بقلم نهله أيمن
بصلى وقال ببرود: وانتى مالك ؟
رديت بغيظ: ده انت واحد بجح بجد.. !! ده بيتى لو مش واخد بالك..
رد باستفزاز
_ اه مش واخد بالى
_ انت وقعت عليا من اي داهيه..!!
_ حظك كدا بقى
_ حظى اسود...زيك كدا
_ بت انتى لسانك ده يتلم بدل م اقطعهولك
مسكت سكينه كانت على الصينيه وقولت وانا جبت اخرى منه
_ بقولك ايه يجدع انت
قال ببسمه مستفزه: ادهم
_ نعم !!
_ ايه بقولك اسمى ادهم عشان. تهزقى براحتك !!
قربت السكينه منه وقولت
_ اععع يخربيت برودك..اسمع ي عم زفت انت انا على اخرى ماشى !! ومش نقصاك انت تتنيل تشوف حد يجى ياخدك من هنااا فااهم !
بصلى وحرك حواجبه باستفزاز
_ لا صراحه عجبتنى القاعده هنااا...
_ بص بقى انت كدا جبت اخرك معايا انت لازم تغور من هنااا انا مش ناقصه مصايب !
_ مصايب ؟
_ اه مصايب ! بوجودك هنا هيحصلى مشاكل والناس مش هتسكت انا عملت اللى عليا وعالجتك ف انت لازم تمشى...
بصلى كدا بصه غريبه وقال ببرود
_ هاتى الصينيه دي عشان جعان..
_ يا بن المستفزه..
_ امم الفطار حلو
قولت بغيظ: بالسم...
رد ببسمه: شكرا..
_ اهدى اهدى...ولما تموتيه تدخلى السجن فى واحد زي ده ليه !! اهدى..
سبته وقومت دخلت الاوضه...وقفلت عليا من جوه
اما هو بص عليها بصه غربيه وبعدها ابتسم وكمل فطار
*********
انا دخلت اوضتى كلمت صحبتى قولتها انى مش هعرف انزل الكليه انهارده
ورد : ليه مش هتيجى ؟
_ حوار كدا ي ورد هبقى اقولك عليه لما اشوفك
ورد: طب خلاص هعدى عليكى بعد الكليه
رديت بسرعه: لااا...
ورد باستغراب: لا ايه ؟ انتى كويسه !!
اتنهدت وقولت: اه كويسه بصى خلصى ورنى عليا وانا هخرج اقابلك ماشى...
ورد باصرار: لا يا نور انا هجيلك البيت..
معرفتش اقولها ايه ؟ لاقيت نفسى برد وبقول: ماشى ي ورد خلصى وتعالى..
ورد : تمام انا هقفل عشان المحاضره
_ سلام
قفلت مع ورد ونمت على السرير بتعب..
_ ايه المصيبه اللى حطيت نفسى فيها دي ياربى بس !!
محستش بنفسى ونمت من التعب..
صحيت على ريحه دخان قويه !!
بصيت حواليا..لحد م استوعبت...
_ ينهار ابوه اسود ولع فى البيت !
قومت بسرعه خرجت من الاوضه لاقيت الدخان من المطبخ..دخلت بسرعه لاقيته واقف وماسك الطاسه اللى مبقتش طاسه ! بقت عباره عن فحم..
_ يخربيتك عملت ايه ؟
قال بمنتهى البرود: كنت جعان وخبطت عليكى كتير مفتحتيش ف قولت اتصرف.
_ تتصرف تولع فى البيت ؟ قولت بعدها وانا خلاص هعيط
_ يخربيتك ويخربيت اليوم اللى عرفتك في ي اخى كان يوم ملوش ملامح...
_ بس بقى انا صدعت هطلب اكل اعمل حسابك ؟
بصيت ليه بعصبيه: لو سمحت اطلع براا
_ براحتك
سابنى وخرج وانا وقفت فى المطبخ مش مصدقه اللى بيحصل ده كل حاجه اتغيرت فى يوم !!
لميت الحاجه اللى فى المطبخ ورشيت معطر عشان ريحه الدخان دي تروح..خرجت برا لاقيته قاعد على الكنبه ولا كأنه فى بيته !
روحت قعدت على الكرسي اللى جنبه بهدوء وانا لازم احط حد للى بيحصل ده. ...
كنت هتكلم لكن لاقيته قاطعنى وهو بيقول..
_ بصى انا عارف انك متعرفيش..وانا متقل عليكى جامد..وعارف كمان ان وجودي هنا مينفعش..بس غصب عنى معلش حاولى تستحملينى وانى افضل هنا فتره واوعدك بعدها كل حاجه هتنتهى ف اسرع وقت !
بصيت ليه بزهول اللى هو انت بتقول ايه ؟ تقعد فين وفتره ايه ؟
رديت بهدوء نوعا ما
_ بص ي استاذ انت عشان شكلها هبت منك...
قاطعنى بغيظ: متعرفيش تتكلمى كلمتين بأدب !
قولت بنفاذ صبر
_ بقولك ايه بقى عشان انا زهقت...وجود حضرتك هنا مينفعش انا بنت وعايشه لوحدى والناس مش هتسكت...وكمان حضرتك انا ميخصنيش بكل اللى انت قولت عليه ده انا كل اللى يهمنى سمعتى وبس !
بصلى بكل هدوء...
_ معاكى حق انتى متعرفنيش..انا هعرفك كل حاجه دلوقتى..
لاقيته بصلى بتحذير: بس اللى هقوله ده لو طلع لاى حد متزعليش من اللى هيحصل فاهمه..
_ ده تهديد!!
_ افهميها زي م تفهميها..المهم ان الكلام اللى هقوله محدش يعرفه..
_ تمام اتفضل...
بصلى بتنهيده وقال
_ انا ابقى المقدم ادهم الشافعى..
قولت بصدمه: مقدم !!
_ متقاطعنيش تانى !
قولت بغيظ: اتفضل كمل
_ زى م قولتلك انا مقدم وامبارح المفروض كنت ف مهمه انى اقبض على عصابه كبيره بتاجر ف الاعضاء والاطفال والمخدرات وكل حاجه ممكن عقلك يتخيلها..بس للاسف كان فى خاين معانا...واكتشفت ده لما غدروا بيا امبارح وحصل اللى حصل وكانو عايزين يموتوني عشان محدش يكشف الخاين اللى فى المخابرات...
بص ليها لاقها متنحه ضحك على شكلها..وقال: متنحه كدا ليه ؟
^ مش مستوعبه اللى سمعته..
_ امم طب عموما انا محتاج مساعدتك دلوقتى بالنسبه للعصابه دي انا مُت ومحدش هيعرف انى عايش غيرك انتى ومراد صحبى وبس !! ومحتاج انى افضل هنا فتره زي م قولتلك
رديت بتوتر: بس..
قال بهدوء: هنقول انى قريبك..وكنت مسافر ولسه راجع..
بصيت ليه بتفكير وانا مش عارفه اعمل ايه ؟ اوافق ولا ارفض !
_ تمام بس مش هتقعد هناا مينفعش نفضل فى مكان واحد..فى شقه قدامى بتاعت عمى الله يرحمه..و...
_ طب وعيلته ؟
_ مكنش متجوز ف بالتالى معندوش ولاد ف انت هتقعد فيها لحد م مهمتك تخلص اتفقنا !!
بص ليا بابتسامه جميله وقال
_ اتفقنا...
احم استحى اقول كدا بس صراحه هو واد حليوه بعضلاته دي وبشرته البيضا وعيونه اللى شبه العسل الصافى وشعره الاشقر تحسو انه طالع من فيلم أجنبى..
قال بخبث: عارف انى حلو !
فوقت وقولت: حلو ايه بس يعم اقعد..
كان هيرد بس الباب خبط..
_ انتى مستنيه حد !!
قولت بتوتر: اه واحده صحبتى بس مش هتيجى دلوقتى
_طب قومي شوفى مين..
قامت فتحت
_ ايوا مين حضرتك ؟
_انا مراد الالفى..وده عنوان واحد صحبى اداهولى ..
_ استغفرت ربنا فى سرى وانا بشتم ادهم...
وقولت: اتفضل وسبت باب الشقه مفتوح...
قولت بغيظ: ده صحبك يعم زفت...
مراد بص بصدمه لادهم وقال
_ زفت ؟؟؟
ادهم بص لنور وقال بغضب مكتوم: لسانك ده هيجى يوم واقطعهولك..
_ شحات وبجح كمان عجب عليك ي زمن !!
_ طب ي ست ممكن تسبينا شويه لو مفيهاش اساءه ادب !!
رديت بسخريه: لا خالص اساءه ادب اي يراجل؟ ده البيت بيتك يعنى
ادهم بص ليا باستفزاز وقال: طب يلا برا
_ بنى ادم وقح....سبتهم وخرجت برا وانا بشتم ادهم وصحبه واليوم اللى شوفته فيه...
فى الداخل
مراد قعد وقال: ايه الحكايه ؟ وايه اللى حصلك ده ومختفى فين من امبارح
_ يعم اقعد بس الاول هحكيلك
ادهم شرح كل حاجه لمراد..
مراد بغضب:ي ابن ال**** بس الاخبار اللى وصلت للمديريه ان حصل غدر وكل واحد منكو راح فى طريق...
ادهم بسخريه: هما غدروا بيا وحاولو يقتلوني ..بس على مين ورحمه ابويا لهخليهم يشوفوا الجحيم على الارض..
مراد: طب انت ناوي على ايه ؟
ادهم بخبث: هقولك...************
مراد: فكره حلوه بس هنجيب جثه ازاى وتكون شبهك عشان محدش يشك ف حاجه
_ متقلقش انا هظبط كل حاجه...بس المهم عايز خبر موتى يوصل ليهم بسرعه فاهمنى ي مراد..
_ فاهم...طب وهتعمل ايه هتفضل هنا ؟وايه حكايه البنت دي
_ معرفش بس هي اللى انقذتى وانا هفضل هنا ومحدش يعرف الكلام ده غيرك سامع !
_ تمام ماشى بس....
دخلت نور بضجر: معلش يعنى انى قاطعت كلامكو بس انا مش هفضل برا كتير...وانت ي اخ وشاورت على ادهم
_ انا فتحتلك الشقه تقدر تاخد صحبك وتروح هناك
رد عليها ادهم ببرود وبسمه
_ بس دي عجبانى اكتر
نور بنفاذ صبر
_ بقولك ايه متختبرش صبرى اتفضل من غير مطرود بقى يلااا...
مراد بص ليهم وهو بيكتم ضحكته وهو شايف صحبه اللى طول عمره صارم وجامد دلوقتى بيضحك وبيستفز بنت !!
ادهم كان هيرد بس قاطعه دخول شخص وهو بيقول بصدمه
_ ايه اللى بيحصل ده ؟