بقلم شيماء ناصر
عشق بفضول:هو انت خايف تروح لدكتور ليطلع عندك حاجه صح
مازن بعنف مسكها من شعرها جامد:خدي بالك من كلامك معايا انتي بتشكي في رجولتي ومش كل شويه افكرك ان انتي الي فيكي العيب مش انا
عشق بعياط:انا كويسه ومفياش حاجه واقدر احمل عادي بس هي مسالت وقت بدل كل شويه تعيرني
مازن ساب عشق وبعد عنها: عكرتي مزاجي مش طافح.... سبها وخرج
فرح طلعت لي عشق وكان الباب مفتوح:عشق ياعشق
عشق مسحت دموعها:هاا جايه اهو
فرح: بصي بق هي دي الشقه الي حماتي كلمتك عنها عشان تتروق
عشق: في اي!
فرح بتعب:حماتي قصدي ماما جابت البنت عشان تروق البيت وماما عوزاكي تحت عشان تعملي الاكل.....
واكملت كلام وهي حطه اديها علي بطنها:
وزي ما انتي شايفه انا حامل في الشهر الخامس ومش هقدر اعمل حاجه
عشق بصت علي بطنها وسرحت ثواني وهي بتتخيل نفسها مكانها وانها مبسوطه في حياتها مع مازن
فرح باستفزاز:قل اعوذ برب الفلق متبصليش كدا عشان متحسدش وتعالي يلا عشان ماما عوزاكي.... وبصت للبنت... وانتي روقي ماشي
البنت: عنيا ياست الكل
عشق:انتي خايفه ان انا احسدك ده انا بدعيلك كل يوم ربنا يكمل حملك علي خير وتقومي بالسلامه
فرح:طبعا ما الجعان بيحلم بي سوق العيش
عشق بزعل:ان شاءلله ربنا بقومك بالسلامة ويرزوقني بالذرية الصالحه
فرح بمياعه: ان شاءلله حبيبتي
عشق: برضو مفهمتش اعمل اكل لي وشقة اي الي تروقها ما شقتي نضيفه اهي
فرح: حببتي انتي ازاي نسيتي ان فاضل يومين علي جوازة جوزك بجد ربنا يكون معاكي
عشق بصت لي فرح بغل وسبتهم ونزلت
فرح بصت للبنت الي واقفه جنبها: وانتي واقفه لسه بتعملي اي شوفي شغلك
البنت: حاضر
فرح سبتها ونزلت
مديحة: الله الله هو انتي خايفه تنزلي تشوفي انا عوزاكي في اي
عشق:لما عرفت انك عوزاني نزلت اهو
مديحة:انا اديت للشغاله اجازة لمدة اسبوع الاكل في المدة دي عليكي انتي لوحدك محدش هيساعدك.....
ويلا عشان تحضري وتجهزي الاكل الي هيتقدم بعد بكره للضيوف والعرسان
عشق:تمام حاضر حاجه تاني
مديحة ببرود: وخلي بالك وانتي بتعملي الاكل عشان مش واثقه فيكي ممكن تحطي حاجه في الاكل وانا هحط عيني عليكي
عشق: ولما انتي خايفه مني اعمل حاجه في الاكل جيباني اعمل الاكل لي بتزليني عشان هيتجوز عليا
مديحة: الله ينور عليكي بالظبط كدا روحي بق شوفي المطبخ وابقي روقيه واغسلي المواعين عشان من امبارح متغسلتشي وانا سيبهالك
عشق سبتها وراحت علي المطبخ
بعد ساعتين وصل وليد علي البيت.
وليد ركن العربية قدام البيت... انزلي وخدي العيال يلا هروح مشوار صغير وجاي
مرڤت: حاضر.... ونزلت هي والعيال من العربية
عمر:ياماما مش قولتي هننزل بعد ٣شهور لي جينا دلوقتي
جنة:واي الي مزعلك دلوقتي او بعدين انا تيتا وحشتني
يوسف:وتيتا كمااان وحشتني
مديحة سابت فنجان القهوة لما شافتهم دخلين.... وبفرحه عمر يوسف وحشتوني
عمر ويوسف جريو علي مديحة يحضنوها ويسلمو عليها....
جنة راحت بسرعه عند مديحة هي كمان وببرائة: تيتا وحشتني قوي
مديحة: اه اه وانتي كمان مالك ياعمر خاسس كده لي انت ويوسف انتو مش بتاكلو كويس مش بتاكلي العيال ولا اي
مرڤت:طبعا بياكلو دول ناقص ياكلوني انا ووليد
مديحة: اومال فين وليد اي مش عايز يشوف امه
مرڤت: هو وصلنا علي باب البيت وجاله مشوار هيخلصه ويجي
جنة راحت لي مرڤت وبهمس:ماما هي تيتا مش عاوزه تحضني زي عمر ويوسف لي
مرڤت:اكيد هتحضنك
جنة: لا هي مش عاوزه تحضني هي مش بتحبني ولا اي
مرڤت: لا ياروحي اكيد بتحبك تعالي معايا....وسع كده يايوسف انت واخوك خلو جنة تحضن تيتا
مديحة بضيق: تعالي ياصغيره وخدتها في حضنها.... يلا روحو العبو
عمر خد اخواته وراحو يلعبو بعيد
مرڤت قعدت قدام مديحة: انتي لسه لحد دلوقتي بتفرقي ما بين الاخوات اي الي هيحصل لما تحضني جنة علي فكره دي بنت ابنك برضو انا مش لقيها في الشارع
مديحة:محدش قالك هاتي بنت انا بحب الولاد اكتر
مرڤت: علي فكره ربنا الي بيرزق مش انا ووليد لو عرف انك بتفرقي ما بين ولاده كده هيزعل منك جدا
مديحة:طيب طيب
مرڤت: هي عشق فين
مديحة: عندك ياختي في المطبخ
مرڤت عرفت ان عشق في المطبخ وراحت ليها: عشق
عشق بفرحه حضنتها: مرڤت وحشتيني اي المفجاء الحلوه دي
مرڤت:كنتي وحشاني وعشان كدا جيت انتي الي بتعملي اكل انهارده اومال فين الشغاله
عشق:حماتي ادتها اجازة وسبتلي الاكل عشان اعمله انا
مرڤت:لي واي الاكل ده كله
عشق: كتب كتاب مازن والدخله بكرا بليل وانا بجهز الاكل عشان يبق فاضل عليه التسويه بس
مرڤت: انا حاسه بيكي كل حاجه هتعدي ان شاءلله وهو مش هيتجوزها وليد هيتكلم معاه
عشق:محدش عارف يكلمه لا اهلي ولا انا
مرڤت: طب والعمل
عشق: هروح انهارده عند المحامي وهرفع قضيه خلع
مرڤت: خلع؟ انتي اتجننتي لا طبعا متروحيش
عشق: اومال افضل علي زمته غصبن عني
مرڤت: يابت افهمي مينفعش تعملي كدا عاوزه تسيبي جوزك ليها لو افترضنا انك سبتي مازن وهو برضو عمل الي في دماغه واتجوزها هي الي هتبق فازت مش انتي
عشق:يعني اعمل اي انا تعبت والله العظيم
مرڤت:خليكي في شقتك ومتسبهاش خليكي علي قلبه ومتخليش واحده زي دي تاخد جوزك منك وتتهنا بيه ابعديها عنه
زين:بابا مازن هيتجوز بعد بكرا بليل
محمد: عرفت منين
زين:عشق قالتلي
محمد:انا هكلمها وهخليها تسيب البيت وتيجي
مراد:هو انت لسه هتكلمها انا هروحلها اجبها
محمد: لا مترحش انت عشان عارفك هتعمل مشاكل هناك انا هرن عليها
ريم واقفه قدام المراية وبتوتر وخوف: يارب بكرا يعدي علي خير
مازن لقاه وليد داخل عليه في المكتب: انت جيت امتي ومقولتليش لي
وليد: لي هو انت كنت قولتلي انك هتتجوز بكرا
مازن: هو لو انا كنت قولتلك كنت هتقف معايا اصلا
وليد بنفي وببرود: لا طبعا عشان الي انت بتعمله ده غلط في حق عشق
مازن: واي الي بعمله بعمل غلط ولا حرام هو ده مش من حقي وشرع ربنا ولا انتو هتكفرو
وليد:هو انت بتكلمني كده لي نسيت ان انا اخوك الكبير
مازن: لا منستش بس انت الي خدت بعضك وسبت البيت ومشيت وشلت ايدك من اي حاجه بتحصل في البيت.....
تقوم جاي دلوقتي تفتكر ان ليك عيله احنا مش بنشوفك غير في المناسبات بس
وليد:هو انا مشيت بارادتي انا مشيت غصب عني وكله بسبب امك الي عماله تلعب في عقلك
مازن:امي عاوزه مصلحتي انت عندك بدل العيل تلاته وانا اي مش نفسي اكون اب كلكو بتتهموني اني بعمل حرام هو ده مش شرع ربنا اتجوز اربعة....
وليد: انت مفيش فيك فايده بتتكلم زي امك بالظبط