بقلم اسماعيل موسي
تعلمت شيماء إطلاق الرصاص من وضع الحركه والثبات ،تعلمت كيف تصيب أكثر من هدف فى وقت واحد
تعلمت كيف تحمى نفسها، وتأخذ ساتر ،كما أنها تعلمت كيف تقاوم عند الالتحام باليد، كيف تصبر على تلقى الضربات حتى تتاح لها فرصه مناسبه.
___كمان تعلمت تتصرف ازاى لو تعرضت لأصابه.
أدهم علمها بنفسه واخضعها للتدريب والعقاب مرارأ وتكرارا
وتعرضت للضرب من يده القويه أكثر من مره حتى دمعت
_لما تأكد ادهم انها مستعده،خرجا من البيت قاصدين محطة القطار...
جلست شيماء على المقعد وسألت أدهم
تعتقد انى مستعده للقتال ؟
اطلق أدهم ابتسامه، انا لما اجهزك للانتقام يا شيماء ،كنت اعدك للدفاع عن نفسك عندما تسوء الأمور ،عشان كده من فضلك متتدخليش غير لما الأمور تبقى سيئه جدا
____وانا اعرف ازاى ان الامور سيئه جدا يا أدهم؟ متى اتدخل ؟
رفع أدهم ايده ،هيكون واضح قدامك يا شيماء، ممكن اتصاب برصاصه ،ممكن اتعرض للضرب المبرح كده يعنى
___ كن واثق انى مش هسمح لأى شخص يضربك يا أدهم
رغم كده انا محتاجة إشاره
علامه عندما المحها، من فضلك متسيبش الأمور عايمه انا ممكن ابوظ كل حاجه
إشاره ذى ايه يا شيماء؟
___ كلمه مثلا يا أدهم، كلمة سر لما تقولها اتدخل
فكر أدهم ،رغم كل إلى حصل ليها شايف شيماء بريئه بطريقه غير عاديه
انتى خايفه عليه يا شيماء؟ همسها أدهم بخجل
__طبعا خايفه عليك يا أدهم، انت لو جرالك حاجه انا هتبهدل حرفيآ
اها ،يعنى كل إلى همك مصلحتك برضه
تورد خد شيماء ،مش كده يا أدهم، متحرجنيش من فضلك
كل إلى عايزاك تعرفه انى مستعده للموت فى سبيل انقاذك
احنا لسه قدامنا سفر طويل يا شيماء تقدرى تنامى لحد ما نوصل
مضى الوقت اسرع من المتوقع وتوقف القطار فى محطة البلده
نزل أدهم وشيماء من القطار وغادرا المحطه ،همست شيماء هنروح فين دلوقتى ؟ عند عديله
فى الأول لازم نلاقي مكان يكون مقر لينا، عشان لو الظروف سأت نتقابل فيه تعالى ورايا
مشت شيماء جنب أدهم فى شوراع القريه الضيقه
لحد ما وصلو بين قديم صغير وقف أدهم قدام البيت الطينى
إلى شهد كل ذكرياته القديمه ،دا هيكون المقر بتاعنا
بيت مين دا يا أدهم؟
دا بيتنا يا شيماء، ثم دخل فى صمت وحزن ،كان البيت فى فوضى، اوانى قديمه
حصيره ،دكه مخلعه ،مصطبة من الطين، كانون
لو حصلت حاجه مش متوقعه هنتقابل هنا يا شيماء
دلوقتى استنى هنا، هقابل عديله لوحدى وارجعلك.
وصل أدهم بيت العيله، استقبلته عديله بفتور ،كان اسم نكره بالنسبه لها، وتعرف والدته بالعافيه
جلس أدهم امام البيت مع عديله، شرح لها غايته وكان محدد
إلى حصل دا حرام وميرضيش ربنا يا جده عديله
___هو انا مش هخلص من البنت دى آبدآ ؟
بأيدك تخلصى كل حاجه يا عديله، فريده مراة ابنك وعبد الكريم ابنك وخالد حفيدك
اضغطى على خالد يطلق شيماء وانا هحاول انسى عقابه
فتحت عديله بقها بصدمه ،تعاقب مين ؟
انت عارف نفسك بتتكلم عن مين؟
عارف، وعارف كمان ان إلى كانت فريده هتعملة حرام وكبيره
وانا جيتك انتى عشان اهدى الدنيا ونخلص الموضوع فى الستر، لكن اقسم بربى يا عديله لو فريده وعبد الكريم ما رجعو عن إلى فى دماغهم لاطربقها على دماغ الكل
انت بتهددنى يا ولد انت؟ جاى هنا قدام بيتى وبتهدد عيلتى ؟؟
اعتبريها ذى ما تعتبريها يا عديله وقد اعذر من انذر
خالد يطلق شيماء وكل واحد يروح لحاله
اسيبك انا بقا تتصرفى هنتظر ردك بكره يا عديله فى بيتى القديم.