بقلم أروى عادل
٠بدؤوا الأشقاء الثلاثه يلعبون البولينج
بأستمتاع
بينما ظل أسلام ينظر لهم بأستغراب..انها حقآ عائله غريبة كيف لهم ان يستطيعوا
يحزنوا و يفرحوا فى نفس الوقت
هنا سمعوا الذى يقول لهم
مازن ٠٠٠ انتو بتعملوا ايه هنا يا بنات
تمارا ٠٠٠ أيه هو ممنوع نيجى هنا ولا ايه
مازن ٠٠٠ لاء مش قصدى بس انا أول مره اشوفكم هنا
هنا قال أسلام بأستغراب
أسلام ٠٠٠ هو انتو تعرفوا بعض
ياره ٠٠٠ اه أحنا جيران
سلمى ٠٠٠ الأستاذ مازن ساكن فى الشقة إللى قصادنا
أسلام ٠٠٠ اه ..ايه اخبارك يا فنان
مازن ٠٠٠الحمدالله بقالى كتير ماشوفتكش هنا
أسلام ٠٠٠ مشاغل واللهى
ياره ٠٠٠ أنتو تعرفوا بعض
مازن ٠٠٠ أه .اتقابلنا و أتعرفنا هنا فى النادى
و هنا رجعوا الفتيات يلعبون البولينج مره أخرى و تركوهم يتحدثون بينما هنا رن هاتف أسلام لذلك أستأذن من مازن حتى يرد على الهاتف
بينما ذهب مازن وقال ل تمارا
مازن ٠٠٠ استنى انتى ماسكة الكورة غلط
ثم بدأ يعلمها كيف تلعب البولينج بطريقة الصحيحه ثم قال لها
مازن ٠٠٠ هو انتى مخصمانى ولا ايه
تمارا ٠٠٠ ليه بتقول كده
مازن ٠٠٠ عشان بقالك فتره بتتجاهلينى. زى ما تكونى مش عايزه تتكلمى معايا
هى تعلم انه لديه حق انها فعلآ كانت تتجاهله لأن مراد طلب منها ذلك لكنها قالت كاذبه
تمارا ٠٠٠ مافيش حاجة من إللى انت بتقوله ده . انت بس اللى متهيألك
مازن ٠٠٠ ياريت يكون عندك حق وانا متهيألى
بينما عند أسلام الذى ذهب ل يرد على هاتفه
بقلم٠أروى٠عادل
( بداية المكالمة )
مراد ٠٠٠ وصلتها للبيت .. قولى هى عامله ايه
أسلام ٠٠٠ لاء ..هى ماحبتش تروح على البيت و هى مضايفه
مراد ٠٠٠ آمال روحتوا فين
أسلام ٠٠٠ نادى البولينج ... بس قولى انت بتكلمنى ازاى وانت فى الخطوبه
مراد ٠٠٠انا كنت قلقان على تمارا عشان كده قولتهم هدخل الحمام
أسلام ٠٠٠ بذمتك فى عريس يعمل كده
مراد٠٠٠ ليه هو العريس ممنوع يدخل الحمام
أسلام٠٠٠ واللهى انا مش عارف دماغك دى هتوديك لحد فين
مراد ٠٠٠سيبك بس من الكلام ده. وقولى تمارا عامله ايه دلوقتى
أسلام ٠٠٠ اهى قدامى بتلعب بولينج
مراد ٠٠٠ طيب افتح الكاميرا عايزه اشوفها بس مش عايزها تاخد بالها
أسلام ٠٠٠ حاضر اي خدمه تانيه .. ما انا الخدام إللى جابوا ليك عمى يوسف
مراد ٠٠٠ أنجز و بلاش كلام كتير
فتح أسلام الكاميرا .
كانت تمارا تلعب البولينج مع مازن و شقيقتها
لذلك قال مراد بغضب
مراد ٠٠٠ البنى أدم ده بيعمل ايه عندك
أسلام ٠٠٠ قابلنا بالصدفه . هو جارهم فى العماره
مراد ٠٠٠ عارف انه زفت ...وانت ايه معندكش دم سايبه معاهم عادى كده
أسلام ٠٠٠ فى ايه يا مراد عادى هو الراجل عمل حاجة غلط
مراد ٠٠٠ وجوده نفسه مع تمارا أكبر غلط
أسلام ٠٠٠ مش وقته غيره دلوقتى
مراد ٠٠٠ أنا جايلك
أسلام ٠٠٠ تيجى فين يا مجنون و الخطوبه مراد اسمع بس خليك عندك .. و انا هروحهم دلوقتى
مراد ٠٠٠ يبقى سيب الخط مفتوح و حط السماعة فى ودانك عايز اسمع كل حاجة
أسلام ٠٠٠ حاضر يا حظى المهبب
وبالفعل قال أسلام
أسلام ٠٠٠ يلا يا بنات عشان متتأخروش
سلمى ٠٠٠ اه يلا عشان ماما متقلقش علينا
مازن ٠٠٠ لو تحبوا تعالوا اوصلكم معايا
سلمى ٠٠٠ لاء شكرآ احنا هنروح مع أسلام مش عايزين نتعبك
مازن ٠٠٠ ولا تعب ولا حاجة انا كده كده مروح
هنا قال مراد بعصبيه من السماعة إللى فى أذن أسلام
مراد ٠٠٠ أقسم بالله لو وصلهم انا هقتلك فيها يا أسلام
هنا قال أسلام خوف من غضب مراد
أسلام ٠٠٠ لاء همآ هيروحوا معايا. انا إللى حايبهم و انا إللى هروحهم
مازن ٠٠٠ اوكى براحتك
🕳🕳🕳🕳🕳🕳🕳🕳🕳🕳🕳🕳🕳
بعد مرور ايام
~~~~~~~~~~
**منذه يوم الخطوبة و تقريبآ هايدى مقيمه فى القصر و كأنها خايفه تترك مراد فى أي مكان لوحده .. خصوصآ مكان يوجد به تمارا
كما كانت تتعمد الأقتراب من مراد أثناء وجود تمارا
**بينما حسام كان وضع قدمه يتحسن لكنه كان يتعمد لا يظهر ذلك خوفآ من أن تشعر تمارا انه لا يحتاج إليها فتترك الشغل
** بينما تمارا كانت تتعمد تجاهل مراد تمامآ
فى حين كانت تتعامل معه برسميه امام الجميع
**بينما تحدد موعد خطوبة إسلام و ياره و حاتم و سلمى يوم الخميس القادم فى أحد القاعات ..بينما قرر مازن أحياء حفلة الخطوبه بنفسه كهدية منه
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳
فى القصر
~~~~~~~~~~
هايدى ٠٠٠ خالتو . تعرفى ان حسام بقى كويس ..يعنى تقريبآ مبقاش محتاج لممرضة
نسرين ٠٠٠ عايزه تقولى ايه يا هايدى
هايدى ٠٠٠بصراحة بقى انا شايفه ان تمارا مبقاش ليها لازم فى القصر
نسرين ٠٠٠ مش انتى ولا انا إللى نقول تمارا ليها لازم فى القصر ولا لاء .. الدكتور هو إللى يحدد .. و الدكتور قال لسه شويه
هايدى ٠٠٠ بس انا مش عايزاها هنا فى القصر اظن ده حقى
شعرت نسرين بضيق من كلام هايدى ذلك قالت بصرامه
نسرين ٠٠٠ لاء مش من حقك ده قصرى انا وانا إللى احدد مين إللى له لازمه
و مين إللى لاء
هايدى ٠٠٠ و آنا هكون مرات مراد و القصر ده هيكون بردوا بتاعى من حقى انى......
قطعت نسرين عبارتها و قالت بتحذير
نسرين ٠٠٠ هايدى انا ست الاوله فى البيت ده و الأمر الأول و الأخير ليا انا . و أوعى تفكرى انك لما تبقى مرات مراد هتكونى ست القصر لاء بيقى بتحلمى
هنا شعرت هايدى انها ممكن تخسر نسرين
و فى نفس الوقت تريد ان تجعل تمارا تترك القصر
لذلك اترجعت عن كلامها و قالت بمكر
هايدى٠٠٠ طبعآ يا خالتو و مين قال غير كده انتى ست القصر و ست الدنيا كلها كمان . انتى بس فهمتى كلامى غلط.. انا كان قصدى اقول أنى هكون مرات مراد لازم اكون مرتاحه فى القصر و انا مش مرتاحه طول إللى اسمها تمارا دى موجوده فى القصر
نسرين ٠٠٠ أنا عارفه انك مش بتحبى تمارا و انا كمان مش برتاح ليها بس انا عندى أهم حاجة صحة حسام ..و حسام بيقى كويس بس و تمارا معاه
هايدى ٠٠٠ طيب ما دى حاجة تقلق . بصراحة بقى يا خالتو انا خايفه تمارا دى تضحك على حسام و تخليه يتعلق بيها .. زى ما اختها قدرت تضحك على أسلام و خلتو يخطبها
نسرين ٠٠٠ مخافيش تمارا مش هتعمل كده. انا متأكده
هايدى ٠٠٠ و ايه إللى مخليكى متأكده كده
نسرين ٠٠٠ لأنى انا روحت اخطبها
ل حسام و هى رافضت
قالت بدهشة و عدم تصديق
هايدى ٠٠٠ انتى بتقولى إيه..لا مش ممكن انتى عايزه حسام يتجوز حتة ممرضة .طيب ليه تعملى كده
نسرين ٠٠٠لأن حسام بيحبها
هايدى ٠٠٠ هو مراد عارف الكلام ده
نسرين ٠٠٠ اه عارف بس بتسألى ليه
هايدى ٠٠٠( بضيق) لا بسأل عادى
هنا تبدلت ملامح هايدى ..لانها فهمت لماذا قامه مراد بخطبتها ..هو خطبها فقط من أجل حسام
عندما لاحظت نسرين تغير هايدى قالت
نسرين ٠٠٠ مالك
هايدى ٠٠٠ لا ولا حاجة انا هروح أقعد مع حور
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى الجنينة
~~~~~~~~
كانت تمارا تجلس فى الجنينة لوحدها تقرأ فى كتاب
لذلك قالت حور
حور ٠٠٠ قعده لوحدك ليه آمال فين حسام
تمارا ٠٠٠ عنده جلسه دلوقتى مع الدكتور النفسى
حور ٠٠٠ هو انتى مش بتحضرى الجلسه معاه
تمارا ٠٠٠ لاء طبعآ الجلسة دى بتكون حاجه خاصة ماينفعش حد يحضر معاه
حور ٠٠٠ اه .. طيب وانتى عامله ايه دلوقتي
تمارا ٠٠٠ أنا عارفه انك تقصدى ايه بسؤالك . بس اطمنى انا تمام الحمدالله
هنا جاءت هايدى و ملك وقالت
هايدى ٠٠٠ انتى هنا يا حور و انا بدور عليكى
حور ٠٠٠بتدور عليا ليه
هايدى ٠٠٠ كنت عايزاكى فى حاجة كده
ثم نظرت ل تمارا و كملت كلامها و هى تقصد تهين تمارا لذلك قالت بتعالى
هايدى ٠٠٠ تمارا ممكن تسيبنا و تروحى تشوفى شغلك
نظرت إليها تمارا و قبل ان تتحدث قالت حور
حور ٠٠٠ أيه الطريقة إللى بتتكلمى بيها دى. مع تمارا
هايدى ٠٠٠ أيه هو انا قولت حاجة غلط. ولا ايه على آخر الزمن هنقعد مع الخدامين
حاولت تمارا تسيطر على غضبها نتيجة كلام هايدى
حور ٠٠٠ ( بضيق ) هايدى ياريت تحسبى على كلامك
ملك ٠٠٠ صح يا هايدى مايصحش إللى انتى بتقوليه ده
.هايدى ٠٠٠ انتو اضايقتوا ليه .هو تمارا دى مش المفروض انها هنا بتخدم حسام .يعنى خدامه ولا هى هنا ليه بالظبط
هنا قالت تمارا ببرود عكس ما بداخلها من غضب
تمارا ٠٠٠ مالكيش فيه
هايدى ٠٠٠ يعنى ايه ماليش فيه
تمارا ٠٠٠ يعنى الشتغل إللى اشتغلوا . انتى مالكيش فيه . بعدين انا مش فاهمه انتى شاغله نفسك بيا ليه خدامه ولا حتى رقاصة ده يضايقك فى حاجة
هايدى ٠٠٠ ( بعصبيه) وانا هضايق من واحده زيك ليه
تمارا ٠٠٠ واللهى قولى لنفسك . شاغله نفسك بواحده زى ليه .مضايقكى ليه
حور ٠٠٠ فى ايه يا جماعة ماينفعش كده
هنا قامت واخذت الكتاب و قالت بأبتسامه اشعلت غضب هايدى
بقلم٠أروى٠عادل
تمارا ٠٠٠ ادينى قايمة و سيبهلك.. بس ياريت كده ترتاحى.. مع انى اشك ان النار، اللى جواكى من ناحيتى تهدى
قالت جملتها وكانت على وشك الانصراف لكن أوقفتها هايدى و هى تقول
هايدى ٠٠٠ احترمى نفسك وانتى بتتكلمى معايا . و اوعى تنسى حدودك. ولا تنسيى انتى بتكلمى مين
تمارا٠٠٠ ( ببرود و هدوء) لاء انا محترمه نفسى كويس أوى . و لولا أنى محترمه نفسى لحد دلوقتى. كان هيبقى ليا معاكى تصرف تانى مش ممكن تتوقعيه
هايدى ٠٠٠( بزعيق) انتى بتهددينى
تمارا ٠٠٠ لاء فهمك بس عشان تحمدى ربنا أنى لسه محترمة نفسى معاكى
هايدى ٠٠٠ لاء انتى ذوتيها أوى انا ممكن دل..
قطع كلامها صوت مرات مراد وهو يقول
مراد ٠٠٠ فى ايه
أولآ ما لمحت هايدى مراد ركضت إليه و حضنته و قالت هى تقصد استفزاز تمارا
هايدى ٠٠٠ مراد حبيبى . انت جيت امتى
يا قلبى
هنا نظر مراد ل تمارا بأحراج و ابتعد هايدى عنه برفق لكنها تعلقت فى ذراعه مثل العلكه
وقالت
هايدى ٠٠٠ تعرف يا مراد انتى وحشنى أوى
هنا استدارت تمارا وهى تشعر بألم يعتصر قلبها ثم غادرت
و غادرت خلفها حور و ملك
بينما ظل مراد ينظر لها وهو يشعر بضيق من أجلها ..هو ايضآ يعلم ما تحاول هايدى فعله
مراد ٠٠٠ أنتى ايه إللى عملتيه ده
هايدى وهى تطصنع البراءة قالت
هايدى ٠٠٠ فى ايه يا حبيبى هو انا عملت حاجة
مراد ٠٠٠ هايدى انا فاهم الحركات دى كويس أوى
هايدى ٠٠٠حركات ايه . كل ده عشان حضنتك طيب اعمل ايه . انت وحشنى أوى
مراد٠٠٠ انتى هتستعبطى لحقت أوحشك امتى اذا كان احنا كل يوم فى وش بعض
هايدى ٠٠٠ مراد انتى بتوحشنى وانت معايا
مراد٠٠٠ ( بتحذير) بقولك ايه انا ماليش فى الكلام ده . ياريت بعد كده بلاش الحركات المراهقين دى قدام أى حد
هايدى ٠٠٠ قدام اي حد ولا قدام تمارا
مراد ٠٠٠ أنا قولتلك قبل كده .و هرجع اقولك تانى مع انى مابحبش أكرر كلامى ..مالكيش دعوة بتمارا خالص أحسنلك
كانت بتحاول تخترع اي كدبه لتجعل مراد ينفر من تمارا لذلك قالت
هايدى ٠٠٠ تعرف انت صعبان عليا أوى .
انت عامل ليها ألف حساب و هى عايشه حياتها عادى مع أخوك و آخر انسجام كمان
هنا صرخ بها مراد وقال بغضب أرعبها
مراد ٠٠٠ اخرسى ولا كلمة تانى عليها إلا اقسم بالله هتشوفى منى وش هيخليكى تكرهى اليوم إللى شوفتينى فيه
هايدى ٠٠٠ ماشى يا مراد . بكره تصدق كلامى
هنا صرخ فيها مراد لدرجه جعلتها تفر من أمامه
مراد ٠٠٠ هاااايدى
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳
فى غرفة حسام
~~~~~~~~~
أثناء جلسة العلاج النفسى
الدكتور ٠٠٠ أيه هو أكبر خوف فى حياتك
حسام ٠٠٠ ان تمارا تسيبنى
الدكتور ٠٠٠ بتحبها
حسام ٠٠٠ بعشقها
الدكتور ٠٠٠ ايشمعنا تمارا بالذات هى إللى حبتها
حسام ٠٠٠ لأنها نقيا نضيفه . متعرفش حاجة عن الغدر و الخيانه. قلبها أبيض. تحس انها ملاك نازل من السما
الدكتور ٠٠٠ أعترفتلها بحبك
حسام ٠٠٠ لأ خايف
الدكتور ٠٠٠ من ايه
حسام ٠٠٠ خايف تكون مابتحبنيش. و ساعتها
ممكن تسيبنى .انا عندى تفضل معايا وهى مش عارفه مشاعرى أتجاها.. احسن من انها تعرف مشاعرى و تبعد عنى..
الدكتور ٠٠٠ بس انتى لازم تواجها مهما كان رد فعل تمارا .بس فى الاخر هتكون مرتاح و فاهم طبيعت العلاقه بينكم ايه
حسام ٠٠٠ لا انا مش ممكن اتحمل انها تبعد عنى
الدكتور ٠٠٠ بس تمارا مش هتفضل عمرها كله ممرضة ليك .خصوصآ انها فى كلية الطب يعنى دكتوره مش هتفضل حياتها كلها شغاله ممرضة .. اكيد هيجى يوم وتسيب الشغل . .
أو كمان ممكن ترتبط زى اى بنت
حسام ٠٠٠ ( بخوف) لاء متقولش كده انا ممكن استحمل اي حاجة غير أن تمارا تسينى
الدكتور ٠٠٠ بس دى الحقيقه .. و بعدين هتفضل لأمتى مخبى على الكل ان رجلك بقت كويسه
حسام ٠٠٠ أنا لو قولت انى رجلى بقت كويسه تمارا ممكن تمشى .
الدكتور ٠٠٠ يبقى مش قدامك حل غير المواجهة .. ماينفعش تخلى حياتك كلها متعلقه بطريقه دى
حسام ٠٠٠ لأ مقدرش
الدكتور ٠٠٠ لازم تقدر... عشان تعرف تكمل حياتك بشكل طبيعى .. كمان يكون عندك استعداد تتقبل رأى تمارا بالقبول أو الرافض
سكت حسام و هو يمسح على رأسه بضيق ثم قال
حسام ٠٠٠ معلش انا مش عايز اكمل الجلسه النهاردة
الدكتور ٠٠٠ تمام براحتك .. بس فكر فى كلامى .. و الجلسة اللى الجايه قولى قررت ايه
قال الطبيب عبارته ثم انصرف
بينما ظل حسام يفكر فى احتمالات قبول أو رافض تمارا حبه
🕳🕳🕳🕳🕳🕳🕳🕳🕳🕳🕳🕳
اليوم التالى
القصر
~~~~~~
حسام ٠٠٠ يعنى انتى عايزه تسيبنى يومين بحالهم
تمارا ٠٠٠ ما انت عارف بعد بكره خطوبة أخواتى الاتنين ..هيبقى عندنا قرايب ماما من اسكندرية و كمان عايز اشترى شوية حاجات للخطوبة
حسام ٠٠٠ بردوا مقدرش افضل يومين بحالهم ماشوفكيش
تمارا ٠٠٠ ما احنا هنشوف بعض فى الخطوبة ولا انتى مش ناوى تيجى
حسام ٠٠٠ هاجى بس عشان خاطرك
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳
فى فيلا هايدى
~~~~~~~~~
شيرين٠٠٠ ايه مش رايحه عند نسرين النهاردة ولا ايه
هايدى ٠٠٠( بضيق) لاء مش رايحه
شيرين غريبه ده انتى من يوم الخطوبة وانتى مقيمة هناك
هايدى ٠٠٠ خلاص يا مامى مش انتى بتضايقى لأنى بروح هناك خلاص انا مش رايحه
شيرين ٠٠٠ يا حبيبتى انا عايزاكى تتقالى شويه على مراد .. الشاب بيحب البنت التقيله
هايدى ٠٠٠ هتقل لحد ما يضيع من ايدى
شيرين ٠٠٠ فى ايه مالك شكلك مخبيه عليا حاجة .هو مراد عملك حاجة
هايدى٠٠٠ ( بحزن ) مراد مش بيحبنى يا مامى
شيرين ٠٠٠ لا يا حبيبتى هو بيحبك بس مراد
طبيعته كده مش بيظهر حقيقة مشاعرو
هايدى ٠٠٠لا يا مامى هو بيحب تمارا
بدهشه صرخت و قالت
شيرين ٠٠٠ الممرضة مش ممكن انتى جبتى الكلام ده منين
هايدى ٠٠٠ مراد إللى قالى .
ثم حكت هايدى كل شئ ل شيرين
لذلك قالت
شيرين ٠٠٠ و انتى ازاى تقبلى على كرامتك حاجة زى دى
هايدى ٠٠٠ بحبه يا مامى و مقدرش اعيش من غيرو
شيرين ٠٠٠ أنا بكره هروح اقول ل نسرين عشان تشوف حل فى ابنها .. و تطرد إللى اسمها تمارا من القصر
هايدى ٠٠٠ أوعى يا مامى تعملى كده. مراد لو عرف انى اتكلمت هيسبنى..كمان خالتو مستحيل تطرد تمارا مهما حصل .عشان خاطر حسام ..
شيرين ٠٠٠ آمال هتفضلى ساكته
ضحكت بخبث قالت
بقلم٠أروى٠عادل
هايدى ٠٠٠ و دى تيجى انا هخلى حسام يكرها و خالتو تطردها من القصر من غير راجعه
شيرين ٠٠٠( بفضول ) هتعملى ايه
هايدى ٠٠٠ هخلى حسام يعرف بعلاقة مراد بتمارا
شيرين ٠٠٠ بس حسام تعبان و ممكن الموضوع ده يأثر عليه
هايدى ٠٠٠ مامى الحب زى الحرب ..لازم يكون له ضحايا. و نصيب حسام انه يكون هو الضحيه
شيرين ٠٠٠ بس حسام نفسيته هتدمر .
هايدى ٠٠٠ حسام ولا بنتك .. مامى احنا فى زمن الكل بيقول فيه نفسى ثم نفسى ...و ظط فى ايه حاجة تانى
شيرين ٠٠٠ و انتى فاكر نسرين هتسيبك .لو روحتى و قولتى ل حسام عن علاقة مراد بتمارا
هايدى ٠٠٠ أيه هو انا عبيطه عشان اروح اقول لحسام حاجة زى دى
شيرين ٠٠٠ حيرتنى آمال هتعملى ايه
هايدى ٠٠٠ هخلى حسام يشوف و يسمع كل حاجة بعينه ..و انا الغلبانه البريئة إللى خطيبها على علاقه مع الممرضة بتاعت اخوه
شيرين ٠٠٠ شاطره طالعه ل مامتك .
.و يرجع التاريخ يعيد نفسه بين مراد و حسام
هايدى ٠٠٠ كده مراد عمرو ما يفكر فى تمارا تانى .. و زى ما خليت حسام عرف علاقة مراد و ندا ..هخليه بردوا يعرف علاقة مراد بتمارا