بقلم نهله أيمن
_ ايه اللى بيحصل هنا ده ؟
بصيت على ورد بصدمه هى جت دلوقتى ازاى ؟ ده المفروض تيجى بعد ساعتين !
قولت بتوتر: ورد انتى جيتى دلوقتى ازاى ؟
ورد بصت ليا بشك : مكنش في غير محاضرتين بس عشان كدا جيت...بس مين دول ؟
ادهم كان بيبص ليا ببسمته المستفزه اما مراد كان قاعد بهدوء وبيبص لينا ...ايه البرود بتاعهم ده حسبى الله فيهم...
_ استنى بس ي ورد وهفهمك كل حاجه..
_ ماشى..
بصيت لادهم وقولت بغيظ وعصبيه مكتومه؛ لو سمحت ي ادهم تاخد صحبك وتروح الشقه التانيه..
ادهم بص ليا باستفزاز وقال
_ ليه ؟ انا مرتاح هناا
_ يا صبر ايوب..لو سمحت تروح الشقه التانيه وكفايه كدا !!
مراد بص لادهم عشان يلم الدنيا دلوقتى...لانه لاحظ ان ورد كانت بتبصلهم بشك...
_ يلا ي ادهم دلوقتى...
_ تمام يلاا..
ادهم سند على مراد بسبب جرحه وراحو الشقه التانيه...
نور قعدت بتعب وضيق من اللى بيحصل ده !
ورد قعدت جنبها بهدوء مستنياها تتكلم..
نور اتنهدت بتعب: بصى ي ورد اللى حصل.......وحكت ليها كل اللى حصل من ساعه م قابلت ادهم..
_ وبس ي ستى هو هيفضل متنيل هنا فى شقه عمو فتره...
ورد: طب وانتى ايه مخليكى متاكده انه ظابط ؟ مش ممكن يكون بيضحك عليكى !
فكرت نور شويه وقالت : انا ازاى صدقت فعلا....يا ابن الناس الكويسه بقا انا يضحك علياا...ماشى انا هوريك...
المهم سيبك انتى تعالى نعمل حاجه ناكلها ونقعد سوا...
_ ماشى يلاا ..
**************
فى الشقه اللى قصادهم..
كان ادهم قاعد ساند راسه على الكنبه بتعب لان جرحه فتح تانى ومراد قاعد قدامه...
_ ادهم انت لازم تروح المستشفى...عشان جرحك فتح تانى
ادهم بتعب: لا مينفعش اروح مستشفى ي مراد..
مراد بقلق: ادهم جرحك بدأ ينزف تانى مينفعش اللى بتقوله ده
_ قولتلك لا ي مراد روح نادى نور هى عارفه هتعمل ايه..
مراد بص ليه بحيره ومكنش عارف يعمل ايه ؟ راح بسرعه على شقه نور....
♧♧♧♧♧♧♧♧♧♧
عند نور عملت اكل ليها ولورد وقعدوا جابو فيلم وكانو بيتفرجوا عليه لحد م الباب خبط...
نور بتأفف: مين المزعج ده..
قامت فتحت الباب لقت مراد قدامها
_ نعم ! خير فى ايه ؟
_ انسه نور..جرح ادهم فتح تانى وبينزف..
نور بصت ليه بقلق: طيب حضرتك خليك معاه وانا هجيب الادوات واجي...
_ تمام متتأخريش..
مراد مشى ونور دخلت جابت ادوات التعقيم
ورد: راحه فين ؟
_ جرح ادهم فتح تانى ولازم يتخيط..
ورد: بس انتى مش دكتوره ي نور لسه وده محتاج مستشفى..
نور: عارفه بس انا اللى ساعدته من الاول...دلوقتى بس انزلى بسرعه هاتيلى شاش وقطن عشان اللى هنا مش هيكمل بس بسرعه هاا..
_ ماشى روحى انتى...
نور راحت الشقه التانيه وسابت الباب مفتوح لورد وقالت فى سرها
_ انا عارفه من الاول انى نحس والله يارب كل ده يخلص بقى...
روحت بسرعه على الشقه التانيه لاقيت ادهم نايم على الكنبه وباين على وشه معالم الألم...بصيت لمراد وقولت بخوف
_ ممكن بس تجبلى مايه دافيه عشان انضف الجرح الاول...
بص مراد ليها بقلق على صحبه وقالها : انسه نور انتى متاكده انك هتعرفى تلمى الجرح تانى ؟
رديت عليه بجديه وقولت_ استاذ مراد انا عارفه انا بعمل ايه...وياريت تجيب المايه بسرعه عشان الجرح ميلتهبش...
سابها مراد وراح يجيب المايه
اما ادهم بص لنور وابتسم بوجع وقالها: شكرا بتعبك معايا
ابتسمت نور ليه وقالت
_ العفو...ده واجبى...
مراد جاب المايه وورد جت
_ نور خدى الشاش والقطن..
_ تمام
نور نضفت الجرح تانى وعقمته...وكتبت اسم مرهم ومراد راح يجيبه...وادهم نام.
نور وورد خرجوا استنو مراد يجى
ورد اتكلمت وقالت
_ هتعملى ايه ي نور ؟
رديت عليها وانا مش قادره من اللى بيحصل ده
_ هعمل ايه يعنى ي ورد !! انتى شايفه هو عامل ازاى ؟ اول بس م يخف شويه هتكلم معاه واشوف اعمل ايه
ورد بتوتر: نور بس انتى عارفه لو خبر وص.....
نور بجمود: ورد اقفلى على الموضوع ده ! ده موضوع خلص من زمان واتقفل خلاص فاهمه
ورد ربتت على كتفها
_ حاضر يحبيبتى اللى انتى شيفاه
بعد وقت مراد جه واداها المرهم ودخلو تانى وكان ادهم لسه نايم حطت ليه المرهم...
ومراد قال
_ طب انا مضطر امشى دلوقتى وهبقى اجيلو بكرا ان شاء الله...
_ ان شاء الله..مع السلامه
_ سلام..
مراد مشى...
وورد قالتلها: انا كمان يحبيبتى لازم امشى وانتى خلى بالك من نفسك
ابتسمت ليها بلطف وقولت
_ حاضر ي ورد
ورد كمان مشيت !
فضلت نور جنب ادهم..لحد م اتأكدت ان حرارته نزلت..سابته ورجعت شقتها تانى..
دخلت وقفلت الباب على نفسها ودخلت اوضتها ونامت..
***************
تانى يوم
ادهم صحى لاقى نفسه نايم على الكنبه...كان مفكر ان نور نايمه فى الشقه.. فضل ينادى عليها ومفيش رد !!
_ البت ماتت ولا ايه ؟
بعدها افتكر ان نور قالتله ان هيقعد فى شقه عمهاا.....
حاول يتحرك كذا مره بس مش. عارف بسبب جرحه ...ادهم شتم فى سره وانه مش عارف يتحرك
حاول مره كمان لحد م قام غير هدومه من الهدوم اللى مراد جابها...بصعوبه كبيره..
واخيرا قدر يلبس هدومه بعد محاولات كتيره...
_طب انا جعان دلوقتى اعمل ايه ؟
فضل يفكر لحد م ابتسم بخبث...واتجه ناحيه شقه نور...
*****************
عند نور
كانت نايمه بتعب وارهاق ولان انهارده اجازه من الكليه ف نايمه براحتها....
لحد م سمعت صوت خبط جامد على الباب....
فتحت عينى بضيق..
_ مين الحيوان اللى بيخبط كدا على الصبح؟
قومت بصيت فى الساعه لاقيتها لسه 9 الصبح !
_ نهااره اسود معايا اللى بيخبط...
قومت فتحت لاقيت ادهم فى وشى !
قولت بزهق
_عايز ايه على الصبح ؟
ادهم كان باصص ليها وهيئتها اللى كانت لطيفه بالنسباله كانت نور لابسه بيجامه عليها ميكى ماوس..وشعرها مش مظبوط
ادهم ضحك على منظرها
_ ايه يعم شوفت مهرج قدامك !
ادهم وهو بيضحك
_ لا شوفت حد الكهربا ماسكه فى شعرو باين...
بصت نور لهيئتها دي اتكسفت وقفلت الباب ف وشه...
ادهم بزهول: ي بنت المجنونه...
فى الداخل
_ احيه عليا وعلى سنينى....شكلى ايه قدامه دلوقتى ؟ يقول عليا ايه ؟غبيه ي نور انتى غبيه اوف...
دخلت غيرت بسرعه ولبست بنطلون جينز وبلوزه بيضا وسرحت شعرى..
_ زمانه مشى !
لاقيت خبط على الباب تانى فتحت كان هو
_ انت كنت واقف ده كله ؟
_ بقا انا ادهم الشافعى عيله زيك تقفل الباب فى وشى ؟
رديت عليه بتريقه
_ خاف يا عيد خاف يا عيد...يشيخ اتنيل..
_ طب وسعى كدا....
زقها ودخل قعد بلامبالاه..
_ ولاااا انت فاكره بيتك ولا ايه ؟
رد باستفزاز
_ اه...
كانت نور هترد قاطعها ادهم
_ بقولك ايه انتى صداع...وانا مش فايق للخناق دلوقتى انا جعان !
_ ايوا انا مالى ؟
_ اعملى فطار وبعدها نتخانق بس اكون فطرت
_ يااااارب الصبر عشان مقتلوش...
رد ببسمه_ اهون عليكى ؟
بصت ليه نور بضيق.. وسابت الباب مفتوح...
_ انا داخله اعملك فطار يكش تطفحه....
_ بت لمى لساااانك
_ ولااااا انت متعصبنيش ماااشى...
_ ايه انت رايح فين ؟ ولااا انت بتقرب كدا ليه ؟
ادهم كان بيقرب منها و......