بقلم شيماء ناصر
انتي لسه صاحيه مش هتنامي بق وتريحي عينك
ريم: مبسوطه قوي ياماما مشكلتي هتتحل بعد يومين بس خايفه اعمل غلط ومازن يشك فيا.......
انتي مش عملتي حسابك علي كل حاجه خلاص قلقانه من اي بق سيبي كل حاجه علي ربك
ريم بندم:انا اسفه ياماما علي المصيبه الي عملتها مش عارفه اودي وشي فين
هاجر: ادعي ربك ان كل حاجه تعدي علي خير وتتجوزيه لانه لو عرف بحاجه لا مازن ولا امه هيسبونا في حالنا وهتبق فضيحتنا علي لسان الكل
🍒🍒🍒🍒🍒🍒
وليد:جهزي الشنط عشان رجعين البيت
مرفت بفضول:لي كدا ياحبيبي ده لسه فاضلنا 3شهور علي ما نرجع البيت
وليد:في مشاكل جديده بتعملها امي مع مازن ومراته والموضوع هيطول مش هينفع انزل واسيبك انتي والعيال لوحدكو
مرفت:مشاكل اي الي امك عملها؟؟
وليد:عاوزه تجوز مازن
مرفت باستغراب:اي الكلام ده جواز اي اكيد مش هيوافق هو بيحب عشق جدا مش هيقدر يتجوز عليها
وليد:لا هيقدر وعمال بيعاند كل ده علشان العيال......
وامي عماله تلعب في عقله وياما قولتلها ان الحاجات دي بتاعت ربنا هو الي بيرزق مفيش فايده فيها. امي مش سايبه حد يعيش مرتاح
مرفت:طب وعشق عملت اي
وليد: مش عارف بس اكيد في خناقه جمده هناك ولزم اروح
مرفت: طيب هروح احضر الشنط قبل ما انام
تاني يوم♡🍒
عشق صحيت من النوم ولسه بتلف جسمها علي الجنب التاني شافت مازن نايم جنبها...
عشق بنعاس:انت اي الي نيمك هنا
مازن بصوت كله نوم: انام في اي حتة الشقه شقتي
عشق اتعدلت في مكانها واكملت بي: مازن اي الي خلاك تتجوزني وانت كنت بتحب ريم في الاول لي متجوزتهاش هي
مازن وهو بيتعدل في نومته واكمل بسخريه: عشان فكرتك احسن منها وكنتي عجباني
عشق: طيب واي رايك...
انا ممكن انسا كل حاجه انت عملتها ولا كانها حصلت وتسيب ريم.... وتيجي معايا نروح اي دكتور ونتابع معاه واكيد هنلاقي حل مازن انا بحبك ومش عاوزه بيتي يخرب
مازن فاق علي كلامها واكمل بغضب:دكتور مين وقرف اي الي عوزاني اروحله عشان يكشف عليا لتكوني فاكره العيب فيا؟؟؟....
عشق بخوف:انا مقولتش كدا بس الدكتور ممكن يكتب علي حاجه تساعدنا علي الخلفه...
والله العظيم انا نفسي تابعت مع كذا دكتوره ومفيش مانع من الخلفه هي مسالت وقت وبس....
انت لي رافض تيجي معايا نطمن برضو
مازن:رغيتي كتير انهارده كفايه عليكي كدا وروحي حضري الفطار وجهزي الحمام
عشق:حاضر
🍒🍒🍒🍒🍒
تحت عند مديحة....
شوفي انا جيباكي من النجمة عوزاكي تروقي البيت كله وتمسحيه من فوق لحد الدور الارضي واخر شقه فوق تتروق وعوزاكي تغيري اوضه النوم خالص عوزه اشوفها كانها جديده
=عنيا ياست مديحه طب والاكل معملوش
مديحة: الاكل هيعملو حد تاني
عشق وهي بتحط الفطار علي السفره:ها غيرت رايك ولا لسه
مازن شد ايد عشق وقربها منه واكمل بغرور:عارفه انا لي لحد دلوقتي مرمتش عليكي يمين الطلاق!!!
عشق بتحدي: ولي ان شاءلله لتكون بتحبني مثلا
مازن:انتي هبله صح اومال انا متجوزك عشان سواد عيونك يعني ما طبعا بحبك بس انا عايز اكون اب وانتي مش عارفه تحملي انا محروم من ده
عشق بدموع وشهقه: انت لوحدك الي محروم وانا لا معنديش مشاعر يعني انا كمان نفسي اكون ام
مازن:انا مش قادر استنا اخواتي عندهم عيال وانا لا....
الكبير ٣عيال والتاني عنده عيل والتاني في السكه وانا بق ايييي
عشق: مازن الناس بتقعد اكتر من كدا ومش بتخلف مش احنا الي وحدنا كدا خليك واثق ان ربنا هيرزوقنا
مازن:هيرزوقني فعلا بس مع ريم
عشق فلتت اديها منه وبعدت عنه:انا مش عاوزه بيتي يخرب بطل تسمع لي كلام امك هتخرب حياتنا
مازن بغضب وصوت عالي: وهي امي لما تصبر عليكي طول السنين دي ومتكلمتش معاكي ولما قالت اتجوز تاني عشان مصلحتي انا.... تبق بتخرب بيتي!!!
عشق:عشان بتدخل نفسها في حياتنا
مازن: بدل ما بترمي بلاكي علي امي روحي اشكوريها
عشق بتمسح دموعها واكملت بسخريه: اشكرها! اممم ماشي يامازن..... جت تمشي بس وقفت مره واحده بسبب فضولها ولفت ليه...
هو انت خايف تروح لدكتور ليطلع عندك حاجه صح
مازن بعنف قرب منها وووو......