بقلم شيماء ناصر
ريم خدت دش وخرجت لقت مازن لسه زي ما هو...
انت قاعد مكانك لحد دلوقتي قوم غير هدومك
مازن: سبيني في حالي دلوقتي ملكيش دعوه بيا
ريم:غريب يعني كل الي انت فيه ده علشان ست الهانم عشق
مازن: انا مش قولت سبيني في حالي كفايه الي عملتيه انهارده
ريم:تمام يامازن براحتك بس متنساش اني برضو مراتك واحنا لسه متجوزين من كام ساعة بس...
وسبته ومشيت...
مراد جه ووقف بالعربيه قدام البيت طلع تلفونه ورن علي عشق...
عشق: الوو
مراد: انا مستني برا
عشق: ماشي انا جايه
مازن شاف عربية مراد تحت البيت....
عشق خدت شنطة هدومها وخرجت مازن مسك اديها..
مازن: راحه فين؟ في الوقت ده
مراد:رجعه البيت
مازن بص لي عشق: لي وخارجه ازاي من غير اذني
عشق:كل الي بينا انت نهيته ف متجيش دلوقتي وتفتكر اني مراتك وانك ليك عليا حقوق
مازن: بس انا لسه جوزك مطلقتكيش عشان تقولي كدا وتخرجي من اذني
عشق بابتسامة باهتة: وانا بسبلك سبب عشان تطلقني وضميرك مرتاح... وشدت اديها منه واكملت....كلامك المره الجايه هيكون مع اهلي مش معايا سلام يامازن
مراد خد الشنطة وحطها في العربية وعشق ركبت العربيه ومشيو....
ريم بزعل:حتي مكوة شعري بوظتها وبعدين بق انشف شعري ازاي دلوقتي استغفر الله العظيم..... منك لله يابعيدة
تاني يوم😳
فرح: صباح الخير ياماما
مديحة: صباح النور ياحبيبتي عاملة اي
فرح: الحمدلله عشق عملت الفطار ولا لسه
مديحة:انا بنده عليها من الصبح مش بترد عليا روحي اندهي عليها صحيها مش فاهمه نايمة ومستريحه ازاي!
فرح:حاضر.... راحت لي اوضة الضيوف وخبطت عليها... احم يا عشق عشششق اصحي دخلين علي الضهر وانتي معملتيش فطار لي عشششق.... مالها دي اي نايمه علي ودنها ولا ما/تت....
«فتحت الباب عشان تشوفها وهي بتقول: انتي ياهانم مش ساام... ع.. اني.. راحت فين دي مش هنا ياماماااا
مديحة:اومال فين شوفيها كده
فرح:لا مش في الاوضه وهدومها مش موجوده معقول تكون مشيت؟
مديحة: هي اتجننت عشان تخرج من غير ما تعرفني ولا تعرف جوزها
فرح: اانده علي مازن
مديحة:لا دول عرسان جداد سبيهم لوحدهم
ريم نازله علي السلم وهي رابطه شعرها وباين علي ملامحها الزهق: صباح الخير
مديحة: صباح الورد ياحبيبتي اي تزلك وسيبه جوزك لوحده لو كنتي عاوزه حاجه عرفيني بس وانا اجبهالك لحد عندك
ريم: لا مازن مش فوق انا فكرته تحت عشان كده نزلت
فرح: ابق يعني لا عشق ولا مازن هنا اي طفشو.
ريم: هي مش هنا بجد مشيت
فرح: اه مش موجوده في البيت
ريم:الحمدلله... ماما هتيلي حد ينضف الشقه عشان متبهدله من امبارح وانا مقدرتش انضفها
مديحة بحب: عنيا بس كده
مرفت نزلت هي والعيال: صباح الخير ياحماتي
مديحة: اهلا صباح النور
فرح: مرفت عندي ليكي خبر حلو انما اي
مرفت: انتي من امتي اخبارك حلوه
فرح:بق كدا طب اسمعي الاول واشتري مني عشق مشيت
مرفت بعدم فهم: مشيت يعني اي مش فاهمه
فرح: قصدي انها سابت البيت ومشيت
مرفت: لي راحت فين؟
فرح: وانا اي عرفني مليش دعوه بيها والله واعلم خرجت امتي دي ومقلتش لي ماما...
ريم: خدت الشر وراحت
مرڤت باستغراب: حيلك حيلك ياست ريم في اي متنسيش انها ضرتك ومرات جوزك الاوله
ريم:لا منستش بس ابقي اطلعي بصي علي شقتي وشوفيها عامله ازاي
مرڤت: قصدك شقتها ريم انتي ملكيش شقه ياحبيبتي دي لي عشق وبس
مديحة:مرڤت
مرڤت: اي قولت حاجه غلط علي العموم انا خارجة
مديحة: اي راحه فين انتي التانية ما هو البيت ملوش كبير تستاذنو منه
عمر:ماما هي تيتا بتتكلم معاكي لي كدا
مديحة: لا ياحبيبي انا مش قصدي انت رايح فين كده
عمر: انا ويوسف وجنة رايحين النادي
مديحة: طيب ياحبيبي ماشي فطرتو الاول
جنة: اه ياتيتا
مديحة: طيب
مرڤت بابتسامه باردة: عن اذنك ياحماتي يلا بينا....
ريم: محدش عارف فين مازن
فرح:لا انا لسه نازله من شويه... خالللد حبيبي صباح النور
خالد نازل وشايل نسمة بين اديه: صباح النور... صباح الخير ياماما
مديحة: صباح الخير يابني
خالد: اي مش هتفطرونا ولا اي
مديحة: روحي يافرح اعملي الفطار عقبال ما اتصل بالشغاله تيجي
فرح: حاضر ياماما
في بيت عشق♡
عشق:انا مصممه يابابا متغيرش رايي
محمد: فكري ومتتسرعيش
عشق: انا استحملت كتير كفايه كده ربنا يسهله ويسهلهم ويديهم علي قد نيتهم بق اذا كانت خير من نحيتي مع اني مشوفتش منهم خير
محمد: معلش يابنتي ان شاءلله ربنا يرزوقك بغيره واحسن منه
عشق: لا عشان يتعاد تاني كل الي بيحصل ده انا مبقتش عاوزه حد انا بس عاوزه اخلص من الموضوع ده
محمد: انا هتصرف وهخلصك من كل ده متقلقيش انتي