مصعب :بتضحك على ايه يا زفت
يوسف:هههههه مش قادر هيا علطول كدا
مصعب :دا عامله زيك مش عارف هتتجوزوا ازاى اصلا دا انتو ضاربين انتو الاتنين
يوسف :دا احنا عسل
مصعب :عسل اسود
فى الأعلى
صعدت ضحى إلى فجر مره اخري قائله :بقى يا فجر يا كذابه تضحكى عليا
فجر :والله كنت لسه هقولك انتى اللى مصبرتيش ونزلتى
ضحى بغيظ :ماشى يختى اهو تحت هناكل ازاى
فجر:ما هو يا ذكيه اما بيكون فى ضيف عندنا البنات بتأكل لوحدها
ضحى :ماشى هو فى ضيوف
فجر :مش يوسف تحت يا حاجه
ضحى بغباء:يوسف مين
فجر :خطيبك
ضحى :ايه دا هو تحت فين والله ما خدت بالى منه يا نهار أبيض يعنى هو شافنى وانا بصوت
فجر :هو انتى صوتى
ضحى :دا انا شوفت أبيه مصعب صوتت وطلعت اجري اتاريه كان بيبصلى بعصبيه كملت هو انا ناقصه
فجر وصبا:هههههههههه احسن عشان تبطلى تعملى مقالب فى حد تانى
ضحى بغيظ:انتو شمتانين فيا
صبا :الصراحه اه
ضحى :انا جعاااانه يا بشر
فجر :تعالى كدا كدا هناكل فى الاوضه اللى جوه مش هنعدي عليهم
ضحى :لا يختى احسن يشوفنى
صبا :لو شافك اصلا مش هيعملك حاجه عشان يوسف تحت
ضحى ببلاهه:اه صح طب يلا بقا ننزل عشان انا هموووت من الجوع
نزلت الفتيات إلى غرفه اخري لتناول الطعام وأخبرتهم فجر ان الرجال اتفقوا على موعد الخطوبه بعد الانتهاء من الامتحان بخمسة ايام
مرت الايام ومصعب وصبا يتقربون من بعضهم ومازال مصعب يلمح لصبا بحبه لها ويغازلها ولكن لم يصارحها حتى الآن
أحمد وفجر تحسنت علاقتهم كثيرا فهو أصبح ملتزم فى شغله وانجز الكثير به وابتعد عن رفقاء السوء لأجل زوجته وابنه
يوسف وضحى لازالوا على حالهم حتى الآن ولم يحدث جديد فى علاقتهم
وها هو آخر يوم فى امتحانات الفتيات وقد قرروا أنهم سيذهبون بعد الانتهاء من الامتحان لاختيار الأغراض الخاصه بخطوبة ضحى
مصعب وهو يقود السياره فهو مازال يقوم بتوصيلهم :انا هبعت لكوا السواق ياخدكوا النهارده عشان عندي اجتماع مهم جدا مينفعش الغيه
اومأن رأسهن بإيجاب
صبا بتوتر :هيا الساعه كام دلوقتى
ضحى :يا صبا الساعه لسه تمانيه ونص والامتحان تسعه واحنا فاضل لينا أقل من خمس دقائق ونوصل قلقانه ليه كل يوم بتكونى قلقانه كدا والحمد لله بنحل كويس
صبا :لا انا قلقانه اوي النهارده حاسه انى نسيت كل حاجه
نظر إليها مصعب بنظرات بعث بها الطمأنينه اليها وامسك يدها وضغط عليها قائلا :متقلقيش
نظرت إليه بخجل ثم فتحت كتابها ونظرت إليه لكى تتهرب من نظراته الموجهه اليها
نظرت إليهم ضحى بسعاده قائله:ايوه يا صبصب
نظر إليها بصعب بغضب مصطنع قائلا :هتسكتى ولا انتى حره
فتذكرت آخر مره تطاولت معه حينما قذفته فى البسين حيث علقها فى باب الغرفه الخاصه به وظلت تترجاه كى يتركها لمدة ساعتين ولكن لم يبالى وذهب إلى الشركه وتركها حتى جاء أحمد وانزلها
بلعت ضحى ريقها بخوف قائله:خلاص مش هتكلم
صبا:هههههه كان شكلك مسخره ههههه
ضحى بغيظ وبهمس:اه عشان عارفه انى مش هعملك حاجه عشان هو قاعد حاااضر بس اما نكون لوحدنا سمعتها صبا فنظرت لها بغرور فأشارت لها ضحى بأنها سوف تريها حينما تنفرد بها
صبا :يلا وصلنا
نزلت ضحى من العربيه وهمت صبا بالنزول فقال مصعب :خلى بالك من نفسك
نظرت إليه صبا بابتسامه قائله بخجل:حاضر وانت كمان وتركته وذهبت إلى ضحى بسعاده لم تشعر بها من قبل
ضحى :لازم يختى تودعيه
صبا :ايه مش جوزي
ضحى بمكر :الله الله دا احنا اتجرئنا اهو وبقينا بنقول كدا ايوه يا عم ماشيه معاك
صبا :الله اكبر اهو قرك دا اللى جايبنا لورا
ضحى :ههههه وكم علمته نظم القوافى فلما قال قافية هجانى
صبا :اه مش انتى اللى معلمانى الرد دا اخوكى بيشوف مواهب بس انا بقوله ان انتى اللى معلمانى
ضحى :يا نهارك أبيض وانا اللى بقول هو معادش بيطقنى ليه
صبا :يلا يختى ورانا امتحان ربنا يستر
ضحى :يارب
دخلوا الى الامتحان وانتهو فى نص الوقت فكان الامتحان يسيرا لهم
صبا :ياااااه أخيرا خلصنا
ضحى :الحمد لله خلصت امتحانااااات يا بشااااار
صبا :وطى صوتك يا مجنونه يلا السواق هناك اهو هنروح المول صح
ضحى بصدمة :اه أبيه مصعب قالى خدي الكريدت كارد هااا دا انا نسيت اخدها ومجبتش بتاعتى عملت حسابى عليه عشان مرضيش اجيب من بتاعتنا
صبا :ياربى طب هنعمل ايه دلوقتى
ضحى بتفكير:هنروح له الشركه ناخدها كدا كدا اصلا المول قريب من الشركه
صبا :ايه لا مينفعش
ضحى :تعالى بس هناخدها ونمشى بسرعه واخبرت السائق ان يتوجه إلى الشركه فلم تدع لها فرصه للاعتراض
صبا :بس هو ممكن يتضايق
ضحى :لا مش هيتضايق
صبا :كان بيقول انه عنده اجتماع
ضحى :لا هو الاجتماع الساعه حداشر ونص واحنا خارجين فى نص الوقت هو كان فاكرنا هنخرج حداشر والساعه لسه عشره وربع
صبا :ماشى ربنا يستر
بعد فتره وقفت السياره امام الشركه وترجلت الفتاتان منها وتوجهوا الى الاعلى
فى مكتب السكرتيره أمام مكتب مصعب
ضحى :تعالى ندخل نعمل له مفاجئه
صبا :انا مكسوفه
ضحى :مكسوفه من ايه يختى تعالى بس
مها (السكرتيره) وهى تشير إلى صبا بالأخص:إنتى يا بتاعة ياللى عامله زي العفريته إنتى راحه فين
التفت اليها كل من صبا وضحى فقالت ضحى :انتى بتكلمى مين يا حاجه انتى
السكرتيره بتعالى:بكلمك انتى والبتاعه دي ايه التخلف دا فى حد لسه بيلبس الحاجات دي لحد دلوقتى
صبا :طب هو من التقدم انى امشى عاريه كاسيه ادام الناس انتى عارفه النساء فى الجاهليه كانوا بيمشوا بشعرهم عادي ومتبرجات اما جه الإسلام فرض الحجاب وجعل النقاب فضل احنا عندنا نعمل اللى ربنا فرضه ونرضيه احسن ما نعمل حاجه كانت موجوده ايام الجهل انا بعمل اللى دينى وربى راضيين بيه اما العاريات اللى بيعملوه ما هو إلا تقليد وعوده للى كانوا بيعملوه فى الجاهليه
مها:وليه تخنقى نفسك الدين يسر وليس عسر شوفى الغرب لبسهم عامل ازاى
صبا:مين قالك ان النقاب او الحجاب بيخنق اصلا احنا بنعمل كل اللى احنا عايزينه وبنلبس اللى عايزينه بس ادام الناس اللى ليهم حق يشوفونا كدا هسألك سؤال لو انا بديكى شيكولاه واحده بالورقة بتاعتها وواحده من غير ورقه هتاخدي اى واحده
مها باستغراب :طبعا اللى بورقه عشان اضمن انها نضيفه ومفيهاش حاجه وحشه
صبا :اديكى رديتى على نفسك البنات كدا بردوا يوم ما يتحطوا فى مقارنه اكيد اللى بتصون نفسها هيا اللى هتفوز اما بقى بالنسبه للغرب فعايزه اقولك انك نسيتى ان فى فرق كبييير اوي بينا وبينهم عارفه ايه هو ان احنا مسلمييين اما هما قليل اما تلاقى حد مسلم واصلا ربنا جل وعلا نهانا عن التخلق والتشبه بأعدائنا قال ( وَلَا تَكُونُوا كَالَّذِينَ نَسُوا اللَّهَ فَأَنْسَاهُمْ أَنْفُسَهُمْ أُولَئِكَ هُمُ الْفَاسِقُونَ)
وقال النبي ﷺ: من تشبه بقوم فهو منهم،
نظرت مها إليها بغيظ فهى كان تريد أن تحرجها ولكن فى الحقيقه من حفر حفرة لأخيه وقع فيها
كان مصعب واقفا يستمع إلى حديثهم وقلبه يزداد حبا وفخرا بمحبوبته فوجه حديثه الى ضحى وصبا قائلا:ايه دا انتو جيتو هنا ليه وخرجتوا بدري كدا ليه تعالوا ادخلوا جوه
نظرت ضحى إلى مها بغرور ثم دخلت خلف أخيها
بعدما دخلوا واغلقوا الباب خلفهم
مصعب :حصل حاجه ولا ايه
ضحى :لا مفيش بس الامتحان كان سهل وخلصنا بدري وجينا عشان نسيت اخد الكريدت بتاعتك
مصعب :اهه صح خدي اهى تشربوا ايه
ضحى :عصير مانجا
نظر مصعب إلى صبا فقالت:شكرا مش عايزه
ضحى :هيا مكسوفه مكسوفه هات لها زيى
صبا :يا ضحى كدا هنتأخر
مصعب :لا مش هتتأخروا ولا حاجه
وهاتف السكرتيره لكى تطلب لهم ما ارادوا
وبعد فتره دخل العامل بالعصير
ضحى لصبا :ارفعى النقاب يا صبا اصلا الباب مقفول والجو حر
مصعب :لا خليه يوسف ساعات بيدخل من غير ما يخبط
ضحى ؛اعااا العصير وقع عليا
صبا :ههههه احسن
ضحى لمصعب :انا عايزه اغسلها بسرعه
مصعب:للاسف فى عطل عندي فى المايه روحى لمكتب السكرتيره
خرجت ضحى من المكتب فنظرت صبا إليه بضيق
مصعب:فى ايه بتبصى كدا ليه
صبا:وحضرتك بقا أما بتكون عايز مايه بتروح مكتب السكرتيره
مصعب:هو اصلا لسه العطل دا من النهارده بس والعمال هيكونوا هنا كمان ساعتين ان شاء الله
صبا:افرض يعنى عايز المايه دلوقتى
مصعب؛عادي هروح عندها فيها ايه
صبا بغيره :والله
مصعب:انتى متضايقه ليه مش فاهم
صبا بغيظ :بس كدا مينفعش اصلا تكونوا موجودين فى مكان لوحدكوا
مصعب باستفزاز: ياااه اذا كان ساعات بتفضل هنا بالساعات عشان الشغل
صبا بصدمة :يا نهار أبيض
طرقت السكرتيره الباب فأذن لها بالدخول
مها بدلع:اتفضل يا فندم الاوراق اللى حضرتك طلبتها
مصعب:ماشى اتفضلى انتى
صبا بدلع مصطنع:اتفضل يا فندم الاوراق اللى حضرتك طلبتها
مصعب:هههههههههه معرفش متضايقه ليه
صبا:يعنى دي حاجه عاديه مش تضايق مش عارفه انت اصلا سامح لها انها تشتغل عندك ازاى ايه المياصه دي
دخلت ضحى فى تلك اللحظه فقالت صبا:يلا يا ضحى نمشى
ضحى:استنى بس شويه
صبا بغضب:يلا يا ضحى خلصى
أخذت ضحى الكريدت من مصعب وهى تنظر إلى صبا باستغراب وتوجهت معها إلى الخارج وعندما فتحت الباب وجدت يوسف واقفا أمامها
ابتسم يوسف عندما رآها قائلا:وانا اللى بقول الشركه مالها منوره كدا ليه
ابتسمت ضحى بخجل فقال مصعب بغضب:اتلم يا زفت
يوسف:أعوذ بالله يا عم انت بتطلع لى منين
مصعب:تعالى هنا وانتو يا ضحى خدوا بالكوا من نفسكوا ولو حصل حاجه رنوا عليا
يوسف بمرح:او عليا
نظر إليه مصعب بغضب
فقال بخوف مصطنع؛لا انا مش معايا تليفون اصلا
خرجت الفتيات من الشركه وتوجهوا إلى المول لانتقاء الأغراض الخاصه بحفل خطوبة ضحى
اختارت ضحى فستان من اللون الفضى وبه لمعه شديده واختارت صبا ايضا دريس من نفس اللون ولكن بدون تلك اللمعه واختاروا الأشياء الخاصه بهم وتوجهوا إلى الفيلا فى الساعه الثالثه عصرا
ضحى:يا نهار أبيض انا تعبت اوي
صبا:وأنا كمان دا احنا بقالنا اربع ساعات بنلف بس الدرسات اللهم بارك تحفه
ضحى :فعلا عاجبنى اوي
صبا :يلا انا هطلع انام الحمد لله اننا صلينا هناك
ضحى :وانا كمان مش قادره
جاء مصعب من الخلف قائلا :انتو اتأخرتوا كدا ليه ومش بتردوا على التليفونات
ضحى :على مخلصا والله ومسمعناش حاجه كان فى دوشه احنا هنطلع ننام عشان منمناش بالليل كتير
مصعب وهو ينظر الى صبا:ماشى اطلعوا
ولكن صبا لم تنظر إليه وتوجهت إلى الأعلى
دخلت غرفتها وخلعت حجابها ونقابها وارتدت منامه ورديه فسمعت طرق على بابها فاذنت للطارق بالدخول
نظرت أمامها فوجدته واقفا ينظر إليها
صبا بخجل :فى حاجه ولا ايه
مصعب وهو ينظر إليها بإعجاب :ايه الحلاوة دي
صبا بخجل شديد :ننعم على فكره ع عيب كدا
مصعب بابتسامه :يعنى عيب اقولك كدا خلاص هروح اقول لمها هتفرح مووت
انتهى البارت
اتمنى لكن قراءه ممتعه ومفيده💞
By:Somaya Rashad
الفصل السابع والعشرون
صبا :خد هنا انت رايح فين انت جاى تشلنى
مصعب :مش مراتى مش عايزانى اعاكسها اروح اشوف واحده اعاكسها بقا
صبا بخجل :هو انت لازم تعاكس حد
مصعب :اومال اكتم فى نفسى
صبا :روح عاكس أختك ثم أردفت بغيره لا مش تعاكس حد خالص
مصعب بضحك :هههههههه انتى غيرانه من ضحى كمان لا دا انتى واقعه اوي بقا
صبا بخجل:لا لا ط طبعا مش غيرانه هغير ليه يعنى عادي وبعدين انت بتوهنى ا انت ازاى تقعد مع السكرتيره فى مكان واحد اصلا وتقفل الباب عليكوا لوحدكوا وتغسل عندها و
مصعب بابتسامه:بس بس ايه انتى فتحتى على فكره عمرها ما قفلت الباب لانى مانع اى بنت تقفل الباب وراها وانا مدخلتش عندها كنت بهزر معاكى بس
صبا :يا سلام ومش بتشغل راجل ليه اصلا شوف بتدلع ازاى
مصعب :لأن شغلها كويس ومش بتتجاوز حدودها المره اللى اتجاوزت فيها حذرتها
صبا :نععععععم هيا اتجاوزت ازاى
مصعب بتصنع عدم الفهم:اتجاوزت فين مين قال كدا مفيش حاجه حصلت
صبا بغضب :انت لسه قايل كدا بنفسك
مصعب :اكيد سمعتى غلط ثم قال بصوت عالى ايه يا مدام فى ايه انتى بتألفى مين قال كدا انتى هتظلميها ليه مينفعش كدا وانتى ازاى اصلا بتكلمينى بالطريقه دي
صبا بخوف :خلاص انا اسفه مكانش قصدي
مصعب :ولا اسفه ولا بتاع انا نازل تحت
وتركها وخرج ثم ترك العنان لضحكاته بمجرد خروجه من غرفتها قائلا :فعلا خدوهم بالصوت ههههه
صبا بعدما خرج :ايه دا هو انا عملت ايه دا ضحك عليا وانا غبيه بقوله اسفه اما انام واما اصحى اتخانق معاه عشان مش قادره دلوقتى
فى الساعه السادسه
صفيه :يا مصعب
مصعب :نعم
صفيه :إطلع صحى صبا وضحى عشان نائمين ومصلوش العصر والمغرب قرب يأذن
مصعب بمكر :حاضر يا عمتى
وصعد إلى غرفة صبا وفتح الباب فوجدها ما زالت نائمه فنظر إليها بمكر ثم نظر إلى كوب الماء الموضوع بجانب السرير فرفعه فى يده والقاه علي وجهها
صبا بفزع:اعاااااا بغررررررق بغررررق
مصعب ؛ههههههه امسكى فى العوامه امسكى بسرعه
صبا :هيا فين هيا فين
مصعب :هههههههههههه
أدركت صبا ما يحدث فنظرت اليه بغيظ قائله ؛انت رخم والله
مصعب :الله يسامحك
صبا :انت بتعمل ايه هنا
مصعب ؛الساعه سته وحضرتك مصلتيش العصر
صبا ؛اها يا نهار ابيض هدخل اتوضى واجى روح صحى ضحى
مصعب :ماشى صلى وانزلى كلى
صبا :ماشى
بعده ربع ساعه نزلت صبا الى الأسفل فوجدت ضحى جالسه وتبحث بالهاتف الخاص بها ومصعب أيضا يتفحص هاتفه وأمها تقرأ فى كتاب الله
صبا :بتعملى ايه يا ضحى
ضحى :بلعب على التليفون مش لاقيه حاجه أعملها
صفيه :اومال فين الفستان بتاعك يا ضحى مشوفتهوش
ضحى بحماس :اه صح ثوانى هطلع اجيب الحاجات بتاعتى انا وصبا تشوفوها هو بابا فين عشان يتفرج معانا
عثمان وهو يقترب منهم :انا جيت اهو يا حبيبتى
ضحى :هطلع اجيبهم وانادي فجر بالمره
صفيه :وانتى يا صبا جبتى لك فستان تلبسيه فى خطوبة ضحى
صبا :اه عجبنى واحد واشتريته وجبت طرحه عليه
نظر إليها مصعب باستغراب فنظرت اليه بعدم فهم
مصعب :هتلبسى طرحه ازاى يعنى
صبا :هو ايه اللى ازاى زي الناس
مصعب :انتى هتستهبلى هتلبسى نقاب على طرحه
صبا :لا طبعا بس جبت طرحه لأن مفيش رجال هيشوفونى حتى والدة العريس هيا اللى هتلبس ضحى الدبله
مصعب :افرضى أحمد دخل ولا حد دخل واكيد هتعوذي النقاب
صبا :ما انا هاخد نقاب معايا ولو حد دخل هلبس الخمار والنقاب بسرعه
مصعب :يا شيخه وهو هيستنى اما حضرتك تلبسى
بصى من الآخر كدا تلبسى خمار ونقاب عايزه تبقى تنزلي وانتى مع البنات تنزلى
أما تقعدي بطرحه والكلام دا لا
صبا :ليه مفيش راجل هيدخل
مصعب :هششش خلص الكلام وتبقى تعملى غير اللى انا قلت عليه
صبا بغيظ:صدقنى انت رخم والله
نظر إليها ببرود ولم يجيب
ضحى:انا جبت الحاجات اهى
وأخرجت الدريس الخاص بها وعرضته عليهم
صفيه :الله الفستان جميل اوي يا ضحى وهيبقى أجمل عليكى
عثمان :جميله اميرتى فى كل حاجه
فجر :تحفه يا ضحى ولونه تحفه
نظر إليها مصعب قائلا :وانتى هتلبسى اللى بيلمع دا ازاى
نظرت إليه صبا بغيظ :مفيش حد هيشوفها خالص حتى لو أبيه احمد شافها عادي لأنه اخوها زيك
ضحى :ها ايه رأيك بقا
مصعب بابتسامه :اى حاجه حلوه عليكى
نظرت إليه ضحى بسعاده ثم أخرجت الدريس الخاص بصبا قائله:ودا بتاع صبا نفس اللون بتاعى بس تصميم مختلف
نظر مصعب إلى الفستان بإعجاب وأيضا صفيه وعثمان وفجر
صفيه :الحمد لله انك مجبتهوش اسود كنت هتخانق معاكى
وابدي الجميع اعجابهم به ما عدا مصعب الذي ظل صامتا دون تغلق
فى التاسعه مساء
صبا :انا هطلع بقا عشان عايزه انام مش قادره أسهر اكتر من كدا
صفيه :حاضر تصبحى على خير يا حبيبتى
صبا ؛وانتى من أهل الفردوس
وصعدت إلى غرفتها وقرات وردها اليومى من القرآن وعندما أمسكت الهاتف كى تضبطه لكى يساعدها على القيام لاداء قيام الليل وجدت رساله من مصعب مكتوب بها (انتى من اعطيتى ذلك الثوب الجمال وليس هو من اعطاكى اياه)
نظرت إلى الرساله بسعاده وظبطت الهاتف على الساعه الثانيه والنصف صباحا ووضعت رأسها على التخت والابتسامة على وجهها
(كلمه واحده قادره تغير المود بتاعنا خالص متبخلش بالكلام ادام فيه سعاده لغيرك)
فى غرفة أحمد وفجر
فجر :يلا يا احمد انزل بقا روح هاتلى
أحمد :يا فجر بكره هجيبلك يا حبيبتى نامى الساعه عشره هتاكلى كريب الساعه عشره هتتخنى يا حبيبتى
فجر :بقا انت مستخسر تجيب هو انا اللى عايزه يعنى دا ابنك اللى عايز
أحمد ؛يا فجر انتى اتعشيتى أربع مرات لحد دلوقتى وتقولي مستخسر فيا
فجر :انت بتعد عليا يا احمد
أحمد :يوووه انتى اى كلمه اقولها تمسكى فيها
فجر :انا بردوا ولا انت اللى بقيت بخيل
أحمد :انا هروح اجيب لك انا عارف انى مش هخلص فجر بفرحه :هات لى تلاته من الكبير
أحمد :عايزه تلاته ليه يا فجر
فجر :ايه ابنك اللى قالى
أحمد :اه ما انا عارف دا انتى كدا هتولدي فيل يا حبيبتى
فجر :احسده بقا هتحسد ابنك يا أحمد
أحمد :ربنا ياخد احمد عشان يرتاح يا حبيبتى
فجر :اهئ اهئ😓😓انت بتزعق لى
أحمد :يا لهوووووي الحمل دا جه عليا انا والله
فجر :متقولش يا لهوي يااحمد مينفعش تقول كدا
أحمد وهو يضع يده على وجهه بعصبيه:صبرنى يارب انا ماشى رايح اجيب لك اللى عايزاه عارفه لو قلتى عايزه حاجه تانى وأخذ مفاتيح سيارته وتوجه الى الخارج
فنظرت اليه بحزن قائله:مرضيتش اقوله يجيب خمسه ومستكتر التلاته كمان
فى الخارج
مصعب :ايه يا أحمد انت رايح فين كدا
أحمد ؛رايح اجيب للهانم كريب
مصعب :ههههههه هو امبارح بيتزا والنهارده كريب
أحمد بغيظ:انت بتضحك بكره تبقى زيى يا اخويا متخافش
ابتسم مصعب على جملته قائلا فى نفسه:ايه يعنى دا هيكون أسعد يوم فى حياتى اما تعمل كدا
فى غرفة ضحى كانت جالسه على حسابها على الفيس بوك فوجدت الحساب الخاص بيوسف من الأصدقاء الذين ممكن اضافتهم وعليه صورته ففتحتها وظلت تتأملها ثم سرعان ما تذكرت ان هذا لا يجوز فاستغفرت ربها واغلقت الهاتف ونامت
فى الصباح
كانت فجر جالسه فى حديقة الفيلا مع صبا فأتت إليهم ضحى قائله لفجر ؛هو انا يا بنتى معنتش بشوفك الا وانتى بتاكلى
فجر :ايه يا ضحى هو انتى واخوكى عليا
ضحى :الصراحه الله يكون فى عونه
صبا :ههههه بس يا ضحى متضايقهاش
ضحى :ماشى ههههه المهم عايزه اعرف حدود الخطوبه بالضبط عشان انا مش عارفاها
صبا بصى يا ستى العلماء قالوا عنها ايه: فإذا كان الخطيبانِ في فترة الخطوبة، ولم يُعْقَد بيْنَهُما النِّكاح، فهُما أجنبيَّان عن بعضِهِما، فلا يَراهَا ولا تراهُ إلاَّ لحاجة وبِحضرة أحَدِ مَحارِمِها؛ لأنَّه لا يَجوزُ لَهُما الخلوة، ولا الخروجُ، ولا التَّكلُّم بِعباراتِ الغزل والحب
أمَّا إذا تكلَّم الخاطب مع مَخطوبته كلامًا فيه مصلحة، فهذا لا مانعَ منه ما لم يتجاوَزْ حدود الحاجة المقصودة، وبِضوابطَ شرعيَّةٍ، ومنها:
1- أن لا يتجاوز الكلامُ قدرَ الحاجة.
2- أن لا تكون هناك خلوة.
3- أن لا يحدث بينهما مُصافحة وغيرها.
4- الالتزام بغضّ البصر بين الطرفيْنِ.
5- أن لا تكون هناك رِيبةٌ وشهوةٌ في قلبَيْهما أو أحدهما.
6- أن لا يكونَ من المرأة خضوعٌ بالقول.
7- أن تكون المرأةُ بكامِلِ الحِجابِ والحِشمةِ، أو يخاطبها من وراء حجاب.
فإذا تحققت هذه الشروط، وأُمِنَتِ الفتنةُ فلا بأس من حديثِكَ معها.
وليعلمْ أنَّ التَّساهُل في كلام الخاطب مع مخطوبته، أوِ التخلّي عن أيٍّ من الضوابط السابقة ذريعةٌ إلى الفاحشةِ والفسادِ، وقد يُفْضِي إلى ما لا تُحمَدُ عُقباهُ من الوقوع في كبائر الذنوب
فجر :يا شيخه يعنى مينفعش كلام الحب فى الخطوبه
صبا :لا طبعا لأن الخاطب زي الاجنبى عنها بالضبط
فجر :يا نهار أبيض دا انا وأحمد خربناها انتى عارفه ممكن فعلا يكون دا سبب المشاكل اللى كانت بتحصل معانا يمكن عشان خرجنا حبنا ومشاعرنا كلها فى الخطوبه ملقناش مشاعر نطعلها بعد الزواج
ضحى :طب ما ادام المشاعر بتخلص اكيد بعد الزواج هتقعد فتره وتخلص بردوا
صبا :لا طبعا فى فرق كبير اووووي ان اللى كان بيحصل فى الخطوبه دا من غير رضا ربنا اما بعد الزواج كله برضا ربنا فى فرق كبير اوي انتى اصلا ممكن تتوقعه ان ربنا يسيبك بعد ما تعفى نفسك طول فترة الخطوبه لا طبعا ربنا هيجبر بخاطرك ويرضيكى وهتشعري بلذة الحلال وبعدين الحب عمره ما بيخلص عندك فجر وأحمد بالرغم من المشاكل الا انهم لسه بيعشقوا بعض مفيش حب بينتهى الا اذا كان حب مزيف
ضحى :عندك حق ربنا يعنى واقدر التزم بالضوابط دي
صبا :لا متخافيش هتعرفى اخوكى مش هيسمحلك تتجاوزيها حتى بعد الجواز غيرته صعبه اوي
ضحى: هههههه فعلا والله الله يكون فى عونك
صبا :دا مش راضى يخلينى البس طرحه فى خطوبتك بالرغم ان كله بنات
ضحى :ما تحاولى تقنعيه
صبا وهى تقلده :حاولت اقنعه يختى قام قايل لى خلص الكلاااام
مصعب وهو اتيا من خلفها:والله