المنشاوي: هبعتهم ، ودلوقتي بقي الصور الجميلة دي نبعتها للؤي ، إنهاردة وكمان سمعت من هانم إن عيد ميلاد سما بكرة ولؤي هيحضرلها هدية إنهاردة وإحنا كمان هنديها هدية وكمل بضحك وهتعجبها أوي
صافي بخبث: أوي
★★★★★
عند سما قامت بعد المغرب من النوم وإتصلت علي مرات عمها ومرات عمها قالتلها إن إحنا معرفناش نيجي لإن الدكتور كان بيعمل تحاليل لعمها وقالتها إنه بقي كويس وسما قالتلها إنها هتيجي تزوره قريب
وسما كانت قاعدة بتتقلب في الفون ولقيت لؤي باعت ليها مسج علي الواتساب بيقولها
" قطتي القمر في فستان في غرفة الملابس إلبسيه وإنزلي بسرعة وإوعي تفردي شعرك سلام يا قطتي المزه"
سما وقامت تجري زي الأطفال وراحت ناحية أوضة الملابس ولقيت فستان طويل بكمام ومفقول من عند الرقبة ولونه سيلڤر ومعاه هيلز أسود
لبسته ونزلت ولقيت صالون الفيلا متزين كله بالبلالين ومكتوب بخط كبير ومتزين في نص الصالون
" كل سنة وإنتي طيبة يا أحلا حاجه حصلتلي في حياتي كل سنة وإنتي طيبة يا قطتي"
ولقيت لؤي واقف ولابس بدلة كلاسيكي ومصفف شعرة وريحة البرفيون بتاعه ماليه الجو وكان شكلة قمر وراح ناحيتها
لؤي بحب: أهلا يا سمو الأميرة شكلك يهبل في الفستان ده
سما بكسوف: وإنت شكلك جميل أوي
لؤي بعشق: يا الله علي القمر بتاعي إللي بيفضل يتكسف مني ده
وأخدها وراح ناحية التربيزه إللي كانت في وسط الصالون وقعدوا عليها وكان عليها قالب جاتوا شكله جميل اوي ومكتوب عليه:
" بعشق يا قطتي "
سما بفرحه ومش مصدقة إللي هيا فيه: أنا مش عارفه من غيرك كنت هعمل إيه إنت خلتني أسعد واحده في الدنيا دي كلها وكملت بحزن كنت فاكرة إني هفضل طول عمري في الذل والإهانة إللي عمي وعيلته كانت معيشاني فيه
لؤي بعشق: هششش متتكلميش عن الماضي خلاص كل حاجه إتغيرت وأنا هفضل جنبك وعمري ما هسيبك إنتي روحي ومفيش حد بيسيب وروحه ويوم ما تسبيني هموت هبقي جسد من غير روح
سما بحب : بعد الشر أنا بحبك ومستحيل أسيبك بس إوعي في يوم تجرحني أو تيجي عليا لإني وقتها هموت لإن مليش في الحياة دي غيرك إنت
لؤي بعشق: وأنا بعشقك وعمري ما أعمل كده ، تعالي يلا إتمني أمنية وإطفي الشمعة
سما إتمنت إنهم يفضلوا مع بعض علي طول وراحت طايفه الشمعة
سما بإستغراب: أمال فين ماما وعمي والخدم
لؤي بغمزة: سربتهم علشان نكون لوحدنا خليت بابا يعزم ماما علي العشا وعطيت للخادمين أجازة إنهاردة
سما بخجل: طيب
وهما بيتكلوا لقوا جرس الفيلا بيرن
لؤي: خليكي أنا هفتح
وراح فتح ولقي واحد واقف ومعاه طرد
الشخص بتاع الطرد: حضرتك لؤي بيه
لؤي: أيوه أنا
الشخص: الطرد دا لحضرتك اتفضل ممكن تمضي هنا إستلام
لؤي: طيب
ومضي وأخد الطرد ودخل الصالون
سما: مين كان بيخبط
لؤي: واحد كان جايب طرد
سما: اه تمام ، طيب أنا هروح أخلع الهيلز ده لإنه وجع رجلي وألبس حاجه مريحه
لؤي بغمزه وحب: بس بسرعه علشان بتوحشيني
سما بضحك: ثانيه وأكون عندك
وراحت الجناح بتعاهم
ولؤي راح مسك الطرد وبدإ يفتحه وفتحه ولقي صور كتير لسما مع شاب في كذا وضع ولؤي إتصدم
لؤي بغضب جحيمي: ليه تعملي فيا كده ليييييه
وراح طالع لجناحهم
سما: إيه ده لؤي أنا كنت لسه نازلالك مالك متعصب ليه كده
لؤي وراح ملحق الصور في وشها وسما إتصدمت من الصور ومسكت واحده فيهم وكانت ليها هيا ورامي في الكافيه
لؤي بغضب وصدمة: إنتي إللي في الصور دي
سما بصدمة ودموع: أيوة بس صدقني إنت فاهم غلط مش أنا..
وراح نازل علي وشها بالقلم
لؤي بغضب وجنون: يا خاينه ليه تعملي فيا كده أنا عملتك إيه هااا ردي عليا عملتك إيه
سما وإتصدمت من إللي لؤي عمله : مش أنا...
لؤي بجنون: إخرسي أنا كان لازم أعرف من الأول إنك واحدة زب***** وخاينه زيك دا أنا إللي نضفتك وطلعتك من فقرك وجبتك تعيشي في مكان عمرك ما كنتي تحلمي بيه بابا كان معاه حق
سما بدموع ووجع من الكلام: صدقني أنا معملتش كده
لؤي بغضب وبدأ يضربها كذا قلم علي وشها ويضربها بوحشيه وسما مش قادرة تتدافع عن نفسها
لؤي بجنون وهو بيضربها ومش شايف قدامة: ليييه تعملي كده لييه دا أنا حبيتك وقعدت أدور عليكي خمس سنين ليييه
وراح ماسكها من شعرها وجرها علي السلم وطلعها بره الفيلة وسما بتتوجع بس مش من ضربه ولا من شده ليها من شعرها لا دا من الكلام اللي قاله عليها وكانت بتحاول تفك إيديه من علي شعرها وبعدين راح رميها بره الفيلا
لؤي بكره وغل: زي ما دخلتك حياتي هطلع منها وهسيبك زي الكبله في الشوارع
سما بوجع من الكلام إللي بيقوله: صدقني هتندم علي إللي عملته ده ووقتها مش هيفيدك الندم
وقامت من علي الأرض بالعافيه وكانت مش قادرة تقوم من وجعك جسمها بس وجع قلبها أكبر بكتبر وتحاملت علي نفسها وقامت
لؤي بكره: مش عايز أشوف وشك ده صدفة حتي علشان صدقيني وقتها هقتلك وحاجه كمان إنتي طااالق
ودخل وقفل باب الفيلا في وشها وهيا مشيت ومكنتش عارفه تروح فين وكانت ماشيه تايهه ومش حاسه بإيه حاجه غير ألم قلبها إللي عمال ينهش فيها وإن الشخص الوحيد إللي حبته في حياتها عمل فيها كده ومصدقهاش وفضلت ماشيه ومش حاسه بأي حاجه ولا عارفه هيا رايحه فين لحد ما طلعت قدامها عربية وهيا فضلت واقفها مكانها ومتحركتش لحد ما العربية فرملت وهيا أغمي عليها ونزل من العربية شاب طويل لابس بدلة وشالها ووداها المستشفي
★★★★★★
عند لؤي فضل يكسر في الفيلا كلها
لؤي بوجع: ليييه عملتي كده
ومامته وباباه دخلوا الفيلا لقوا كل حاجه متكسرها ولقي قاعد في نص الصالون وحاطط إيديه علي وشه
هانم بخوف وهيا بتجري ناحية لؤي: حبيبي في إيه حصل إيه وفين سما
لؤي وأول ما سمع إسمها: إوعي تنطقي إسم الخاينه دي في البيت تاني دي ماتت بالنسبالي
وقام طلع علي الجناح بتاعه والمنشاوي كان واقف يضحك وهانم مكنتش فاهمه حاجه
★★★★★★
يتبع...........