فضل: ادعو ربنا سبحانه وتعالى ينجيها ويهديلها حالها سنين وسنين وانا بتحايل عليها تتراجع عن اللي ف مخها، جولتلها يا بتي الانتجام ممكن يجضي عليهم سيبيهم منهم لربنا.
موسي: معلش يا عمي الله حصلها مش قليل برده.
تمارا: وانا من رءي بابا تيم وانته كمان يا جدي لازم ترجع البلد.
موسي: هيرجع انشاء الله بس ف الوجت المناسب.
فضل: وانتي يا نورا اخبارك ايه وعامله ايه مع عريسك؟
نورا: الحمدلله يا جدي هو طيب وواد حلال.
موسي: طاب ايه جولك يا عمي تاجي تعيش معانا؟
فضل: خلاص يا ولاد انا هاجي معاكم نفسي اعوض السنين اللي اتحرمت فيها منيكم.
نورا وتمارا بصوت عالي: الله عليك يا جدو.
لنتركهم ونذهب الي ناعسه حيث كانت تجلس في منزلها لتسمع صوت طرق علي الباب.
ناعسه: مين؟
نعيم: انا.
لتفتح ناعسه الباب لنعيم.
نعيم: بجولك ايه عاوزك تعملي حالك عيانه جوي.
ناعسه: طاب جول صباح الخير.
نعيم: خلصي بجا اسمعي الحديت.
ناعسه: طاب جوللي ليه؟
نعيم: عشان لما تسرجي الورجات محدش يشك فيكي.
ناعسه: طاب وهسرجهم كيف؟
نعيم: هجولك البيت دلوك فيه مشاكل عشان عبدالغني اتجوز البت نجاوه الغجريه.
ناعسه: بتجول ايه؟
نعيم: زي مبجولك كده ده حتي وهيبه جعدت ف الاوضه الجديمه المكركبه ورمولها حاجتها كلها علي السلم.
ناعسه: يمهل ولا يهمل.
نعيم: انتي هتخشي البيت من الباب الوراني والباب ديتي موصل لجناح جليله وزاهر جاعد معاها وانا سمعته بيتحددت مع الخواجه أنه هيسافرله وهياخد جليله معاه.
ناعسه: ميته؟
نعيم: علي بعد العشا كده وهيبيتو ويرجعو تاني يوم اما الباجي ملهيين ف حالهم واكيد الورج ف الدولاب هتاخديه وتدسيه بس طبعا مش هنا.
ناعسه: اشيله عند ام جرجس.
نعيم: تمام.
ناعسه: بس جوللي بجا انته مشكلتك كانت مع العمده مالك ومال زاهر؟
نعيم: زاهر كوي جلبي علي بت اخوي.
ناعسه: كيف يعني؟
نعيم: من عشرين سنة كانت بت اخوي جايه ف زياره وكانت لابسه دهب كتير جوي جام واحد من رجاله زاهر دله عليها وجتها زاهر كان لساه شباب جام جاه عندينا البيت وجاللي جوزني بت اخوك انا رفضت جام جاللي خلاص براحتك بس متزعلش لما ابعتلك جثتها جولتله اللي ف جلعك انفضه وهملني ومشي جومت جولت لبت اخوي لازم تسافري النهارده واستنيت لما الليل ليل وجولت اركبها الجطر بس واحنا ماشيين كانت الساعه واحده بعد نص الليل لجيت زاهر ورجالته طلعو علينا جام زاهر ماسك بت اخوي العيله اليتيمه وجالها هتجوزك بالغصب البت صرخت ف وشه وجالتله مستحيل اتجوز واحد زيك جام دابحها بكل دم بارد وواحد من رجالته ضربني علي نافوخي وجعت محسيتش بالدنيا ومن جبروته حرج جثتها.
ناعسه: لا حول ولا قوه الا بالله العلي العظيم.
نعيم: ولما فوجت لجيته واجف جاري وجاللي انا أجدر دلوك اجطع لسانك لكن هكتفي بديه وضربني طلجه ف رجلي عرفتي انا مكوي منيه ليه.
ناعسه: ربنا منتجم جبار.
نعيم: ونعم بالله.
لنترك هم ونذهب الي منزل العمده حيث كانت نقاوه تجلس مع عبدالغني.
نقاوه: بجولك ايه يا بودي؟
عبدالغني: جوللي يا جلب بودك.
نقاوه: متاجي كده ناخدو ونيسه وعرفه ونروحو نجضولنا يومين ف اي مكان.
عبدالغني: فكره زينه طاب نروحو فين؟
نقاوه: اسكندريه.
عبدالغني: موافج اتصلي على ونيسه وجوليلهم يجهزو.
نقاوه: هروح اجولها.
عبدالغني: له انا مجدرش تبعدي عني لحضه واحده.
نقاوه: ولا انا كمان أجدر ابعد عنك.
لتتصل نقاوه علي ونيسه.
ونيسه: بجد هنسافرو نتفسحو؟
نقاوه: اه أجهزو ياله.
ونيسه: حالا اهو.
اما نظمي فكان يجلس مع زوجته.
نظمي: انا هروح اجعد مع مصطفى شويه واجوله علي موضوع سفرنا وجعادنا ف مصر.
شاديه: تمام.
ليخرج نظمي من جناحه ليجد زاهر أمامه.
نظمي: واد حلال كت رايد اتحددت معاك.
زاهر: طاب تعالي نجعدو ف المندره.
نظمي: ماشي.
وبعد أن جلسو ف المندره.
زاهر: خير كت عاوزني ف ايه؟
نظمي: الصراحه يعني يا اخوي انا ها اخد مرتي ونسافرو مصر نعيشو هناك.
زاهر: تسافرو فين؟
نظمي: نسافرو مصر هيا عنديها شجه هناك هنجعدو فيها وانا هشتغل اي واصرف عليها.
زاهر: وماله بس ليه يعني؟
نظمي: عاوزين نعيشو بالحلال.
زاهر: انا كمان بفكر اعمل كده بس بجولك ايه اصبرو جيمه شهرين كده وانا هندلي معاكم انا وجليله وبالمره نشتغلو ف سوج الخضار والفاكهه شغلانه حلال اهي.
نظمي: اللي تشوفه يا اخوي.
زاهر: طاب اسمع انا مسافر مصر علي المغرب كده.
نظمي: ليه في حاجه ولا ايه؟
زاهر: له رايح اصفي كل حاجه مع الخواجه واجوله اني توبت عن الحرام.
نظمي: بفرحه ربنا يسعدك يا اخوي مافيش احلي من الحلال.
زاهر: بخبث اه طبعا امال ايه.
وهنا يدخل عليهم عبدالغني.
عبدالغني: لمؤاخذه يا معلم مصطفي فكرتك وحديك.
نظمي: خدو راحتكم انا كت طالع.
زاهر: متتكلم يا عمده هو نظمي غريب؟
عبدالغني: انا واخد الجماعه ومسافرين اسكندريه نتفسحو وعرفه ومرته كمان جايين معانا خلي بالك علي البلد ف غيابي.
ليضحك زاهر: الجماعه الجديده ولا الجديمه؟
عبدالغني: الجديدة طبعا ياراجل.
زاهر: طيب اتفسحو براحتكم ورجع شبابك مع العروسه.
عبدالغني: من خشمك لباب السما.
ليخرج العمده ومع زوجته وولده وزوجته.
عبدالغني: بجولك يا نعيم احنا مسافرين يومين اسكندريه ومضطفي جوز بتي بدالي هنيه، اي حاجه يؤمرك بيها تنفذها طوالي.
نعيم: حاضر يا حضرة العمده.
وبعد ما ركبوا السياره، ها هو نعيم يتصل بناعسه.
ناعسه: خير في ايه؟
نعيم: العمده وولده خدو حريمهم وسافرو اسكندريه وجاللي أن زاهر هيكون مكانه.
ناعسه: يعني زاهر مش هيسافر؟
نعيم: مش عارف، لو سافر هكلمك.
ناعسه: هستني تلافونك.
ليغلق نعيم الهاتف ويدخل المندره.
نعيم: حضره العمده جاللي أنفذ أوامر حضرتك.
زاهر: طاب اسمع انا مسافر علي المغرب وها اجي علي بكره كده.
نعيم: تروح وتاجي بالف سلامه.
زاهر: ابجي خلي بالك علي البيت ووزع الغفر حوالين البيت.
نعيم: حاضر يا بيه.
ليخرج نعيم ويتصل مره اخري علي ناعسه.
نعيم: هيسافرو علي المغرب كده.
ناعسه: تمام الحمدلله.
ليمُر الوقت، ليسافر زاهر ومعه جليله.
وهنا تدخل ناعسه المنزل وتصعد الي جناح جليله.
ناعسه: ورج مهم زي ديتي اكيد مخبيه ف الدولاب.
لتذهب الي خزانه الملابس.
ناعسه: ايه ده الضرفه ديتي مفجوله بالمفتاح… بس يا تري فين المفتاح؟
لتبحث عن المفتاح.
ناعسه: ايه ده اللي تحت السجاده؟ المفتاح اهو الحمدلله.
ناعسه: اخد الورجات وارجعه مكانه تاني.
وها هي قد أنهت مهمتها وغادرت منزل العمده لتتصل علي نعيم.
نعيم: عملتي ايه؟
ناعسه: كله تمام، تعالي جابلني عشان تخفي الاوراق.
نعيم: حاضر.
ناعسه: طاب هتخفيها فين؟
نعيم: ف الجبانه اللي مرتي مدفونه فيها.
ناعسه: ربنا يرحمها.
نعيم: تعيشي.
ونترك الصعيد ونذهب الي القاهره، فها هو زاهر قد وصل الي الفندق ومعه جليله.
زاهر: خليكي جاعده ف الاوضه هنا لغيت ما اروح مشوار وارجع.
جليله: طاب متاخدني معاك.
زاهر: اخدك فين خدك؟ ربنا اترزعي واسكتي.
ليتركها زاهر ويخرج.
جليله: ايه المرار ديتي، يعني جايبني من الصعيد عشان اتحبس هنا!
وهنا يأتيها اشعار رساله عبر الفيس بوك.
جليله: اما اشوف ايه ده.
المرسل: هاي وحشتيني اوي.
جليله: هو انته مين وعاوز مني ايه؟
المرسل: انا يا ستي طارق رسلان، وعندي شركه انتاج فني، ولما شوفت صوره البروفايل بتاعتك لقيت وشك جميل وتنفعي تمثلي ف السينما، والصراحه يعني حبيت وشك اوي.
جليله: بغرور، ماهو طبعا لازم تحبه، دول حتي مسميني ست الحسن والجمال.
طارق: وانتي فعلا ست الحسن والجمال، بقولك ايه متيجي نتكلم فون، هبعتلك نمرتي رنيلي وانا هكلمك.
جليله: بس يعني اصل انا متجوزه.
طارق: متجوزه وفين جوزك؟
جليله: جابني مصر وراح مشوار.
طارق: مين الغبي اللي يسيبك لوحدك ده! تعرفي انتي لو مراتي ده انا اعيش خدام تحت رجلك واعيش عشان اسعدك بس.
جليله: طاب ابعت نمرتك.
طارق: حالا.
وبعد أن أرسل لها طارق رقمه فها هي جليله تحدثه.
طارق: معقوله صوت الكروان ده صوتك! انا عمري ما سمعت اجمل منه.
جليله: بجد؟
طارق: بجد طبعا.
جليله: وانته بجا بتحددت كده مع كل البنات؟
طارق: تعرفي أن انتي الوحيده اللي شدتني، ما انا كل يوم بقابل نجمات سينما وبقعد معاهم، بس انتي عدتيهم كلهم، جمالك ورقتك وخفه دمك.
جليله: كل ده من مكالمه واحده بس؟
طارق: واكتر من كده بكتير، وبصراحه خايف اقولك كلميني فيديو تزعلي مني.
جليله: وازعل ليه، هكلمك حالا فيديو.
طارق: اوبا ايه القمر ده! ديه الصوره ظلماكي خالص، انتي اجمل بكتير.
جليله: شكرا، وانته كمان شكلك حلو جوي شبه الممثلين.
طارق: ده بس عشان عيونك حلوه.