بقلم نجلاء فتحى
أتى لبهاء تليفون جعلة يجن من الصدمه ،،،،فقال/ زينه عارف أنك تربية راجل خلى بالك من أمك ومن نفسك هاتى تليفونك
زينه/ مش معايا
بهاء/ سجلت نمرتى على الورقة دى ،،،لو فى حاجة كلمينى من اى تليفون ،،،،لازم أمشى عندى مشوار مهم
زينه بترقب/ أبية عبدالله حصله حاجة
اتبرجل بهاء/ لا دى مشكلة فى الشغل
جريت زينه خلفه/ أبية فيه إيه🥺
تنهد هو / عمل حادثة بالموتسكل
وقبل سقوطها فى الأرض كان بهاء يسندها وأجلسها على أقرب كرسى والخوف ينهش قلبة
زينه😭/ أبيه أبيه لية يارب كدة كل المصايب ورا بعض ماما تروح فيها لو عرفت
بهاء/ لسة بقول عليكى بميت راجل وتربية راجل صح خليكى قويه أمى جايه فى السكة تفضل معاكى مفيش وقت لازم أمشى
زينه بترجى/ خدنى معاك
بهاء/ وأمك تسبيها لمين لازم مش تحس بحاجة علشان ضغطها عالى بدل متخسريها
زينه/ حاضر ،،بالله عليك أسمع صوته أطمن بيه قلبى
بهاء/ حاضر،،،ثم أنطلق لطريقة
زينه/ يارب خير ،،سَلم يارب عبدو غلبان نجية علشان خاطر ماما راضية الست إللى اكرمتنى وربتنى واعتبرتنى بنتها فى حياة أمى الحقيقيه هى مش حمل تخسرة ذى أخوة الكبير وعمى
________
تغريد/ ماما ،،،، بهاء جرى لية وزينه مش على بعضها
الأم/ عادى بت مسهوكه أصلا بقولك تعالى ننزل الشارع ناكل لقمه
تغريد/ مليش نفس شكلى واخدة برد فى معدتي
الأم/ خُدى حقنه
تغريد/ ظهرى وجعني عايزة أفردة
الأم/ لمى نفسك جايز برد فى عظمك اقعدى عدل خالت جوزك قدامك
___________
وصل بهاء لمستشفى خاصة
،،،،،،حمدلله على السلامه
عبدالله بألم/الله يسلمك
بهاء/ مش تخلى بالك
عبدالله/ قدر ومكتوب
بهاء/ الدكتور بيقول ربنا كتبلك عمر جديد ،،،،،،إياك تركب موتسكل تانى دة نهى حيات أخوك الله يرحمة، أرحم أمك يا صاحبى أنتى رَجلها
عبدالله بحزن/ قولت نصيب
بهاء بتوتر / مش عارف المفروض تعرف ولا لاء بس بس
عبدالله/ خير
بهاء/ أمك فى المستشفى ،،استنا رايح فين
عبدالله بأنفعال/ أمى
بهاء حكى ما حدث ونهى كلامه وقال:- حاسس فى حاجة قويه حصلت خلت أمك ضغطها يعلى وانت تغيب عن البيت وتعمل حادثة ،،،حتى زينه زيك صدقت هى أختك فعلا كتومه مش راضية تتكلم وتقول الحقيقة
عبدالله بأنفعال/ زينه مش أختى دى بنت عمى وبس
بهاء/ أمرك غريب بتنكر لية دى أتربت معاك
عبدالله بضيق/ أقفل الموضوع دة
بهاء/ حصل حاجة غريبة ،،، تصدق زينه حست بيك
غمض عبدالله عيونه بحزن وأصر يخرج من المستشفى ويذهب لأمه وعند وصوله عندها
تجمدت زينه وراضية فعبدالله زراعة مكسور ووجة بيه كدمات وخدوش وزراعة الأخر بية جروح
و ظهرة بية كدمات،،
لم تعاتبه أمه على غياب ساعات يكفيها نجى من الحادث وكيف تبوح سر انه قرب لزوجته وهذا وضع طبيعى أمام الجميع لكن مع مشاعر أبنه مرفوض
،،،،،،،
دموع زينه المعلقة بجفونها عنوانها وملامحها يود ضمها لحضنه يطمنها أنه بخير
لكن ليس وقت للكلام ولا للحب ،،،، ،،،،،،مر الوقت ورجعوا للبيت ومعهم تغريد المهمشة
بقلم نجلاء فتحى عاشقة الكلمات
________
عبدالله/ هاتلى غيار يا زوزو
،، مالك أنجزى يا بت
زينه بفرحة / قولت زوزو ذى زمان
عبدالله بأبتسامة جانبية/ أيوة زوزو ومفيش أنسه ولا ألقاب وياريت ترجعى تقولى عبدو تانى بدل أبيه
زينه جريت لغرفتها تدارى سعادتها ،،،ضحك عبدالله وقال:- يا بنت العبيطة أوضتى قدامك أهى
زينه/ لا مراتك مش بتحبنى أدخل الأوضة
تقسم ملامح عبدالله للحزن والضيق فكلمه مراته تخنقة
خرجت زينه من أوضتها وقالت :- اتفضل
عبدالله/ غيار كامل بيعمل إيه فى أوضتك يا بطتى
زينه بلجلجة/ أصل أصل وأنا بلم الغسيل أى طقم بحس حلو عليك بحتفظ فيه فى دولابى
عبدالله بمكر/ والداخلي كمان انا عمرى مقعد بيه قدامك
زينه بتوتر/ شكلك مش عايز
عبدالله/ أستنى ،،هاتى الهدوم ،،وكل مرة أسأل فين هدومى أول واحدة تقولى باظت فى الغليه
زينه بفخر / أنا تربية ماما راضية مش ببوظ حاجة
غمز هو ليها/ لا تربية إيد المعلم عبدالله عصام
تعلقت العيون للحظات وقطع هذا الهيام صوت تغريد وهو تشطاط غضبآ حين حاوطت عبدالله من كتفة وقالت:- تعال يا حبيبى أساعدك تغير هدومك
نظرات زينه لتغريد نظرات مغلوله،،نفض عبدالله إيدها من علية وكتم ألام جسدة وقال:- مش صغير أساعد نفسى ،،،،،ثم نظر لزينه وقال:- جعان يا زوزو أووى حضرى لقمه
زينه/ شويه والفجر يأذن تاكل بيض بالسمن البلدى
عبدالله/ أيوة بقا وسخنى عيش
زينه/ عنيا
عبدالله/ تسلمى يا زوزو
ابتسمت زينه وطارت للمطبخ
نفخ عبدالله فى وجه تغريد ودخل غرفته
تغريد لنفسها/ بقا كدة حته بت مفعوصة يتيمه الأب تضحك عليا والخير دة كلة أقصد جوزى يضيع منى بعينك ذى مخليت عبدالله يصدق قرب منى أخليه يرميكى فى الشارع ذى الكلبه
بقلم نجلاءفتحى عاشقةالكلمات
_____________
(على السفرة )
وضعت زينه وجبة خفيفة
طرقت الباب على غرفة عبدالله ،،،أتها صوته ،،فتحت الباب وقالت:- مغيرتش لية
عبدالله بعصبية/ مش عارف دراعى معجزنى
زينه/ أنادي تغريد
عبدالله/ أقفلى الباب وساعدينى
زينه/😲😲
عبدالله/ اقفلى بؤك يلا يا بت عايز أستريح
زينه/ أزاى مينفعش
عبدالله/ أنا سترك وأنتى سترى يلا ساعدينى
زينه بتوتر ساعدته وغير الجلاب المقطع لواحد أخر نظيف فقط
ثوانى كدة عبدالله محترم أهو كنتوا مفكرين يغير ملابسة كلها لا طبعآ عيب 😝
______
ساند على زينه وهى لفت زراعها على خصرة حتى تتملكه ولا يسقط منها وأسندته لمقعدة
تغريد بتاكل وهى مغلوله،،
الأم/ أأكلك ذى زمان
عبدالله بضيق/ لسة أول وجبه ودراعى معجزنى وجعان
زينه/ ينفع أأكلك
عبدالله/ على أخره الزمن طفلة تأكلني
زينه بأعتراض / بقا كدة ماشى بالعند فيك أأكلك وأياك تعترض
هدأ عبدالله داخليآ فهى الوحيدة القادرة على أمتصاص غضبة وتضبيط مودة ومزاجه بدون مجهود منها ،،فقال بهيام / تقدرى تشبعى المعلم عبدالله
زينه ببراءة/ أيوة جرب ومش تندم
عبدالله/ نفسى أجرب يا مجننانى ،،معاكى مش ندمان يا روح القلب وعشق الجسد
تعلقت الكلمات بحلق زينه وشعرت بسخونه تقفز من وجنتيها ،وأرتعشت حدقه عيونها ،،،،،لاحظ هو ذلك فى أقل من الثانية وأبتسم أبتسامه جانبية بفخر فهو قرر يزيل لقب أخوها وتحويله لحبيبها قبل الاعتراف بحبة لها لم يعلم أنها تبادله المشاعر وطريقة سهل ومحتاج خطوة جراءة ومبادره منه فقط بعد قراءته لمشاعرها على الورق
راضية/ أفضلوا حبوا فى بعض والأكل يبرد ،،،،،،هذة الجمله كانت كرباج لعبدالله تفصلة من عالمه الوردى ليفيق على تغريد المغلوله أمامه
جهزت زينه طبق لعبدالله وهو مراقب تعاملها مع الأكل وبالفعل لأول مرة أطعمته وجبة كامله كبيرة بالنسبة له لم ينتبة لكل هذا الكم من الطعام فعقلة شارد معها ومستمتع بقربها وأهتمامها بيه
تغريد/ الشرع محللك أربعة
راضية/ مش قادرة تفهمى أخته لية
تغريد/ فى أخت لازقة بين رجل أخوها كدة أبنك مستمتع وفاتح البواية
زينه/ أنا بعيدة عنه،،عيب كدة
تغريد بغيره/ لاء كرسيكى 🪑 بعيد أنما أنتى بين رجلة وشك فى وشه
عبدالله من غضبه ضرب الطاولة بزراعة المتجبس ألمه بشدة و تجاهل ذلك
،،،،أنتى مش بتتغيرى طبعك نج* ،،،،،،مش معقول فى ست كدة زيك فى الدنيا أثبتيلى الجمال مش كل حاجه ،،أرحمينى صوتى الحارة والجيران كل شوية تسمعه أنتى لو بتحبينى لية مش حاسس بيكى إللى بيحب بيجذب حبيبه ليه بأفعاله الطيبة عملت إيه فى دنيتى أبتلى بيكى
زينه كتمت غيرتها فتغريد أيقونة أنوثة وجمال
تغريد بصدمه/ أنا إبتلاء ،،،الابتلاء الصح عشقك فى الضلمه لبنت عمك أراهن على عمرى أنك بتموت فى المسهوكه دى
عبدالله/ طلاق وطلقتك ورجعتى على زمتى ،،،، حتى زوجة وفشلتى فيها،،،،، أنتى ناجحة فى الخراب والوسوسه أنما الحاجة الحلوة لاء حتى الحياء زينه البنات وحشمه الأنثى معدش على أخلاقك
راضية/ كفاية يا ضناياااااااااا
عبدالله😡/ قرفت كل حاجة بكرهها لازقة فيا من صغيرى أنا مضغوط ياأمى النسوان أقدام،،،،،، تغريد طول ماهى فى البيت خراب ودمار ليا وليكم الوقت إللى بتغضب عند أبوها بيتنا مرتاح ياشيخة لو بلطجى عايش وسط ناس محترمه ينصلح حاله أنما أنتى لاء المرادى وبجد ولو أطربقت السما مفيش رجوع فى كلمتى أنتى طا٠٠،، وهنا قطع كلمته حين وضعت أمه إديها على فمه وقالت:- بلاش طلاق يا ضنايا أكسب ثواب وعلمها الصح ياما زوجات زيها و أنصلح حالها خليك معها للنهايه،،،تطلقها أزاى بعد م بقت مراتك قدام ربنا مش رجوله يا معلم
عبدالله بعيون ذابله/ كدة بتموتينى
راضية بدموع/ يجعل يومى قبل يومك، ،أنا عايشة على حسك يا بنى بفكر أخد زينه كام يوم عند أختى وأسيبلك البيت شويه أنت ومراتك جايز ربنا يصلح حالكم
عبدالله بحدة/ إللى فى دماغك مش حيحصل ثم نظر لزينه الباكية وقال:- زينه لا يمكن تبات عند حد ومش عايز أعودها على كدة البيت دة جدى اتجوز فية وخلف أبويا وعمى وأبويا أتجوز فية وخلفنى أنا وأخويا الله يرحمه لازم أنا كمان أتجوز فيه إللى قلبى عشقها وأخلف منها وبس لا يمكن يتهجر البيت دة مفيش واحدة ست دخلته وعاشت فية وأطلقت ولا غضبت عند أهلها ،،،البيت مبروك مش عارف معايا نحس لية بس لا النحس يتفك قريب ،،،،،أناااااااااااا راااااااجل البيت مفيش حزن تانى مفيش نكد ،،تغريد سايبلك أوضتنا لحد نفسى متهدالك تانى ،،زينه فى أوضتها ،،،وأنا أنام على الكنبة هنا فى الصاله ،،،،و فى الشتاء فى أوضة أبويا على الكنبه وأمى على السرير كدة كدة لسة جو صيف ونوم الأرض أو الصاله حلو ومحدش غريب وحاجتى أنقلها
زينه مسحت دموعها/ أنقل أوضتى وأنا أنقل مع ماما فى أوضتها
عبدالله/ كلمتى تتسمع وكدة أعتقد مفيش مشاكل أبقا أشوف المشاكل دى بتجى منين ثم نظر لتغريد نظرة ذات معنى
أنتهت هذة المشادة الكلامية لكن راضية لأول مرة تركز فى كلام تغريد لماذا كل مرة تتهم زينه هذا الاتهام الباطل مع عبدالله هل فعلا أبنها يحب بنت عمه أقسمت لو هذا صدق لتكون من نصيبة المهم سعادته لكن ولا مرة ذكر ذلك تنهدت وقلبها فى حيرة
بقلم نجلاءفتحى عاشقةالكلمات
____________
مر شهر ونصف يعتبر إلى حد ما هاديين ،،ظن عبدالله آنه نجح فى تقسيم المنزل بين الثلاث نساء ،،،والحقيقة تغريد مريضة ليس المرض الذى يجعلها تسطح فى السرير لكن مريضة بدور برد جعل البيت هادى فهى حفيدة إبليس فى ألاعيبه الخبيثة بأمر والدتها،،،
_______
تجلس راضية فى أرضية المطبخ تنظف بطة بلدى وتنتف ريشها ،،،وزينه تقف أمام الحوض تغسل دجاجه بلدى تحت مياة الصنبور بعد تنظيفها
راضية/العليقة حلوة المرادى صدر البطة ملحم
زينه بتأكيد/ والفرخة فيها عنقود البيض كبير ههههههه لاقيت بيضة شكلها كانت لسة تبيضها
راضية/ أسلقى البيض مع الفرخة محدش بيحبة رزق عبدالله بقا
زينه/ عنيا بفكر أحشى الفرخة وأسلقها
راضية/ تغريد مش بتحبها محشية
زينه بتزمر/ أوووف عبدو بيحبها كدة ،دة تعبان لازم يدلع أقصد نراعيه
راضية/ مش عايزين مشاكل مره كدة ومرة كدة يلا خدى البطة أغسليها تحت الماية لحد منظف المكان من الريش ،،،يبخت إللى يتجوزك ست بيت شاطرة
زينه بحزن/يارب مش أتجوز خالص،عريسى راح لواحدة تانية ،،،،،،،ثم تنهدت وقالت:- ماما
راضية/ أمممممم
زينه/ مش سامعة صوت تغريد من الصبح
راضية/ عندك حق ربنا هداها مثلا ،،شوفيها كدة
زينه بأعتراض/ إيدى زفره
راضية/ وأنا زيك،،،قلقتنى ليه دى مهما كان مرات أبنى أمانه فى رقبتى ،،،ثم نهضت وغسلت إيدها وذهبت لغرفتها ،،،طرقت الباب، ،ودخلت بعد ما أذنت لها تغريد
راضية/ حابسه نفسك لية من أمبارح
تغريد بتعب حقيقى / تعبانه شويه وهمدانه أووى
راضية/ فيكى إيه أمبارح متعشتيش معانا ،،والصبح كلتى لقمتين ميكفوش عيل صغير
تغريد/ سبينى فى حالى انا كويسة
راضية/ لاء فيكى حاجة هو أنا أتوه على طبعك
تغريد نامت على السرير فى وضع الجنين على جنبها،،عايزة أنام سبينى أنام
راضية بحنان/ عايزة تروحى لأمك وخايفة عبدالله يرفض روحى أهو مرة تروحى زيارة مش غضبانه ، ساكته لية ،،طب أتصلى تجى
تغريد قفزت لخارج الغرفة تتقئ فى الحمام وجريت وراها حماتها من حركتها المفاجأة
خرجت زينه لراضية/ إيه الصوت ده
راضية/ مرات أخوكى بترجع🤮
زينه/ يع🤢 مقرفة بجد
راضية/ عيب كدة ،،،،أعمللها كوباية نعناع سخنه تلاقيها واخدة برد طول اليوم ملط أدام المروحه
زينه بتوهان لنفسها/ واحدة متجوزة بترجع تبقا حامل يانصبتى عبدو يبقا أب
راضية/ شاردة فى إيه ،،،أعملى حاجة سخنه بسرعة والطبيخ يتأجل المهم صحة تغريد،،،، ،،،ياااانى يا بنتى مطوعيش نفسك يا تغريد أفتحى الباب دة
تغريد فى الحمام/ 🤮🤮🤮 أةةةةة بطنى 🤮🤮🤮🤮
راضية/ أفتحى الباب أطمن عليكى يما حزرتك بلاش تنامى تحت المروحة عريانه أهو معدتك تعبت
تغريد لنفسها وهى بتنهج/ مش طبيعى إللى أنا فيه دة 🤮🤮🤮قلبى مش قادرة 🤮🤮
خرجت هى تستند وأول إيد سندتها هى إيد زينه قبل الحائط وراضية واجلستها على الكنبة فى الصالة
تغريد/ بردانه غطونى🥶
راضية/ هاتى غطا لأختك يا زينه
زينه/ حاضر وبعد أحضارة غطتها وتتغريد ترتجف من البرد
راضية/ مفيش حرارة سقعانه لية، اتصلى على عبدالله يجى
تغريد بتعب/ عايزة ماما
راضية بحنان/ أنا أمك
تغريد بصوت عالى / ماما😫
راضية/ هو أنتى صغيرة لعمايلك دى ،،،حاضر
_______
بعد ساعة ونصف حضر عبدالله غير مهتم
راضية بحدة / لسة بدرى يا معلم سماعك بودنى وأنت بتقول فى المحل ، مجتش لية بسرعة
عبدالله بكذب / عندى شغل
راضية/ لو المحل الجديد إللى فى أخر الدنيا كنت جيت بسرعة مش المحل إللى بعدينا بخطوتين شوف مراتك مالها تعبانه بترجع
عبدالله بملل/ ممكن برد
راضية/ برد غير برد أكشف عليها
عبدالله/ بلاش تكبرى الموضوع ،أجبلها مجموعة برد من الصيدلية وتبقا ذى القردة ،،،،،رايحة فين
راضية بحده/ أجبلها دكتور ،،مدام أنت مش راضى يا جوزها
عبدالله بضيق مخفى/ خلاص خليكى دايمآ كدة واقفة فى وشى وخرج من الشقة يهذى بكلام غير لائق فى حق تغريد
بقلم نجلاء فتحى عاشقة الكلمات
___________
لم يجد عبدالله طبيب فى مثل هذا الوقت ،،،،رجع المنزل مره ثانيه،،،، وجد حماته قد أتصلت عليها بنتها ،،،،،لا ينكر ضيقه لكنه أخفاه ،،وفى نفس الوقت مازال أصابته من الحادث ترك أثر والمفروض يرتاح لكنه متجاهل هذة الراحة ،،،
أم تغريد/ شويه برد يبهدلك كدة
تغريد/ حاسه تعبانه بحاجة تانية مش برد اللقمة مش ثابته فى بطنى ريحة الأكل وحشه،،،همدانه
الأم / مبتكليش أزاى ووزنك زايد
تغريد بتعب/ والله مش باكل
أم تغريد/ هو عبدالله قرب منك كزوج
تغريد/ لاء ،،،أنتى عارفة إللى فيها لو أخوات يبقا بينا حتى كلام
الأم/ سألتها سؤال خاص للسيدات أجابت تغريد أن هذا الشئ لم يأتى( عزرها الشرعي الشهرى) بلعت الأم ريقها وقالت :- لازم تعملى أختبار حمل دلوقتى
تغريد/ منين الحمل
الأم/ جوزك عارف أنك بنت بنوت أنما الحقيقة غلطتى مع أبن خالتك وسلمتيه نفسك يا بنت الخايبه
تغريد لطمت/ تفتكرى حمل أبوس إيدك خلصينى منه غلطة مش تتكرر وربنا ستر وعبدالله أقنعته قرب منى وأنا مدام فى نظرة يعنى راسى مرفوعة أعمل إيه
الأم بتشتت/ أنزل أشترى أختبار حمل من الصيدلية وبعديها فيها كلام تانى
تغريد/ أعمله هنا أزاى
الأم/ أخدك أحميكى والاختبار أعملة فى الحمام ثم تركتها وخرجت برا البيت بحجة تكلم أبو تغريد
________
أعطت زينه كوبايه ليمون لعبدالله الذى يدخن بشراسه وقالت:- أشرب دة يروق دمك ،،،كفايه سجاير
عبدالله/ مش بطيق تغريد تقوم أمها تجى أمها ست بنت وس**
زينه/ عيب كدة أقصد تعبانه ولازم أمها جنبها ،،أشرب بس
أخذه منها وتجرعة دفعة واحدة وقال/ أنتى الحاجة الوحيدة الحلوة فى البيت ده أنتى وأمى
ابتسمت هى / ربنا يبارك فى عمرك ثم رحلت من أمامه بهدوء، ،، أتسعت عينه لأول مرة تدعيلة شعر أنه أمام فتاة ناضجة فى تصرفها فهو ملاحظ هذا منذو فترة هل فعلا كبرت فتاته الصغرى ولم ينتبة ،،،،ترجل ليها للمطبخ وقال:- أمك فين
زينه/ خالتى أم بهاء ندهت عليها
(كلمه خالتى تطلق على الست الكبيرة أو الجارة أحترامآ لهذة الست )
عبدالله/ بتعملى إيه
زينه/ بسوى الأكل ،،،
عبدالله/ ريحة الأكل أممممم تسلم إيدك
زينه بكسوف/ ماما عملت البطة وأنا عملت الفرخة والرز ،،أجهزلك تصبيرة
عبدالله/ ماشى بس كُولى معايا
بدأت هى تجهز صنية عليها طبق شوربه بط والحوايج بتاعته وطبق أخر فية بيض الفرخة بناءآ على طلبه ،، جلسوا على الأرض يتناولون الطعام فى جو مرح بعيد عن الضغط النفسى بسبب تعب تغريد
زينه/ علشان خاطرى كُول حته الكبدة دى
عبدالله/ لا أنتى بتحبيها
زينه/ نقسمها سوا ثم أسطالت بزراعها وأعطتها لة وتناولها ،،
شافت أم تغريد الوضع فهى كانت تجلب مياة من المطبخ لبنتها اتغاظت وتأكدت من كلام بنتها لا يمكن هذا علاقة أخوة أبدآ ثم دخلت غرفة بنتها وحكت ما رأته
تغريد بتعب/ شوفتى بعينك صدقتينى ،، ماما ركزى معايا شويه
رفعت أمها عينها ليها وقالت بتوهان بصى على الأختبار دة
تغريد/ مش فاهمة فية حاجة
الأم ضربت على خدها بكفيها / أنتى حامل يا بنت الهبله
أنفرج فم تغريد لأسفل/ يفضحتى عبدالله مقربش منى أقنعته لمسنى علشان اكون فى نظرة شريفة يمكن دة مخليني على زمته علشان فاهم قرب منى خايفة ياما لازم أنزله مش أبنه مش من صلبه
الأم لكزتها فى كتفها/ أكتمى يا بت &**&& ،،عقلك كان فين بت الحمل دة مش من مرة واحدة أنتى سلمتى نفسك لأبن أختى كذا مره
تغريد بعويل/ أيوه وعدنى بالجواز بعد عبدالله مطلقنى وضعفت معاه كذا مرة وكنت مطمنه هو يبقا جوزى طلع جبان فى الاخر
الأم بتوهان/ أبوكى لو عرف
تغريد بخوف/ أنا متجوزة لازم الكل يعرف عبدالله أبوة
الام/ وجوزك الصايع بجبروته دة يصدق قرب منك مرة حملتى فيها
تغريد/ ذى م قنعته لمسنى أقنعة أبو الطفل
الأم/ فايز لو عرف يهددك
تغريد/ فايز أبن خالتى أبو الجنين
الأم/ هوووووش بت لازم ترجعى البيت عندى لحد متولدى
تغريد/ لاء لازم انزله
الأم بمكر/ دة رزق ويسلام لو ولد
تغريد / قصدك٠٠
الأم/ هو إللى فى دماغك
بقلم نجلاء فتحى عاشقة الكلمات
___________
(فى بيت أم فردوس )
يانى على حظى المنيل خلصت من الضامن والشيكات ونقذته من الحبس يطلقني بعد السنين دى كلها طلقني يالهوووى يالهوووى
أم فردوس/ عامله مناحة على واحد أبن***** ليييييه
فردوس/ دة أنا ضحيت ببنتى علشانه 😫 وواقفة جنبة
أم فردوس / طلقك لية
فردوس/ البيه مش عجبه كبرت البيه شايف نفسة نغه ،أتجوز عليا بت صغيرة ورمانى وقالى ملكيش حقوق عندى
أم فردوس بحسرة/ ياحسرة عليكى ملكيش بخت حتى جوازتك التانية ولا طلعتى بعيل ولا قرش،،
فردوس/ ولائه لمراته الأولى أم عياله حتى لما اتجوز عليا طلقنى أنا وهى لا ،،،البيه مش حمل يفتح ٣ بيوت ضحى بيا البيه متجوز فى شقتى على عفشى يا نااااااارى
أم فردوس / وأنتى ناوية بقا تقدى فين
فردوس/ معاكى
أم فردوس/ صلاة النبى وأصرف على إللى خلفوكى منين
فردوس/ ربنا يفرجها لو معايا فلوس أرفع قضية علية وأخد حقوقى
أم فردوس/ سيبك من طليقك، قدامك حل واحد تقرفى عبدالله ذى ما كنا بنعمل مع أبوة زمان يقوم يزهق ويدينا فلوس
فردوس/ مليش دعوة بعبدالله أبوة خايب هو جامد دة لو فى يوم عرف زينه مش بنت عمه وبنت راجل تانى يهد الدنيا يعنى زينه ملهاش ورث أبوها إللى على أسمه مش أبوها
أم فردوس/ مش علينا ملامه محدش قالهم يربوها كنت سيباها تموت وهى صغيرة وعارها يموت معاها ونخلص هما خدوها وسجلوها وربوها القانون لا يحمى المغفلين أسمعى عم عبدالله خلصنا منه علشان عرف الحقيقة وراح فى ستين داهية والكل عرف المكروباص بتاعة اتقلب بيه ومات والسر مات معاة وأبو زينه الحقيقى الله أعلم أراضية فين أبن الأكابر دة أنتى فاكرة أسمه
فردوس بتذكر/ حد ينسى حب عمرة فاروق المحمدي أبن الاغنيه
أم فردوس بغل/ لو أعرف هو فين كنت خدت فلوس قد كدة على حس بته زينه دى
بقلم نجلاء فتحى عاشقة الكلمات
________
أتت راضية وجهزت الغداء هى وزينه وندهت على الجميع
عبدالله/ مش وأكل فى طبق واحد يجمعنى بأم تغريد
راضية/ عيب كدة حماتك برضو
،،،، قومى يا زينه ناديهم
زينه بضيق/ الفرخة والبطة على قدنا كل واحد ياخد ربع فرخة مع ربع بطه أم تغريد زيادة علينا ملهاش
راضية / تاكل من منابى
زينه/ إيه الناس إللى تاكل أكلنا دى مش كفايه تغريد
راضية بحزم/ بت عيب كدة مرات أخوكى وأمها،،،عيب تبصى فى لقمه تقدميها لحد
زينه بحزن/ مقصدش
راضية بحنان/ عارفة قصدك ،،،أنا
بوعيكى يا بنتى يا حبيبتى
عبدالله بحنان/ أمك بتوعيكى
راضية/ لسة ظهرك وجعك
عبدالله/الحادثة كانت كبيرة كويس جات على الغضروف
راضية/ طول ما أنا عايشة إياك تركب موتسكل كفاية أخوك الكبير الله يرحمة راح فيه ،،وأنت ربنا نجدك ،،ألوى وشك عليا مش عجبك كلامى
عبدالله لنفسة/ أمال تعملى إيه على الجديد إللى أشتريته فى السر،،،،،،أنتبه على حضور زوجته وأمها وزينه جلست بضيق على الكرسى تاكل
أم تغريد نظرت نظرة تفحصية سريعة للسفرة/ مكنش ليه داعى العزومه دى يا حبيبتى هو أنا غريبه
راضية بصدق/ دة غدانا والطبيعى بتاعنا وقبل تعب بنتك أسم الله عليها كنا بنظف الطيور للغدا
أم تغريد بحسد/ كل يوم تتغدوا صنفين لحمه بط وفراخ
تغريد بسخرية/ وساعات كفته جنبهم أو رقاق باللحمه غير الطبيخ والحلو والفاكهة هى زينه تخينه من شويه
عبدالله/ أعوذ بالله
راضية بقلب أم/ أسم الله على بنتى
أم تغريد بكذب/ أنا برضو كدة تغريد بنت عز
عبدالله بسخرية لازعة/ واضح بديل مش عارفة تفرق بين الملح والسكر فى الأكل ولا بتعرف تعمل كوباية شاى ولا تنظف حته ولا سريرها،،وبتشهق لما تشوف الأكل
لاحظت راضية زعل أم تغريد فقالت:- يوة وماله أعلمها أصبر عليها تدلع فى حياة أمها وحماتها
زينه تسمع الحوار وتقطم اللقيمات بغل يكاد تأكل المعلقة بدل الطعام
عبدالله أمسك البطة والفرخة وأخذ منهم لزينه فى طبقها وقال محدش غريب اتفضلوا ثم أعطى لزينه نصيبها وشاورها بمعنى تنهى وجبتها من البروتين
واكتفى هو بأخذ قطعة من الفراخ فقط ،،
هل يفغل على زينه هذا!!!
أكلت وشبعت ولم تقرب من البط نصيبها وأكلت من الفراخ وبعد الانتهاء من الطعام أخلت زينه السفرة وأخفت نصيبها من البط فى فرن البوتجاز لتأكله مع عبدالله فهو لم يتذوقة حتى يترك نصيبة للضيفة وفى نفس الوقت اخفته حتى لا تحصل علية تغريد وتتناوله😁
(فى المساء)
أتصل عبدالله على بهاء ليحضر عنده فى المنزل
_________
على السلم
بهاء/ مش داخل أخر مرة دخلت طلقت مراتك
عبدالله بين أسنانة/ أنت أخويا وواثق فيك
بهاء/ معلش خلينا نتكلم على السلم
عبدالله/ مينفعش
بهاء/ مش داخل البيت
عبدالله/ أوووف خلاص تعال نطلع السطح أهو ملكى
بهاء/ معندكش سندوتش جاى من المحل الجديد على ملى وشى ومش أتغديت
عبدالله/ كان فى بط وفراخ فى الغدا أستنا أشوفلك حاجة
بهاء/ مش لازم ،،أى سندوتش وخلاص حتى لو سكر ولا جبنه
عبدالله/ أتنيل على السطح لحد مشفلك أكل
كالعادة حين يريد عبدالله شئ أول أسم يندة علية فى البيت هى صغيرته لم يسمع صوتها ذهب لغرفتها التى تعتبر بعيدة عن باقى الغرف وقربية للمطبخ والحمام لم يجدها لافت ذهنه صوت بالحمام نظر يمين شمال لم يجد أحد وبحركه صبيانية وضع أذنه على الباب وقال:- بتعملى إيه
زينه بكسوف/ بستحما
عبدالله/ حمام الهنا عقبال حمام العروسة والصباحية يا قلبى ليا
زينه/ بتقول إيه مش سامعة
عبدالله/ ولا حاجة أقصد فى أكل من الغدا
زينه/ أيوه
عبدالله/ فراخ وبط
زينه/ جعان
عبدالله/ قدامك كتير
زينه/ أصبر بلبس أهو أبعد عن الباب طيب
عبدالله بغباء/ لية
زينه/ هدومى وقعت فى الحمام
أتسعت عين عبدالله/ وحيات أمك أوعى تطلعى عريانه أصبرى أجبلك هدوم يا أخره صبرى
زينه بأعتراض/ لا عيب تشوف هدومى عبدوووووو أوعاااااا
طرق الباب بقوة/ أنتى ملكى ،، وعيب مش عندى دة أنا إللى بشترى هدومك كلها بجد أنتى مستفزة
زينه/عبدووووو أعيط بجد
بعد دقيقتين علق ملابسها على مقبض باب الحمام وأبتعد حتى يعطى لها خصوصتها وهى فتحت الباب برفق وأخذت الملابس على عجالة،،،خرجت تنادى علية بكسوف فى الصاله ،،،ألتف لها وتنحنح هيئتها مثيرة للغاية فقال بثبات فى أكل بهاء جعان
زينه/ مفيش غير ربع بطة منابى وشيلاه ليك علشان مش أكلت منه
أبتسم فهو غير غافل عن فعلتها فقال:- جهزى الأكل لبهاء ومش عايز أعتراض
زينه/ حاضر
مرت ١٠ دقائق جهزت الطعام اخذة منها عبدالله وصعد على السطح
زينه/ جميل بكل أحوالك يا عبدو
________
،،،،،،،،،،،
مرت ثوانى معدودة
عبدالله/ ركز معايا هو الأكل يطير
بهاء/ أمك ليها نَفس يهبل فى الأكل ،،البط حكايه
عبدالله تنهد/ وزينه كمان
بهاء/ بتقول إيه
عبدالله/ ولا حاجة أسمع ،،عايز أبيع كام حاجة من الكنز إللى لاقيته
بهاء/ كنز إيه
عبدالله/ الكنز إللى لاقيته فى أوضه جدى زمان
بهاء/ أفتكرت
عبدالله/ عايز أجدد محل العطارة بتاع أبويا و أجدادي ،،،محتاج فلوس
بهاء/ بعت منه حاجة
عبدالله/ لاء
بهاء/ فين الكنز دة فاكرتك بعته كله
عبدالله/ هنا
بهاء/هنا فين فى البيت يعنى
عبدالله/ لاء على السطح
بهاء نظر للسطح لا يوجد غير طيور وغيه الحمام فقال/ بتشتغلنى
عبدالله/ لاء،،الكنز إللى لاقيه زمان زى ماهو مصرفتش منه جنية ولا بعت منه حاجة تعال معايا ثم دخلوا غرفة من الطوب الأحمر تستعملها راضية لتربية البط والوز وبدأ يكسر ثلاث براميل كبار من البلاستك متثبتين فى الأرض بالأسمنت وملفوفين إيضا بالاسمنت من يراهم يظن كتله أسمنت متحجرة صعب تحريكها
بهاء/ يخربيت دماغك أشمعنا هنا ريحة المكان تقرف نظفوا يا عم،،، الحاجة راضية منظفة السطح والعشش أشمعنا العشة دى ياساتر
عبدالله/ علشان إللى فيها و البط والوز صوته عالى ميحبش الغريب و أنت دخلت عملوا أزعرينا هما متعودين عليا بصراحة فكرة أمى وفى نفس الوقت محدش يصدق السطح فيه حاجة وفى نفس الوقت مش قافل السطح بقفل رغم فيه سكان وعارف ممكن حد يطلع بدون أذنى
بهاء/ تعمل إيه دلوقتى
عبدالله/ محتاج سيوله ،الهايبر محتاج بضاعة ومزنوق اليومين دول
بهاء/ صعب تبعهم
عبدالله/ هو أنا سرقهم دة خير ربنا بعته وحقى موجود فى بيتنا
بهاء/ زينه بنت عمك ليه فيه
عبدالله بحدة / قولت ميت مرة زينه تأخد كل ما أملك مش نصبها بس،،،،،أووف
بهاء/ أحاول أشوفلك بيعة
عبدالله/ خد الفلوس دى الحمد لله ساريه لسة ،،أشترى بيها بضاعة للهايبر
بهاء/ لاء خليهم عندك الصبح أعدى أخدهم ،يضيعوا عندى أخاف
عبدالله/ الدار أمان
بهاء/ لاء الأمان عندك ،،
عبدالله/ رايح فين
بهاء بقرف/ عزمتنى على الأكل ودخلتنى عشة البط الو***،،، دى قلبت معدتي الله يسامحك أنا ماشى وأشكر الحاجة راضية تسلم إيدها الأكل حلو ،سلامو عليكم
عبدالله/ وعليكم السلام ورحمة الله وبركاته ثم لم الفلوس فى شاله ونزل الشقة
فى صباح اليوم التالى
أستيقظ عبدالله متأخر وتعصب فهو يذهب لعملة بعد صلاة الفجر الان الساعة العاشرة صباحا ندة على زينه بغضب لم يجدها هى والدته تعصب اكثر ندة على تغريد خرجت له وقالت "- بتزعق لية
عبدالله/ أمى وزينه فين
تغريد بسخريه/ معرفش
عبدالله/ اتعدلى يا روح أمك
تغريد بهدوء/ مش راجل البيت ومعلم قد الدنيا شوف زينه على العموم أقولك أحسن يطقلك عرق ولا حاجة أمك فوق على السطح بتأكل الطيور وزينه سماعها بتكلم حد على السلم
قبض عبدالله على معصمها / مين أنطقى
تغريد/ أةةةةةة دراعى براحة شوفها الشريفة الخضرا بتاعتك
تركها متألمه وطار للسلم وتوعد لزينه
س/ماذا يفعل عبدالله لو كان تغريد صح ؟
س/ هل يستطيع التصرف وبيع شئ من الكنز فى يومنا هذا؟