بقلم شيماء ناصر
عشق: اتجوزتها!
مديحة: لوووولييييي الف الف مبروك يابني مبروك ياحبيبتي
ريم: الله يبارك فيكي ياماما
عشق واقفه مصدومة ورجليها مش شايلاها من الزعل وهي بتبص علي جوزها الي بق في وحده تانيه تشاركها فيه
=مبروك اي وزفت اي انت لي عملت كدا
وليد:انت اتجوزتها بجد؟
مازن: اه
وليد: انتو مش قولتو المأذون هيجي هنا
مرڤت بشك: اه حماتي قالت كدا..... بس اي انتي كنتي عارفه ياحماتي انه هيتجوزها برا
مديحة: اومال انتي فاكره اي انتو مكنتوش هتخلو الجوازه دي تحصل....
وبعدين خلاص الي حصل حصل وهو اتجوز سواء هنا او برا
هاجر بتحضن ريم بحب: مبروك ياحبيبتي.... واكملت بهمس:خلي بالك على نفسك مراته مش هتسيبك في حالك
ريم: متقلقيش عليا
شروق: مبروك ياقلبي
ريم: الله يبارك فيكي يروحي عقبالك
فرح بسعادة: مبروك ياروحي مبسوطه قوي انكو اتجوزتو لايقين علي بعض ماشاء الله
ريم: الله يبارك فيكي
خالد بنظرات كلها حده: بت
فرح:في اي ياخالد ببارك للعروسة الجديده... احم اي ياعشق مش هتبركي لي ضرتك
عشق: كفايه انتي باركتي ليها......
وسحبت نفسها وكانت هتطلع فوق...
مديحة: راحة فين استني عندك.... طلعه فوق تعملي اي خليكي هنا نامي في اوضة الضيوف وسيبي العرسان يقضو وقت مع نفسهم
عشق: اوضة الضيوف دي للعروسة مش ليا انا طالعة شقتي
ريم:عشق استني ياحبيبتي ده يومي وانا العروسة اكيد مش هتحبي اني انام في اوضة الضيوف مش من مقامي صح ياماما....
مديحة: طبعا تعالي عشان تطلعي العشاء للعرسان
ريم:يلا ياحبيبي نطلع شقتنا
عشق: مااازن دي شقتي انا روح خدلها شقة برا ليها
مازن بغضب: هو انتي شيفاني بوزع شقق اخدلها شقه فين دلوقتي خلي اليوم يعدي وبعدين نتكلم
وليد:حلو قوي لما واحده زي دي تمشيك يالا.... وشاور بعينة علي ريم... وانتي وافقتي تتجوزيه علي اساس اي هاا وانتي كمان جوزتي بنتك من غير اي حاجه ووفقتي انها تكون زوجة تانيه
هاجر: بنتي وانا حره فيها اجوزها ارميها محدش يدخل في حاجه
مازن: ووولليييد لم نفسك ريم بقت مراتي خلاص
وليد:الم نفسي انت ناسي نفسك ولا اي يالا انت بتكلم اخوك الكبير احترم نفسك
مازن خد ريم وطلعو وعشق كانت هتمسك ايد مازن مديحة شدتها...
مديحة بحب: خلاص بق سيبي العرسان لوحدهم
هاجر وشروق مشيو و كل واحد طلع على شقته....
مازن فتح الشقة ودخل مع ريم...
اتفضلي ياعروسة
ريم بتوتر دخلت الشقة وكانت شامة ريحة غريبة فيها....
اي الريحه دي النور مطفي لي شغلة
مازن شغل النور واتفجاء ان الدنيا متبهدلة...: اي ده انا ماكد علي امي تبعت حد يروق الشقة
ريم: اكيد مراتك عملت كده
مازن: انا هتصرف معاها بعدين...
ريم دخلت الشقة وعدت من وسط الكركبة واكملت بهمس... النضيفة بتبان من شقتها فعلا...
اول ما فتحت اوضة النوم شمت ريحة شياط: يالهوي اي ده ماااازن مااازن
مازن بخضة: في اي؟
ريم:مراتك ولعت في هدومي... هي اتجننت ولا اي
مازن:افتحي الشبابيك كلها عشان الدخان ده
ريم اتفاجات لما لقت البرفنات بتاعتها مدلوقه كلها في الحمام...
ينهارك اسود والله ما انا سكتالك...
مازن: خدي يامجنونة انتي راحة فين
ريم بعناد وزعيق:والله ما انا سكتالك وسع كدا
مازن: وطي صوتك انا هتخنانق معاها بعدين تعالي هنا هتلمي الناس علينا
ريم: مش هسكتلها وهجبها من شعرها هدومي والبرفنات الي بوظتهم متعرفش دول بكام
عشق: دلوقتي اقدر اقولك مبروك ياعروسة
مرڤت:ده صوت ريم صح هي بتزعق لي
مديحة: هببتي اي ياست عشق مخليها بتزعق فوق كدا
عشق: هببت اي يعني ما انا قعده قصادك اهو شوفتيني اتحركت من مكاني
مديحة: اومال في اي مالها
عشق: معرفش روحي شوفيها
ريم نزلت وكلها عصبية:انتي اي اتجننتي
عشق:بت اتلمي هو انا جيت نحيتك
مازن:رريم ررريم
ريم: بلا ريم بلا قرف هدومي ومكياج والبرفنات انتي تعرفو دول كلهم بكام عشان تمدي ايدك عليهم
مديحة: انتي عملتلها اي
مازن شد عشق وخدها علي جنب:اي الي خلاكي تولعي في هدومها
عشق: حبيبي كنت بدفي الاوضة ده جزاتي
مازن: انا مش عايز امد ايدي عليكي هي لسه جايه مكملتش غير نص ساعه لحقتي تعملي معاها مشاكل
عشق:تمد ايدك عليا عشان مين دي؟
ريم بعناد وزعيق:انت هتسكت علي الي هي عملته معايا انا مش عاوزها تكون موجوده في البيت
عشق بسخرية: انتي لسه جايه علي كلامه عوزاه يطلع مراته من البيت...
ريم: اه ياريت اصل دي مستحيل تكون شقة عروسة ياحماتي الشقة متبهدلة وحاجاتي متولع فيها فوق النضيفة بتبان ياهانم
عشق مسكتها من شعرها: انا كنت صبره عليكي كتير خدتي جوزي مني وكمان شقتي اي عوزاني افرشلك شقتي واوضة نومي ورد!
مازن: عشق سبيهااا عششق ووو
يتبع...