أتى عصام وشاف هذة السيدة دفعت أبنه لأرض وأمبارح عورته ومش حاسبها
،،،ساعد أبنة فى النهوض وقال:- لقتيها حلوة تمدى إيدك على الواد مش كفايه إللى فى وشة بسببك
عبدالله/ الست دى قالتلى يا أبن ال🐕 وعايزة فلوس وبتقول بنتها ليها حق فى المحل وعايزة فلوس العلاج
عصام/ أسمعى يا ست أنتى المكان دة أكل عيش عايزة حاجة تعالى البيت عندى أو تجى هنا بأدب أو تشيعى حد أجيلك شغل الشوارع دة مش هنا محدش بيسمع صوتى فى المكان
الأم بعشوائية/ أشهدوا يا نااااااس الراجل الظالم واكل حق أخوة الميت وأستغل مرات أخوة الحامل العيانة مش بيصرف عليها وأنا غلبانه مش حمل مصاريف
عصام بغضب/ أما مرا كدابة ياولية الصيدلية تشهد ومين دفع حق الدكتور والفلوس إللى بتوصلك كل شهر غير إللى ببعته ليكى فى شقتك على أساس بنتك قاعدة عنك وأنتى بتخديها لنفسك مش واكل حقها
الأم ببكاء/ يا خلق بنتى مش لاقية اللقمة والراجل دة واكل فى كرشة مال جوزها
عبدالله/ محصلش
عصام/ أخرص ياواااااااد غور من وشى ،،،،،،كفاية فضايح يا مرا أنتى ،،،،،، ممكن أقولك ملكيش حاجة عندى مدام بدفع وبتهان وبتفضح
ثم دفعها داخل المحل يتكلموا بهدوء
وعبدالله واقف يريد الفتك بتلك السيدة الوقحة التى تتهم أبيه زور
بقلم نجلاء فتحى عاشقة الكلمات
__________
وبعد وقت أخذت الست المال ورحلت وهذا جعل عصام متعصب طول اليوم
_____________
وكل يوم والتانى تلك السيدة تعمل مشكلة وتأخذ فلوس وتمشى ومقتنعه أن المال من خير جوز بنتها المتوفى
_____________
فى المساء يجلس عصام فى الصالة أتت راضية وقالت:- وبعدين يا أبو عبدالله كنت فى السوق النهاردة والحريم بلغونى بكلام يضايقك مش عايزة أقولة
عصام/ عارف ،،،صدقينى مستحيل أكل حق أخويا وبعدين أخويا دة مكنش لية فى التجارة طول عمرة غاوى سواقة لحد مجابت أجلة ،،،الورث إللى حماته بتتكلم فية ملوش،،،، أبويا الله يرحمة كتب ليا المحل والعمارة دى فى حياته ،،،،وكتب العربية والعمارة إللى ساكن فيها أخويا الله يرحمة بأسمه بس ،،،ووصانى مش أعلن عن كدة غير لما مراته تخلف ،،،وأخويا قبل ميموت عارف كدة يعنى المصاريف دى كلها من جيبى وأقول علشان أخويا وعظم التربة بس خلاص زهقت أتفضحت سمعتى باظت المرا شينة وبنتها نسخة منها وبجاحة مشفتهاش غير فى الحريم أستغفر الله العظيم مش عايز أغلط،،أخويا عندة نظر وصانى مش أعلن عن ورثة لمراته،،، دة ورث العيل كان عايز ولد والله أعلم يجى بنت ولا ولد
راضية/ لازم يعرفوا ملهمش حاجة عندك فى المحل ولا البيت دة ،،، والعربية ضاعت مع أخوك يبقا فاضل البيت التانى وبس
عصام/ لازم ألتزم بوصيه أبويا وأخويا لما مراتة تخلف ولد ،، بنت وفيها كلام تانى ،،،، المرا عايزة تنزل العيل علشان تجوز بنتها مفهمه الناس بنتها حزينه على جوزها وأنا شاكك فى الموضوع دة
_________
عبدالله بالخارج سامع الحوار وساكت وفى نفس الوقت بيجهز شنطة المدرسة فقد أنتهت الأجازة والدراسة بدأت
_________
فى صباح اليوم التالى أرتدى عبدالله ملابس المدرسة الجديدة والشنطة والحذاء وكل شئ جديد فى جديد وضبط هيئته وجلس على طاولة الأفطار يفطر فطارة المحبب لقلبة البيض البلدى بالسمن البلدى وكوب اللبن بغض النظر عن باقى السفرة ،،ثم فطر وجهزت له والدتة سندوتش واحد مربى وقد خبزت عيش مخصوص حتى يأخدة طازة معاة وأعطت لة كوباية معدن يشرب فيها ماية فى المدرسة ،،ووضعت كل هذا فى كيس فارغ من بتوع السكر ،ألتقطهم عبدالله ووضعة فى حقيبته الجديدة ثم قبل إيد أبوة وأعطاه مصروف إيدة [الخمسة جنية] ثم حضن أمه وبخرته بالبخور وجريت للبلكونه تدعو لة حتى أبتعد عن عينها
___________
عصام / مكنش لية داعى علام
راضية/ يوة ،،ذى باقى عيال الحارة عايزاه دكتور ،،مهندس ،،مدرس،،،ضابط حاجة كدة تملى العين
عصام/ والمحل أنا عطار مهنة الجدود وكنت حابب أبنى يورثها
راضية/ الزمن غير الزمن عبدالله دماغة دهب والواد شاطر نستغل دة فى التعليم أنا وأنت منعرفش الألف من كوز الدرة وعبدالله صلات النبى عليه سالك فى العلام
عصام/ بصراحة برمى علية حمل المحل يتعلم
راضية/ بصراحة كدة أنت فتحت الموضوع فرصة أتكلم مش عايزة أبنى ينزل المحل ،،،أأأقصد كفاية علية يوم الأجازة وأيام الدارسة ينتبه لدروسه
عصام/ مين يراعى المحل بعدى لو أتكلمتى معايا ولا معاة فى الموضوع دة تانى مفيش مدرسة ولا علام ،، أنا ذى الفل من غير علام وكلمتى ماشية
راضية بترجى/ ينزل معاك الجمعة بس
عصام/ لا بعد المدرسة يريح ساعتين وينزل المحل
راضيه/ميلحقش يخلص وجباته ولا يريح لتانى يوم إجهاد وظوافره مليانه توابل كأنها مش نظيفة وضعة أدام زمايلة
عصام بحدة/ أنا نازل المحل شكلك عايزة خناقة وخلاص مش كفاية عليا فردوس وأمها ،،أصلا بتمنى يسيب المدرسة ثم رحل ،،،
وضعت الأم إيدها على خدها بقلة حيله
بقلم نجلاءفتحى عاشقةالكلمات
_____________
مرت أيام وعبدالله يذهب للمدرسة ويريح ساعتين فى البيت أو ساعة ونصف ثم يذهب للمحل ثم يرجع الساعة العاشرة مساءآ يتعشى وينام هذا هو نظام يومه ولا يوجد وقت للمذاكرة
🥰للعلم أبو عبدالله
مرتاح ماديآ فى هذا الوقت🥰
______________
أتى عبدالله بعد المدرسة يجرى للمحل ولم يذهب للبيت وقال :- مرات عمى ولدت فى المستشفى بقالها أسبوع
أتفزع عصام/ مش ميعادها مين قالك
عبدالله/ الست بتاعة الخضار
عصام/ يبقا الشارع والمنطقة عارفة وأحنا لا ماشى يا فردوس أنتى وأمك،، روح لأمك أنا أروح المستشفى
عبدالله/ دى مستشفى أسمها *****خاصة ،،،،مش الحكومى
عصام/ ياخراب بيتى
عبدالله/ وأنت مالك هما يدفعوا
عصام بسخرية/ فردوس وأمها يدفعوا ،،أنت طيب يا بنى
عبدالله/ أروح معاك
عصام/ لا ،،روح البيت أتغدى بسرعة وتعال المحل فاضى مفيش راحة ساعتين النهاردة
عبدالله/ علشان خاطرى وحياتى عندك
عصام/ بتمسكنى من إيدى إللى بتوجعنى ،،،موافق
عبدالله بفرحة رمى الشنطة داخل المحل بأهمال وسند أبوه وضحك على عقلة بكلمتين عايز يشوف أبن عمه شكلة إيه
_________
وصلوا للمستشفى وسألوا على فردوس غرفتها فين ،،وموظف الأستقبال قال :- المفروض تخرج من يومين وهما قاعدين وحساب المستشفى مش أدَفع منه جنية
لم ينصدم عصام فتوقعة صح/ الحساب كام يا بية
الموظف/ ألف جنية
عبدالله/ ياةةةةة كتير أووى
عصام/ ألف جنية لية دة أجدع بضاعة عندى ب٦٠٠ جنية بص الفلوس مش متوفرة دلوقتى ينفع أدفع بكره
الموظف/ مفيش مشكلة بس زود ٥٠ جنية لحد الظهر وبعد الظهر لبليل يبقا ٥٠ كمان
عصام/ لا الصبح يكون عندك ألف وخمسين جنية ثم ذهب لغرفة مرات أخوة مضايق
ملحوظة الزمن دة لسة الجنية ليه قيمه يعنى الألف جنية مبلغ وقدرة ومفيش نت يدوب تليفون محمول بزراير والغنى هو إللى شايلة مش منتشر بين الناس ،،،، ومفيش لانش بوكس ولا عشاء العروسة إللى بيروح معاهم المدرسة دة ولا أزازة الماية 🍫 وشكولاتة وسناكس وفاكهة مفيش ،،،
________
دخل الغرفة بعد ما أستأذن وقال:- حمدلله على السلامه يا فردوس كدة تولدى وأعرف من الغريب
فردوس بكذب / أمى الله يسامحها
عصام/ هى فين
فردوس/ فى البيت بتجيب غيارات ليا لامؤاخذه
عصام/ كنتى ناوية تكملى سنه فى المستشفى مالها الحكومى ولا هى مصاريف على الفاضى ،،
فردوس بضيق/ محدش بيدفع ليا جنية من جيبه كلة فلوس جوزى الله يرحمة
عصام/ خلفتى ولد ولا بنت
فردوس بحزن / بت ،ياريتها ماتت تلاقيك فرحان معاك الواد يقش المحل
عصام بغضب/ شكلك كنتى متجوزة أخويا طمعانه فيه ،،، ربنا نجده منك ومن جشعك
فردوس بعشوائية/ بقولك إيه يا أبو عبدالله جاى تتهجم عليا يا راجل أنت بالكلام وتاكل حق بنتى فى كرشك لا فوق دة أجيب عليها وطيها
عصام بهدوء/ ليكى حق تهينى راجل كبير عنك ،،ليكى حق تعملى فيا كدة علشان أنتى وأمك لقتوها حاجة حلوة تسحبوا فلوسى بصوتكم العالى
من اللحظة دى مش دافع جنية
وأعرفكم بقا الكلام إللى قولتوا عليا خلية صح مره
فردوس بفزع/ أستنا وحساب المستشفى
عصام / الألف جنية وزيادة كنت أدفعهم وعلشان قلة أدبك دى ،،، مع نفسك خليهم يسلموكى للبوليس
فردوس لعبت بأخر كارت وقالت بأستعطاف مزيف/ مش تشوف بت أخوك الله يرحمة دى فى الحضانه لسة مش سمتها مستنياك أنت عمها مكان أبوها 😭😭
خرج عصام من الغرفة دون النطق بحرف
عبدالله/ بابا يعنى ليا بنت عم مش أبن عم
عصام/ أيوة
عبدالله/ تعال نشوفها،،نبص عليها من بعيد ونمشي
عصام/ مليش دعوة دول أهانو أبوك ،،،،،،الله يرحمك يا أخويا دخلت واحدة ذى دى لعيلتنا
عبدالله بترجى فى الأخر رضخ أبوة وذهبوا الحضانه وشاف الطفلة فهى من غير أسم لكنها مسجلة بأسم الأم
عبدالله/ حلوة أووى بيضا أووى يا صغنن ينفع أسميها زينه
عصام/ أمها تسميها
عبدالله/ لية الخرطوم فى مناخيرها
عصام/ علشان ناقصة نمو
عبدالله/ ينفع أشيلها
عصام/ لا مينفعش تخرج برا الأزاز دة
أتت ممرضة تسمع الحوار/ أنت أخوها
عصام/ أبن أعمها ذى أخوها
الممرضة/ أسم زينه مميز أشمعنا زينه
عبدالله بفرحة/ علشان تبقا زينه البنات وتزين أى حاجة فيها
الممرضة/ الأسم غريب على ودنى جبته منين ،أسم حديث
عبدالله/ فى بنت معايا فى المدرسة أسمها زينه باباها شغال برا مصر ،،،وفعلا أسم مميز ومش متكرر عجبنى أول مسمعته والمدرسين زى
عصام/ بتكتبى إيه
الممرضة/ أسم الطفلة
عصام/ لا بلاش مشاكل أمها تسميها
الممرضة/ البنت بقالها أسبوع ومش متسمية وخلاص سجلت البنت عن أذنكم
عصام بحدة/ عجبك كدة
عبدالله ببراءة/ خلاص نصيبها بقا ثم نظر ليها وتعلق قلبة بيها وبتفاصيلها الصغيرة فلا يسترها شئ غير قطنه مربعة على عورتها فقط ثم رجعوا البيت وطول الطريق عبدالله يحاول يخلى أبوة يدفع فلوس المستشفى ،،وأمه علمت حكاية الأسم وأستغربت فعلا أسم غريب غير تقليدى فى هذا الوقت
هل عصام يدفع مصاريف المستشفى 🤔