بقلم اسماعيل موسي
ضحك عبد الكريم وشد على الشيشه، ههههه هو واد بطنك ميعرفش ان مراته هربت؟
تغيرت ملامح فريده للغضب، طول عمرك بتاع اشاعات يا عبد الكريم، مش جديده عليك يعنى
اشاعات يا مراة اخويا؟ بكره الحاره كلها تعرف إلى حصل وان مراة ابنك هربت يوم دخلتها
احترم نفسك يا عبد الكريم، مراة ابنى فى شقتها، ومش هتنكشف على حد غير بعد اسبوع
وسيبك من كلام النسوان ده يا عبد الكريم ثم نهضت ومشى خالد ابنها خلفها.
ازاى عرف ؟
سألت فريده شديد بغضب
معرفش يا حجه، الظاهر فيه بيناتنا واحد جاسوس
عايزاك تدور وتجيب الكلب إلى وصل الكلام ده قدامى يا شديد
اقتله يا حجه!؟
لا هاتهولى حى انا عايزاه
لقيت البنت ولا لسه يا شديد؟
لسه يا حجه، الرجاله مترشثقه فى كل مكان وعند بيت ابوها لكن لسه مظهرتش
شديد الموضوع ده تطير فيه رقاب البت لازم ترجع البيت قبل ما نتفضح فى الحاره.
_________
شيماء /هنروح فين؟
صمت هانى دقيقه، ورد بصوت قلق معرفش
لكن وجودك معايا فى حد ذاته مصيبه، والدى اكيد بيدور عليه والموضوع مش هيفضل كده اكيد هينكشف!
طيب والحل انا خايفه اووى
سيبينى افكر شويه واكيد هلاقى حل
________
داخل الحاره
شديد /يا حجه فيه حاجه كده بس مش متأكد منها
قول يا شديد..
الواد هانى ابن عبد الكريم مختفى من ليلة الدخله ولسه مظهرتش
صمتت فريده لحظه، بتملح لأيه يا شديد؟
شديد /بقول يا حجه غريبه انه يختفى فى نفس وقت هرب مراة ابنك
يعنى البت هربت معاه؟
ليه لا يا حجه، مراة ابنك متعرفش حد هنا واكيد فيه شخص ساعدها
لو كان كده يا شديد انا هقلبها دم
هات الرجاله وتعالى ورايا
جمع شديد الرجال وسار خلف فريده إلى دخلت المضيفه عند عبد الكريم من غير سلام ولا كلام
فين ابنك هانى يا عبد الكريم؟
طيب ارمى السلام يا مراة اخويا الأول
لا سلام ولا كلام يا عبد الكريم فين ابنك؟
وانتى عايزه ابنى فى ايه يا فريده؟
عايزه اشوفه قدام عينى والا مش هيحصل خير
ابنى حر يروح مكان ما يحب يا فريده
لما يهرب مع بنات الناس ميبقاش حر يا عبد الكريم
صمت عبد الكريم لحظه، ما بين فرحه وصدمه
بنات ناس مين يا فريده واحفظى لسانك الكلام ده كبير اووى وعيب
انت وعيالك متعرفش العيب يا عبد الكريم
لو كان ابنك خطف مراة ابنى هتروح فيها رقاب
عشان كده انت كنت مطمن وبتلقح كلام عليا وعلى ابنى
احترمى نفسك يا ست انتى، ابنى ميعملش حاجه زى كده
طيب هات ابنك يا عبد الكريم خليه يظهر وادى قعده اهو
هات ابنك وإلا هتبقى كلها دم
صرخ عبد الكريم ولو انى عارف كلامك كله غلط لكن هريحك يا فريده
يا عبد الصمد نادى هانى
همس عبد الصمد فى اذن والده هانى لسه مظهرش
مظهرش لغاية دلوقتى؟ صرخ عبد الكريم اطلع دور عليه وهاته من تحت الأرض
مر الوقت بطيء وعاد عبد الصمد خالى الوفاق
ملقيتوش يا حج
صرخت فريده كل حاجه بقت باينه وواضحه يا عبد الكريم
ابنك خطف مراة ابنى وروحه وحدها مش هتكفينى
صرخ عبد الكريم بطلى كلامك ده يا فريده واعرفى نفسك بتقولى ايه
هات الواد يا عبد الكريم وكل حاجه تتحل، انا عايزه اشوفه دلوقتى والا اقسم بالله هموتك بأيدى دى
خير يا مراة عمى ؟ قالولى انك بتدورى عليه مكنتش اعرف انك بتحبينى الحب دا كله؟
انتقضت عيون فريده وهى تلمح هانى يقتحم المضيفه فجأه
فريده /انت كنت فين يا هانى من اول مبارح
سلم هانى على والده عبد الكريم وقبل يده قبل أن يستدير
هو تحقيق ولا ايه يا فريده؟
نهضت فريده ونفضت التوب إلى لابساه وعلى وجهها ابتسامه ميته منذ اسبوع
مش شايفه انها غريبه انك تختفى فى وقت، هروب مراة ابنى ومتظهرش غير دلوقتى؟
فين البت يا هانى؟
همس شديد احنا مقولناش ان البنت هربت يا حجه؟
اسكت انت صرخت فريده وهى تلوح بأصبعها الصغير
إلى حصل مش هيعدى بالساهل يا عبد الكريم، انت عارف ان لحم فريده مر ولا افكرك؟ صرخت فريده بعيون تبرق مثل نجمه فى ليله مظلمه، انا عارفه إلى انت بتخطلله كويس
لكنه بعون الله مش هيحصل ولو كان لأبنك او ليك علاقه بخطف مراة ابنى هتبقى سواد على الكل، يلا بينا يا رجاله.
__________________
عبد الكريم بعد اختفاء فريده، هانى انت ليك علاقه بهرب مراة ابن عمك؟
هانى / انا مليش علاقه بالحجاب دى يا والدى
امال كنت مختفى فين كل ده؟
يا حج هو انت هتحبسنى هنا ولا ايه؟
عبد الكريم بصرامه، هانى لو كان ليك علاقه بهروب مراة خالد
هزعلك، وهتشوف منى وش تانى
انا معنديش عيال تمشى فى الحرام
حرام ايه يا حج؟ ربنا يبعدنا عن الحرام وطريقه
برم عبد الكريم شاربه والله وجيتى تحت ضرسى يا فريده
بكرة الفضيحه تبقى على كل لسان ومتقدريش تورى وشك للناس..
________________
فريده / وهى ماشيه فى الطريق، شديد راقب هانى انا متأكده انه هيوصلك للبت
شديد /بس هانى قال انه ملوش علاقه بالموضوع يا حجه
فريده / انا اعرف هانى اكتر منك، حاول متستخدمش دماغك ونفذ الأوامر يا شديد
مش عايزه هانى يدخل الحمام من غير ما اعرف
وهنعمل ايه فى البت إلى هربت يا حجه؟ الحاره وكلام الناس هنسكته ازاى؟
فريده! /ابعت ل مشيره خليها تيجى البيت عندى
شديد /مشيره بتاعت الخضار يا حجه؟
فريده /ايوه
دخلها من الباب الورانى ومتخليش اى شخص يشوفها
شديد / حاضر يا حجه
على ناصية الشارع
. شديد /يا ست مشيره الحجه طلبتك
مشيره / بارتباك وخوف، دلوقتى؟
شديد / انتى عارفه الحجه مش بتحب تأخير
مشيره / يا تحيه خلى بالك من الفرش على بال ما ارجع
ثم نظرت الى شديد لازم، اعدى على البيت الأول
شديد / مفيش وقت يا مشيره
مشيره / متقلقش دى أوامر فريده، دخلت مشيره البيت وطلعت وهى ماسكه ايد بنتها يلا بينا يا شديد
شديد / خلينا ناخد الشارع الخلفى وغطى وشك انتى وبنتك
ثم صرخ يا مدحت؟
خد الست مشيره إلى بيت الحجه مش عايز حد يشوفنى معاها وهى رايحه هناك، انت مفيش حد يعرف انك من رجالة الحجه.
على باب البيت، فريده قابلت مشيره، عاينت البنت من فوق لتحت
هى عارفه هتعمل ايه كويس يا مشيره؟
عارفه يا حجه، انا مفطناها على كل حجه
أخرجت فريده من عب التوب رزمة فلوس ودفعتها فى ايد مشيره
امشى انت يا مشيره، وانتى وبصت على البت اطلعى شقة خالد
مراد وصل الهانم شقة ابنى
اختفت مشيره فى الشارع الجانبى وعادت إلى فرشها على الرصيف
داخل الشقه ارتدت بنتها النقاب وفتحت الشرفه المطله
على الشارع وقامت بنشر الغسيل المتروك قبل وصولها
__________
عبد الكريم من الشارع //الا مين دى يا واد عبد الصمد؟
الظاهر مراة خالد يا ابوى
مراة خالد؟ مش قالو هربت وفريده دخلت عندنا وعملت حوار؟
مش عارف يا ابوى، يمكن رجعت او لقيوها
عبد الكريم / ومالها كده مخبيه وشها تكونش شين او غفير بدراوى؟
ههههه يعنى مين هتقبل خالد غير لو كانت غفير يا ابوى
عبد الكريم / الواد اخوك مش عجبنى خلى عينك عليه
عبد الصمد / حاضر يا ابوى
_____
هانى _بهمس، شيماء انا مش هقدر اجى النهرده
خلى بالك من نفسك ومتنزليش الشارع خالص
شيماء /بس انا جعانه وخايفه يا هانى، مفيش اكل هنا
هانى / الدينا صعبه حاولى تصبرى نفسك باى حاجه لحد ما الدنيا تهدى شويه
/ شيماء / ونهاية دا كله ايه يا هانى، هفضل هاربه كده؟
هانى / بعد صمت فكرى كويس هتعملى ايه يا شيماء
دى حياتك ومصيرك وانا هحاول اساعدك على قد ما قدر
لكن دلوقتى مش هقدر أظهر انا متراقب
متحاوليش تتصلى بيا انا هتصل بيكى فى اقرب فرصه
_____________________
فريده / اطلع يا خالد اقف جنب مراتك فى البلكونه، وأظهر نفسك للعالم
مراتى مين يا امى؟
مراتك إلى فى الشقه يا خالد
هى شيماء رجعت يا امى؟
اكتم صوتك، متجييش سيرة شيماء وهروبها
شيماء مراتك فوق فى الشقه بتنشر الغسيل هو دا إلى لازم تعرفه من دلوقتى
يلا اطلع خلى عبد الكريم وعياله ورجالته يشوفوك
وهو طالع السلم فريده نادت عليه، خالد؟
اه بلاش تقرب للبنت فاهم؟