بقلم نهله أيمن
ورد فضلت واقفه مكانها مش عارفه تعمل ايه ؟ فضلت ترن على نور تانى كتير بس تليفونها اتقفل !
افتكرت رقم مراد اللى اداهولها يوم ما كانو عند نور
رنت عليه بسرعه...
عند مراد كان فى مكتبه بيخلص شويه ملفات بخصوص قضيه^سالم عمران^ وفجأه لاقى تليفونه بيرن بأسم *ورد*
_ الو !
ورد بعياط: مراد الحقنى...
مراد بخضه : ورد مالك ؟ بتعيطي ليه فى ايه ؟
ورد ببكاء: نور يا مراد نور الحقها
_ اهدى بس انا مش فاهم حاجه
_ كنت بكلم نور وقالتلى ان فى عربيه كانت ماشيه وراها وبعدها صوتها اختفى وتليفونها اتقفل
مراد بصدمه: ازاى ؟ مين ممكن يعمل كدا
ورد بخوف: انا عارفه ولازم نلحقها بسرعه قبل م يعمل فيها حاجه...
_ اهدى طيب اهدى....روحى على كافيه**** وانا هجيب ادهم ونجيلك !
_ تمام سلام..
مراد قفل معاها وخد حاجته ونزل راح لادهم...
*******
عند ادهم كان بيتكلم مع اللوا
_ ايوا يا فندم انا فاهم...بس لازم مظهرش غير لما كل اعوان سالم يظهروا
_ ادهم احنا جالنا معلومات انه بيتعاون مع ناس مهمه فى الصعيد
ادهم باستغراب: الصعيد ؟
_ ايوا ومع عيله كبيره كمان...اسمها عيله الشرقاوى...
_ اه تما...ثم توقف بصدمه
_ قولت عيله مين يا فندم ؟
_ الشرقاوى اكبر عيله فى الصعيد...
ادهم مبقاش مستوعب !.افتكر يوم ما خلى مراد يجيب معلومات عن نور...
(فلاش باك)
_ مراد.انا عايزك تجبلى معلومات عن نور من ساعه ما اتولدت فهمت !
> ماشى.. بس ليه انت شاكك فيها ؟
رد.ببرود
_ مراد طبيعى بسبب شغلنا ده انى اشك فى اي حد...بس عموما مش شاكك فيها ...
مراد بخبث
_ اشمعنا يعنى ؟
_ مراد ! اتلم وقوم اعمل اللى قولتلك عليه
مراد ضحك وقال
_ ماشى يعم بالراحه علينا
بعدها بكام ساعه مراد جاب لادهم ملف في كل المعلومات عن نور...
_ نور محمد الشرقاوى...عندها 21 سنه فى اخر سنه فى كليه الطب..اهلها متوفين..
ادهم قفل الملف
_ يا ترى ايه حكايتك يا نور ؟!
_ ادهم...سياده المقدم انت معايا !
_ ها ايوا يا فندم..
_ طب تمام عموما العمليه كمان يومين..هتبقى على ميناء الاسكندريه الساعه 11..
_ تمام يا فندم..مع السلامه...
قفل ادهم مع اللوا وقعد بصدمه يعنى ايه نور من عيله الشرقاوى ؟ وازاى ؟ وياترى هى تعرف ان عيلتها بيتاجروا فى السلا*ح والمخدرا*ت... قطع تفكيره خبط على الباب...بص للباب بغضب لانه فكرها نور بس حاول يهدي نفسه...
_ نعم يا نو...مراد !!
_ مفيش وقت للاستغراب...نور فى خطر
ادهم بقلق
_ خطر ايه فى ايه؟
_ ادخل بس البس عشان ننزل
_ هنروح فين؟ ما تفهمنى يا مراد !
مراد بنفاذ صبر
_ هتفهم كل حاجه ادخل البس بس يلاا...
_ طيب
ادهم دخل اوضته غير هدومه..وخرج
_ يلاا
_ تمام
نزل مراد وادهم من العماره واتجهوا للمكان اللى مراد قال عليه لورد....
***************
عند نور....كان مغمى عليها فى اوضه ضلمه ومفيش فيها غير ضوء القمر...بعد وقت فاقت نور وهى بتحاول تفتكر ايه اللى حصل ؟
> ااه دماغى انا فين ايه المكان ده..؟
فضلت تبص حواليها هى مش شايفه حاجه وهى عندها فوبيا من الضلمه..
_ انتو ياللى براا حد سامعنى....
فجأه الباب اتفتح ودخل شخص وهو بيقول بخبث
^ اخيرا صحيتى يا بت عمى
نور بصت ليه بصدمه وخوف
_ عثمااان ؟!!!
_ ايوا عثمان..اومال كنتى مفكره مين ؟
_ انت عايز ايه سيبنى فى حالى كفايه انت وابوك خدتو حقى
رد ببرود
>حق ايه يا امو حق ده حقى انا وابويا اللى ابوكى خده مننا وبعدين قولتلك عايزك يا بت عمى
ردت نور بصراخ
_ انت واحد مريض وزباااله انا مش عيزاااك افهم بقى...
قرب عليها ومسكها من شعرها...وقال بغضب
_ انا صبرت عليكى كتير يا بت عمى بس انتى شكلك ناسيه انا مين واقدر اعمل فيكي ايه وشكلك نسيتى اللى حصل زمان !!
نور بصت عليه برعب وكل ذكريات زمان بتتعاد قدامها..
_ لااا لاا ابوس ايدك...ابعد عني وانا هعملك اللى انت عايزو
سابها عثمان وابتسم ببرود
_ ايوا كدا كل ما تسمعى الكلام كل ما احبك اكتر.. يلا اجهزى بقى يا عروسه قرب منها وقال بفحيح
_ عشان هكتب عليكى
نور بعياط
_ لااا لا ي عثمان عشان خاطر ربنا...
_ اسمعى يا بت مش عايز حديت كتير خلص الكلام كلها يومين وهتبقى حرم عثمان الشرقاوى
وسابها وخرج
نور كانت بتعيط ومش عارفه تعمل ايه.؟.
_ يارب..يااارب ساعدني واحمينى من شره..
*****************
عند ادهم ووصل هو ومراد على الكافيه ولقوا ورد قاعده بتعيط...
_ انسه ورد !
بصت ورد ناحيتهم وقامت بسرعه وقالت
_ استاذ ادهم...نور خطفها هو خطفها
قال بقلق على نور
_ اهدى ممكن بس تهدى..عشان افهم
ورد هديت شويه وبعدها قالت بدموع
_ احنا لازم نلحق نور قبل م يعمل فيها حاجه
_ ايوا مين ده ؟ وليه خطف نور ؟
ورد بصت ليه بتوتر مش عارفه تقوله ايه وتحكيله ولا لا ؟
ادهم عرف هى بتفكر ف ايه ف قال بجديه
_ انسه ورد لازم تساعدينا عشان نلحقها
_ تمام..
_ يلا سامعك
ورد خدت نفس وقالت
_ انا كل اللى اعرفه..انه هو اسمه عثمان الشرقاوى ويبقى ابن عمها وكان في مشاكل كتير بين والد عثمان وبابا نور..لحد ما ف يوم جالها خبر موته بس السبب محدش يعرفه.... ونور بعدها بسنه بالظبط اتخطفت..ومحدش عرف يوصلها حتى عمها مصطفى حاول كتير لكن مفيش فايده لحد م ف يوم اخو عثمان الصغير هربها من هناك وجابها لعمها تانى وعمها ده خدها ودور على مكان بعيد عنهم عشان محدش يلاقيها بس ده كل اللى اعرفه...
_ وايه مخليكى متاكده ان اللى اسمه عثمان ده هو اللى خطفها ؟
_ عشان من امبارح جالى الجامعه وسأل عليها وخد رقمها منى وقالى انه هيلاقيها لو كانت فين...
_ طيب متعرفيش ممكن يكون مخبيها فين ؟
_ لا بس لازم نلاقيها قبل م يأذيها ارجوك يا استاذ ادهم ساعدنى الاقيها
_ متخافيش هنلاقيها ان شاء الله ...مراد وصل انسه ورد وتعالَ على البيت
_ ماشى
ادهم سابهم ومشى وفضل مراد وورد
_ ممكن تبطلى عياط وتهدى !
_ انا خايفه عليها اوي عثمان ده اقذر انسان ممكن تشوفه..
_ انتى ليه بتقولى كدا ؟
ورد اتنهدت وقالت
_ نور مش بس صحبتى انا ونور ولاد خاله..
مراد بزهول
_ بس محدش فيكو اتكلم ولا قال حاجه
_ مجتش فرصه ثانيا عثمان لما خطف نور زمان رجعت نور تانيه خالص ! مبقتش زى الاول وفقدت النطق سنتين..وبعد محاولات كتيره قدرت انا وماما نخرجها من اللى كانت فيه...
_ عشان كدا خايفه انه يأذيها ؟
_ ااه انت مش متخيل هو ممكن يعمل فيها ايه..
_ طيب اهدى دلوقتى ويلاا قومى اوصلك وان شاء الله هنلاقيها
_ ان شاء الله
&&&&&&&&&&&&&&&&&&&
فى فيلا سالم عمران
كان قاعد وفى ايده كأس من النبيذ....وقدامه شخص
_ ها ايه الاخبار؟
_ متقلقش يا باشا..بعد موت الزفت اللى اسمه ادهم كل حاجه تمام
_ انت شوفت جثه ادهم بعينك !
توتر قليلا ثم قال
_ ايوا يا باشا شوفتها..
_ تمام...المهم ان اوعى حد يشك فيك فاهمنى !
_ فاهم يا باشا متقلقش دلوقتى اللوا معتبرنى مكان ادهم
_ عفارم عليك يا عاصم....ها فى ايه معلومات جديده ؟
عاصم ضحك وقال
> اللى اسمه مراد ده غبى اوي جه قالى على معاد العمليه اللى هتم بعد يومين على المينا...
ابتسم سالم بخبث..
_ ومين قالك انها هتبقى على المينا ؟
بص ليه باستغراب وقال
_ يعني ايه يا باشا ؟
_ يعنى التسليم هيبقى برى مش بحرى..
عاصم بزهول
_ بس ازاى و...
_ متسألش كتير وياريت متدخلش فى حاجه متخصكش....كل اللى عليك تجبلى معلومات وبس
_ ماشى يا باشا
_ يلاا غور..
خرج عاصم وساب سالم قاعد بيفكر..
_ انت كمان موتك هيبقى على ايدى يا عاصم الكلب بس اخلص شغلى وافضالك...
♧♧♧♧♧♧♧♧♧♧♧♧♧♧♧
فى الصعيد
*******
_ ها يا ولدى لاقيتها ولا لسه ؟
ابتسم عثمان بثقه
_ لقيتها يا ابوى..
ابتسم احمد بسعاده
_ عفارم عليك يا ولدى ابن ابوك بصحيح...
_ اكيد يا ابوى...
سعاد جت وقالت
_ برضو عملتو اللى فى راسكم ودورتوا على بت محمد
_ ملكيش صالح يا حرمه انتى جولتلك قبل سابق..
ردت سعاد بغضب
_ مليش صالح كيف ؟.ده ولدى اللى هضيعوه بسبب جشعك وطمعك...
احمد كان هيرفع ايده عليها... لكن عثمان حاشها عنه
_ ابوى اهدى ميصحكش اكده..
_ عقل امك يا عثمان...عشان متخربش على حالها...
وسابهم وخرج
اما سعاد فى عيطت وقالت لعثمان
_ متسمعش كلام ابوك يا ولدى ابوك هيضيعك..
_ متقلقيش عليا يما انا خابر انا بعمل ايه..
_ هتعمل ايه فى نور يا ولدى بت عمك طيبه ومعملتش ليكو حاجه...
عثمان بجمود
_ بت عمى انا اولى بيها يماا وجولت قبل سابق نور مهتكونش لغيرى
_ ومرتك ذنبها ايه يا ولدى
رد عليها بقسوه
_ ذنبها اني مش رايدها يماا واتجوزتها غصب عنى...واقفلى على الحديت ده يماا انا رايح المزرعه...
وسابها ومشى..
_ ربنا يهديك يا عثمان...
اما فاطمه ف كانت على السلم وسمعت كلامهم
ف قالت بغل
_ بقى انت كنت مستنى ست الحسن والجمال..طيب يا عثمان ان ما خليتك تندم مبقاش انا..
عند نور كانت قاعده فى القبو وكان ضلمه اوي وهى كانت بتعيط ومش عارفه تتصرف ازاى..؟
_ انتو ياللى براا عطشانه عايزه مايه..
فضلت تنادى بس محدش بيرد
خدت وضع الجنين وانهارت من العياط وافتكرت كل حاجه حصلت ليها...
_يااارب بقى انا تعبت ارحمنى ونجينى منهم...
مسكت سلسله فى رقبتها وافتكرت ادهم لما اداهالها
(F)
ادهم خبط على الباب مره واتنين ومفيش رد
_ انتى ي بت يا غيبوبه...
نور فتحت وقالت بانزعاج
_ ايه ايه مش خبط ومحدش فتح نازل زن زن ليه ؟
زقها ودخل باتجاه البلكونه
_ وسعى كدا بس وتعالى عشان عايزك فى كلمتين
_ انت يلاا فاكرها وكاله من غير بواب رايح فين
_ رايح العب
_ ابو تقل دمك
_ زيك كدا
_ يا فتاح يا عليم...ادهم عايز ايه ؟
رد عليها ادهم ببسمه
_ اتنيلى اقعدى قولت...
بصتله بغيظ وقولت
_ ادينى اتنيلت ياريت نخلص بقى...
_ ابو شكلك ي بت....بعدها طلع سلسله على شكل فراشه وكان شكلها رقيق وجميل اوي...
> اتفضلى
بصت نور ليه باستغراب وقالت
_ ايه ده ؟
ادهم ببسمه
_ اعتبريها عربون شكر على اللى عملتيه معايا انا عايش دلوقتى بفضلك..
نور اتوترت وقالت
_ انا معملتش غير واجبى وبعدين يعنى...
_ ايه معجبتكيش ؟
رديت بسرعه
_ لا لا والله هي شكلها جميل جدا
^ طب خلاص ممكن تقبليها
نور اترددت شويه وبعدها خدتها منه وقالت بخجل
_ شكرا ..
ادهم ضحك وقال
_ العفو...ياااه جعفر طلع بيتكسف...
_ جعفر ف عينك يلااا انت اتلم
_ يلاا واتلم هيجى يوم واقصلك لسانك اللى اطول منك ده
_ طب يلاا هش من هناا بقى
_ قايم يختى غورى...
ادهم سابها ورجع شقته وهى فضلت ماسكه السلسله وابتسمت...
(B)
نور مسكت السلسله وفضلت تعيط جامد
_ ادهم انا محتجالك اوي...
وفضلت تعيط كتير لحد ما اغمى عليها...
♡♡♡♡♡♡♡♡♡♡♡♡♡♡♡♡♡♡
عند ادهم كان قاعد بيفكر هيعمل ايه ؟ وينقذ نور ازاى..
طب هي عارفه بشغل عيلتها ؟ بس كلام ورد بيأكد انها اتظلمت كتير...
_ ااه يارب انا مش عارف اعمل ايه ولا اتصرف ازاى
دِلنى يارب على الطريق الصح..