بقلم نجلاء فتحى
(فى بيت عصام )
بعد وصوله للبيت لتناول وجبه الغداء وظن أبنه فى البيت لم يجدة ترجل لغرفة زينه لكى تأتى لتناول وجبة الغداء ولا يعلم أنها بين أحضان عبدالله (شوفوا البارت السابق) ،،،،،، فتح الباب لكنه لف رقبته ناحية باب الشقة الذى يطرق فتوجة له ،،،أستيقظ عبدالله على الصوت وجد زينه بين ظلوعة نايمه أبتعد برفق وعدل وضعها لوضع مريح فقد غفى وجد باب الغرفة مفتوح وهو متأكد من إغلاقه ، خرج للصالة وجد أبوة يكلم صبى من صبيان المحل على باب الشقة وسمعه حين سأل علية ،،تسحب هو لغرفتة وتصنع النوم
[تخيلوا لو عصام شاف زينه وعبدالله ،،دى تبقى خراب على الكل 🤯]
أغلق عصام باب الشقة وذهب لغرفة زينه وجدها نايمة والكتاب على الأرض ،،أغلق الشباك وقلل درجة المروحة حتى لا تضرها وركل الكتاب برجله ثم انحنى وقبل رأسها وخرج بعد إغلاق الباب عليها وقال لزوجتة التى حضرت الطعام زينه نايمة سبيها ترتاح علشان أمتحانها،،سمعوا صوت كحة توجهت الأم لغرفة عبدالله وقالت يوة دة عبدو هنا نايم مش حسيت بسم الله الرحمن الرحيم
عصام/ صحية يطفح
الأم/ حرام سيبة تلاقيه تعبان منين ميصحى ياكل هو وأخته
تعمد عبدالله يكح مرة ثانية حتى يثبت أنه موجود وعند نجاج خطته أسترخى على السرير يفكر ماذا يفعل مع زوجته تغريد فلا مرة يتصل بيها ولا يهتم يأخذ نمرة تليفون البيت ولا يخرج معها ولا يذهب ليها ،،وهذا، جعل فى فجوة بينه وبين أبوه لأنه أمر بزواجة غصب من أخرى رغم أعلانه عن محبوبته له
______
(أتى العصر)
راضية/ أحضرلك الغداء
عبدالله/ أكل مع زينه لما تصحى
راضية/ شايفة علاقتك بأبوك وحشة، ،، وأنت صغير مهما يهينك ولا يزعلك تكون تحت طوعه
عبدالله/ مصمم يرسم حياتى ويتحكم فيها بمزاجة مش قادر يفهم أنا كبرت وبقيت معلم
راضية/ أبوك عارف مصلحتك
عبدالله/ مصلحتى يكتب كتابى قبل الشبكة ،،يختار عروستى ،،يحرمنى من التعليم هو ربانى فى الشارع ودى النتيجة محدش يستنا منى عبدالله بتاع زمان
راضية/ كل دة على تغريد البت فرسة ومهلبية نسوان الحارة على الكلام إللى بيتقال المعلم عبدالله خد تغريد يا بنى شباب الحارة كلها عينها منها من حلاوتها وجمالها وجسمها كلة طبيعى من عند ربنا
عبدالله/ المفروض بكلامك أفرح، ،جوزتونى واحدة الكل عينه منها ،،الكل أشتهاها و ٠٠٠ ثم سكت فلا يجوز ذكر لفظ خارج أمام أمه ،،، صدقينى شايفها عادية وأنتى عارفة جوازة غصب
الأم/ لية ،،هو كان فى واحدة غيرها بتحبها وأنا معرفش قول ريح قلبى ،،،حتى لو فى مش قولت لية
عبدالله/ أبويا عارف ورافض
شهقت الأم/ بتحب يا عبدو مين هى أعرفها ريح قلبى يا ضنايا
عبدالله بكسرة/ مش فارقة أبويا موتنى بالحيا دفنى فى عز شبابى
بكت الأم/ لا مستحيل أشوفك كدة المعلم عبدالله مكسور يارب كنت موت ولا شوفتك كدة قدام عينى مين يابنى ،،مين إللى عملت فى أبنى كدة وحياتك عندى تتجوزها على طول الشرع محلل أربعة
عبدالله/ حلاوتها فى أول مرة ،،،الأولى والأخيرة تكتب بأسمى مكانها فى قلبى رقم واحد ويوم متكون مراتى فى عصمتى تكون التانية أو الله أعلم أتجوزها ولا لا
ربتت الأم علي كتفة بحنان العالم / مين إللى شاركتنى فى قلبك
عبدالله/ فى يوم تعرفيها مع أنك عارفها وفى حمايتك
الأم/ مين
عبدالله/ سيبى الزمن يعرفك الأحسن خليكى متعرفهاش جايز لو عارفتيها تنصبى ليا محكمه وتكوني القاضى والجلاد فى وقت واحد ذى أبويا ثم تركها وطلع السطح لغية الحمام 🕊
يريح أعصابه فهو مضغوط
لطمت الأم بعد ما كانت أسعد أم فى الدنيا أبنها كتب كتابة وأيام وعروسته تنور بيته وبعديها يملآ البيت بالأحفاد ،،الأن فهمت سبب عصبيته وحزنه وفهمت أى تصرف بدر منه أتجاه زوجته ،،لكن زوجته ليس لها ذنب معاة هم من ذهبوا لبيتها وطلبوها للزواج ،،،زعلت من زوجها أنه دمر أبنه بهذا الشكل وتأكدت أن علاقة أبنها بزوجته فى المستقبل فاشلة قبل ما تبدأ فهى تعلم أبنها جيدآ عنيد وشخصية حادة وتربية الشارع وتحملة للمسؤوليه منذو الصغر جزء من شخصيته
بقلم نجلاءفتحى عاشقةالكلمات
__________
أتى يوم أمتحان زينه وكالعادة لازم عياط وبطنها توجعها من التوتر والقلق والبيت كلة متكهرب بسببها وعصام هرب بدرى لمحلة
عبدالله/ أشربى كوباية اللبن دى دافية تريحك
زينه/ خايفة عندى أمتحان 😭
راضية/ يا بنتى أنتى مذاكرة سبيها على الله محدش يكلمك لو سقطى
زينه/ أسقط ،،عااااااا😭😭😭
عبدالله/ أمك مش تقصد أهدى بقا
دبدبت فى الأرض/ حلمت الإمتحان صعب خايفة يا عبدو أوووى مرعوبه
الأم/ يوةةةة كل أمتحان كدة يقطع الامتحانات وسنينها وفى الأخر مجموعك ودرجاتك عاليه أنا زهقت عبدالله أهى عندك أتصرف معاها تربية إيدك دى أنا رايحة السوق تحبى تتغدى إيه
زينه ببكاء/ بط ومحشى 😭😭😭😭
ضحكت الأم ودعت لها بسهوله المادة وخرجت،،،، أما عبدالله لا يفوت فرصة البيت فاضى ليتمتع على راحته بحبيبته ،،،،
زينه/ بطل تضحك
عبدالله/ بط ومحشى طب أزاى وأنتى بتعيطى
زينه/ الأكل ملوش دعوة نفسى فى البط
ضمها لحضنه وقال بمشاكسة/ وأنا نفسى فى بطة تربية إيدى مجننه أمى لو وقعت تحت سنانى أمزمزها حته حته
زينه بغباء/ أنت بتربى الحمام🕊مش البط
أبتعد عنها وألتقط كوب اللبن / لو بتحبى عبدو أشربى الكوباية وكُلى سندوتش المربى دة يا مجنانى
زينه / حاضر
أبتسم بحنان ومسح دموعها بكم جلبابة وجلس على كرسى السفرة وسحبها على فخدة حتى أنهت طعامها وهو كمان فطر ولا يخلو الجو من الضحك والهزار ولا كأن فى واحدة على زمته
ثم دخلت هى لابست ملابس المدرسة أمسك عبدالله كف إيدها مثل الطفلة الصغيرة ونزلوا من البيت وواقفوا فى الشارع أتى التوكتوك الذى مأجرة عبدالله ليها يوصلها أيام الدراسة وآية تذهب معها كدة ورفض أخذ فلوس من أبو آية وتولى مصاريف التوكتوك على عاتقة
والمفاجأة ركب معها بجوار السائق والبنتين خلف ،،وفى منتصف الطريق أشترى طبقين حلويات واحد لأيه وأخر لزينه فهى تعشق البسبوسة بالسمن البلدى والمشكلة زينه أكلت وأنهت طبقها والأسم حزينه ومتوتره 🤣🤣
أما آية شهيتها ضعيفة وأعطت باقى طبقها لزينه التى قضت علية 🤣🤣🤣 ونقلت توترها لآيه وعبدالله محتار يهدى مين فهو يعتبر آيه حرفيآ أخت صغرى لية وليها معزة لدية أكرامآ لزينه
بقلم نجلاء فتحى عاشقة الكلمات
___________
(فى المحل )
عبدالله متوتر وعصبى خايف زينه تتوتر لو الإمتحان صعب
بهاء غير مركز فى عملة لأن عبدالله حكى لة حاله زينه
❤️❤️هناك قلبين ليكم يا زوزو يا بختك يا بت❤️❤️
__________
خرجت زينه من المدرسة للتوكتوك وجدت عبدالله أمامها جريت ليه حاوطها وقبل رأسها وقال :- شكلك مبسوطه
زينه بمرح/ الأمتحان مايه سهل هههه
عبدالله/ الحمد لله حبيبتى شاطرة، ،،ثم قال بجوار أذنها، بطلى تضحكي يحسدوكى أنتى لسة أول يوم ،،،ثم نظر لآيه وقال:- عملتى إيه
آيه بفرحة أنه أهتم/ الحمد لله
عبدالله/ الحمد لله ربنا يوفقكم يلا نروح
آيه كانت سعيدة من جملته لكن تتذكر خبر جوازة تحزن
مر الأسبوع على خير الصبح عياط وقلق وعبدالله يوصلها الامتحان وأخر اليوم يجبها فرحانه ،،وأجل فرحة حتى لا تتشت زينه وتذاكر وبهاء متابع أخبارها على أساس يطمن الإمتحان سهل ولا لا وفى الحقيقة يريد معرفة أخبارها هى،،
___________
زينه/ ماما ممكن أروح لآيه
الأم/ قولى لعبدو
زينه/ رفض
الأم/ أسمعى كلامه
زينه/عمرى ما روحت بيتها
الأم/ عبدو دماغة جزمه عايزة تروحى روحى وأنتى حره معاه لو عرف،،،كلميها من البلكونه ذى كل مرة وخليها تجى
زينه/ مامتها تعبانه
الأم بخضة/ يادى العيبه أم آيه تعبانه والبلكونه وش البلكونة وأنا معملتش الواجب من أمتى
زينه/ أمبارح
الأم/ بعد الغدا نروح سوا يكون أخوكى جة وخدتى أذنه
زينه/ أقول لبابا
الأم/ بلاش مشاكل مع عبدالله وأبوه علاقتهم اليومين دول وحشة أى حاجة تخصك هو رافضها وأبوكى وافق عليها البيت يبقا نار عايزة كدة
زينه/ لا
الأم/ خلاص أصتادى عبدالله وأنتى وشطارتك يخليكى تروحى معايا ،،خدى نقى الرز وأعملية هو والسلطة لحد مقلى السمك
زينه/ فى بتنجان عبدو بيحب البابا غنوج
الأم/ فى
زينه بفرحة/ أعمله وأرشيه بيه
الأم/ رشوة ههههههههه بتعرفي إللى يفرح عبدالله وتعملية أخوكى أقول إيه هههههههههه
أعطت زينه ظهرها ليها حتى لا ترى حزنها فهى مش مقتنعة بأخ دى 🥺🥺
______
سعادة أحتلت بهاء أن أبو آيه رفضه من غير ميعرف مين العريس وهذا بناءآ على كلام أم آيه لأمه ،،وقال لنفسة:- على أخر الزمن أتجوز بوصة ملهاش وش من قفا [ آيه نحيفة وتعطيها عمر أصغر من عمرها بس طويله ]
_________
أتى عبدالله والجميع يتناول وجبه السمك الشهيه
عبدالله بتلذذ/ الرز والسلطة عمايل إيد زوزو
زينه/ عارفت مين
عبدالله/ عيب عليكى تسلم إيدك يا ماما معلمها صح
زينه بحماس/ بابا غنوج عملته علشانك مخصوص أول مرة أعمله
أخذ عبدالله معلقة وتلذذ بيها/ أمممم تسلم إيدك مزاج البتنجان دة جنب السمك بس بعد كدة زودى الملح بس حلو يتاكل ثم قرب الطبق يتناول منه وقال:- مزاجى رايق بالأكله دى لو طلبتى أى حاجة أنفذها
نظر الأم ليها بحماس وتشجيع لتتحدث
عصام مراقب الموقف فى هدوء
زينه/ عبدو حبيبى
تعلق الطعام بجوفة من آثر هذة الكلمه التى يتمنى أن يكون حبيبها فعلا
زينه/ مامت آيه تعبانه وماما رايحة تزورها ممكن أروح معاها
أنا مستنية أخذ أذنك علشان بحترمك
عبدالله/ مش بحب تروحى لحد
زينه/ آيه تعتبر مقيمه عندى وأنا عمرى م روحت بيتها والبيت قصاد البيت ،،ثم قالت بدلع :- دة أنا واقفة أعملك البتنجان والرز والسلطة بمزاج علشانك
عبدالله بهيام نسى وجود أبوة وأمه/ بجد علشانى
زينه ببراءة/ أيوة هو أنا عندى أغلى منك أتعب علشانه
تدخل عصام بهدوء/ وماله يا زينه لازم تشوفى راحة أخوكى والحاجة إللى بيحبها وتعمليها
عض عبدالله على شيفاة السفلية بغيظ من كلام أبوة الذى فصلة من عالمه السحرى فقال:- لا
شجعت الأم زينه بعينها تدلع عليه
زينه/ يبقا مش بتحبنى يا عبدو
عبدالله بصدمه/ أنا حياتى ملهاش طعم من غيرك قلبى بيدق بيكى خلاص روحى مع ماما وترجعى معاها ،،من فرحتها نسيت زينه تهديد عصام ليها لو قربت لعبدالله وحضنته وقبلته من خدة وهو أبتسم لها بحنان وقال:- كدة خدت فاتح للشهيه وأكل بنفس
عصام بحدة/ بت قولت إيه شكلى لأول مرة أمد إيدى عليكى وأضربك عبدالله ممنوع تقربى منه
زينه بتذكير/ نسيت من فرحتى أسفة
الأم/ خلاص بقا أخوات ومتربين مع بعض
عصام بحدة/ أكتمى أنتى مش فاهمة حاجة عبدالله بعد الأكل لينا قاعدة ،،،،نظر له عبدالله بعدم أهتمام فهو يعلم أكيد يعنفة فقال/ متخافيش يا زوزو طول ما أنا عايش محدش يقدر يلمسك ،،،ثم أكمل طعامه بهدوء وشهية مفتوحة
بقلم نجلاءفتحى عاشقةالكلمات
__________
فى الشارع أعطى عبدالله لأمه شنط بلاستك تحمل بداخلها فاكهة و زوجاجات أزاز للعصير ،،واجب الضيافة وقال:- ماما زينة تنزل معاكى
الأم/ روح شغلك متقلقش عليها يابنى البيت وش البيت ومفيش شباب عندهم
عبدالله/ تمام ،،ثم سحب الطرحة للأمام وقال:'طرحتك يا أنسه شعرايه مشفهاش ظاهرة
زينه/ حاضر
___________
ندة بهاء على عبدالله ،،،ترجل له عبدالله وعينه على بيت آيه
بهاء/ واقف لية عندك الراجل جة
عبدالله/ بجد
بهاء/ أبوك يوافق على إللى تعمله
عبدالله/ ملكش فيه هيوافق مدام أنا عايز كدة
بهاء/ ربنا يستر
وبعد وقت تم الأتفاق على شراء محل فى منطقة راقية بعيد عن الحارة ودة أول حلم حققة عبدالله فاضل يواجه أبوة بما فعلة
___________
(فى بيت آيه )
فى المطبخ وآية تعمل عصير
آيه/ فرحانه أخيرا دخلتى بيتى
زينه/ عملت قردة لعبدو
،،،سرحتى فى إيه أبعدى يا فاشلة عملتى العصير غلط ،،ثم سكبته زينه فى الحوض وعملته هى تحت أنبهار آيه
لم يكملوا خمس دقايق على بعض ولم يشربوا العصير وسمعت زينه شخص ينادي على عبدالله جريت للبلكونه وأتغاظت
دخلت بأدب غرفة نوم أم آيه وقالت :- ماما ،،،،تغريد وأمها فى الشارع بيندهوا على عبدو
الأم/ أنا سامعة ،،جايين لية
،،نظرت لأم آيه لأموخدة يا حبيبتى أجيلك وقت تانى أنت شايفة الوضع
أم آيه بطيبة/ يتردلك زيارتك فى الفرح يا حبيبتى تعبتى نفسك وداخلة محملة
أم عبدالله/ أحنا جيران وأهل وبنتك أخت لبنتى
أم آيه/ يارتنى تعبت من زمان علشان زينه تنورنا
أم عبدالله/ سلمتك يا حبيبتى ثم سلمت عليها وقالت:- يلا يا زينه
زينه بحزن/ حاضر وسلمت على آية التى قالت :- هو أنتى لاحقتى
زينه بصوت منخفض/ قدر ومكتوب تدخل تغريد حياتى
آيه بحزن/ رخمة على فكرة
زينه/ أوووى بس شكل عبدو بيحبها مدام كتب كتابة قبل الشبكة
آيه بحزن/ ربنا يسعده
زينه/ يارب
أم عبدالله/ يلا يا زينه الست فضحتنا مفيش أدب إيه الصوت العالى دة
(فى الشارع )
أم تغريد/ كنتى فين
أم عبدالله/ بزور جارتي تعبانه، ،،أزيك يا تغريد
تغريد/ أهلا
أم عبدالله/ أتفضلوا على البيت ،،،،،وتجاهلوا زينه فى السلام عليها
تغريد/ عايزة أشوف أوضه النوم الجديدة
أم عبدالله/ أتفضلى
زينه/ عبدو مش بيحب حد يدخل ويلعب فى أوضته فى غيابه
تغريد بهجوم/ وأنتى مالك أنا مراته والبيت دة بيتى مش ذى ناس متطفله
فهمت الأم الكلام/ محدش متطفل دى صاحبة بيت وياريت تحترمى الصغير قبل الكبير فى البيت دة
تغريد/ قصدك أنا مش محترمه
راضية/ عايزه خناقة وخلاص ،متقولى حاجة يا أم تغريد
أم تغريد / بنتى مغلطتش زينه مش من حقها تكلم مع بنتى دى عيله صغيرة وبنتى مرات أبنك ومن حقها تشوف الأوضة الجديدة مش كفاية تدخل فى بيت أهله
راضية/ مش متكلمه علشان فى بيتى وعلشان المعلم عصام والمعلم عبدالله مش عايزة مشاكل الأوضة أهى عندك
________
فى نفس الوقت نزلت آيه تشترى لبن وعيش للعشاء ومرت على المحل ندة عليها عبدالله وقال:- رايحة فين
آيه بكسوف/ أشترى عشاء
عبدالله/ هى ماما روحت بسرعة كدة
آيه/ مش لحقت تقعد مرات حضرتك ومامتها جات وصوتها عالى وأنا نازلة
عبدالله/ تجبى عشا منين
آيه/ بعد حارتين
عبدالله /وأبوكى فين
آيه / فى شغله
عبدالله/ بهاء يا بهااااااااء
أتى بهاء
عبدالله/ ينوبك ثواب روح معاها تجيب عشاء لأمها العيانه مينفعش بت زيها تخرج برا الحارة فى وقت ذى دة
بهاء بضيق/ خلى حد من صبيان المحل مش فاضى
عبدالله/ بخاف عليها دى صاحبة زينه ومتربيه معاها
آيه/ شكرآ عن أذنكم
عبدالله بحدة/ كلمتى تتنفذ يا بت
أرتجفت آية وهزت رأسها بالموافقة،،سار معها بهاء وهو يضحك ويقول :- يا جبانه ،،،،و طول الطريق لم تفتح آية معة كلام وترد على قد السؤال وعملت مشكلة معاة علشان يريد دفع حساب الأكل ويحمله وهى رفضت بشدة لا ينكر هذا الموقف أعجبة بشدة ،،،لكن هو شايفها مش مميزة كيف تطلبها أمه للجواز وحمد ربنا أن أبوها رفض
بقلم نجلاءفتحى عاشقةالكلمات
___________
فتح عبدالله باب شقته غضبان فعلا صوت أمه عالى مع زوجته ووالدتها لم ينتبه لة أحد
تغريد/ الأوضة وحشة لونها مش عاجبنى والعفش بتاعها يتغير
راضية/ كلة متغير من أيام، ،،،،أوضة جوزك القديمة تخلص منها يا بنتى الحاجة غالية دة غير لون الحيطة والارض والعفش والفرش كلة جديد ومش مستعمل وجاهزة ليكى يا عروسة مش يلحق يغير تانى فرحكم بعد يومين كفاية تأجيل
تغريد/ مخدش رأئى ،،،،وأتأجل لية علشان زينه هانم بتمتحن
راضية/ أخته وخايف دوشة الفرح تأثر عليها دى شهادة
تغريد / إللى مختار الحاجة بلدى وحش
زينه/ عبدو أختار الأوضة وأى حاجة يختارها ذوقه حلو
تغريد بغضب/ أخرسى ملكيش فية ،،،واقفة معنا لية حد خد رأيك يا بهيمه يا جاموسه بجسمك إللى شبه الفيل دة
راضية بدفاع/ ملكيش دعوة ببنتى كفايه أهانه فيها من الصبح فاكره ملهاش ظهر عبدالله لو عرف يهد الدنيا ولولا فى بيتى ومرات ابنى كنت رميتك من البلكونه
تغريد/ لية دى يدوب بنت عمه وبتربوها شفقة المفروض تروح لأمها ،،،،
راضية بقوة/ أنا أمها
تغريد / يلا يا حلوه روحى لامك قاعدة هنا لية ولا علشان أمك رميتك وأتجوزت
جريت زينه لغرفتها تبكى ،،،كعور عبدالله إيدة بجوارة، حبيبته أتهانت فى بيتها وأمامه
ياترى رد فعل عبدالله إيه