب انت ايه اللي جابك مش كفايه بسببك كنت هخسر ابني عاوزه ايه تاني
رقيه.... عوزاك انت
اركان بعدم فهم..... يعني ايه
رقيه..... يعني انا عاوزه اكمل حياتي معاك اركان احنا كان بنا مصلحه لاكن دلوقتي خلاص انت تقدر ترجع ملكك من جدك انا كل اللي عوزاه ان انا افضل اربي ابني وافضل مراتك
اركان.... اولا ده ابني انا انت اتنازلتي عنه من قبل مايتولد وبعدين مين قالك اني عاوزك تفضلي مراتي
رقيه..... طب ليه مطلقتنيش مدام مش عاوزني مراتك
اركان..... انا بفهم في الاصول كنت مستني لما تبقي كويسه رقيه احنا ماننفعش لبعض قصتنا خلصت لما انت هربتي من غير سبب
رقيه.... لا انا مامشيت وكان بسبب ماكنتش هقدر ابعد ابني عني صدقني خفت تحرمني منه انا ندمت علي كل حاجه حصلت
اركان.... مش هقدر اسامحك انت أصلاً مش هتنفعي تبقي مراتي
رقيه بحزن....... اركان انت تقدر تتجوز وتخلف لاكن انا خلاص كده مش هينفع اخلف تاني ماليش غير اسلم ارجوك يا اركان ماتحرمنيش منه ان شاء الله اكون خدامه زي ماكنت
اركان..... ماشي هخليكي تقعدي بس علي شان خاطر اسلم مش عاوز احرمه من امه لاكن ماتحلميش ان ممكن ارجعك
رقيه بفرحه..... تمام ماشي انا اصلا مش عاوزه غير كده
وراحت نحيت اسلم وقربت منه لقيته نايم علي السرير
اخدته في حضنها وفضلت تبوس فيه
رقيه بفرحه..... اركان تعالي تعالي شوفه كده مش شبهي ده شبهي اوي
اركان قرب عليهم وشاف الفرحه في عنيها حس انه عاوز يخبيها في حضنه حس انه خلاص بقي ليه عيله
رق بصت عليه لقيته سرحان
رقيه..... اركان مالك في ايه
اركان..... مافيش بعدين ابني شبهي انا مافهوش حاجه منك أصلاً
رقيه..... وانت اتغاظت ليه هو أصلاً طبيعي الطفل بياخد من ابوه وامه يعني ميكس مابنا
اركان بيغير الموضوع...... طب انا نازل وسابهم ونزل
صلوا علي النبي
في الشركه
كان قاعد كارم في مكتبه خبطت هويدا وسمح لها بالدخول
هويدا.... اتفضل امضي علي الورق ده
كارم..... طب اقعدي واقفه ليه
هويدا..... ورايا شغل لازم يخلص
كارم..... ماهو الحق علي اركان ملهي بابنه وسايب الشغل علينا
هويدا..... ربنا يخلهوله يارب انت بتغير من صحابك
كارم بضحك..... ايوه بغير ونفسي ابقي زيه
هويدا..... طب ماتبقي زيه هو حد مانعك
كارم..... اه اللي مانعني العروسه توافق
هويدا..... هي لسه ماوفقتش دي مجنونه باين ولاايه
كارم...... طب ماتقولي لنفسك ده
هويدا... طب وانا مالي
كارم..... بطلي بقي يعني عامله نفسك مش فاهمه
هويدا.... فاهمه ايه
كارم بنفاذ صبر..... بحبك اي بقي اللي مش فهماه
هويدا.... هههه بس كده
كارم.... لا طبعاً مش بس كده شوفيلي معاد مع اهلك واجي اتقدم فوراً
هويدا.... انت بتتكلم بجد
كارم..... طبعاً هويدا انت حد نضيف من جوا بجد ماشوفتش زيك كفايه اللي عملتيه مع اركان مستحيل حد يعمل كده بجد شكراً ليكي
هويدا.... تشكرني علي ايه ده ابن عمي
كارم..... طب موافقه ولا
هويدا بضحك..... موافقه
صلوا علي النبي
عند علي في الشركه كان قاعد في مكتبه تدخل منه
منه... علي مالك قاعد كده
علي.... يعني عوزاني اعمل ايه
منه..... اقل حاجه يعني تتكلم معايا انت من ساعه اللي حصل لاخوك وانت مش زي الاول
علي..... انا مستحيل ارجع زي الاول انا مدايق من نفسي اوي يامنه ازاي كنت باذي ابن عمي اللي ماشوفتش منه حاجه وحشه واخويا بيخدعني وبيتفق مع المحامي وينقل الاملاك باسمه ولا امي بتحط دوا هلوثه لجدي علي شان يمضي علي الورق
منه.... طب ممكن تهدا كل حاجه هتتصلح
علي.... تعرفي انت اكتر حد قابلته بجد تعبتك معايا
منه..... ماتقولش كده انت بس شد حيلك كده وتعالي اخطبني
علي بضحك...... دا انت واقعه خالص
منه بضحك..... خالص
اذكروا الله
كان اركان نايم علي السرير هو واسلم
دخلت رقيه علي شان تاخد الولد
اركان.... وخداه علي فين
رقيه... هاخده ينام عندي
اركان..... ابني مش هيتحرك من هنا ولا فكراني هامنك عليه
رقيه..... الولد بيحتاج يرضع بالليل اكيد يعني مش هتسيبه بالجوع
اركان..... خلاص خليكي انت هنا معاه
رقيه..... انا انام هنا
اركان بستهزاء..... دا بعد اذنك يعني
رقيه...... خلاص ماشي هنام وامري لله
وراحت علي السرير ونامت بجانبهم
تحت انظار اركان المشتاقه فضل يرتقبها حتي غفيت هي وصغيره بقلم هنا حسين
يتبع
🩷قراءه ممتعه🩷
♡دمتم في رعايه الله وحفظه♡
♕ما تنسوش تصلوا على النبي♕