بقلم سلوي عوض
وبعد أن صعد ياسين ومعه البواب وجميع الشنط لينزل ياسين مره اخري
ياسين: ياله يا جماعه تعالو ريحو.
ليصعد الجميع الي شقه ياسين.
عزيزه: انا عايزه انام.
سنيه: كلنا هننامو.
ياسين: الشقه كبيره والاوض كتيره خدو راحتكم.
ياسمين: انا هنام ف الاوضه اللي ف الوش ديه.
ياسين: ماشي بس متلعبيش ف حاجه عشان ديه اوضه سيف صاحبي.
عزيزه: اه الظابط اللي ساكن معاك؟
ياسين: اه يا اما.
عزيزه: طاب يا ولدي ليكون نايم جوه ولا حاجه؟
ياسين: له يا اما هو اليومين دول جاعد عند ناسه لما بيتعرك معاهم بياجي يجعد معاي.
---
سنيه: خدي ورده تنام جارك يا ياسمين وخلي بالك عليها.
ياسمين: حاضر يا خاله.
لتدخل ياسمين غرفه سيف وتدخل ورده خلفها.
ياسمين: الحجي يابت يا ورده شوفي صورته ده زي الجمر وجسمه رياضي، يالهوي يا اما علي جماله ف بدله الظابط خطف جلبي، انا خلاص لجيت فتي احلامي.
ورده: بتفتشي ف ايه انتي؟ تعالي هنا.
ياسمين: اخرسي بجا واتخمدي.
لتفتح ياسمين درج مكتب سيف.
ياسمين: ايه ده؟ ديه اجنده فيها مذكراته انا هجراها.
ورده: عيب يابت الحلال مينفعش كده.
ياسمين: ولا كاءني سامعه.
لتفتح ياسمين المذاكرت لتقرء.
ياسمين (بتقرأ):
"انا سيف شاكر الدمنهوري ظابط شرطه وبحب شغلي اوي، والدي رجل اعمال كبير وغني ووالدتي سيده اعمال وطيبه جدا وعامله جمعيه الرفق بالحيوان وممكن تسافر اخر الدنيا لو عرفت بس أن في حيوان ضال أو تعبان، عشان كده هيا دائما مش فاضيه، لكن ارخم حاجه ف الدنيا كلها عمتي باكينام وبنتها سوزي، عارف انا حركاتهم وللاءسف عايشين معانا ف بيتنا لاءن جوز عمتي متجوز عليها وعايش مع مراته التانيه، والصراحه عنده حق اصل عمتي وبنتها محدش يعاشرهم تكبر و غرور ورخامه، وطبعا عمتي عايزه تلزقلي بنتها باءي طريقه عشان كداسايب البيت وقاعد هنا مع ياسين صاحبي.
ياسين محامي من الصعيد بس طيب جدا وصاحب صاحبه، انا معرفش عنه غير أنه له اخت وحيده لكن معرفش عنها حاجه، ووالده راجل طيب ومحترم ووالدته كمان ست طيبه، ما هم لازم يكونو طيبين أهل الصعيد يعني الطيبه والكرم والجدعنه.
اما انا سيف من الناحيه العاطفيه مش مرتبط ولا ليا اي علاقه بالجنس الآخر عشان مش لاقي فتاه احلامي، لاءن المواصفات اللي بدور عليها صعبه جدا، انا عاوزها مجنونه شقيه مطرقعه فيها روح، حاجه كده مش موجوده بس اكيد هلاقيها."
لتضحك ياسمين:
ياسمين: يا ابن المجنونه ده انته جيتلي ف ملعبي.
ورده: متنامي يا زفته.
ياسمين: هرجع كل حاجه مكانها وانام، ايوه طبعا انتي عايزه الضهر ياجي جوامك عشان كتب الكتاب.
ورده: يارب يا ياسمين.
لتغط ياسمين في نوم عميق وينام كل من ف المنزل.
---
وها هو قد اتي اذان الضهر
ياسين: اصحو بجا يا جماعه.
ليستيقظ كل من المنزل.
يسمع ياسين صوت طرق علي الباب.
ياسين: ديه تلاجيها ام فردوس مرت البواب.
ليففتح لها.
ياسين: تعالي يا ام فردوس.
ام فردوس: سلامه، جوزي قاللي ان اهل حضرتك جم من البلد.
ياسين: اه وصلو بالسلامه، خدي هاتيلنا فطار محترم وهاتي بالزياده، وعلي العصر كده كتب كتابي علي بنت خالتي.
لتطلق ام فردوس زغروته:
ام فردوس: الف مبروك يا استاذ.
ياسين: الله يبارك فيكي يا ستي، روحي بقا هاتي الفطار.
ام فردوس: من عيوني يا استاذ حمامه.
---
وهنا تخرج سنيه تتحدث مع ياسين.
سنيه: اسمع ياولد اختي، لو بتي مش لاده عليك احنا ترجعو البلد ومشوفكش مضايج كده.
ياسين: لا والله يا خالتي انا مش مضايج من حاجه، بس اصلي مصدع ولسه مشربتش قهوتي، هعمل فنجان قهوه اشربه وهبقا تمام، وعلي ما تفطرو يكون الماءذون جيه ونكتب الكتاب.
سنيه: ربنا يعدلهالكم يا ولدي.
ياسين: هيا أمي لسه نايمه؟
سنيه: له ديه صحيت بس بتصلي.
ياسين: ربنا يتجبل منها.
وهنا تحضر ام فردوس بالافطار.
ياسين: ياله يا جماعه تعالو الفطار جيه.
ام فردوس: حضرتك عايز مني حاجه تانيه يا استاذ؟
ياسين: لاء، بس لما الماءذون ييجي طلعيه عندي هنا.
---
وبعد الإفطار يحضر الماءذون ليكتب كتاب ورده وياسين.
شحته: متاجو نروح نزور أولياء الله الصالحين.
عزيزه: ياريت ده انا نفسي ازور جوي.
وهنا يسمع شحته صوت رنين هاتفه.
شحته: بتجول ايه؟ انته معجوله؟ طاب انا هتحرك دلوك اتصرف انته علي ما اجيك.
عزيزه: خير فيه ايه؟
شحته: ده الواد مصلح بيجول أن الزريبه الكبيره البهائم اللي فيها هايجين علي بعض، شكلهم جاتهم فلونزا البجر، ولازم اسافر.
أسماعيل: خلاص واحنا كمان نسافرو معاك، هنجعدو نعملو ايه؟ خلاص كتبنا كتاب العيال.
وتغمز سنيه لياسمين ليراهم ياسين.
عزيزه: خلاص نسافر ونبجو ناجو بعد سبوع كده نطمنو عليهم ونزورو الاوليه.
شحته: ياله طيب مافيش وجت.
لينزلو في عجاله وتترك عزيزه شنطه ملابسها.
سنيه: فين شتطتك؟
عزيزه: مش مهم ما انا مجبتش هدوم كتير.
شحته: اركبو طيب، اطلع انته يا ياسين.
أسماعيل: معايزش أوصيك علي بت خالتك.
ياسين: ديه بجت مرتي دلوك هتوصيني علي مين بس يا عمي، الله يرضي عليك.
لينطلق شحته بالسياره.
---
اما ياسين فكان قد صعد الي شقته ليجد ياسمين مازالت تتناول الافطار.
ياسين: انتي لسه بتحشري؟ طاب يا حلوه بعد متخلصي اكل تمسكي الشقه، تغسلي السجاجيد والستائر وتغيري الملايات وتوضبي المطبخ، عايز الشقه بتبرج، انتي واللي عامله فيها مجنونه ديه، وحياه امي وامك لاربيكم انتم الاتنين.
ياسمين: له ورده مش عامله مجنونه؟ ديه عيانه مش الشيخ جال كده؟ وانته سمعته.
ياسين: اه سمعته، باءماره الاتفاج اللي بينك وبينه، خشي اندهيها.
لتدخل ياسمين علي ورده.
ياسمين: الحجي، ياسين عارف كل حاجه عن خطتي.
ورده: ما انا جولت هتوديني ف داهيه.
---
---
ياسمين: طاب تعالي نشوفوه.
ورده: انا خايفه.
ياسمين: تعالي بس.
لتخرج ياسمين ومعها ورده.
ياسين: اهلا بالممثله القديره الست ورده. اسمعي بقا بعد متخلصي الشقه مع الست المؤلفه هتخرجو كل بدلي من الدولاب تغسلوها وتكوها وعلي الله تبوظو حاجه.
ياسمين: ايه احنا جايين هنا عشان تشجينا؟
ياسين: وانتي لسه شوفتي حاجه؟ اخلصي منك ليها عشان بعد كده هتنزلو كل الهدوم اللي ف الدولاب وتطبقوها من اول وجديد.
ياسمين: ياسلام ومش عايزنا نغسلك رجلك بالمره؟
ياسين: بعد متخلصو، وانتي يا ورده هانم خشي اعملي فنجان قهوه مظبوط وعلي الله يطلع طعمه وحش.
وهنا يسمع ياسين صوت رنين هاتفه.
ياسين: حاضر حاضر، هجهز شنطتي واسافر حالا اهو عشان احضر القضيه.
ليغلق الهاتف.
ياسين: انا جاتلي سفريه الاسكندريه، هقعد يومين، وإياكم تعملو اي حاجه غلط، ولما ارجع عايز اجي الاقي كل حاجه تمام.
ياسمين (بخبث): حاضر يا اخوي تحت امرك، هنعملو كل اللي جولت عليه، تسافر وتاجينا بالسلامه.
وهنا تخرج ورده بالقهوه.
ياسين: هاتي لما اشوف عمايلك.
ليتذوق القهوه.
ياسين: طعمها جميل اهي، اي حاجه عدله منك. اه وبعد كده تتكلمو مصري الصعيدي ده تتكلموه ف البلد.
ياسمين: اه طبعا.
ياسين: وانتي ياست ورده، ايامك اللي جايه كلها سوده علي ايدي عشان تبقي تعملي فيها مجنونه.
ليخرج رزمه ماليه.
ياسين: خدي يا زفته انتي عشان لو احتاجتو حاجه، وانا لما انزل هخلي ام فردوس مرات البواب تطلعلكم، هدخل اوضب شنطتي، ولما ارجع هعرفكم شغلكم.
ليدخل ياسين الي غرفته.
ورده: عاجبك كده يا وش النصايب؟ شايفه الشجه كبيره ازاي؟
ياسمين: ملكيش دعوه، انا هظبط كل حاجه، اخرسي انتي بس.
---
ياسمين: انا هلبس ملابس امي واعمل مكياج يكبرني وانده علي مرت البواب واخليها تعمل كل حاجه، سهله وبسيطه، وف نفس الوجت هخليها متعرفش ياسين حاجه عشان هديها حجها وزياده.
ورده: انا معايا فلوس امي سابتلي.
ياسمين: طيب خليهم معاكي.
ورده: طاب انا مش عارفه اعمل ايه مع ياسين انا والله بحبه.
ياسمين: نخلص بس من اللي ورانا وانا هجولك تعملي ايه
ورده: وتغرجيني تاني يا ياسمين
ياسمين: يعني كل اللي عملته ده مطمرش ف جتتك؟
صدجي بجا اخوي، خساره فيكي انتي، كان تمامك سيد جشطه اللي كتي هتتجوزيه ابو شكلك.