صبا بخضه:أعوذ بالله انت بتطلع منين
مصعب :بقا بتتريقى عليا
أشارت فجر لضحى لكى يتركوهم سويا
صبا :مييين انا
مصعب بسخريه:لا يا شيخه
صبا :بس متكلمنيش انا مش بكلمك اصلا
مصعب :ايوه توهينى
صبا :انت اللى بتوهنى مليش دعوه عايزه البس طرحه والله محدش هيشوفنى ومحدش هيدخل اصلا
مصعب :طب ولو حد شافك
صبا :لا والله محدش هيدخل
مصعب :ماشى موافق يا صبا بس والله لو حد شافك هيكون لينا كلام تانى
صبا بفرحه:ماااشى
مصعب : لو كنت اعرف انك هتكونى فرحانه كدا كنت وافقت من بدري
صبا بخجل:شوفت عشان بعد كدا بقا تسمع كلامى بسرعه
مصعب :يا شيخه انا اصلا مش مرتاح لأنك تقعدي بطرحه كدا بس عشان مش عايز انكد عليكى
صبا وهى تتمسك بوجنتيه:يخلاشى على اللى بيسمع الكلام يا ناس
مصعب بصدمه :انتى بتكلمى ابن اختك
صبا :ههههه معلش واخده اعمل كدا مع الأطفال اللى فى التدريب
مصعب بغيره :وانتى بتمسكى خدود العيال ليه
صبا باستغراب :هو ايه اللى ليه اطفال بهزر معاهم
مصعب :لا متهزريش مع حد
صبا :يا سلام ازاى يعنى دول اطفال
مصعب بغيره :هزري معايا انا بس
صبا بابتسامه بعدما أدركت غيرته :يا عم دول صغيرين خالص عندهم سبع سينين
مصعب :ايه يعنى
صبا بمهاوده:ماشى اصلا خلصنا التدريب وهنروح لثانوي ان شاء الله
مصعب :ايوه كدا شاطره
مرت عدة ايام لم يحدث فيها تغيير حتى جاء يوم الخطبه
بعد أذان العصر كانت صبا تصلى وضحى وفجر يصلون بجوارها حتى انتهين من أداء الفريضه
صبا بفرحه: مين هتبقى احلى عرووووسه
ابتسمت ضحى بخجل
فجر :دا ضحى الأيام دي بقت بتتكسف كتير ودا غلط على صحتها
ضحى :بقا كدا يا فجر بتتريقى عليا ماااشى
فجر :ههههه انتى هتلبسى امتى
ضحى :ان شاء الله هصلى المغرب والبس
فجر :وهتحطى ميكب صح
ضحى :مش عارفه والله لو حرام مش هحط
صبا :مفيش الا بنات بس اللى هيشوفوكى حتى العريس مش هيدخل عادي لو حطيتى
ضحى :خلاص هحط حاجات بسيطه بس مبعرفش احط
فجر :اشطا انا هحط لك
ضحى : ماشى عشان أطلع عينك براحتى😒
فجر :لا انتى تقعدي لو نطقتى صبا تقعد وراكى بالكف على طول
صبا :الله وأطلع عليها القديم والجديد
ضحى :والله انتو هتحفلوا عليا ولا ايه
بعد صلاة المغرب
صبا :يلا يا ضحى البسى
ضحى :ماشى هاتى الفستان هدخل البسه جوه خليكوا هنا هيا ساره مجتش ولا ايه
صبا :لسه مكلمانى وقالت جايه فى الطريق
ضحى بتوتر :ماشى
صبا :ضحى انتى متوتره ليه عادي متوتريش نفسك
ضحى :ماشى
ارتدت ضحى الفستان وخرجت لهم
صبا :اللهم بارك تحفه عليكى
فجر :يا خلاشى على العسل
ضحى وهى تضع يدها على وجهها؛بس بقا بتكسف
ضحى وفجر:ههههههه
فجر؛ تعالى يلا يلا يا صبا اقعدي وراها
جلست فجر واجلست ضحى امامها ووضعت لها لمسات بسيطه من الميكاب
ضحى :خففى تانى يا فجر
فجر :لا كدا خفيف خالص يا ضحى يعتبر مش حطيت لك حاجه مش كل شويه تقولى خففى
صبا :عندها حق كدا جميل يا ضحى وخفيف اهو مش تعملى حاجه تانيه كدا جميل
ضحى وهى تنظر إلى نفسها باقتناع:ماشى خلاص كدا حلو بردوا يعنى شكلى حلو
صبا :يا بنتى والله جميله خالص
ضحى :ماشى
صبا :انا هلف الطرحه بقا بدل ما انا قاعده بشعري كدا
فجر :الحمد لله انا لبست قبل ما اظبط ضحى عشان أكون فاضيه لك
صبا :وانا مالى يختى
فجر :ما انا هحط لك ميكب
صبا :لا طبعا مش عايزه
فجر ؛مليش فيه والله ما انا سيباكى الا ما احط لك
ضحى :وانا همسح اللى حطيته لو محطتيش
صبا :يا بنتى افهمى انا عمري ما حطيت واخوكى هيزعق لى لو حطيت حاجه
ضحى :لا مش هيزعق وبعدين مش هيشوفك اصلا ومفيش رجاله هتشوفك يبقى يزعق ليه
صبا بعدم اقتناع :لا هيزعل
فجر وهى تجرها من يدها وتجلسها مكان ضحى :تعالى بس دا حاجه بسيطه ووضعت لها وسط تذمر صبا حتى انتهت
فجر :بسم الله ما شاء الله ايه الجمال دا الروج لايق عليكى بطريقه فظيعه انتى وضحى ممكن عشان اول مره تحطوا الصراحه انبهرت بيكوا
نظرت صبا إلى نفسها المرآه وقالت :دا كله يا فجر
فجر :اتنيلى دا انا محطتش ليكى إلا روج وكحل بس
صبا :ماشى ربنا يستر بقا
فجر :ايوه بقينا بنخاف من حد اهو
ضحى ؛ههههه يا بنتى دا الطبيعى كانوا كدا وهيا صغيره اصلا بس انتى مكنتيش لسه اتجوزتى مكانتش بتعمل حاجه إلا ما يكون موافق عليها وكانت مش بتطيق مريم بنت خالتى
فجر :مريم دي اللى جت فرحى صح
ضحى :اه دي طيبه خالص بس هتقولى ايه الغيره ههههههه
صبا بخجل :كنت لسه صغيره يختى
فجر :اومال هيا مجاتش ليه
ضحى :هتيجى هيا واخواتها زمانها جايه خالى وأبو مريم هنا من الصبح
فجر :ايوه ما انا شوفتهم قاعدين مع بابا
دق هاتف صبا فقالت :دي ساره بتتصل عليا
ضحى:اه تلاقيها وصلت وعايزه حد يدخلها
صبا:خلاص هقول لماما تدخلها
ضحى :ماشى ردي عليها وقوليلها
كانت ساره واقفه فى الخارج بتوتر وخجل تنتظر من يدخلها إلى البيت فوجدت طفله تهرول تجاهها وتنادي باسمها فإلتفتت اليها فوجدتها تلك الطفله لمار
لمار :ثااااره انتى هنا فى الفرح انا جيت
ساره بفرحه وهى تحملها :ميمو حبيبتى عامله ايه
انتى جايه الفرح مع مين
لمار:جايه مع بابى هو هنا ثاحب العريث
ساره :ايوه طب انتى قاعده لوحدك ليه تيجى تدخلى معايا جوه عند العروسه
لمار :الله ادخل جوه بابى قالى انى هقعد هنا مع الولاد عشان يخلى باله منى
كان ينادي عليها من بعيد فوجدها مع بنت تحملها فدق الخوف فى قلبه فهرول تجاهها ولكن سرعان ما هدأت ملامحه حينما تعرف على من تحملها
عمار :كدا يا ميمو تسيبينى ادور عليكى ازيك يا انسه ساره
ساره بخجل :الله يسلمك
لمار:بابى انا هدخل جوه عند البنات مع ثاره
عمار :لا سيبيها تاخد راحتها اقعدي معايا وبعدين ايه ساره دي اسمها طنط ساره
ساره :لا مش تعب ولا حاجه انا بحبها جدا احنا صحاب انا وهيا صح يا ميمو
لمار :ثح يا ثاره
عمار :خلاص ماشى خلى بالك منها ووقت ما تتعبك ابعتيها ليا
ساره :حاضر متخافش دي فى عنيا
جاءت صفيه من الداخل فقالت لها:انتى ساره صح
ساره :ايوه يا طنط
صفيه :انا ام صبا قالت لى ادخلك جوه تعالى
ساره بابتسامه:حاضر
ثم نظرت إلى عمار قائله:بعد إذنك
عمار :اتفضلى
دخلت ساره إلى الداخل بصحبة صفيه والدة صبا واوصلتها إلى غرفة ضحى
ساره :انا جييييت
ضحى وهى تحتضنها :نورت البييييت
ساره :عروستيييي مبرووووك يا روحى انا فرحانه اوي والله
صبا وهى تسلم عيها:ربنا يدومها ليكى
ساره :مش عارفه تخلى الخطوبه بعد العيد دا فاضل على العيد شهر
صبا:ما عشان مستني من قبل الامتحانات هيستنى بقا تانى
فجر ؛اه وهنصوم بقا قبل العيد
ساره :ليه دا عيد الاضحى مفيش الا يوم الوقفه اللى هتصومه
فجر :ايه والاوائل من ذو الحجه
ساره :اها هو ايه فضلهم صحيح يا صبا
صبا : دا أقسم بها رب العزة، ولا يقسم العظيم إلا بعظيم. اجتمع في هذه الأيام عبادات عظيمة لم تجتمع في غيرها، ففيها الصلاة والصيام والصدقة والحج. تاسع أيامها هو يوم عرفة، وهو أعظم أيام الحج، بل الحج عرفة، وفي صيامه تكفير للسنة الماضية والسنة القابلة، وأكثر ما يعتق الله عز وجل من النار في هذا اليوم. ما من أيام العمل فيها أفضل من هذه الأيام كما ورد في الحديث الشريف. فيها يوم النحر، حيث يتقرب العبد من خالقه بذبح الاضاحي و أحدى مناسك الحج
فجر :ابوه فعلا أن شاء الله هنصومهم بس يا صبا انا قرأت فى النتيجه انها هتكون يوم جمعه هو ينفع نصوم يوم جمعه
صبا:(بصى أولا النبى صلى الله عليه وسلم نهى عن صيام يوم الجمعه الا أن تصومى يوما قبله او يوم بعده ودا لأنه صلى الله عليه وسلم دخل على امرأة من نسائه فوجدها صائمة يوم الجمعة، فقال:(أكنت صمت أمس؟) قالت: لا، فقال:(أتريدين أن تصومي غداً؟) قالت: لا. قال: (فافطري) تمام واحنا يوم الجمعه هنتبع صيامه بيوم آخر دا اول حاجه تانى حاجه أن الرسول نهى عن انك تصومى اليوم دا لأنه يوم الجمعه وطبعا انتى هتصومى بنية صيام الاوائل من ذو الحجه مش بنية صيام يوم الجمعه تمام فلو كان يوم عاشوراء او يوم الوقفه يوم جمعه فلا حرج تمام طب ما يوم الوقفه ان شاء الله هيكون يوم سبت والسبت مكروه الصيام فيه معنى كدا اننا منصومش الوقفه لا طبعا لأنك هتصومى اليوم عشان دا يوم الوقفه مش عشان دا يوم سبت آخر حاجه أن الصيام يوم الجمعه منفردا مكروه مش حرام لأن فى فرق والايام التى يحرم فيها الصيام هى صوم يوم عيد الفطر، ويوم عيد الأضحى، وأيام التشريق، وهي ثلاثة أيام بعد يوم النحر. )
فجر :ايوه فهمت ان شاء الله نبقى نبدأ يوم الجمعه
صبا :ان شاء الله
ساره :عمالين نتكلم والناس مستنيه تحت
صبا :لا عادي أمى قالت ان ضحى مش هتنزل الا بعد العشاء لسه نص ساعه
ساره :انتو مش مشغولين اغانى ليه أوعوا تقولوا حرام
صبا :هههه لا كنا مشغلين اناشيد على الدف بس قفلناها اما جينا نصلى المغرب خدي الفون اهو شغلى عليه كل اللى عليه بالدف انا جهزتهم ووصليه بالصب
ساره :ماشى هاتى
فتحت ساره الأناشيد وكانت فى غاية الروعه ففتحت أنشودة (صحبات عروستنا للقيروتى ونورتى لأحمد دعسات ومش هنساها وعدد من الاناشيد)
ساره :الله الاناشيد دي جميله اوي
صبا :فعلا جميله جدا الناس بتفكر ان اغانى مفيهاش موسيقى يبقى وحشه (اخواتى بيقولولى انتى هتشغلى طلع البدر علينا😂😂)
فجر :ما تيجو ننزل تحت ما كدا كدا محدش هيشوفنا
صبا :استنى بقا فاضل خمس دقايق نصلى العشا وننزل
فجر ماشى
صبا :هو أبيه أحمد فين يا فجر
فجر :أحمد لبس ونزل وطبعا مش هييجى انا قلت له ميدخلش الا بعد الفرح
صبا :ههههه ماشى انا هروح اجيب الخمار والنقاب من اوضتى عشان اما ننزل
خرجت صبا من غرفتها وفى طريقها ارتطمت فى جسد شخص كادت أن تقع لولا اما امسكها فتحكمت من نفسها ونظرت إليه بصدمه
انتهى البارت
By:Somaya Rashad
الفصل التاسع والعشرون
صبا :هو انت
مصعب وهو ينظر إليها بإعجاب شديد:ايوه ايه القمر دا
صبا بخجل:اننت ط طلعت ليه مش احنا متفقين مفيش شباب هتدخل الا بعد الفرح ما يخلص
مصعب :ما انا عايز حاجه ضروريه وأحمد قالى ان فجر لبست حجابها خلاص
صبا :ايه يعنى بردوا فى بنات هنا مينفعش تدخل
مصعب بابتسامه :هو الجميل غيران ولا ايه
صبا :لللا بس كدا مينفعش
مصعب :اه ما انا عارف المهم
صبا :خير
مصعب :جهزي نفسك بعد الفرح عشان عامل لك مفاجئه
صبا بفرحه :بجد ايه قولى قول يلا
مصعب :لا هتبقى مفاجئه ازاى
صبا :بص انت قول وانا اما تعمل المفاجئه هعمل نفسى متفاجئه بردوا
مصعب :هههههه لأ مينفعش
صبا :لا ما انا فضولي هيموتنى وهقعد أفكر فى حاجات كتيييير قول بقا
مصعب :قلت لأ يلا روحى شوفى انتى كنتى راحه فين
صبا بغضب:يعنى مش هنقول
مصعب :بالليل هقولك امشى بقا
صبا :ماااشى أعرفها بقا ماشى ومتكلمنيش تانى ماشى
مصعب :يعنى هتخاصمينى معملش ليكى مفاجئه
صبا :لا أعمل بردوا وانا مخاصماك
مصعب :ههههه ماشى ثم اردف بغضب قائلا:انتى ازاى خارجه كدا افرضى كان احمد ولا حد تانى اللى شافك
صبا بخوف:يا ماما انت بتتحول انت مش كنت بتضحك دلوقتى
مصعب :بتكلم بجد على فكره
صبا :لا ما فجر اكدت عليه ميدخلش وهو قالها لو حصل حاجه ودخل هيرن عليها الأول
مصعب :طب انتى ايه اللى حطاه فى وشك دا
صبا :مفيش الا بنات بس والله
مصعب :ايه يعنى يعنى البنات تشوفك كدا
صبا :مكنتش عايزه احط اصلا هما اللى ضغطوا عليا
مصعب :انا لو مكناش فى فرح كنت خليتك تمسحيه بس مش عايز انكد عليكى وانا عارف ان مفيش الا بنات
صبا بصوت منخفض :لا والله كتر خيرك
مصعب :بتقولى ايه
صبا :مفيش
مصعب :اها بحسب
صبا :لا متخافش وبعدين اصلا انا كنت راحه اجيب الخمار والنقاب عشان لو حد دخل او حاجه
مصعب :شاطره
صبا بغرور مصطنع :ما انا عارفه
مصعب :حاسبى بس أصل تطقى وانتى منفوخه كدا روحى يلا
صبا بابتسامه :سلام
تركته وتوجهت إلى غرفتها وعلى وجهها ابتسامه على الحديث الذي صار بينهما أخذت نقابها وتوجهت الى غرفة ضحى مره اخري
ضحى :دا كله يا صبا تأخير
صبا :معلش جيت اهو
ضحى :طب يلا ننزل عشان الفرقه اللى انتى كلمتيها زمانها جايه
صبا :ماشى
أمسكت صبا يد ضحى وتوجهن إلى الاسفل مع الفتيات وكان المكان فى الأسفل مزينا بالاشكال الجميله والبلونات جلست ضحى على الكرسى الخاص بها وجلست تسلم على الفتايات حتى جاءت الفرقه المتفق معهم وقامت الفرقه بعمل بعض العروض على الأناشيد الخاصه بالدف وكانت العروض فى غاية الروعه حتى جاء موعد ارتداء الخواتم فجلست والدة يوسف بجوار ضحى بعدما سلمت عليها واحتضنتها بحنان والبستها بسعاده ثم قالت بمرح وهى تتمسك بخاتم العريس الفضى:هبقى البسه للعريس مكانك بقا فضحك الجميع على قولها
احتضنت والدة العريس ضحى مره اخري بسعاده واكملت الفرقه العروض حتى انتهين منها و غادروا وغادر أهل العريس ايضا
صفيه لضحى :يلا يا حبيبتى عشان تطلعى بقا ابوكى بيقول كفايه كدا عشان الوقت اتأخر
اومأت ضحى لها وتمسكت بصبا وصعدت الى الاعلى
فجر :الله كان احلى فرح حضرته والفرقة عروضها روعه
ساره :فعلا الأفراح دي جميله اوي ان شاء الله مش هعمل فرحى الا بالطريقه دي انا هستأذن بقا عشان أختى وزوجها برا جايين ياخدونى كانوا رايحين عندنا هيباتوا النهارده قلتلهم يعدوا ياخدونى
صبا :ماشى يا حبيبتى عقبالك يارب
ساره بخجل :أن شاء الله يلا يا ضحى سلام يا قمر انتى
ضحى :سلام
ساره :تعالى يا لمار اخرجى معايا عشان نشوف هتروحى لباباكى ازاى
فجر :استنى هقول لأحمد يخليه يقف لها عند الباب
ساره :ماشى ياريت
اتصلت فجر على أحمد واخبرها ان عمار بإنتظار ابنته فى الخارج
ساره :ماشى سلام
توجهت ساره إلى الخارج بصحبة لمار حتى وجدت والدها واقفا بجوار باب الفيلا فأشارت للطفله عليه فهرولت الطفله باتجاه أبيها وقفت ساره تنظر اليها حتى اطمئنت انها بالفعل مع أبيها ثم توجهت إلى سيارة زوج اختها وصعدت بها ورحلت
لمار :بابا الفرح جميل اووي اوي وفى بنات جميله ولابثه فثاتين جميله عملوا حاجات جميله كنت عايزه اعمل معاهم
عمار :ههههه كل حاجه جميله كدا
لمار :اه والله وثاره كمان قالت جميل وهيا اما تتخطب هتعمل فرحها جميل زي دا
عمار بانتباه:بجد هيا ساره مش مخطوبه
لمار :لا انا قلت لها انتى هتتجوزي زي العروثه امتى قالت لى اما ربنا يريد وقلت لها انتى عندك عريث قالت لى لا لثه مش عندي
عمار :ماشى
لمار :يا بابى ما تتجوز ثاره وتبقى انتى العريث
عمار :عيب يا لمار مينفعش تقولى كدا
لمار :يا بابى حرام عليك هيا مش عندها عريث
عمار :بكره يبقى عندها
لمار بغضب :لا مليش دعوه انا عايزه انت العريث وثاره العروثه
عمار بمهاوده:ماشى ان شاء الله يلا بقا نمشى
لمار :يلا
فى غرفة ضحى
صبا :انا هروح اغير واجى
ضحى :ماشى
وجدت صبا رساله على هاتفها بها كلمات من مصعب بأن ترتدي خمارها ونقابها وتقابله فى الاسفل ففعلت ذلك وتوجهت الى الاسفل فرأها مصعب فأمسك يدها وتوجه بها إلى الخارج
صبا :احنا رايحين فين
مصعب :رايحين مكان
صبا :فين سيبنا ضحى لوحدها
مصعب :أحمد وفجر هناك قلت لأحمد يقعدوا معاها
صبا :ايه الشنط دي احنا رايحين فين
مصعب بابتسامه:هنسافر اسبوع وهنيجى
صبا :ازاى بس نسافر لوحدنا وانا مش معايا الشنط ولا اى حاجه
مصعب :انا جهزت كل حاجه متقلقيش وبعدين انا جوزك يعنى عادي نسافر لوحدنا
صبا :طب هنسافر فين
مصعب :دي بقا المفاجئه مش هتعرفى الا ما نوصل
نظرت إليه صبا بتردد فقال :اركبى بس العربيه واوعدك انك مش هتندمى
صبا :يعنى أمى عارفه وخالو
مصعب :اه متخافيش هيا اللى مجهزه
الهدوم بتاعتك اصلا
صبا:يعنى هيا عارفه احنا رايحين فين
مصعب:اه يلا بقا انتى رغايه
صعدت صبا إلى السياره وصعد مصعب أيضا وتوجه بها إلى المطار ثم عند الوصول اخرج سماعه لعزل الصوت الخارجى وقال لها ان ترتديها حتى لا تسمع إلى اى مكان ستسافر معه حتى لا تفسد المفاجئه وارتدتها صبا بعد عناء طويل
أتم مصعب اجراءات السفر الخاصه بهم حتى جاء وقت صعودهم إلى الطائره أشار لها مصعب على الطائره التى سيسافرون بها
صبا :انا بخاف منهم
أزال مصعب السماعه من على آذانهم ثم قال لها :طول ما انا معاكى متخافيش من حاجه
ابتسمت له صبا بتوتر ثم صعدت معه إلى الطائره وجلسوا بالأماكن المخصصه لهم
مصعب وهو ينظر الى صبا :انتى لسه خايفه
صبا بتوتر :يعنى
أمسك مصعب يدها لكى تطمئن فنظرت إلى يده ثم نظرت اليه بخجل وظلت تنظر إليه
بعد فتره قصيره قالت:هيا الطياره هتطلع امتى
مصعب :خلاص انتى فى الجو دلوقتى
صبا ؛بجدددد انا محستش بحاجه قولى بقا احنا رايحين فين
مصعب :خلاص اما نوصل هتعرفى انا عايز اعملك مفاجئه
صبا :ماشى اما نشوف اخرتها معاك ايه
بعد فتره البس مصعب لصبا السماعه مره اخري قبل النداء بأنهم وصلوا إلى المكان المنشود وعندما هبطت الطائره أزاح مصعب السماعه مره اخري قائلا :المره دي هربط عينك
صبا بغيظ :يا عم ما تقول بقا ما احنا وصلنا خلاص
مصعب :استنى بس هربط عينك وانا همسكك وهوصلك مكان ما انا عايز آخر حاجه دي
صبا بنفاذ صبر :ماشى اما نشوف اخرتها
فقام مصعب بربط عينها بشريط اسود واجلسها على كرسى حتى ينهى الاجراءات ثم اخذها وخرج بها من المطار وصعدوا إلى السياره التى كانت تنتظره خارج المطار
صبا :احنا فاضل لنا كتير انا اتختنقت من البتاع اللى على عينى دي
مصعب :خلاص فاضل عشر دقائق وننزل اصبري
صبا :حاضر
فى مصر فى الفيلا
بعد ذهاب مصعب وصبا أصر احمد على يوسف ان يجلس معهم فى الداخل وكى يبارك لضحى بنفسه
يوسف وهو يجلس فى الصالون مع أحمد وعثمان:مكانش ليه لزوم ادخل كنت همشى عشان مصعب ميزعلش
عثمان :وهو مصعب هيزعل من ايه وبعدين مش عايز تبارك للعروسه ولا ايه
يوسف بخجل :مش قصدي
عثمان: انا هطلع اناديها واروح اوضتى وأحمد هيفضل يقعد مكان مصعب هنا
يوسف :اتفضل
فى الأعلى كانت ضحى تجلس مع فجر فقالت فجر لها :ايه يا عروسه
ضحى :خلاص الفرح خلص بقا
فجر :بردوا هتفضلى عروسه
ضحى :ههههههه
فجر :بقولك يا ضحى هو فى واحده فى الفرح كانت بتقول انهم بيضحوا يوم الوقفه عشان فى العيد ميكونوش مشغولين هو كدا ينفع
ضحى :ايوه شوفت ناس كتير كدا ودرسنا دا فى القضايا بس طبعا فى فرق بين الذبح يوم عرفة وبين ذبح يوم العيد فقد سئل رسول الله صلى الله عليه وسلم فيمن يذبح يوم عرفة فقال هو لحما قدمه لأهله أى هذا ليس هو الأضحية التى أمر الشرع بها و من يريد أن يذبح الأضحية يوم عرفة حتى يطعم الفقراء والمساكين فهذا عمل صالح ويأخذ من الله سبحانه وتعالى ثواب عليه لكنه لا يأخذ ثواب الأضحية، فالأضحية ثوابها يبدأ من بعد صلاة عيد الأضحي إلى ما قبل غروب شمس رابع يوم العيد
فجر :طب لو حد دبح يوم العيد بس قبل الصلاه
ضحى : هيكون زي حد قدم لحمًا لأهله او لحم تصدق به على الفقراء لكن ليس له ثواب الاضحية.
فجر :اه كدا فهمت تعرفى كنت نفسى أكون فى أزهر عشان اعرف الاحكام دي فعلا الأزهر نعمه بيقولوا ان المواد الشرعيه دي تقيله بالعكس دا انا حاسه بجهل عشان مش درستها المواد دي نور
ضحى :فعلا
طرق الحاج عثمان الباب وأخبر ضحى بأن ترتدي ملابسها وتنزل إلى الاسفل لكى تجلس مع يوسف
ضحى :يا نهار ابيض هلبس ايه يا فجر مكنتش عارفه انه تحت
ضحى :عادي يا بنتى كل هدومك حلوه تعالى نختار والبسى اللى يعجبك
عند مصعب وصبا
وصلت السياره إلى المكان المنشود فقالت صبا:ايه وصلنا
مصعب :اها هنمشى شويه صغيرين بس
صبا :تانى
مصعب :خلاص وصلنا دا حاجه بسيطه
صبا بحماس:طب يلا بسرعه
مصعب بابتسامه يلا
صبا :يلا اوعى اخبط فى حد
مصعب :ايه هو انا رابط عينى زيك ههههه
ظلت تسير معه لمدة ربع ساعه حتى وصل فى مكان ما فقالت صبا :ايه وصلنا
مصعب :اه اخيرا ثوانى بقى متشلهاش الا اما اقولك
صبا :ماشى يلا
مصعب: يلا شيليها
أزاحت صبا الرابطه من على عينيها وفتحت عينيها فانصدمت مما رأت فوجدت مصعب واقفا أمامها وبيده خاتم من الماس والكعبة المشرفه على مسافه قليله منهما يرونها من الفندق الذي يقيمون فيه لها :بحبببببك يا ذات النقاب تقبلى تتجوزينى من غير إجبار من غير قيود عشان انا بحبك وعايز اكمل حياتى معاكى مش عشان جدك ولا عشان حد عشان قلبى خلاص بقى ملكك انتى