بقلم سلوي عوض
ياسمين وهنا تدخل الغرفه لتفتح شنطة والدتها لتخرج عبايه ثم تقول
ياسمين :حلو جوي كده.
ورده: انا مش عارفه هما ليه سافرو بسرعه كده؟
ياسمين: ما حضرتك نايمه ف العسل، انا اتفجت مع خالتي تدي جرشين للواد مصلح عشان يكلم ابوي ويجوله اللي سمعتيه.
ورده: شيطانه أعوذ بالله منك ياسمين، ولا بيطمر فيكي حاجه. غوري اطلعي برا خليني اجهز.
ياسمين: طاب اصبري شويه، ممكن ياسين يرجع تاني؟
ورده: اغبي واحده ف الدنيا. روحي اعمليلي فنجان جهوه زي اللي عملتيه لياسين.
---
لتخرج ورده وتترك ياسمين، وبعد نصف ساعه تخرج ياسمين من الغرفه لتراها ورده.
ورده: يخربيتك ايه اللي انتي عاملاه ده؟ اللي يشوفك يجول عندك خمسين سنه!
ياسمين: طاب اترزعي ومسمعش صوتك. انا هنده علي ام فردوس.
لتفتح ياسمين باب الشقه لتنادي علي ام فردوس.
ياسمين: ام فردوس!
ام فردوس: ايوه مين؟
ياسمين: انا خالتك ام الاستاذ ياسين.
ام فردوس: انا طالعه حالا اهو.
لتصعد ام فردوس.
ام فردوس: اهلا بيكي يا حجه نورتي الدنيا.
ياسمين: منوره بيكي يا بتي.
تعالي اعرفك علي عروسه ولدي.
ام فردوس: ماشاء الله زي الجمر.
ورده: تسلمي.
ياسمين: عايزاكي بجا توضبيلي الشجه وتغسلي السجاجيد، عاوزاها شجه عروسه، وانا هراضيكي مراضيه حلوه.
ام فردوس: تحت امرك من غير اي حاجه.
ياسمين: وعايزين نودو البدل بتاعت الاستاذ تتنضف.
ام فردوس: ابني بقاله يومين شغال ف مغسله، هخليه ياخدهم يظبطهم ويخليهم زي الفل.
ياسمين: بس أسمعي، معيزاش ولدي يعرف حاجه. كان يعني العروسه هيا اللي عملت كل حاجه، هيا كانت هتعمل كل حاجه، بس الصراحه انا جولت انتي اولي بالجرشين، الدنيا صعبه جوي يا بتي.
ام فردوس: ربنا يراضيكي ياست الكل ويوسع عليكي، وبعدين ازاي عروستنا تعمل حاجه وانا موجوده؟ انا تحت امركم.
---
ياسمين: كتر خيرك.
لتخرج ياسمين مبلغ مالي.
ياسمين: خدي يا ام فردوس هاتي حاجات التنضيف كلها.
ام فردوس: بس كده كتير.
ياسمين: مش كتير ولا حاجه، روحي انتي بس.
ام فردوس: حاضر ياست الكل.
---
لتذهب ام فردوس.
ورده: لتضحك… ده انتي مشكله من مشاكل الزمن.
ياسمين: خليكي جاعده بس تنجي عليا.
وهنا يطرق الباب عليهم.
ياسمين: مين؟
حامد: انا حامد ابن ام فردوس وجاي عشان اخد البدل.
ياسمين: استني.
لتفتح له ياسمين الباب.
ياسمين: انا مجهزاهم، خد اهم بس تجيبهم بسرعه.
حامد: حاضر ياست الحجه.
وهنا تحضر ام فردوس بالطلبات.
ام فردوس: انا جيبت الحاجه وهغسل السجاجيد وانشرهم فوق السطح.
لتبدء ام فردوس ف غسل السجاجيد، وبعد خمس ساعات كانت قد انتهت من غسيل السجاد.
وهنا يسمعون صوت طرق علي الباب.
لتفتح ام فردوس لتجد أمامها الظابط سيف.
ام فردوس: اهلا بحضرتك يا حضرة الظابط.
سيف: قولتلك مليون مره بلاش حضره الظابط ديه.
ام فردوس: تمام.
وهنا تخرج ياسمين.
ياسمين: مين اللي كان علي الباب؟
ام فردوس: ده سيف بيه.
ياسمين: اهلا بيك يا ولدي، تعالي خش.
سيف: انا اسف جيت ف وقت مش مناسب.
ياسمين: له يا ولدي.
سيف: اكيد حضرتك والده ياسين؟
ياسمين: اه انا أمه، اصل ياسين سافر الاسكندريه عنده جضيه.
سيف: يا خبر… طاب استاءذن انا.
ياسمين: لا والله اشرب الجهوه الأول، ومعلش عشان البيت مبهدل اصلنا بنروجوه.
سيف: لكن حضرتك وصلتي أمته؟
ياسمين: جيت انا وعروسه ياسين بت خالته وكتبنا الكتاب.
سيف: وازاي ميقوليش؟
ياسمين: والله يا ولدي كل حاجه جات بسرعه جوي.
سيف: خلاص بقا الف مبروك، انا بس هدخل اوضتي عشان فيه ملف قضيه محتاجه جدا.
ياسمين: بيتك ومطرحك يا ولدي… بس جوللي هو انته يعني مهمل ناسك وجاعد هنا مع ياسين؟
سيف: مخبيش عليكي يا امي، اصل فيه تاجر ممنوعات كبير اوي سكن هنا ف العماره وانا براقبه.
ياسمين: معجوله!! ساكن هنا؟
سيف: اه ف الدور الخامس، هو ورجالته.
ياسمين: ربنا ينصرك عليه يا ولدي… بس لمؤاخذه يعني مش عاوزاك تعرف ياسين انك جيت هنا.
سيف: مفهوم يا امي طبعا.
ياسمين: استني بجا اجيبلك عروسته واعرفك عليها.
سيف: مالوش داعي.
ياسمين: ديه زي اختك يا ولدي… بس هو ياسين ولدي مخه مجفل شويه.
سيف: ده ياسين طيب اوي ومحترم.
ياسمين: ده من ذوجك… يا ورده! تعالي يا بتي سلمي علي صاحب جوزك.
لتخرج عليهم ورده.
سيف وهو ينظر الي الأرض: اهلا بيكي والف مبروك يا عروستنا.
ورده: الله يسلمك. عجبالك
سيف: ف حياتك إنشاء الله… عن اذنكم.
ياسمين: مشربتش الجهوه.
سيف: مره تانيه إنشاءالله. محتاجه حاجه يا امي؟ انا تحت امرك.
ياسمين: كتر خيرك يا ولدي.
سيف: حضرتك ده الكارت بتاعي وفيه كل ارقامي، لو احتاجتو حاجه كلميني ف اي وقت.
ياسمين: كتر خيرك.
ليتركهم سيف ويغادر المنزل.
ورده: جسما بالله انتي هتودينا ف داهيه، افرضي جال لياسين؟
ياسمين: بس يا عبيطه.
ياسمين: وديه تفوتني برده؟ خشي شوفيلك حاجه اعمليها وانا طالعه السطح مع ام فردوس عشان ننشرو السجاد.
ام فردوس: تعالي ياست الحجه نطلعو ف الاسانسير.
ياسمين: اه يا بتي احسن رجلي وجعاني.
وهنا يصلو الي سطح المنزل.
ام فردوس: انا هنشر السجاجيد وهروح بس اجيب طلبات لسكان العماره.
ياسمين: روحي يا بتي.
وهنا يصعد المعلم حنتيره علي سطح العماره.
حنتيره: لمؤاخذه يا ست الحجه، مكنتش اعرف ان في حد هنا.
ياسمين: له يا اخوي انا بس اتخنجت من جعده الشجه جولت اطلع اتهوي، وبالمره ننشرو السجاد.
حنتيره: هو حضرتك ساكنه جديد هنا؟ اصلي عمري ما شوفتك قبل كده.
ياسمين: له انا مش ساكنه هنا، ده انا ام المحامي.
حنتيره: الاستاذ ياسين؟ ونعم الذوق والأخلاق.
ياسمين: كتر خيرك ده بس من ذوجك. امال انته ساكن ف انهو دور؟
حنتيره: ف الدور الخامس.
ياسمين بعفويه: يبجا انته بجا تاجر الممنوعات اللي جال عليه الظابط سيف.
ليسمعها حنتيره.
حنتيره: اصل انا تاجر فاكهه وخضار وربنا موسعها عليا، ومعايا اولادي لمؤاخذه يعني بيساعدوني، عندي زكي وتوفيق ومكرم، وانا اسمي حلمي بس بيقولولي حنتيره. انا لازم ادوق حضرتك من الفاكهة والخضار بتوعنا.
ياسمين: وعلي كده مرتك جاعده معاكم؟
حنتيره بتمثيل: تعيشي انتي يا غاليه… المرحومه اتوفت وسابتلي العيال حتت لحمه حمرا، فكسرت شبابي عليهم وربيتهم، احسن مجيب لهم مرات اب، وهما اللي شايلني دلوقتي وبيساعدوني.
ياسمين: ربنا يخليلك يا اخوي.
حنتيره: عن اذنك يا ست الكل، ميصحش يعني ابقا موجود وحضرتك هنا، انا هنزل وهشيعلك طبق كده علي اد ما قوسم.
ياسمين: مافيش داعي تتعب نفسك.
حنتيره: النبي قبل الهديه.
ياسمين: عليه الصلاة والسلام.
حنتيره: صليتي ف الكعبه انشاءالله؟
ياسمين في سرها: ما الراجل شكله طيب اهو… امال ايه تاجر ممنوعات ديه اللي جاللي عليها سيف؟ شكله ظابط فاشل زي الواد ياسين اخويا.
ياسمين: استني يا ابو زكريا.
حنتيره: خير ياست الكل؟
ياسمين: اصل الصراحه الظابط سيف صاحب ولدي بيراجبك وبيجول انك تاجر ممنوعات.
حنتيره: انا لا حول ولا قوه الا بالله، ممنوعات ايه بس يا حجه؟ ده احنا بنشعبط ف رضا ربنا، ربنا يعافينا وينتقم من اللي بياءذو الشباب.
ياسمين: والله شكلك راجل طيب ومتجي ربنا.
ليتركها حنتيره وينزل الي شقته ليجد صبيانه جالسين.
حنتيره: اسمع يا واد منك ليه! انا قابلت الست أم المحامي اللي ساكن تحتينا، وقالتلي أن الظابط سيف بيراقبنا عشان تجاره الصنف.
زكريا: الله عليك يا معلمي! وخليتها تقولك ازاي؟
حنتيره: عملت نفسي تاجر فاكهه، عشان كده نضفو الشقه من اي حاجه، وانا هخلي ام فردوس تنزلها صنيه عليها فاكهه وخضار.
مكرم: يعني احنا كده ف خطر؟
حنتيره: ما انا بقول اهو يا غبي! هننقل كل البضاعه ف المخزن التاني ونكن شويه، عشان الظابط شكله حاططني ف دماغه اليومين دول.
زكريا: يعني قصدك لو يعني حب يفتش الشقه ميلاقيش حاجه؟
حنتيره: ايوه كده براوه عليك! ياله ف حموتها، خلينا نخلص ويبقا يوريني حضره الظابط هيعمل ايه معانا لما ميلاقيش حاجه.
ليضحك مكرم.
مكرم: الوليه ديه وقعتلنا من السما يا سيد الكل.
اما ياسمين فكانت قد نزلت الي شقه أخيها.
ياسمين: بت يا ورده، جومي شوحيلنا حتتين كبده خلينا نتغدو.
ورده: وانتي علي رأسك ريشه؟ وبعدين انا عاوزه اكل وكل جاهز.
ياسمين: استني انده علي ام فردوس تجيبلنا كفته مشويه.
ورده: وعايزه ساجع؟
ياسمين: مش مصباح علاء الدين انا يا عين امك!
ورده: طاب بطلي لماضه وجوليلي هترجعي أمته؟
لتضحك ياسمين:
ياسمين: شوفي بجا… بعد ما كل حاجه تخلص وجبل ما ياسين ياجي هرجع زي مكنت.
ورده: مش جولتيلي انك هتخلي ياسين يحبني؟
ياسمين: اه… بليل ف السهره هرسملك خطه متخرش المايه، وابجي عدي الجمايل.
ورده: نفسي يارب ياسين يحس بيا.
ياسمين: اولا… هتغيري طريجه تسريحه شعرك، وتغيري لبسك، وتتكلمي مصري زي ماياسين جال… يعني بالعربي تبجي واحده تانيه. ولما تشوفي ياسين تجعدي تساءليه ف القانون، واعملي نفسك فهمتي منه، وإن هو اشطر من الدكتور اللي كان بيدرسلك ف الجامعه. واجعدي بجا أشعري فيه… بس مش ف شكله ولا انك بتحبيه، له كله ف الشغل… وجوليله انا ممكن اساعدك ف كتابه الجضايا والحاجات بتاعت المحامين ديه.
ورده: إن كان كده تمام… ما انتي عارفه اني كت شاطره ف كليه الحجوج وكانو هيعينوني معيده بس انا رفضت.
ياسمين: عارفه… بس شطارتك ديه توريها لياسين مش ليا.