بقلم شيماء ناصر
فرح: شويه بس وهكون خلصت الاكل... واكملت بهمس: كله منك يالي ما تتسمي عشق مش قادره اقف.... خاااالدد خااالد
خالد بخضة: في اي!
فرح ماسكه بطنها بالم:اههه مش عارفه حاسه بوجع
خالد مسك اديها: تعالي علي مهلك اوديكي المستشفى في وجع جامد
فرح: لا بسيط بس مش قادره اقف
خالد: طب تعالي اقعدي... انتي بتعملي فطار ولا غداء الساعه بقت داخله علي 3كل ده فطار
فرح:معلش الاكل مكنش عليا اصلا كله منها هي الي سابت البيت ومشيت
خالد: مين دي
فرح: مرات مازن
خالد: عشق هي لي مشيت حصل ايه
فرح: معرفش المهم دلوقتي انا نفسي في سجق
خالد: سجق اي دلوقتي انتي كمان مش لما تعرفي تفطريني الاول
نسمة: جعانه بابي
خالد: وانا كمان
مديحة: الشغاله جت اهي تعالي يلا روحي بسرعه حضري الغداء بق
خالد: لا انا مش هستنا عندي شغل كلو انتو بق سلام
ريم جت بلهفه: ها الاكل اتعمل
مديحة: الشغاله لسه جايه دلوقتي بتعمله
ريم:طيب
فرح:اه صحيح هو مازن هيطلق عشق بجد
مديحة بتاكيد: طبعا احنا مش مستفدين منها بحاجه ريم هي الكل في الكل دلوقتي وهي الي هتجيب الولد ان شاءلله.... يلا بق كدا عوزاكي تسمعيني اخبار تفرحني
ريم بتوتر: ان شاءلله ياماما... عن اذنكو شويه...
الوو
هاجر:اي عملتي اي كل حاجه تمام
ريم بصوت واطي: اطمني اليوم عدا ومازن مقربش مني بس انا قلقانه قوي خليني اروح اسقط العيل واعمل العملية الي ترجعني زي الاول انا مش هقدر اخبي حماتي وفرح كلهم هنا اذكياء دول مستحيل يتغفلو في حاجه انا خايفه احجزيلي معاد اخر الاسبوع اروح اعمل اجهاض
هاجر: اتجننتي ده كان في الاول لو ينفع انتي شوفتي الدكتوره قالت اي هيكون في خطر عليكي وممكن تروحي فيها جسمك مش هيستحمل عشان ضعيف
ريم: مش مهم انا مش عاوزه يتشك فيا ولا اسمح لي الي اسمها عشق تشمت فيا احجزي مع اي دكتور دوري علي اي حد
هاجر: وان شاءلله لما تتعبي كام يوم بسبب الاجهاض وجوزك يسال عليكي هو واهله اقولهم اي
ريم: معرفش اتصرفي
هاجر: طيب هشوف هعرف اعمل اي وهكلمك سلام
ريم: سلام... لفت لقت فرح واقفه وراها من الخضة الفون وقع منها
فرح:في اي يابنتي مالك انتي كويسه
ريم: اانا اه اه كويسه
فرح: طب تعالي يلا عشان تاكلي
ريم: حاضر
اي ياعم مالك قالب علينا لي من الصبح ما تفرد وشك حصل اي
مازن: محصلش حاجه وسبني دلوقتي
لي ياعم هي العروسه مش مزه ولا اي
مازن بعصبيه قام مسكه من هدومه وضربو بعض: احترم نفسك يالاااا
=اي ياشباب مالك في اي
الحقني ياعم منه ده مجنون
=مازن خلاص سيبه مااااززن
مرڤت:البيت وحش من غيرك
عشق بتنهيده: كدا احسن خليني في حالي بعيد عنهم
مرڤت: طب اي كدا خلاص مصممه علي الطلاق برضو
جنة: مامي يعن اي طللاق
مرڤت: اي ده عمر بينده عليكي روحي كلميه
جنة: حاضر
عشق: بلاش تتكلمي قدام العيال كدا
مرڤت:معلش كنت متضايقه مخدتش بالي ان جنة جنبي... وبعدين هو مازن وصلك علي البيت ولا اي
عشق:لا مراد جه خدني
مرڤت:طيب
عشق: معلش الكلام خدنا ونسيت اسالك تشربي اي
مرڤت:اعملي شاي ياستي
عشق: حاضر
مرڤت تلفونها رن... الو ياحبيبي
وليد: مازن عمل حادثة علي الطريق
مرڤت:طب وهو فين دلوقتي
وليد: انا رايحله المستشفى دلوقتي
مرڤت:طيب ماشي سلام.... عششق ياااعشق
عشق: في اي يابنتي!
مرڤت: مازن عمل حادثة
عشق بخضة: حدثة اي دي
مرڤت بقلق: مش عارفه وليد الي قالي وهو رايح دلوقتي عنده
عشق: انا هروح اغير هدومي ونروحله
مرڤت: لا مش هعرف اروح والعيال معايا....هروح ارجعهم علي البيت وهاجي
عشق: باابااااا باباااا
محمد: اي ياعشق انا في الدور التاني
عشق: بابا خلي ولاد وليد عندك عقبال ما نيجي
محمد نزل من فوق: حاضر يابنتي بس مالك في اي
عشق بعياط: مازن يابابا عمل حادثة
محمد: طب روحي وسيبي العيال
عشق: هلبس بسرعه واجي
مرڤت: طيب ماشي.... عمررر
عمر جه بسرعة: نعم ياماما
مرڤت:اقعد هنا انت واخواتك عقبال ما اجي ماشي ومتعملوش دوشة عشان جدو ميزعلش منكو
يوسف: مامي خديني م عاكي
مرڤت: لا ياحبيبي مش دلوقتي ماشي
محمد: متقلقيش عليهم.... ها قولولي بق مين حابب يتفرج علي كرتون وياكل شوكلاته
جنة: اانا انا
يوسف: وانا
محمد: يلا تعالو
عشق نزلت بسرعة: يلا بينا يا مرڤت....
في المستشفى 😳✨
مديحة: حصل اي ياوليد
وليد: معرفش الي كلمني قال انه عمل حادثة وخدوه علي المستشفى والدكتور معاه جوا
ريم: انا شاءلله خير اهدي ياماما
عشق: ووليدد مازن كويس
ريم: انت اي الي جابك هنا
مرڤت: يابنتي هو جوزها زي ما هو جوزك اهدي في اي هتفرجي الناس علينا
ريم:ماما مشيها من هنا
عشق: همشي لما اطمن عليه
الممرضة خرجت.... ياجماعة اي الزعيق ده احنا في مستشفى عوزين تتخانقو يبق برا لو سمحتو
وليد: احنا اسفين
مديحة: يارب استرها يارب