بقلم نهله أيمن
_افتحولى الباب ده....أنا بخاف من الضلمه..يا بابا الحقني
دخل شخص بغضب كبير وقال بعنف
_ بت انتى تخرسي فاهمه ولا لا مش عايز اسمع صوتك ده خالص !
بعياط: ودينى لبابا يا عثمان انا مش عايزه افضل هنا..
عثمان بص ليها بخبث وقال..
_ هوديك لابوكى بس تسمعى الكلام
بصت ليه بلهفه وقالت
_ حاضرحاضر
عثمان فضل يقرب منها..وبدأ يلمس وشها بطريقه قذره
رجعت هى بخوف
_ انت..انت بتعمل ايه ابعد عنى
مسك شعرها جامد وقربها منه وقال بفحيح
_ مش عايز اسمع صوتك ده...احنا بس وبص ليها بوقاحه
_ هنتسلى شويه..
وفضل يقرب منها و....
قالت بصراخ.
_ لاااا لاااااااا عثماااان ابعد عنييي...
قامت نور من نومها بفزع ووشها بقى شاحب وعيونها منفخه من كتر العياط...استغفرت ربها وقامت اتوضت وصلت...
وفضلت تعيط كتير خلصت صلاه..وقامت غسلت وشها.
ودخلت البلكونه وافتكرت اهلها..وانهم قد ايه كانو اسره سعيده لحد لما والدتها اتوفت وبعدها باباها اتوفى ولحد دلوقتى متعرفش سبب موته !
فاقت من شرودها على رنه تليفونها....
_ الو يا ورد
ورد: ايوا ي حبيبتى عامله ايه ؟
اتنهدت نور بارهاق وقالت
_ الحمدلله بخير
ورد: مش هتنزلى الجامعه بقالك يومين مش بتيجى
_صراحه مش قادره انزل يا ورد حابه افضل فى البيت كام يوم...
_ ماشى يحبيبتى انا هخلص انهارده وابقى اعدى عليكي
_ تمام يا ورد هستناكى
_ ماشى مع السلامه
_سلام
نور قفلت مع ورد...وكانت مخنوقه عيونها دمعت بقهر بس قامت لبست وكانت ناويه تنزل لحد ما فتحت الباب ولقت ادهم فى وشها
ادهم بصلها باستغراب
_ راحه فين ؟
> خارجه محتاج حاجه !!
بص ادهم على هيئتها وعيونها المنفخه واثار الدموع على وشها
_ مالك يا نور ؟ امباح اول ما جاتلك المكالمه اتغيرتى
ردت نور بجمود
_ مليش يا حضره المقدم...متشغلش بالى
_ حضره المقدم ؟؟!
نور بتأفف
_ لو سمحت..انا عايزه انزل انت محتاج حاجه ؟
رد عليها ادهم بغموض وبرود
_ لا شكرا يا دكتوره.. اتفضلى !
نور خرجت من الشقه وسابته ونزلت
قال ادهم بغموض
_ انا عارف ان وراكى حاجه ولازم اعرفها..
♡♡♡♡♡♡♡♡♡♡♡♡♡♡♡
فى مكان اول مره نروحه كان في ناس متجمعه وحواليهم كل حاجه حرمها ربنا....
قال شخص من اللى قاعدين
_ هنعمل ايه فى البضاعه اللى هتيجى كمان يومين دي؟
رد عليه شخص تانى وكان ثمل
_ولا حاجه هنبعت رجالتنا تستلمها
قال شخص تانى بقلق
_ طب والظابط ادهم ؟!
ضحك واحد منهم بقوه ويدعى "سالم" وقال
_ مبقاش فى ادهم خلاص
_ ازاى ده ؟
_ لانى ببساطه خلصت عليه !
_ حصل ازاى ده يا معلم سالم...؟ ده المقدم ادهم محدش يقدر يجي ناحيته انت قتلته ازاى ؟
_ ليا واحد حبيبى فى الداخليه الغبى يوم ما جه عشان يقبض عليا خليته يقابل وجه كريم...
_ ومين الواحد ده يا معلم ؟
بصله سالم بشك
_ انت بتسأل كتير ليه ياض يا عبده
عبده بتوتر
_ ابدا يا معلم بطمن بس
_ لا اطمن يا اخويا...دلوقتى يا رجاله بعد يومين المعلم فتحى هيروح مع رجالتنا يستلم البضاعه من المينا وانا من قبلها هكون هناك بستلم شحنه السلا*ح ! اتفقنا
_ اتفقنا يا معلم...
♧♧♧♧♧♧♧♧♧♧♧♧♧♧♧
(فى الصعيد)
كان احمد ومراته سعاد وحبيبه وعثمان ومراته فاطمه قاعدين على السفره ف احمد اتكلم وقال
_ اخبار الشغل كيف يا عثمان ؟
_ كله تمام يا ابوى وبعد يومين فى بضاعه هنستلمها من المينا..
>خلى بالك يا ولدى الشغل بتاعنا ده واعر جوى
_ متجلجش يا ابوى انا واخد بالى كويس...
ردت سعاد وقالت
_ م تسيبك يا ولدى من الشغل بتاع ابوك ده انا مش مستغنيه عنك.!
احمد بصرامه
_ اتكتمى يا حرمه انتى...مالك انتى ومال شغلنا خليكى فى شغل البيت وبس
_ وانا مجولتش حاجه عفشه لسمح الله انا ام وخايفه على ولدها
فاطمه قالت
_ ايوا يا أما جوليله...انا خايفه عليه وياما جولتله بلاش الشغل ده
عثمان قال بغضب
_ وانتى مالك انتى يا زفته الطين...تكونش انتى بتشتغلى بدالى إياك ولا ايه ؟
ردت سعاد
_ يا ولدى هى متجصدش...
_ قصره يا أما تجصد او لاا انا مرتاح فى شغلى مع ابوى ومحدش له صالح باللى بعمله..عن اذنكو
وسابهم وخرج
حبيبه بخوف من ابوها
_ خلاص يا أما محدش له صالح بيه
احمد قال بغضب
_اسمعى كلام بتك ي سعاد ومتخربيش على نفسد و لو واحده فيكو فتحت الحديت ده مره تانيه...متلومش غير نفسها سامعه يا حرمه منك ليها
وسابهم وقام راح مكتبه
سعاد بخوف
_ ربنا يصلح حالك يا ولدى ويبعد عنك شر ابوك وعمايله..
اما فاطمه ف كانت بتبص ليهم بكره شديد...وهى ناويه تخلص منهم فى اسرع وقت....
&&&&&&&&&&&&&&
عند ادهم كان قاعد مع مراد بعد م اتصل بيه وبلغه ان فى اخبار جديده
_ هاا ايه اللى حصل !
مراد: واحد من رجالتنا بلغنا انه شاف عاصم امبارح داخل مكان غريب كدا وطلع منه بعد ساعه...
_ محدش عرف كان بيعمل ايه جوا ؟
_ الاخبار اللى وصلت لينا ان المكان ده كان متجمع في ناس كبار اوي..ووصلت لينا معلومات ان فى شحنه هتتسلم كمان يومين على المينا شحنه سلا*ح ومخدرا*ت..
ادهم بخبث
_ حلو اوي..كدا كل حاجه هتنتهى واللعبه قربت تخلص...
_ انت ناوى تظهر امتى؟
ادهم بص ليه بخبث وغموض وقال
> ظهورى ده خليه مفاجاه ليهم..دول مهما كانو الغالين برضو
ابتسمو الاتنين وفضلو يفكروا فى خطه يعرفوا يقبضوا بيها على المعلم ورجالته !
(عند نور)
كانت ماشيه تايهه مش عارفه تروح فين ولا تعمل ايه ؟
هى عارفه ومتأكده ان عثمان وعمها مش هيسبوها فى حالها ولازم تتصرف...وتبعد عنهم. ولازم ميعرفوش مكانها كفايه اللى حصل زمان. بسببهم !
نور غمضت عينها بألم ...ووقفت بتعب وضعف وهى مش عارفه ولا قادره تفكر ياترى مين هيساعدها ؟ مين هيحميها من جبروت عمها وابن عمها ؟ ابوها سابها ومات وعمها مصطفى اللى اعتبرته سند ليها اتوفى فى حادثه !
قالت بدموع
_ يااارب...ساعدنى يارب احمينى منهم انا مليش حد غيرك يارب...
فضلت مكمله مشى لحد ما لقيت عربيه ماشيه ورايا...بقالها شويه...
اتصلت على ورد وانا متوتره..
_ الو
ورد: ايوا يا نور فينك انا وصلت البيت بس ملقتكيش
_ ورد اسمعينى انا كنت بتمشى وحاليا فى عربيه ماشيه ورايا
ورد بخضه
_ عربيه ايه ؟ انتى فين طيب ؟ انتى كويسه...
_ اهدى انا لحد دلوقتى كويسه بس....
ورد؛ الو نور !! نور روحتى فين ؟ ردى عليا متخاوفنيش !
عند نور كانت بتكلم ورد وفجأه حد جه من وراها حط منديل على بوقها و...
_ اخيرا يا نور لاقيتك...ومش هسيبك لغيرى ابد