بقلم اسماعيل موسى
رفع فارس حاجبة الأيمن بقلق باد ،وابتسم للخادمة ،مين وصل يا هانم؟
الخادمه المندهشه من نبرة فارس الجادة و التى عاقرت قلة الاحترام فى المستنقع الذى تعيش داخلة مجبره ،رفعت رأسها بايباء
خالد بيه عزام يا بيه وصل يا فارس باشا
شعر فارس بخلل فى خطتة ،لكنه تعلم تطويع المواقف لتخدم مصلحتة
جميل خليه يشرف، احنا كنا مستنينه من بدرى
رفعت صوفيا فزاع رأسها بخوف ،وهمست خالد هنا؟
دا كان مسافر بره البلد، ايه إلى جابه دلوقتى
تأمل فارس ملامحها ،مجرد امرأة أخرى مرتعبه جربت ان تدخل منطقه لا تخصها
انتو لازم تمشو دلوقتى حالآ يا فارس حاولت صوفيا ان تنهض لكنها فوجأت بضغطة من يد تالين، مع امر متتحركيش غير لما اقلك
صوفيا _انتو مجانين؟ خالد لو دخل هنا هتحصل مدبحه
ابتسم فارس ،اعتقد انك اتصلتى بجوزك عشان ينقذك ؟
ليه الزعر والخوف ده ؟
مش وقت هزار يا فارس احنا كنا بنلعب لعبة وخلصت
انت انتصرت فيها،من فضلك امشى قبل ما تحصل مصيبه
خايفه منه يا صوفيا؟
مش خوف دافعت صوفيا ،لكن انا وصلت لمكانه من السيطره والتحكم مش عايزه افقدها بسبب تصرف طائش
خالد عزام ملك ايديا وانا محتاجاها يفضل كده دى الطريقه الوحيده عشان اقدر اكمل حياتى معاه، مش عايزه امنحه إى مبرر يخليه يقدر يرفع رأسه قدامى
انتى عارفه انه بيخونك يا صوفيا ؟
بطل هبل يا فارس ،خالد ميتجرأش يرفع عينه فى وش ست غيرى، العابك القذره ،حركاتك دى اضحك بيها على واحده غيرى
فارس مش بيلعب يا صوفيا، خالد جوزك لسه واصل حالآ من عند عشقيته تمارا، تعرفى فى انواع العطور؟
اول ما يدخل هتشمى ريحة عطر Jean Paul Gaultier Scandl ،مستنزف بشده جوزك ،العطر على جسمه كله مش بس خارجى
بطل كذب يا فارس يا ناطورى، إياك تكون فاكر ان إلى بتحاول تعمله هيخلينى أقرب منك أو انكسر قدامك
انا امرأه متمردة
شعر فارس انه انتهى، انتهى من صوفيا ولا حاجه له بخضوعها من عدمه هناك أشياء لا تحتاج لأثبات
سبييها يا تالين، يلا يا صوفيا وصلينا المخرج الآمن إلى بيهرب منه عشاقك
ولا اقلك ملوش لازمه، تغريد هتوصلنا وانتى البسى حاجه حلوه الراجل راجع من سفر برضه ومحتاجك
قادت تغريد الخادمه فارس وتالين عبر الباب الخلفى وعندما أصبح خالد عزام داخل الفيلا كانا فى الشارع.
استقرت تالين جنب فارس على المقعد الأمامى مرتخية
واشعلت سيجاره
انا ازاى عرفت ان جوزها بيخونها يا فارس ؟ إلى يشوف صوفيا يقول انها ست غير قابله للخيانة _ ومعتقدش انك بتقول إى كلام والسلام...
همس فارس بصرامه، النساء الاتى يعتقدن انهن غير قابلات للخيانة يقعن فى المصيده اولآ ،الإسراف فى الثقه والمثاليه يا تالين امر مقرف
ثم فتح سماعة الهاتف الخارجيه اعتقدت تالين انه يشغل اغنيه، لكن صوت صوفيا وصل
كنت فين يا خالد؟
__ فى الشغل يا روحى ما أنتى عارفه كل حاجه
بس انت مكنتش برة البلد يا خالد
ممكن اعرف ريحة ألعطر إلى على هدومك دى وصلت من فين؟
هو حرام الراجل يرش عطر ية صوفيا ؟ مالك كده متعكننه ومتغيره ليه
خالد صرخت صوفيا، انت عارف انى بكره الكذب، والبنت إلى كنت معاها اقدر اجيبها حالآ دلوقتى قدامك
ثم انت عارف انى متساهله معاك ومدياك الحريه، ليه تكدب ؟
يعرف خالد الاتفاق القديم الذى دار بينه وبين صوفيا
همس ايوه يا صوفيا بس ارجوكى متزعليش انا اسف
ثم سمع صوت صفعه قويه ،طول عمرك تفضل كل_ب
قطع فارس المكالمه ونظر إلى الطريق امامه، تالين انتى مش مضطره تعملى اى حاجه عشانى، انا بس كنت بديكى درس عشان تخفى شويه عن حازم وشوية العيال الصيع إلى ماشين وراكى..
إبتسمت تالين ونظرت فى عيون فارس لأول مره بدقه
انت متأكد مثلى واكتر انهم يستحقو اكتر من كده
دول اولاد البشوات إلى مبوظين البلد ووالدى واحد منهم
دى طريقتى فى الرفض يا فارس لانى مملكش طريقه تانيه
هو أنتى فاكرانى مش عارف يا تالين؟
عن المنظمه وشغلك وحوراتك ومزاجيتك وكل حاجه
فارس مش بيختار إى شخص بفوضاوية يا تالين
احنا لينا كان سنه نعرف بعض؟
عشر سنين يا فارس بالضبط
وخلال العسر سنين دول ان حاولت اعمل حاجه معاكى؟
لا يا فارس ودا إلى محيرنى، لو انت عارف كل حاجه ليه صبرت كل ده
ولو انت موافق اصلا على إلى بعمله ليه عملت كده معايا؟
قبض فارس على يد تالين بقوه، انتى عارفه انا عملت كده ليه يا تالين؟ لأنك محتاجه كده، انا نجحت فى تعريتك يا تالين
من الليله إلى كنا سهرانين فيها فى حفل معاذ الانصاري
تقدرى تقولى ان حاشة الشم عندى قويه شوية
كان فارس وصل باب القصر، ونزل من العربيه، العربيه ملكك يا تالين ممكن تاخديها على بيتك وتخلى السواق يرجعها
انا بمنحك الاختيار.
ترددت تالين لحظه ونزلت من العربيه مش هتعزمنى على فنجان قهوه ونفكر هنعمل ايه معاهم؟
ابتسم فارس الناطورى ،بس انا القهوه عندى بتتقدم باصول وطريقه مختلفه يا تالين المفروض تكونى فهمتى كده ؟
همست تالين _وانا محتاجه اشرب قهوتك يا فارس