بقلم شيماء ناصر
تلفون عشق بيرن سابت الي في اديها ومسكت التلفون....
عشق: الو يابابا
محمد: انتي لسه عندك بتعملي اي سايبي كل حاجه وتعالي
عشق: مش هينفع
محمد بانفعال: اومال هينفع يزلوكي كل شويه
عشق:سبني احاول يابابا مش عاوزه بيتي يخرب
مراد خد التلفون من ابوه:انتي مش بتسمعي الكلام لي يعني عجبك ان الزفت ده كل شويه بيزلك هو وامه
عشق: يامراد افهم انا هخسر كتير سبني كدا انا مرتاحه كدا
مراد ببرود:بطلي تضحكي علي نفسك بالكلام ده.... ولو احتجتي لي اي حاجه كلميني ماشي وخلي بالك على نفسك كويس
عشق: حاضر سلام
فرح فتحت باب شقتها واستغربت ان ولاد وليد موجودين....
=اي ده انتو جيتو امتي ووواد ياعمر ازيك يالا
عمر ببراءة: الحمدلله يا مرات عمي
فرح باستغراب: انتو جاين مع ابوكو ولا اي
عمر: جينا مع بابا وماما هي موجوده تحت مع تيتا
فرح: طيب ماشي
عمر: اومال فين نسمة
فرح:هي جوه ادخلو
فرح فتحتلهم الباب وسبتهم ونزلت تحت
مديحة:تعالي يافرح شوفي الهانم بتعمل اي جوه في المطبخ بقالها ساعتين
فرح قعدت وبدلع: لا ياماما مش قادره الحمل تاعبني
روحي انتي شوفيها ياخوفي تحط حاجه في الاكل الي هيطلع للعرسان ده الغيره باينه علي وشها
مرڤت: طبيعي يافرح انها تغير وتتضايق كمان هو مش جوزها هيتجوز عليها... عادي انها تزعل وتحس بغيره.... اه انتي هتحسي بي الكلام ده ازاي
فرح: معاكي حق برضو هحس بالكلام ده ازاي اصل جوزي بيحبني وبيتمنالي الرضي مش زي جوزها
عشق بغضب: لي ماله جوزي
فرح: اه صحيح ياماما مازن لما يتجوز في الشقه هي عشق مش مفروض تروح عند اهلها عشان تسيب العرسان لوحدهم
مديحة: صح فكرتيني نسيت اقولها كدا...... وبصت لي عشق بحده: انتي تروحي عند بيت اهلك بعد كتب الكتاب
عشق بجدية: انا مش هروح في حته وهفضل في شقتي
فرح: تو ياقلبي لزم تمشي عشان تسيبي الجو يخلا للعرسان هتفضلي موجوده تعملي اي هنا
مرڤت: ما تلم نفسك وتقعدي علي جنب ساكته
مديحة: تسكت لي هي قالت حاجه غلط عريس وعاوزه يقضي وقت مع مراته الجديده هتفضلي انتي تعملي اي
عشق واقفه بتتمالك دموعها بالعافيه لحد ما شافت البنت الي كانت بتروق البيت نازله من فوق ومعاها شنط
عشق بزعيق:هي دي مش شنطتي
فرح بصت لي البنت ورجعت بصت لي عشق بابتسامه واسعه: اه انا قولتلها تلم هدومك عشان هتقضي فتره في بيت اهلك
مديحة: عليكي نور عملتي الي انا كنت هعمله واحد ومراته مع بعض انتي اي بق ملكيش وجود
مرڤت: اي ياجماعه الي انتو بتعملوه ده مش كفايه الي هي فيه
مديحة: بقولك اي اسكتي انتي كمان
عشق: انا مش هسيب شقتي واخرج رجعي هدومي فوق تاني
فرح: خلاص رجعي هدومها تاني وخليها تستحمل بق وتشوف الي هيحصل
عشق سابتهم وطلعت لشقتها وخدت شنطة هدومها من البنت ولسه داخله بيها اوضتها اتفاجاءت من شكل الزينة وشكل الاوضة المتغيرة عشق دموعها نزلت وبغضب مسكت كل الزينه وقطعتها وبهدلت الاوضه وفتحت الدولاب عشان تحط هدومها لقت هدوم تانيه متعلقه
عشق: انا مش هخليكي تتهني بيه مش هسيبك تتهني بجوزي....... قالت كلامها وهي بتعيط وشالت كل الهدوم الي في الدولاب وراحت رمتهم في اوضة تانية وشالت كل الزينة ورمتهم... وقعدت علي السرير........
=«اللهم اني مسني الضر وانت ارحم الراحمين» يارب اقف معايا ومتخليش الجوازه دي تحصل ساعدني يارب
مصطفى للسكرتيره: كنت مستني المدام عشق هي مجتش
السكرتيره: لا محدش جه بالاسم ده
مصطفى باستغراب: طيب........ غريبة ياعني كان باين من صوتها انها مصممة علي الخلع اي الي حصلها
مرڤت:فرح لسانك بجد اطول منك انتي اي مش بتحسي ماهي ست زيك لي بتتكلمي معاها كدا
فرح بدلع: الحقي يا ماما هو انا قولت حاجه غلط علي عشق الحق عليا خايفه عليها وكنت عاوزها تروح عند بيت اهلها تستريح
مرڤت: هي هتستريح لما تقفلي بوقك ومتتكلميش معاها
مديحة:مالك ياست مرڤت طالعه فينا كدا لي ده انتي لسه جايه حتي اهدي علي نفسك مش شايفاني قاعده ولا اي
وليد دخل البيت علي صوتهم: اي مالكو بتتخنقو ولا اي
مديحة: نورت البيت يابشمهندس وليد كل ده في مشوار ومهنش عليك تيجي تشوف امك
وليد: في اي ياماما كان عندي شغل مهم بعمله
مديحة: والشغل المهم ده انك تروح عند مازن في مكتبه مستنتش عليه لي لما يجي اي في اسرار ما بنكو
وليد:اه في علي الاقل احاول اكلمه بعيد عنك يمكن يرجع عن الي في دماغه
خالد: اهدو ياجماعة
فرح: حبيبي ملكش دعوه انت سبهم يتكلمو
خالد: انتي عبيطة ولا اي اسكتي انتي متتكلميش
وليد:مفيش جواز هيتعمل
مديحة: غصب عنكو كلكو مازن هيتجوز ريم هي دي الي هتكون الزوجة الي بجد الي هتفرحه بالعيال
وليد:عيال اي وزفت اي انتي مش شايفه عشق عاملة ازاي انتي هتبنيلو سعادة علي حساب سعادة عشق
مديحة:جاي المرة دي حامي علي يابن بطني بكرا تعرف اني عاوزه مصلحة ابني عشان انا ام واعمل اي حاجه علشان سعادة ولادي انتو فاهمين........ وسبتهم ومشيت
مرڤت بخنقة: يااااه ده مفيش فايدة
في كافية❤
مازن بحب: اي رايك ياحبيبتي في الهدية دي
ريم بفرحة: حلووووه قوي ياروحي
مازن:اي حاجه اعملها عشان قمري يبق مبسوط
ريم: ربنا يخليك ليا ياقلبي
مازن: لسه زعلانه من عشق
ريم: لا مش زعلانه بس مستغربة انت ازاي مستحملها هي لا بتهتم بنفسها ولا باين علي انها حلوه يعني هي عادية لي سايبها علي زمتك ومطلقتهاش
مازن بتنهيدة:ملكيش دعوه دي حاجه خاصه بينا انا وهي متشغليش بالك بي اطلقها ولا اسبها خلينا نركز علي نفسنا احنا وبس انا عايز عيل انتي فاهمه.......
وخلي في دماغك حاجه واحده بس انا هتجوزك عشان العيال ده اهم حاجه عندي
ريم: ياحبيبي انا اكتر واحده حاسه بيك وعارفه انك نفسك في عيال وان شاءلله انا الي هجبهملك ياروحي