بقلم اسماعيل موسي
كان بياعملنى كويس يا مايسترو وبيتقرب منى لحد ما حكيتله إلى مقدرتش احكيه لأمى
بنت عندها 15 سنه وما صدقت ما لقيت حد يسمعها ويهتم بيها وياخد باله منه
دى كانت أكبر غلطه غلطتها فى حياتى يا مايسترو
الحقيقه محدش يستحق إننا نثق فيه مهما كان، لازم هيكون ليه غرض حتى لو طال الزمن الأيام هتكشفه
حكتله كل حاجه حصلت معايا، مسح دموعى وطبطب عليه لحد ما كنت قربت أصدق انى فعلا صعبانه عليه
بدأ يتعمد يسألنى هو كان بيعمل إيه؟ ويركز فى تفاصيل مخجله ويصر أننى اكررها
عارفه يا مايسترو بعد كده حصل إيه ؟ عمل فيا بالضبط نفس الحجات إلى كان بيقنعنى انه اشفق عليه بسببها
بس دا كان اكتر سوء كان انسان شرير لأنه اختار الحجات إلى قولته انها بتوجعنى وإختار يعملها تحديدآ
صارحت والدتى ووريتها آثار التعذيب فى جسمى وفى مناطق حساسه وفرحت لما لقيتها بدأت تصدقنى و إنها قبلت تسمع منى وقتها كان جوز امى بره فى رحلة شغل ولما رجع بعد يومين والدتى اخدته فورآ على اوضتهم وقعدت منتظره
وسمعت صريخ وزعيق وهمس وعتاب وضحك.
بعدها الباب انفتح وخرجت منه أمى وقفت بسرعه كان كل حلمى ان ألالم إلى بشوفه كل ليله يخلص ينتهى ، وأن جوز أمى يبطل يدخل غرفتى بالليل.
والدتى قربت منى واخدت منها قلم خلى وشى لزق فى الكنبه ،يا بنت الوس_خه يا كدابه ،بتفترى على الراجل إلى لمك من الشارع، ها؟
مسكتنى امى من شعرى وجرتنى على البلاط، الراجل إلى كان سبب انك تقعدى هنا وانا كنت رافضه لانى مكنتش عايزه حاجه من ريحة ابوكى الوسخ !!
__ابويا مش وسخ ابويا اشرف راجل فى الدنيا ،صرخت بكده يا مايسترو ويا ريتنى ما عملت
امى جن جنانها جرتنى على المطبخ وكوتنى بالنار ،حلقت شعرى كله والراجل إلى بشتكيلها منه كان بيحوشها عنى
تصور لما الحاله توصل بيك ان امك لحمك ودمك تجبرك
تحتمى من بطشها بالشخص إلى بينتهك عرضك ؟
لحظتها ابتسم بسخريه وبصلى كأنه بيقولى شوفى لما جربتى تتمردى عليه حصلك ايه ؟
منع والدتى تضربنى بالعافيه وفضلت يومين جسمى متكسر ووارم وكل ما ابص فى المرآيه اقعد ابكى على شعرى
كان بيدخلى الآكل بالعافيه من والدتى واسمع صراخها بره الاوضه سيبها تموت.
قعدت ايام وليالي جسمى بيرتعش كل ما باب غرفتى ينفتح
خايفه لتكون امى هتضربنى وخايفه اكتر ليحصل إلى بيحصل كل مره ،بس هو كان ليه فكره تانيه، لما حاول يقرب منى ومنعته مغضبش ذى كل مره ،ممدش ايده عليه ،ساب الغرفه وخرج فى هدوء ،انا قلت كويس وفرحت اخيرا فكنى من عذابه
من بعدها وسابنى لعذاب امى ،كانت بتعاملنى ذى العبده
تصحينى بعد الفجر بالضرب والشتيمه وأفضل شغاله فى الشقه اليوم بطوله واى غلطه بسيطه اتعاقب عليها عقاب قاسى كان بيوصل للجلد والحرق ومنعى من دخول الحمام
مقدرتش استحمل، كان بيبقى قاعد وسيبها تضربنى وتذلنى وعلى وشه نفس الابتسامه وانا رافضه استنجد بيه ،كان عارف انى هتكسر وفعلا اتكسرت وجريت عليه وطلبت حمايته والمقابل كان جسمى....
فضلت قاعده معاهم لحد ما قدرت اهرب ،فى ليله كان معاه شغل بره وانا انتهزت الفرصه وهربت ،عرفت بعدها انه طلق والدتى بعد ما جالها المرض، كانت كتبت الشقه بأسمه واول ما مرضت رماها بره الشقه ،قعدت تتوسل اللقمه والعلاج من الناس لحد ما ماتت
مقدرش اروح ازورها فى المستشفى ولا ابص فى خلقتها ولا اعرف هى ادفنت فين ،عرفت ليه يا مايسترو انا عايزه انتقم ؟
انا كمان ليا دوافعى زيك بالظبط ،عشان كده هساعدك فى انتقامك
نزع أدهم سترته ووضعها على ظهر نهى كان الليل تأخر وسرى نسيم بارد وكئيب
___احنا لازم نمشى دلوقتى ،الدنيا هتبقى مقلوبه بعد اختفاء شديد
ركبت نهى العربيه مع أدهم وخرجو إلى الطريق العام
هنروح فين يا مايسترو ؟
_هنرجع على شقتى ،تقدرى تقعدى فيها لحد ما نشوف هنعمل ايه
يعنى مش هترجعنى الحانه ؟
_لا مش هرجعك
بس فيه ناس هتدور ورايا، مش هيعجهم انى اسيب الشغل ؟
__خليهم يظهرو ملكيش دعوه انتى تحت حمايتى
بجد يا مايسترو ؟ انا كده ممكن افكر احبك ؟
_مفيش حب يعنى مفيش وجع، الحب مش بيجى من وراه غير تعب القلب يا نهى
يعنى هيكون وجع اكتر من إلى بشوفه كل ليله ؟ انا موافقه يا سيدى
أوقف أدهم السياره تحت الشقه وطلب من نهى ان تصعد شقته على بال ما يتقصى الأخبار
بعت أدهم رساله لفريدة، شديد مش هيكون اخر واحد
لو عايزه الموضوع يخلص طلباتى تتنفذ وكل واحد يروح لحاله
بعد يومين فريده ردت عليه طلباتك ايه؟
رد أدهم شيماء تتطلق من خالد وتوقف فريده الجرى وراها فى كل مكان
ورجالتها يبعدو عن طريقه ولو شاف واحد فيهم صدفه هيقتله