ونتركهم ونذهب الي زاهر حيث كان يجلس مع الخواجه جون.
جون: في ايه حبيبي ليه طلبت مقابلتي سريعا كده؟
زاهر: نظمي افندي ياسيدي بجي مدروش وجال ايه عاوز يتوب ويعيش بالحلال.
جون: بتقول ايه! ده معني كده أنه ممكن يخربلنا الشغل كله.
زاهر: انته ناسي أن هو دراعي اليمين وعارف عني كل حاجه وممكن يحكي علي اللي احنا ناويين نعملوه.
جون: وايه اللي خلاه كده؟
زاهر: مرته بت العمده أصلها عامله فيها شيخه وطول النهار رايح الجامع وجاي من الجامع.
ليضحك جون.
جون: وانته طبعا الموضوع ده مزعلك جدا حبيبي.
زاهر: اه امال ايه.
جون: انا هقولك تعمل ايه عشان نرجعه لينا تاني.
زاهر: علي العموم انا كده مضيت أهل البلد كلهم وبجيو كلهم تحت يدي.
جون: برافو عليك حبيبي انته الراجل بتاعنا هنا.
زاهر: بس زي ما وعدتني انا ليا نص المشروع.
جون: اكيد طبعا حبيبي.
لنتركهم ونذهب الي ناعسه حيث كانت تجلس مع نعيم.
ناعسه: دسيت الورجات؟
نعيم: اه. هنعملو ايه دلوك بجا؟
ناعسه: هنفوتو علي أهل البلد بيت بيت وندوهم ورجهم ونفهموهم الحجيجه.
نعيم: تفتكري هيفهمو؟
ناعسه: لازم يفهمو. ياله روح هات الورجات من الجبانه وتعالي عشان نلحجو جبل ما يرجعو.
نعيم: حاضر.
لنتركهم ونذهب الي القاهره في منزل موسي حيث كان الجد فضل يجلس مع الشباب.
نورا: تعرف يا جدي انا حبيتك جوي جوي ينفع اتصل علي كريم خطيبي ياجي يسلم عليك؟
فضل: اه يا بتي ينفع جوي. وانته بجا يا تيم مش خاطب؟
تيم: لاء لسه يا جدي.
لتنظر نورا إلي تمارا.
نورا: أصله بيحب واحده وهيا مطنشاه.
تمارا: مين قال اني مطنشاه؟ لتضع يدها علي فمها. انا قولت ايه! ربنا يسامحك يا نورا.
ليضحك الجد.
فضل: يعني انتي موافجه عليه؟
تمارا بكسوف: خلاص بقا يا جدو.
فضل: خلاص لما موسي ياجي هنخطبك منيه.
تيم: بجد يا جدو؟
فضل: بجد يا ولدي. الحمد لله اني عيشت وشوفت احفادي وهحضر فرحهم إنشاءالله. ياله يا نورا اتصلي على عريسك يا بتي.
نورا: حالا يا جدو يا احسن جد ف الدنيا كلها.
اما موسي فكان في طريقه الى منزله وكان يتحدث مع رجاله.
موسي: عاود عيونكم مفتحه اوي علي الست ناعسه، راقبوها من غير متحس، ولو حسيتو أنها ف خطر احموها ومتخلوش حد يتعرضلها.
أحد رجاله: تمام يا باشا. في حضرتك الست ناعسه معاها غفير من عند العمده ومعاهم ورق وبيلفو ف البلد كلها.
موسي: عارف، بس خلو عيونكم عليها وبلغوني بالجديد اول باءول.
الرجل: تمام يا باشا.
لينقضي اليوم وقد أنهت ناعسه عملها هيا ونعيم بعد أن دعا لها أهل البلد بالستر ووعدوها أنهم لن يفعلوا شيء إلا إذا طلبت هيا منهم.
اما في منزل العمده نجد وهيبه تتصل علي شخص من خارج البلد.
وهيبه: ايه يا محروس؟
محروس: مين؟
وهيبه: لواحظ.
محروس: خير بجالك كتير جوي مكلمتنيش.
وهيبه: اسمع طيب، المغدور اتجوز عليا عيله من الغجر.
ليضحك محروس.
محروس: ايه بيرجع شبابه.
وهيبه: متفجعش مرارتي انته كمان.
محروس: طاب ايه المطلوب؟
وهيبه: تخلص عليه هو وعروسته.
محروس: مليون جنيه.
وهيبه: ماشي بس خلصني منيهم.
محروس: هما فين دلوك؟
وهيبه: راحو اسكندريه يتفسحو.
محروس: فين ف اسكندريه؟
وهيبه: اجفل هعرف واجولك.
محروس: وانا مستنيكي.
لتتصل وهيبه علي عرفه.
وهيبه: ايه يا ولدي عامل ايه زين ورايج؟
عرفه: اه يا اما تمام.
وهيبه: وعروستك زينه؟
عرفه باستغراب: زي الفل، انتي رضيتي عليها ولا ايه؟
وهيبه: اه يا ولدي ربنا يسعدكم. الا جوللي صح انتو جاعدين فين ف اسكندريه؟
عرفه: جاعدين ف فندق اسميه جوهره ستانلي.
وهيبه: طيب ابجا هاتلي سمك وجمبري وانته جاي.
عرفه: من عيوني يا اما.
وهيبه: تسلم عيونك. الا جوللي ابوك كمان معاك ف نفس الفندج؟
عرفه: اه ف الجناح اللي جارنا.
وهيبه: طيب.
لتغلق وهيبه الهاتف مع ابنها وتتصل علي محروس.
وهيبه: اسمع، نازلين ف فندج جوهره ستانلي.
محروس: تمام، انا كده كده جريب منيهم. بجولك ايه ابعتي نمره العربيه بتاعت جوزك.
وهيبه: هبعتهولك حالا اهو.
محروس: ابعتي، انا هراجبهم واخلص واديكي رنه. جوليلي بجا هاخد الفلوس ازاي؟
وهيبه: تعالي علي البلد وانا اديهمولك.
اما ف الاسكندريه.
عرفه: نجولك يا ونيستي متاجي نندلو نجعدو علي جهوه ونتفرجو علي البحر.
ونيسه: ماشي بس استني اتصل علي نجاوه اشوفهم هيتفسحو معانا ولا له.
لتتصل ونيسه علي نقاوه.
نقاوه: بنوم ايه ونيسه؟
ونيسه: يا بت احنا جايين ننامو؟
نقاوه: عاوزه ايه طيب؟
ونيسه: هننزلو نتفسحو تعالو معانا.
نقاوه: عبدالغني نايم، روحو انتو وابجي ابعتيلنا الموجع واحنا هناجو.
ونيسه: بس احنا هناخدو العربيه.
نقاوه: عادي نبجا ناجوكم بتاكس، ياله روحي بجا عاوزه انام.
لتغلق ونيسه الهاتف مع نقاوه.
ونيسه: بيجول هيحصلونا، أندلي انته سخن العربيه علي ما اكمل لبسي.
ليتركها عرفه وينزل ليستقل السياره، وما أن استقل السياره وأدار المحرك لتتحرك به السياره سريعا.
عرفه: ايه ده ايه اللي جري؟ العربيه مفيهاش فرامل!
ليحاول أن يوقف السياره فلا يستطيع، ليصتدم بسياره اخري لتتهشم سياراته ويلقي حتفه علي الفور.
وهنا تنزل ونيسه لتقف أمام الفندق.
ونيسه: الله الحزين ديتي راح فين؟
لتنظر حولها فلا تجد السياره.
ونيسه: ده العربيه مش موجوده، يخرب مطنك روحت فين!
اما محروس فها هو يتصل علي وهيبه.
محروس: تمام، جوزك ودع.
لتزغرت وهيبه.
وهيبه: محروس، مرتي واجفه خشم الباب عنديكم اديها الفلوس.
وهيبه: من عيوني، ده انا هديها مليون ونص.
وبعد أن انقدت وهيبه زوجه محروس المبلغ.
وهيبه: اتصل بجا علي عرفه ولدي واعمل حالي بطمن عليه.
لتتصل وهيبه علي عرفه ولكن هاتفه مغلق.
هيبه: اه تلاجيه بيتفسح مع المغدوره.
طاب، ارن علي تلافون المرحوم، واكيد الغجريه هيا اللي هترد عليا.
لتتصل وهيبه علي هاتف زوجها.
ها يأتيها صوت عبدالغني.
عبدالغني: عاوزه ايه يا وليه انتي.
وهيبه: عبدالغني، انته زين مفيكش حاجه؟
عبدالغني: اه انا زي الفل.
وهيبه: ازاي؟
عبدالغني: يعني ازاي عاوزه ايه انتي؟
لتغلق وهيبه الهاتف في وجهه.
هيبه: اه يا محروس الكلب كده تضحك عليا وتاخد مني مليون ونص، صبرك عليا.
لتتصل وهيبه علي محروس.
محروس: الامانه وصلت.
وهيبه: انته بتضحك على عبدالغني؟ لساه عايش ومفيش فيه حاجه.
محروس: عليا الطلاج بالتلاته، جطعتله فرامل العربية.
وهيبه: بجولك لسه مكلماه؟
محروس: وانا بجولك خلصت عليه وجطعتله فرامل العربية ووجفت من بعيد اشرب حاجه ساجعه ف كشك وببص علي العربيه، لجيتها اتحركت جدامي.
هيبه: الله يخربيتك، شكل حد تاني هو اللي ركب العربيه.
هيبه: طاب اجفل دلوك.
اما ونيسه فها هيا قد صعدت الي غرفه عبدالغني ونقاوه لتسمع نقاوه صوت طرق علي الباب.
نقاوه: شوف مين يا بودي.
عبدالغني: جلب البودي.
ليفتح الباب ليجد ونيسه أمامه.
نقاوه: ونيسه تعالي خشي.
ونيسه: مشفتوش عرفه؟
عبدالغني: مش كان معاكي؟
ونيسه: اه كنا متفجين نتفسحو، وهو نزل وانا نزلت بعديه. لا لجيته ولا حتي لجيت العربية.
عبدالغني: يكون راح فين الواد ديتي؟
ونيسه: مش عارفه.
نقاوه: طاب ارتاحي انتي بس، يمكن راح يشتري حاجه.
ليتصل عبدالغني علي هاتف عرفه.
عبدالغني: تلافونه مجفول كمان.
نقاوه: الغائب حجته معاه.
بعد ساعه ياءتي تليفون عبدالغني.
الظابط: عبد الغني ابو الحمد معايا.
عبدالغني: اه مين حضرتك؟
الظابط: انا هيثم العقيد، ظابط شرطه. احنا وجدنا عربيتك عامله حادثه وقدرنا نعرف أن الشخص المتوفي ابنك عرفه، وجيبت رقمك من المرور.
عبدالغني: بتجول ايه، مين اللي اتوفي؟
الظابط: ابن حضرتك.
عبدالغني: له، مشتحيل! مستحيل، ولدي يموت!
انته: بتجول ايه؟
ونيسه: هو مين اللي مات؟
لتسقط عبدالغني علي الارض.
لتأخذ ونيسه الهاتف من يده.
ونيسه: الو الو الظابط ايوه يا افندم.
ونيسه: في ايه؟
ليقص عليها الظابط ما قاله لعبدالغني.
الظابط: لازم تيجو علي المشرحه عشان تستلمو الجثه، هبعت لحضرتك اللوكيشن.
لتصرخ ونيسه: عرفه مات! عرفه مات!
نقاوه: لا حول ولا قوه الا بالله، الله يرحمه، متعمليش ف نفسك كده يا خيتي امرالله.
ونيسه: طاب هنعملو ايه احنا دلوك؟
نقاوه: مش عارفه نحاولو نفوجو عبدالغني.
وهنا تسمع نقاوه صوت رنين هاتف زوجها.
نقاوه: الحجي ديه وهيبه، اعمل ايه؟
ونيسه: ردي عليها وجوليلها احنا مش هتعرفو نصرفو وحدينا.
نقاوه: ايوه.
ونيسه: بتردي ليه علي التلافون يا بت المركوب انتي؟
نقاوه: كتر خيرك، بس عبدالغني واجع غمي عليه.
وهيبه: ياكش يغور يموت، وغمي عليه ليه؟
نقاوه: اصل اصل…
وهيبه: متطنجي في ايه؟
نقاوه: ولدك عرفه عمل حادثة بالعربيه ومات.
وهيبه: بتجوللي يا مجنونه انتي؟
نقاوه: والله هو ده اللي حصل، الظابط لساه متصل وجالنا علي الخبر، واحنا وحدينا ومعارفينش نعملو ايه، وعاوزين حد ياخد جثته من المشرحه.
لتصرخ وهيبه.
وهيبه: ولدي! ولدي!
ليقع الهاتف من بين يديها.
وهيبه: انا جتلت ولدي! وحيدي عرفه! عرفه مات! ليه يا ولدي ليه!
لتسمع شاديه صوت عويل والدتها.
شاديه: امي بتصرخ، انا هروح اشوفها مالها.
نظمي: روحي وابجي تعالي طمنيني.