بقلم اسماعيل موسي
يمر الليل بطيء على كل من أحكم الغطاء على أفكارة، كان خالد انتهى من الضرب، اكتفى من سماع الصرخات التى ما عادت تنشيه، فعل مكرر ممل، ترك السوط يسقط على الأرض امام عيون شيماء، جلس على المقعد بتوتر، فرك يديه وهو ينظر إلى شيماء، لازم تخضعى، لازم لازم، ثم نهض فجأه ولمس شعر شيماء، مرر أصابعه مرات ومرات بشرود، قبل أن يحتضنها بقوه، ليه خنتينى وهربتى مع هانى؟ مع ابن عمى يا شيماء؟ فتحت شيماء فمها، بالكاد استطاعت ان تتحدث.
انت انسان مريض نفسى، وامك العيله كلها مرضى
بتسمى هربى للدفاع عن شرفى خيانه؟ عايز راجل غيرك يلمسنى واخضع واسيب نفسى؟ دا يبقى اسمه ايه؟ انت مش راجل يا خالد، لازم تعالج نفسك، الرجاله الحقيقين مش بيعملو كده....
صرخ خالد، انا مش راجل يا كلب.. ة؟ تناول السوط من على الأرض انا هعرفك انا راجل ولا لا، استمرت الصفعات ومع كل صفعه خالد يصرخ، انا مش راجل؟
اخيرا همست شيماء، راجل راجل خلاص سيبنى ارجوك
ابتسم خالد ترك السوط بعيد عن يده، هتعملى كل إلى انا عايزه؟
شيماء/ هعمل، هعمل
تردد خالد دقيقه بدت دهر، هرجعلك تانى، وغادر الشقه.
_____________
فضلت شيماء مربوطه فى المقعد، جسمها كله بيغلى من الوجع، نامت شويه قبل ما تقوم مفزوعه لما باب الشقه انفتح
جسمها كله ارتعش
انت؟ وتنهدت شيماء ببطيء، شايف خالد بيعمل فيا ايه؟
بلا كلام فك الشاب قيودها
سندها لحد ما وصلت سريرها، غطاها بالبطانية ومشى يغادر الشقه
همست شيماء استنى، خليك شويه، انت بتساعدنى ليه؟
وقف الشاب فى مكانه، هانى مش هيساعدك لازم تعرفى كده
باتت فكرة ان هانى يساعدها بعيده عن عقل شيماء بعد مرور أكثر من شهر
همست شيماء بأستسلام عارفه، بس مش هقدر اقاوم من غير آمل
انا مستكتر عليه شوية آمل؟
___انتى غبيه لازم تعرفى كده، كان لازم تعترفى قدام ضابط المباحث وتنقذى نفسك
شيماء / كانو هيقتلو أهلى
الشاب بغضب / اهلك إلى تخلو عنك؟
شيماء / مش بس أهلى إلى اتخلو عنى، العالم كله تخلى عنى
كنت فاكره هانى بيحبنى
لكن... وصمتت شيماء غير قادره على نطق الكلمه، انا هفضل طول عمرى هنا؟ مفيش طريق نجاه قدامى..
ساعدنى انت واوعدك اكون اى حاجه انت عايزها، هعيش خدامه تحت رجليك.
الشاب /مش هتقدرى تستحملى إلى هيحصل لو انا أدخلت
انفزعت شيماء _ شعرت ان روحها رجعت لها، هقدر هقدر
بس انقذنى
ثم بلا مقدمات القت بنفسها فى حضن الشاب، انقذنى ارجوك
ساعدنى اهرب
لو هساعدك لازم تنفذى كل كلامى من غير جدال، هنفذ هنفذ كل حاجه والقت بجسدها على قدمى الشاب انقذنى من العذاب ده
انهض الشاب جسد شيماء اجلسها امامه بص فى عنيها ومسك ايديها هتقدرى تعملى إلى اقلك عليه؟
شيماء /هقدر وهعمل
الشاب /اوعدينى انك تعملى كل إلى اقلك عليه؟
اوعدك والله اوعدك
طيب اسمعى كلامى كويس كلمه كلمه حرف حرف، استمعت شيماء بتركيز لكلام الشاب إلى غادر الشقه
رجعت للصاله وقعدت على نفس الكرسى لحد ما خالد رجع
انتى فكيتى قيودك؟ همس خالد بنبره ساخره
شيماء / ايوه
جاهزة للعقاب؟
شيماء / ايوه
استغرب خالد التغير الذى حدث خلال نصف ساعه منذ رحيله
نزلت شيماء على الأرض، مسكت السوط عايز تضربنى يا خالد؟
تردد خالد، لم يعتد ذلك من شيماء، لطالما كانت عنيده
ايوه هضربك لحد ما تعرفى انى راجل اووى لحد ما تقبلى ايدى ورجلى بخضوع
شيماء / حاضر