بقلم اسماعيل موسي
تحرك هانى وسط همس المبانى ووشوشات الأشجار يحيط به ظلام دامس ، كان الشارع خالى من الماره، هانى للرجالة انا مش مطمن، الهدوء ده قلقنى!
همس مرتضى لا قلق ولا يحزنون يا هانى باشا، شديد وقع ومحدش سلم عليه
وهما ماشين تحركت عربه كارو قطعت الطريق للناحيه التانيه
كان سايقها شخص مسن وغامض
وفى نفس اللحظه المصباح الى بينور الطريق انكسر
همس هانى دا فخ فى اللحظه إلى شديد استدار فيها
وصرخ نورت يا ولد تحيه
رفع هانى مسدسه وصوبه تجاه شديد إلى كان واقف مسترخى اكتر من الازم
من بيت جانبى تحركت الستاره وانطلقت رصاصه اخترقت دراع هانى ووقعت المسدس على الأرض
واحد من رجالة هانى ضرب رصاصه لكن ملحقش يضرب التانيه
هانى رمى نفسه ورا عربيه والشخص التالت إلى معاه وقع على الأرض
صرخ شديد كنت عارف انك هتيجى يا نجس يا خطاف الحريم
اصل واحد زيك من نسل شيطان افكاره لازم تبقى كده
أظهر نفسك؟
هانى اندس تحت العربيه حاول يوصل لسلاح راجلة إلى سقط على الأرض
اول ما ايد هانى خرجت من تحت العربيه شديد دهسها بحذائه
شايف نفسك وانت عامل ذى الفار يا ولد عبد الكريم؟
شديد لحمه مر اوى وحتة عيل زيك ميقدرش عليه
بعدها جر هانى من كم جلبابه فى الشارع وراه على الأرض
من حسن حظك ان فريده مش عايزاك حى
موت رحيم يعنى، بس انا ليه رأى تانى
وقف شديد امام هانى المرمى على الأرض بجسمه الضخم
بوس رجل شديد يمنحك الحياه
هقول انك هربت او مشفتكش، هسمحلك تهرب
هانى قعد يصرخ من الألم
شديد مد رجله يلا خلصنى قبل ما حد يتصل البوليس؟
هانى ارغم نفسه وباس رجل شديد
شديد قعد يضحك ضحك هستيرى، عامل زى الكلب يا واد عبد الكريم
صدقت انى ممكن اسيبك تهرب
ضحك رجال شديد من كل ناحيه، كانو اكتر من عشره
جروة على الشارع الضلمه هناك مش عازيزين حد يعرف حصل معاه ايه
جر رجال شديد هانى على الأرض وراهم ودمه سايح
عامل نفسك بطل
وعديله الكركوبه عايزه تخلص منى؟
فى البقعه المظلمه استسلم هانى لمصيره، صوب شديد المسدس على دماغ هانى
لكنه وقف فى اخر لحظه وصله تليفون من فريده
أأمرى يا حجه
خلصت عليه؟
اهو قدامى مرمى زى الكلب هقتله دلوقتى
تمام خلص عليه وارجع بسرعه
حاضر يا حجه
تنهد شديد، استعنا على الشقى بالله ثم وضع فوهة المسدس على نفوخ هانى الذى اغمض عينيه بأستسلام مريب
كان يعلم أن لديه نصف فرصه بل اقل من عشره بالمائه من فرصه، بأخر ما يحتفظ به من قوه
ضرب شديد بالحجر الذى استطاع ان يمسك به خلال المكالمه فى ركبته تماما بكل قوته
صرخ شديد من الوجع الحجر اصاب عظام ركبته مباشرتآ
ثم انحنى لا اراديا، هانى الذى التقط انفاسه بيده السليمه
التقف السلاح ومن بين ساقى شديد اطلق رصاصتين على أقرب رجاله
وقف شديد مصدوم بعد أن صوب هانى المسدس على رأسه
كان هانى تمكن من الوقوف واحتمى بجسد شديد الضخم من اى طلقة غدر، ثم جر شديد بعيد عن رجاله، شديد الذى امر رجاله ان يلتزمو الصمت ولا يتبعو هانى
لما هانى وصل الشارع الرئيسى اطلق رصاصه على قدم شديد
ثم أوقف سيارة أجره بالقوه وارغم السائق ان ينطلق به بعيد عن المنطقه.
اوصلك على المستشفى يا بيه؟ سأل السائق المرعوب
هانى همس لا اطلع على العنوان ده وانا هعرف اراضيك
كويس هديك مبلغ كبير ، لكن متقفش لأى شخص مهما حصل
ربط هانى دراعه وكتفه بعد أن مزق الجلباب واتصل بالجدة عديله إلى بعتت الرجاله وعربيه يقابلو هانى فى الطريق