بقلم نجلاء فتحى
راضية/ فى موضوع خاص بأختك
عبدالله بضيق/ مش أختى بنت عمى وبس
راضية/بتنكر ليه
عبدالله/ بكرا تعرفى السبب المهم أى حاجة تخص زينه لازم أعرفها
راضية بفرحة وسعادة قلب أم/ زوزو جالها عريس
جف الكلام بحلقة وتيبث جسدة
الأم/ مالك مقلتش حاجة غلط
تمالك حالة وقال/ ع ع عريس مين إللى طمع فى حته منى
الأم/ مسير البنات تتجوز وجة عليها الدور
عبدالله بثبات/ مفيش جواز
الأم/ لية
عبدالله/ صغيرة تخلص تعليمها الأول
الأم بشهقة/ أوعا تكون ناوى تدخلها الجامعة خيبه وجات فى عقل البنات اليومين دول
عبدالله/ أهو أنتى قولتى الجامعة وبعد الجامعة يحلها ربنا
الأم/ أقول إيه للست
عبدالله/ قوليها المعلم عبدالله أبن عمها رافض الجواز دلوقتى واتمنى تكون دى أجابتك لأى عريس ،،بلاش تخلينى أرتكب جنايه
الأم/ خلاص إللى تشوفة بس خايفة تدعى علينا ولا قطر الجواز يفوتها
عبدالله/ متخافيش عريسها موجود أقصد أقصد ربنا لو أراد محدش يعترض
الأم/ عندك حق ،،هو أنت كنت عايزها ليه فى أوضتها
عبدالله/ النهاردة أول يوم دراسة وكان فى شباب بيعاكسوا البنات قدام المدرسة علشان كدة أوصلها رايح جاى ولازم أوعيها دى سن خطر
الأم/ خليها عليا أنت شاب و٠٠
عبدالله بأعتراض / أى معلومه لازم زينه تعرفها منى مهما كانت خاصة لازم منى
الأم/ تعرف توصلها المعلومه دى بنت ومش شاب قدامك
عبدالله/ زينه روحى يا حاجة وبنتى ثم تركها
الأم تنهدت على أساس علاقتهم عادى ومتربين مع بعض وهذا وضع طبيعى
ترجل عبدالله للمطبخ وتنحنح
،،،ألتفت له وقالت:- أتفضل ،،،،،نظر لما تحملة على الصنية وقال:- الشاى ليا ،طبق البسبوسة لمين
زينه ببراءة/ ليا ،،
عبدالله/ ماشاء الله ثم قال بمناغشة :- ينفع أكل معاكى
زينه/ ملكش فى الحلو
عبدالله/ إللى تحبيه أحبه ،،،شكلها غريب
زينه/ جيت من المدرسة لاقيت ماما عملتها وأنا بقا افتكست حاجة وحطيت عليها شكولاتة ومكسرات على الوش ثم أخذت معلقة وقالت دوق كدة ،،،
عبدالله بتلذذ/ أمممم تسلم إيدك حلوة ،، تعال ورايا عايزك فى موضوع ثم حمل الصنية ودخلوا غرفتها وبدأ يوعيها ويقدم لها النصيحة وهى مكسوفة ولازم تحافظ على نفسها ومش تسمع كلام البنات وأى حاجة تحكى ليه ومفيش تقليد البنات ،،وأخر الليل ذهب لغرفتة ونام على الأرض تارك السرير لزوجته تغريد المغلوله
بقلم نجلاء فتحى عاشقة الكلمات
_____________
مرت الأيام
(فى المحل )
بهاء/خير فرحان لية كدة فرحنى
عبدالله/ المحل إللى أشتريته فى منطقة راقية جهزته فاضل بس البضاعة
بهاء/ ألف مبروك ربنا يزيدك يا صاحبى
عبدالله/ اللهم أمين أنا وأنت يارب ،،،،إللى مزعلني أبويا مش يحضر الافتتاح
بهاء/ متزعلش منى أشتريته فى حياته مهما كان لو كان عايش مش يوافق عليه من البدايه
عبدالله/ أبويا الله يرحمة من الناس القديمة ومعتز بالمحل مش ذى عندى طموح تعرف أحلامى بدأت تتحقق المحل دة أول حلم و تحقق ،،تنهد وقال :- فاضل الحلم الكبير البعيد
بهاء/ ممكن أعرفة
عبدالله/ يجى يوم وتعرف المهم دورك هنا خلص مع افتتاح المحل أنقلك للفرع هتكون عينى فية ذى المدير والمحاسب فى نفس الوقت
بهاء/ ضاع المرتب فى المواصلات
عبدالله/ مرتب إيه يااااض ، مرتبك هيزيد يليق بالمكان
بهاء بفرحة/ وحيات أمك يا شيخ
ضحك عبدالله/ وحياتى أمى ههههههه أسمع عايز أعمل للعمال هدوم خاصة مطبوعة عليها أسم المحل
بهاء/أووووباااااا ،،،الناس إللى رسمه على تقيل ،،،المهم الركن دة من يوم مشتغلت هنا مكركب
عبدالله/ عايز الحق المحل هنا عايز يتفور بص فى يوم ننظفة واحدة واحدة المشكلة فى زبائن
بهاء/ بس برضو فية كراكيب
عبدالله/ عندك حق إيه رأيك يوم الجمعة نروق
بهاء/ دة ضغط شغل معروفة صعب
عبدالله/ أجازة مدرسة زينه يعنى أنا فاضى نبدأ بالجزء دة ننزل التوابل وندهن الخشب
بهاء/ تدهنه أنت ولا أكلم النقاش
عبدالله/ كلم النقاش مقطعش عيش حد
بقلم نجلاء فتحى عاشقة الكلمات
ملحوظة لم يعلم أحد بموضوع المحل الجديد غير بهاء فقط
___________
(فى المدرسة الثانوى)
زينه تجلس وحيدة فليس لديها أصدقاء ولم تحاول تكوين علاقات جديدة من حزنها على فراق صديقتها آيه وبسبب تفوقها تحاول الفتيات التقرب منها ومنهم يرونها مع شاب وسيم ويحاولون التقرب منها لمعرفة من هذا الشاب الوسيم مفتول العضلات
أتت فتاة وقالت/ أنا سمر ممكن نتعرف
زينه بتوجس/ أهلا أنا زينه
سمر/ عارفة ،،قاعدة لوحدك لية
زينه/ عادى باكل
سمر/ تعالى أعرفك على أصحابى
زينه/ شكرآ
سمر/ شكرآ إيه ثم أجبرتها تسير معها وتعرفت على البنات وهنا كانت مكسوفة من الكلام الذى تسمعه كلام بنات لكنه بالنسبة لها عيب مما جعل البنات تضحك عليها لكن سمر واقفت لهم بالمرصاد
أنتهى اليوم الدراسى وزينه شاردة الذهن من كلام البنات وعند خروجها من المدرسة وجدت عبدالله ينتظرها كالعادة تذكرت كلام البنات عن الحب والمشاعر وحاجات تانية أرتجفت،،،عقد عبدالله حاجبة بعدم فهم وقال:- مالك يا بت
هزت زينه رأسها بكسوف ونظرت فى الأرض وجريت تركب التوكتوك، نظر هو بحدة للشاب الذى نظر لحبيبته جعلة يفر هاربآ ،،ركب بجوارها وقال بحدة/ بلاش تجرى كدة فى الشارع، لم ترد علية من تشتت ذهنها ومين الحين لأخر تنظر لة لتفاصيله. شاربه ذقنه شعرة ملامحة عضلاته البارزة من جلبابه ،،كم هو وسيم للغاية تنهدت بصوت عالى ،، نظر لها عبدالله بعدم فهم وجدها مبتسمه وتنظر لة ،،أبتسم وقال:' عارف حلو صح
زينه بهيام/ أوووى
ضحك سائق التوكتوك، ،
صفعة عبدالله صفعة قوية على قفاة وقال بحدة / بص قدامك يا أبن ******
السائق/ تسلم إيدك يا سيييد المعلمين ،،،،وأخذ يدلك مكان الصفعة
شهقت زينه ورجعت لرشدها ،،،تعجب هو من حالها وحين وصلت للمنزل طارت للبيت دون نقاش
عبدالله لنفسة/الصبر يارب مجننه أمى أمتى تكونى ملكى بجد يا زوزو
__________
(أتى العصر )
تغريد/ أوووف أنتى يا زينه هانم أنتى يا بتتتتتتت
زينه بضيق / عايزة إيه
تغريد/ المطبخ مكركب
زينه/ وإيه يعنى
تغريد/ نظفيه
زينه/ ماما قالت الدور عليكى النهاردة
تغريد بكذب/ أصل تعبانه
زينه بضيق/ مليش فيه أمبارح نظفته والنهارده دورك ولعلمك مواعين اليوم عليكى ،،،أنا غسلت الحمام وساعدت ماما فى الغسيل ونشرت لوحدى دول أمبارح والنهارده ألم الغسيل وأطبقة وأكوى جلاليب أبيه ونظفت الشقة وطبخت مع ان الطبيخ دورك بس ماما قالت أنتى تعبانه
تغريد/ مليش فيه
زينه/ براحتك لعلمك أبية عبدالله بيدخل المطبخ ساعات ولو مش نظيف ويعرف رفضتى تنظفيه يبهدل الدنيا، ثم تركتها ودخلت غرفتها
تغريد/ جوازة الفقر والشوم ثم أبتسمت بمكر وخبطت على الباب ودخلت الغرفة وقالت زوزو حبيبتى
زينه بصدمه/ حببتك
تغريد/ وأختى الصغيرة
زينه/ أنتى واعية لكلامك
زينه/ أختى الصغيرة وبعد وقت من الكلام المعسول المخادع وافقت زينه تنظف المطبخ وحرفيآ محتاج معجزة فتغريد لم تنظفة طول اليوم حتى أشياء الغداء مازالت موجودة وأوانى تحتاج نقع وصحة للتخلص من الأوساخ المتراكمة
وبشطارة زينه أنجزتهم
بقلم نجلاءفتحى عاشقةالكلمات
_________
(فى المساء )
أتى عبدالله وأحضر علبة بسبوسه جاهزة علشان خاطر زينه لكنه لم يبوح بذلك
وعند الأكل لاحظ صوباعها ملفوف بقماشه وهى مجهدة
عبدالله بخضة/ متعورة منين يا بت
زينه/ البوتجاز وأنا بغسله
الأم بأنتباة/ الدور على تغريد فى نظافة المطبخ مش ليكى
تغريد بكذب/ هى بتساعدنى وأنا بنظفة
زينه/ حرام الكذب وبدأت تحكى كيف تحدثت معها تغريد وجعلتها تنظفه
تغريد بكذب/ كدابه محصلش
عبدالله بحدة/ زينه مش كداااااابه
الأم/ إيدك مبشننه من الماية
دخل عبدالله المطبخ وجد المواعين على الحوض والطاولة لتنشف وهم كتير وكلها أوانى طبخ فقال/ دول بتوع المناسبات طالعوا ليه
الأم/ جارتنا أستلفتهم وكانت بتطبخ عندنا وحلفت مش تغسلهم عقبال عندك خطوبة بنتها
عبدالله/ إيد زينه أكيد وجعتها تذاكر أزاى البت مجهدة
زينه/ مفيش حاجة جرح صغير..
عبدالله بحدة/ اخرسى خالص أى حد يضحك عليكى بكلمتين تسمعى كلامه
زينه ببكاء/ كل شويه تزعقلى أوووف
عبدالله بهياج حين لمح دموعها/ والله صوتك عالى يا جزمه عليا أكتمى يا بتتتتتت
دبدبت زينه بقدميها / شوف مين إللى صوته عالى 😭😭😭
ضرب كف على كف هو / بلاش تشوفى غضبى بطلى عيااااااااط وتردى عليا الكلمه بعشرة يا بت الهبله
الأم/ صلوا على النبي يا ولاد ثم حضنت زينه
تعصب عبدالله أكثر فهو يريد أحتضان حبيبته لكنه على وعدة عدم لمسها وحين جذبها من معصمها أصتدمت بصدرة العريض وبحركة غير أرادية منه هدأ وقال بحنان شديد/ خلاص بقا بلاش عياط ثم مسح دموعها بأحد أنامله ،،،،غارت تغريد وهذا حقها شدت زينه وقالت / أغسل وشها أختى بقا الصغيرة أعمل إيه
نظر عبدالله فى أثرهم وسب تغريد بينه وبين نفسه بأفظع الشتائم البذيئه ،،،
تغريد داخليا تتمنى مياة الصنبور مياه نار تشوه وش زينه وتخلص منها ،،تتمنى ربع المعاملة التى يعامل بيها زوجها لزينه ليها
بقلم نجلاء فتحى عاشقة الكلمات
________
فى بيت آيه تلقت عقاب قاسى من والدها لأنها رافضة هذة الحياة وعايزة ترجع لزينه
لكنها قررت الذهاب لها دون علم أهلها وأعتقدت هذا صواب
_________
(مرت أيام )
بهاء واقف أمام المحل يدخن سيجارة لمح آيه تلك الفتاه النحيفة التى تعطيها عمر أصغر من عمرها تسير فى الحارة وتلتفت حوالين نفسها مثل اللصوص وحين أعترض لها شاب يغازلها حاولت تسير بعيد عنه لكنه يقطع عليها الطريق فجريت لداخل محل عبدالله جرى تحتمى بية،،،،،و الشاب خلفها أمسكه بهاء من قفاة ورمى السيجاره التى لم يكملها وسحقها بحذائه وقال:- رايح فين يااااض وكاله من غير بواب
الشاب بعشوائية/ أوعااااا يا عم مالك أنت
بهاء/ بتجرى وراها ليه
الشاب/ أختى يا جدع
بهاء رفع حاجبة فهو يعرف أسرة آيه/ بجد ، شكلك مش من الحارة منين أنت
الشاب أخرج سلاح أبيض وقال بعشوائية/ إيدك يابااااا هبت منك قولت أختى ولازم تجى معايا البيت أمى عايزاها
آيه ببكاء / كداب يا عمو بهاء من وقت نزولى من المكروباص ماشى ورايا وقالى كلام عيب😭
أتى عبدالله وعرض علية بهاء الأمر
فقال/ جاية لية
آيه/ أشوف زينه وحشتنى
عبدالله/ شيل ياض اللعبة دى تعورك
الشاب/ اللعبة دى تزرغط فى وشك يا حليتها
أجتمع الناس والجميع الذين يعلمون عبدالله فقد أتهان شهقوا من الصدمه
أدرك بهاء خطورة الموقف شد آية من كف إيدها وسار بيها لبيت زينه تحت نظرات عبدالله كأنه ينتظر أبتعاد الفتاة التى يعتبرها أخته الصغرى ثم أمسك الشاب ولاف زراعة العريض على رقبته وقال:- من أى داهية يا ****** تعترض طريق بنات الناس ليه
الشاب/ أوعا يا عم
عبدالله/ عامل دكر ومعاك مطوه دافع عن نفسك يا ******
بهاء/ ههههههههه وقع فى شر أعماله بين مخالب الأسد ثم تجاهل نظرة عبدالله له الحارقة
عبدالله ركل الشاب فى رجله جعلة يسقط تحت قدمه وخطف المطوه وكسرها ورماها وأعطى للشاب علقة موت ثم فتح شوال 🌶 فلفل أحمر مجفف حار وألتقط كميه ودعك بية وشك وفم الشاب ثم مد يدة بسرواله ودعك بية جزءه السفلى وتركه بعد سكب المياة حتى تزيد الحرارة
أخذ الشاب يولول من شدة حرقان الشطة وأمر رجالة يرموة برا الحارة ودخل محلة بهدوء كأنه لم يفعل شئ
بهاء جعل الناس ترحل وقال/ يا مجنون شطة سودانى مرة واحدة الواد يموت من الألم وشه أهون من المكان إللى مسحت فية الشطة
عبدالله بعدم أهتمام/ دة تار قديم
بهاء/ مش فاهم تعرف الواد دة
عبدالله/ لا ،،،،بس بشوفة قدام مدرسة زينه وبيعاكسها وأول مبصله يجرى فرصة وجات لحد عندى
بهاء/ الواد لو قدم فيك بلاغ تتحبس
عبدالله/ عادى إللى يبص لزينه بعينه افقعها حتى لو أنت بس الحمد لله أنا واثق فيك
بلع بهاء ريقة فهو يحبها/ غلطان بلاش غضبك يأذى كدة الشطة ممكن تضيع الواد وتعجزة
عبدالله/ عاكس آيه وزينه يحمد ربنا دعكته بالشطة كنت ناوى أقطعة بالمطوة إللى فرحان بيها
بهاء/ نهار أسود مجنون وتعملها
عبدالله بأنتصار/ أبعت حد للقهوة علشان أشرب كرسى معسل يروق دمى
فر بهاء من أمامه ليجلب ما طلبه بنفسة حتى يهدأ يريد خطوبه زينه وشكل الطريق صعب
__________
على الجانب الأخر دخلوا البنات من البلكونه
زينه/ يوم متجى تعملى مشكله
آيه بفرحة / شوفتى عمو عبدالله دافع عنى
زينه بضيق/ قلبى كان هيقف والواد رافع عليه المطوه الحمد لله جات سليمه
آية / عمل الواد كفته 😁
زينه/ عبدو عصبى بخاف علية
تبدل مزاج آيه لحزن / جاية من ورا بابا مش عايزنى أجى هنا وبدأت تحكى ليها سبب أعتراضة
حضنتها زينه لتوسيها
_______
مر الوقت وصل عبدالله المنزل وهو منتصر عكس المشكله الذى أفتعالها مع الشاب منذو قليل وقابل آيه
عبدالله/ أستنى أوصلك
آيه بخضة/ مينفعش
عبدالله بترقب/ لية دة أنتى ذى أختى وربى شاهد
آيه بحزن/ أصل جاية هنا من ورا بابا
عبدالله/ ودة أسلوب بنات محترمه متعوديش نفسك على كدة
آية/ زينه وحشتنى
عبدالله/ وأبوك يعترض لية ،،دة أنتى كنتى مقيمه عندى ناقص تباتى
نظرت له زينه فى الخفاء بعتاب،،،،تجاهل نظرتها كأنه لم يقول شئ
حكت آيه سبب أعتراض أبيها مما جعل عبدالله يسب ويلعن والدها فى داخله
عبدالله/ بس لازم حد يوصلك على الأقل لموقف العربيات
آيه/ مش ينفع
وهنا الباب خبط فتح عبدالله وقال:- فى حاجة
بهاء وهو ينظر لأرض حتى لا يلمح زينه ويفضح أمرة/ فى حاجة لازم تعرفها
عبدالله/ أريح ساعتين ونازل
بهاء/ فى حاجة فى المحل لازم تجى بسرعة
عبدالله/ أوصل آيه للموقف
بهاء/ تروح لوحدها ذى م جات
عبدالله/ يا بأف دى بنت
تأفأف بهاء /أوصلها أنا
آيه بأعتراض/لا
عبدالله بحدة/ أكتمى يا بتتتتتت يلا ننزل سوا أما أشوف المحل
زينه/ ملحقتش تقعد تتغدا
عبدالله بحنان/ الغراب جة أعمل إيه
كتمت زينه ضحكتها هى وآيه
بهاء حين سمع صوتها مازال على وضعة ومستغرب مين الغراب 🤔🤔
______
تغريد متغاظة فزوجها لم يعيرها أى أعتبار فهو بيهزر مع آية كمان أشمعنا هى
______
(فى مدرسة زينه )
أتى لها أستدعاء عند المديرة وتجلب حقيبتها وحين وصلت
قالت المديرة:- مامتك أخذت أذن ليكى
زينه/ ماما !!! كانت تظن راضية لكن عبدالله لم يسمح لها تأتى لهنا وحين حضرت وجدت فردوس ،،،فقالت/ مش أمى
المديرة/ مش مامتك
زينه بثبات/ ماما أسمها راضية
فردوس/ دى مرات عمها،،،،، راضية علمتك البجاحه زيها خطافة العيال
زينه بأعتراض/الست دى معرفهاش ،،،مليش غير أم واحدة ماما راضية وبس
تدخلت المديرة وأوقف فردوس قبل صفع زينه على وجهها وقالت:- مش اسمحلك تتعدى حدودك مع أى طالبة عندى لو بنتك صح بتنكر وجودك ليه
فردوس/ لو مجتيش معايا حالآ أأذى عبدالله وراضية
المديرة/ تهديد علنى ،،،زينه على فصلك
جريت زينه للباب لتخرج أمسكتها فردوس من خلف حجابها لدرجة انزلق للخلف وظهر شعرها كاملآ وجرح عنها من الدبوس
لم تتهز فردوس.
المديرة بصوت عالى :- أطلبوا الشرطة وبالفعل دادات المدرسة والمدرسات منعوا فردوس من الخروج وأتت الزائرة الصحية الخاصة بالمدرسة وعالجت جرح زينه فهو سطحى
واتصلت المديرة على محل العطارة الخاص بعبدالله فقد أعطت لها زينه النمرة أترك لكم الخيال كيف وصل عبدالله للمدرسة
عبدالله بلهفة / خير يا أبله
المديرة/ مش خير خالص وبدأت تحكى الحوار
عبدالله بحدة/ عايز أشوف زينه
المديرة/ على طول بشوفك بتوصها وتاخدها هو حضرتك أخوها ولا أبن عمها
عبدالله/ ميفرقش
المديرة/ حقى لازم أسأل ويفرق معايا دول بنات أمانه فى رقبتى
تأفأف عبدالله / أيوة بنت عمى ومتربية عندى فى البيت من عمر ٤ شهور وأمى ربتها لان الست أمها الحقيقية رمتها وأتجوزت
المديرة بتفهم / الأم إللى ربت مش إللى خلفت
عبدالله بتوسل / عايز أشوفها طمنى جلبى
المديرة أرسلت الدادة لغرفة المدرسات لإحضار زينه وحين أتت أمسكها عبدالله من معصمها ورفع حجابها وشال اللازق الطبى من على رقبتها ثم لازقة تانى وعدل حجابها وقال بأطمئنان:- الحمد لله خربوش ،،ثم أحمرت عينه وقال:- مفيش داعى للمحضر ونروح القسم علشان خاطر عمى وأبويا ،،،دى مشكله عائلية رغم الدبوس كان ممكن يشط رقبت البت
المديرة/ لعلم حضرتك مش طلبت البوليس علشان هى أمها
عبدالله/ بعد كدة متسلمهاش غير ليا أى حد تانى لا عايز البت تروح
المديرة/ تمام بس أمضى على الاستلام
عبدالله/ حاضر والست فردوس سبيها تمشى ،،،،،وتوعد لها بين نفسة كل مرة تظهر بمشكلة لكنه لا يريد أفعال مشكله معاها حتى لا تكره زينه فالأول والأخر أمها لا يريد أذيتها أكرامآ لزينه وللأسف فردوس تستغل هذا
__________
ومرت الأيام والشهور والأن زينه فى الصف الثالث الثانوى تبلغ من العمر ١٨ سنه ومحافظة على علاقتها بعبدالله الذى يبلغ من العمر ال٢٨ سنه وتغريد أخر الأيام غضبانه عند أبيها فى منزله ومازالت عزراء وللأسف عشقت عبدالله رغم معملته الجافه القاسية معها
:؛؛؛؛؛
أفتتح عبدالله محلة الجديد ووضع لافته كبيرة بأسم [هايبر زينه ]حتى تكون بشارة وصاحبة الأسم تكون على أسمه قولآ وفعلآ وحرفيآ المحل على أعلى مستوى كما يتمنى وجعل بهاء يحل مكانه هناك ،،
حرفيآ زينه عشقت فى الخفاء أبن عمها ومن كلام البنات فى المدرسة مشاعرها لعبدالله حب بنت لشاب وليس مشاعر أخوه ومازالت تعتقد يعاملها أخته فهو متزوج رغم الخلافات بين زوجته لكنها لم تعلم التفاصيل
كان عبدالله يتحدث فى الفون
[ أيوه الوقت دة عصر التكنولوجيا وعبدو أشترى فون 💃💃]
ويتجول فى الصاله وزينه هيمانه من قوة عضلاته وطوله الفارغ وعضلاته العريضة وملامحة الروجولية وزقنه العشوائية مع بشرته البرنزية من أثر الشمس 🤗☺️،،،،،
أتت الأم/ سرحانه فى إيه يا زوزو نقى الرز
أنتبهت زينه / حاضر حاضر بنقى أهو ،،،، وتختلس النظر لعبدالله
أغلق عبدالله الفون وقال/ يقطع المحمول وسنينه ماله التليفون الأرضى راحة بالة والصوت واضح كفاية بتكلم وأنا قاعد مش رايح جاى ذى عسكرى الدورية علشان الشبكة أوووف شركة بنت *******
شهقت زينه/ عيب يا أبيه
عبدالله بضيق / لأموخدة يا أنسه
زينه تتمنى يرجع ويقول لها زوزو و يدلعها لكن كيف وهى من طلبت ذلك
عبدالله/ سرحانه فى إيه
زينه/ ولا حاجة 🥺
عبدالله/ أمك فردوس جاتلك المدرسة ولا حد زعلك
زينه/ مش أمى هى الست إللى ولادتنى وبس ،،،،تجى أزاى وأنت بهدلتها يومها
عبدالله/ لازم أعرف وشك حزين ليه
زينه / يوةةة قولت مفيش ثم أعتدلت لتقف ،،،أمسك هو معصمها بقوة ألمتها:- أةةةة دراعى مش كدة
عبدالله بين أسنانة/ أزاى تكلميني كدة فاكرة كبرتى عليا
زينه بخوف ودموع من قوة قبضته/ أسفة بجد مخنوقة من قعدة البيت
عبدالله/ المدرسة كل يوم معدا الجمعة مش محبوسه لكل دة
زينه بكذب/ زهقت من البيت عايزة أتفسح أخر مرة أتفسحت فى تالته إعدادى ودلوقتى انا فى ٣ ثانوى
تذكر عبدالله تلك الخروجة وركبت خلفة الموتسكل 🏍 وتذكر وجود والدة الذى عنفة لا يهم المهم وجودة فى الدنيا فقال/ مشكلتك تتفسحى
زينه/ عايزة أتفسح معاك
عبدالله/ معايا
زينه بتمنى /ياريت وأركب وراك الموتسكل 🏍 وتشترى ليا ألعاب وحلويات زى زمان
عبدالله بملامح جادة / أنتى كبرتى على الحاجات دى
زينه بحزن/ والكبار مش بيتفسحوا 🥺
الأم/ بعد أسبوع شم النسيم نطلع نشم هوا فى الجنينه
زينه بحماس/ أيوة
الأم/ وبالمرة صالح مراتك وتجى معانا
بهتت ملامح عبدالله ،،وحزنت زينه
عبدالله/ بفكر أطلقها بتغضب فى بيت أبوها أكتر من بتجي هنا ،،تبقا تلزمه
الأم/ أنت عارف السبب
عبدالله بأمر لزينه / على أوضتك فى كلام كبار مينفعش تسمعية
هزت زينه رأسها بأيجابيه وداخليآ لديها فضول تعرف السبب ، كيف وغرفتها بعيدة عن الصاله
(بالخارج فى الصاله)
راضية/ البت شكلها حبتك
عبدالله/ مين
راضية / ٠٠٠٠
عبدالله/ ٠٠٠