نعيم: عشان ظالم ومفتري وبيستحل الحرام. حطي يدك في يدي يا ناعسه،
نعسه:وانا معاك أول حاجه أنا هرجع بيت العمده، وأسـرج الورج اللي مضّى الناس عليه.
وإنتِ تستناني هنا، أول ما أطلع بالورج تاخديه وتخفيه في مكان محدش يوصله.
نعيم: أنا حافظ البيت وحركاته، ومحدش هياخد باله مني.
ناعسه: ربنا يسترها علينا يا نعيم.
لنترك الصعيد ونذهب الي القاهره حيث كانت تمارا تجلس مع تيم ونورا.
تمارا: مالكم في ايه من وقت مارجعنا وانتم ساكتين؟
تيم: وانتي يعني شايفه اللي سمعناه ده سهل علينا؟
نورا: علي اخر الزمن يطلع بابا عبداللطيف مش ابونا وابونا الحقيقي مجرم!
تمارا: يا حبيبتي محدش بيختار أهله، وبعدين عمتو ناعسه تعبت اوي ف حياتها.
تيم: عن اذنكم انا طالع انام.
تمارا: لاء هنقعد ونتكلم.
تيم: نتكلمو ف ايه مخلاص خلصت الحدوته.
تمارا: اسمعني كويس يا تيم احنا لازم نعرف هنعمل ايه ف اللي جاي.
نورا: يعني هنعملو ايه؟
تمارا: نوقف جنب عمتو، احنا خلاص هناخد اجازه نص السنه، نروح نعيش معاها ومنسيبهاش لوحدها.
وهنا يدخل عليهم موسى.
موسى: بتعملو ايه يا ولاد؟
تمارا: تعالي بقا قوليلي انته كنت عاوز تتجوز عمتو ناعسه ليه؟
موسى: عاوزه الصراحه؟
تمارا: اكيد.
موسى: عشان بحبها، تعرفي أنها كانت اجمل بنت ف الصعيد، صعيديه بملامح اوربيه.
تمارا: وايه اللي منع جوازكم؟
موسى: لاءن والدها كان رافض جواز القرايب، واتقدمتله كتير اوي بس هو برده كان بيرفض، لاءنه كان عنده اخت اتجوزت ابن عمها وللاءسف خلفو بنت ونزلت مشوهه واتوفت ف الحال، والدكاتره قالو نتاج جواز القرايب. وكمان هيا كانت صغيرة. واتجوزت والدتك وخلفتك انتي وأخواتك البنات.
تمارا: يعني حضرتك مكنتش بتحب امي؟
موسى: لاء يا بنتي، طبعا حبيتها، كانت نعم الزوجه والام والسند، عمرها ما زعلتني بكلمه.
تمارا: طاب احنا لازم نسافر ونبقا جنب عمتو ناعسه.
موسى: بس انا شايف تيم ونورا مش متحمسين.
تيم: يعني حضرتك عاوزنا نعملو ايه بعد الصدمه اللي خدناها دي؟
موسى: توجفو جار أمكم.
نورا: حضرتك احنا ابونا مجرم، عارف يعني ايه مجرم؟
موسي: وانتو ذنبكم ايه؟
تمارا: انا كنت لسه بقولهم كده.
نورا: خلاص يا خالو اللي حضرتك تشوفه هنعملوه.
موسي: الاول هنسافر عند جدكم عشان تشوفوه.
نورا: بفرحه ياريت يا خالو.
موسي: تحبو تروحو أمته؟
نورا: دلوجت حالا.
موسي: خلاص اجهزو.
تيم: ربنا يخليك لينا يا خالو.
لنتركهم ونذهب الي الصعيد حيث كان زاهر يجلس في جناحه مع جليله.
زاهر: بخبث مرتب حبيبتي واجمل بنات البلد كلها.
جليله: الحديت ديتي ليا انا؟
زاهر: اه امال ايه.
جليله: اصلي الصراحه خايفه اكون سمعت غلط.
زاهر: له سمعتي صح، ده انا بكره هخليكي ست البلد ديه كلها.
ليفتح زاهر الدولاب ليضع فيه الاوراق.
جليله: يخليك ليا، بس انته يعني بتجسي عليا؟
زاهر: معلش غصب عني، اصلي ببجا مضايج.
جليله: يعني انته بتحبني؟
زاهر: امال اتجوزتك ليه؟ طبعا بحبك وغرجان لشوشتي كمان، وهحبك اكتر لما تسمعي كلامي.
جليله: هسمع طبعا هسمع.
زاهر: عاوزك تتجربي جوي من خيتك شاديه.
جليله: ليه يعني؟
زاهر: اسمعي بس الكلام.
جليله: حاضر.
زاهر: عاوزها تطمنلك علي الاخر وبعد كده هجولك تعملي ايه.
جليله: حاضر.
زاهر: انتي كده جدعه، تعالي بجا.
جليله: حاضر.
لنتركهم ونذهب الي عبدالغني حيث كان يجلس مع نقاوه.
عبدالغني: مبسوطه يا نجاوه جلبي؟
نقاوه: ده انا جلبي بيرجص من الفرحه، وخصوصي لما رميت العجربه وهيبه برا الاوضه.
عبدالغني: وليه السيره العفشه ديه دلوك؟
نقاوه: خلاص مش هجيب سيرتها تاني.
عبدالغني: خليها مرزوعه ف الاوضه المركبه، هو ده تمامها.
ونتركهم ونذهب الي وهيبه حيث كانت تجلس في غرفه لا تصلح للاستخدام الادمي.
وهيبه: بجا تعمل فيا انا كده يا عبدالغني؟ والله لاءوريك انته والمغدوره اللي اتجوزتها! انا تتجوز علي صبري؟ بس عليا وهتشوف لواحظ هتعمل ايه فيكم!
لنتركها ونذهب الي غرفه عرفه وونيسه.
ونيسه: انته كده محدش يجدر بجولك تلت التلاته كام، ابوك كمان اتجوز غجريه يعني الروس اتساوت.
عرفه: كلامك صح بس امي صعبانه عليا جوي مهما كان مكانش ينفع أن ابوي يتجوز عليها.
ونيسه: ليه يعني عمل حاجه حرام ده جواز، والراجل من حجه اربعه.
ليضحك عرفه.
عرفه: ضحكتيني.
ونيسه: وبعدين امك عجزت وكركبت وابوك من حجه يجدد شبابه.
عرفه: علي رءيك احنا مالنا خلينا ف نفسنا يا ونيسه الروح.
ونتركهم ونذهب الي جناح شاديه ونظمي.
شاديه: احنا الحمدلله صلينا الفجر، كت رايده اتحددت معاك ف حاجه كده.
نظمي: خير.
شاديه: بس تسمعني للاءخر ومتجاطعنيش.
نظمي: حاضر.
شاديه: احنا لازم نهملو البيت والبلد كلها.
نظمي: طاب هنروحو فين؟
شاديه: انا عندي شجه ف مصر. جيبتها من شغلي
نظمي: سامحيني يعني انا والله مش بشك فيكي بس كيف اشتريتي شجه ف مصر والدنيا غلا وكوي؟
شاديه: انا هجولك… انا الحمدلله بعرف اطبخ زين جوي وربنا اكرمني بواحده صاحبتي أهلها ناس مرتاحين فهيا عرضت عليا اننا نعملو مشروع طبيخ وهنبيعه لمعارف أهلها، وربنا كرمنا اخر كرم والزبائن جابت زبائن، بس هيا سافرت مع ناسها بلاد برا اصل ابوها بيشتغل سفير، جامت سابتلي كل حاجه وانا ربنا كرمني ومبجيتش ملاحجه علي الطلبات بفضل الله، وخدت معايا كام بنت من البنات اللي معايا ف الجامعه يعني هما ظروفهم علي جدهم، واشتريت الشجه وفرشتها والحمدلله محوشه مبلغ ف البنك.
نظمي: طاب ديه فلوسك، يرضيكي ابجا جوز الست؟
شاديه: له طبعا، انته سيدي وتاج راسي، انا جصدي أن انا والبنات هنطبخو وانته تاخد الوكل توزعه علي الناس بالتروسيكل، والحمدلله الناس دول بيدفعو فلوس محترمه وهتاخد بجشيش كبير، ده انا حتي سايبه البنات شغالين وبياخدو حجهم وبيشيعولي الباجي علي المحفضه اللي علي التلافون.
نظمي: والله عافيه عليكي.
شاديه: طاب جولت ايه؟
نظمي: موافج طبعا، بس وجتها هتعيشي علي جد ظروفي.
شاديه: موافجه طبعا.
نظمي: طاب ياله ننامو بجا، الصبح صبح خلاص.
لنترك هم ونذهب الي الاسماعيليه حيث مزرعه موسي وها هو قد وصل ومعه الاولاد.
موسي: تعالو يا اولاد ادخلوا.
نورا: انا متحمسه جوي اني اشوف جدي.
تيم: وانا كمان.
ليدخلو الي المزرعه حيث يجلس جدهم.
موسي: السلام عليكم يا عمي فضل.
فضل: وعليكم السلام ورحمه الله وبركاته.
موسي: عارف مين دول؟
فضل: ديه تمارا بتك وحبيبتي، لكن دول مين؟
موسي: دول يا سيدي ولاد نعمه بتك.
فضل: ولاد بتي؟ ولاد نعمه؟ الحمدلله اني شوفتكم، تعالو لحضن جدكم.
تيم: نورت يا حبيبي يا جدي.
فضل: الله اكبر عليكم زي الفل.
تيم: انا تيم وديه خيتي نورا.
فضل: انا فرحان بيكم جوي، نعمه كانت كل متاجيني تحددتني عليكم بس مجالتش انك الله اكبر حلوين كده.
تمارا: ايه يا جدو نسيتني ولا ايه؟
فضل: مجدرش انساكي يا حبيبه جدك.
موسي: ممكن بجا نفطرو؟
فضل: نفطرو يا ولدي.
موسي: طاب تعالو نخش جوه الجو برد هنا.
فضل: اصل انا لسه كت بصلي الفجر وجعدت اجرا ف المصحف والوجت خدني.
موسي: ربنا يديك الصحه والعمر يا عمي فضل.
فضل: ربنا يكرمك يا ولدي ويسعدك علي وجفتك مع بتي وعيالها.
موسي: متجولش كده يا عمي، نعمه خيتي وولادها ولادي.
فضل: سامحني يا ولدي عشان مكتش موافج علي جوازك من نعمه، كت حاسبها غلط.
موسي: احنا فيها يا عمي، نخلصو من اللي احنا فيه وبعدين اطلبها من تيم.
ليضحك تيم.
تيم: انا مالي اطلبها من جدي؟