بقلم نجلاء فتحى
أتى صباح جديد صباح تحقق فية أمنيات ودعوات سنوات
الساعة الأن الثامنة مساءآ
أستيقظت عروستنا الجديدة وأعتدلت نصف جلسة ثم شهقت من حالها شدت الشرشف تستر نفسها نظرت لغرفتها هى فى غرفتها القديمه التى رفضت أن يجهزها عبدالله مع باقى الشقة وذكريات ليلتها الأولى مع عبدالله تهاجمها قالت بكسوف/ طلعت قليل الأدب أووى يا عبدو ههههه وأنا كمان زيه ، ثم تركت سريرها وهى متحكمه بقبضتها على الشرشف فتحت دولابها وأخذت عباية بيتى أرتدتها ثم دخلت الحمام ،،،سمع هو باب الحمام يغلق أبتسم ودخل المطبخ لأول مرة يجهز الطعام
مر الوقت خرجت هى من الحمام ثم ذهبت غرفة النوم وفتحت دولابها وتفحصت الهدوم الجديدة وأختارت بجامه ستان بيضة ضيقة منقوشه عليها فراوله صغيرة وأطلقت شعرها الأسود الثقيل بدون قيود ووضعت روج أحمر ثقيل وكحل وبرفان فقد سعدت بالمكياج جدآ ،،شعرت براحة أن ليلتها الأولى لم تتم فى هذة الغرفة رغم متغيرة لكن تغريد دخلتها قبلها ،
((ركزوا غرفة زينه التى تقيم فيها قبل جوازها كما هى مش متغيرة وقضت ليلتها الأولى مع عبدالله فيها ، ،أما الغرفة التانية المفروض بتاعتها مع عبدالله رفضتها ومش مستريحة فيها علشان تغريد عاشت فيها أربع سنين رغم هى كبرت فيها ومحرجه تكلم عبدالله فى هذة النقطه حتى لا تفسد حياتها))
سمعت صوت رجولى محبب لقلبها فى المطبخ تنحنحت،،
ألتف هو لها فسقطت منه ال🔪فى الأرض مبهور من جمالها
فقال/ بسم الله ماشاء الله الجمال دة كله ملكى ، كان بين إيدى بالليل ،،بعد كدة مفيش ظلمه كله فى النور يا بطتى
زينه/ متكسفنيش بقا ،، جبت مكياج وبرفان مفاجأة حلوة
عبدالله/ قريت فى مذكراتك نفسهم فيهم جبتهم عايزك تحطى ذى ما أنتى عايزة جوا البيت
زينه بكسوف /ورينى عملت إيه حلو
عبدالله/ على قدى مش عارف أجهز حاجة يدوب قطعت السلطة
زينه/ دة عصير مش سلطه
عبدالله/ الطماطم اتفعصت فى إيدى
زينه/ عايزة رقة وبراحة عليها تشكلها
عبدالله بغمزة/ وأنا خبير فى التشكيل
زينه بكسوف/ أطلع برا وأنا أجهز الفطار
عبدالله/ كان زمان يا روح أمك بعد إللى حصل بالليل أنسى أبعد كل ركن فى البيت أسيب فيه بصمه
زينه بعدم فهم/ أزاى
عبدالله/ دفعها للحائط وأنقض على شيفاها ثم حملها لغرفة النوم و🤭🤭
[عروسه بقا أدلع يا واد يومين الايام الجاية طين على دماغك يا عبدو😊]
____________
[فى المصحة النفسيه ]
تجلس آيه مع أبيها وأمها فى الحديقة
الأم/ جبتلك بجامه بيتى حلوه وصابونه بريحة الفواكه، ،وسودانى
الأب بحدة/ ردى على أمك
آيه بضيق/ شكرآ
الأم/ أفتحيهم، ،شوفيهم
آيه/ بعدين،،، كنتى فين كل دة بقالك أسبوعين مجتيش
الأب بحدة/ جيت أول أمبارح والهانم خرجت بدون آذنى وركبت العربية مع واحد غريب
آيه بعدم فهم/ أول أمبارح كنت فى حنه زينه صاحبتى وركبت مع الدكتور محمد
الأب/ وياترى المقابل إيه علشان سى زفت تركبي معاة ويخرجك بدون أذنى ملكيش كبير
آيه ترغرغت الدموع فى عينها فقالت بضعف/ أنت إيه أرحمنى رمتنى هنا وتتهمنى كمان فى أب كدة دمرتنى مش عايزة أشوفك
ضرب الأب الطاوله وشدها من حجابها وقبل صفعها كان إبراهيم واقف فى المنتصف وأمسك إيد الأب ،،أحتمت هى خلفة وأمسكت ملابسة وهى مرتجفة
إبراهيم بأنفعال/ رمتها هنا لييييه حرااام عليك دى بنتك ،،أنت بدمرها
الأب بغضب/ سيب إيدى يا أبن ال🐕
إبراهيم/ لو فكرت تمد إيدك عليها تانى أكسرهالك ساااااامع خسارة بنت ذى دى تدمر
الأب/ بتدافع عنها ليييييه،،، إيه المقابل،،، أدتيله إيه يا بنت الو*** علشان يدافع عنك
أستغليت جنونها
آيه بصراخ/ بكرهك مش عايزااااااك أنا مش مجنونةةةةة أنت إللى مجنووووووون
حاول الأب ينقض على آيه لم يستطيع فإبراهيم مثل الدرع الحامى ليها
إبراهيم/ أفهم بقا بنتك مش مجنونةةةةةةة ،، ثم طلب أمن المصحة وخرجوه برا
آيه وهى ترتجف/ أسفة
إبراهيم/ هووش خلاص أهدى محصلش حاجة
آيه/ أنت دفعت عنى محدش يقدر يقف قصادة أنت أنقذتنى منه
أتى مدير المصحة ونظر ليهم / أنتى يا حاله على أوضتك
آيه بحدة / أسمى آيه مش حاله
مدير المصحة/ أتفضلى على أوضتك خلاص خليكى واقفة ،،وأنت ورايا على مكتبى يومك مش معدى
آيه لنفسها/ أكيد الحيوا*ن
دة يزعقله بسببى مسحت دموعها وتسللت خلفهم فى الخفاء
_____________
(فى مكتب المدير)
مدير المصحة/ بأى صفة تطرد مرافق ومش أى مرافق ده ولى أمر ممكن فى لحظة يسحب الحاله من عندنا ودة خسارة للمكان
إبراهيم/ أتهجم عليها
مدير المصحة/ عادى دة أبوها حقة ،،يبهدلها وأحنا نهديها
إبراهيم/ قصد حضرتك تهدأ بالمسكنات والمهدأت إللى بتشتغل على الجهاز العصبي للجسم موت بالبطئ للحالة
مدير المصحة/ بسبب حشريتك طردوك من شغلك وجيت هنا
سكت إبراهيم ولم يرد
مدير المصحة/ أعتبر إللى حصل محصلش بعد كدة فى حساب إللى يشتغل هنا أعمى، أخرص أطرش ،سامع، ،،بس أكتفى بخصم أسبوع منك عقاب صغير ولم نفسك أنت مكملتش ٧٢ ساعة هنا ،، أتفضل شوف شغلك
أعتذر إبراهيم ورحل
على الجانب الأخر تسمع آيه الحديث من شباك الحديقة فقالت ماشى بتزعق لإبراهيم أنا أخرب بيتك، أنتظرت حتى خرج برا المكتب وأحضرت كرسى من الحديقة وصعدت علية فهى قصيرة القامه ثم قفزت لداخل مكتب مدير المصحة ،،جلست على كرسى مكتبة وفتحت الدرج تخرج الدفاتر وتقرأ العنوان لكل دفتر ،،أبتسمت بمكر وقالت:- أنا مش مجنونه والله أرجع أمجاد آيه.
قرأت أول دفتر [ دفتر المَليات والمصروفات] قطعته كلة وهى تتلذذ
قرأت الملف التانى[دفتر حالات النفسى الحرجة ]قطعته
قرأت الملف الثالث[ دفتر حالات النفسى العاديه ] قطعته
تركت المكتب وهى خربه كل الأشياء الموجودة على السطح من تحف وأشياء ،،نظرت للصورة المعلقة وجدت صورته ،،صعدت على الكرسى وأمسكت تحفة كسرت بيها زجاج صورته ،،ثم أمسكت قلم فلومستر وشخبطت على الصورة وكتبت على الحيطه جمله كبيرة [ مدير المصحة خطأ، ،حيو*ان كبير متخلف بهيم المصحة صح]
عبثت فى الأشياء التى كانت على المكتب وألقتها فى الأرض وجدت 🔪 صغير يفتح بية الجوابات فسدت بيه الكراسى والكنب الخاصة بالمكتب وشدت الستارة وقطعتها بال🔪 ثم قفزت من الشباك للحديقة وأبعدت الكرسى وسارت تصفر بتلذذ فى الممرات وتغنى كأنها لم تفعل شئ ،،و تبحث عن إبراهيم
بقلم نجلاءفتحى عاشقةالكلمات
____________
(فى غرفة نوم عبدالله )
يتسطح عبدالله وزينه داخل أحضانه
زينه/ أنا بحلم
عبدالله/ لاء عارفة لية خليت فرحنا أول يوم فى السنه الجديده
زينه/ ليه
عبدالله/ علشان تبقا سنه جديدة وبداية حياة جديدة ليا
زينه/ أنا زعلانه
عبدالله/ لية
زينه/ ماما راضية سابت بيتها
عبدالله/ هى ساكنه فى الشقة فوقينا بمزاجها
زينه/ عايزه تعيش معانا
عبدالله/ مجهز أوضتها مع الشقة منين متحب تنزل تنزل دى أمى
زينه/ غلطت لما أديت خالتك الشقة فوق و ماما قعدت معاها وسابتنى
عبدالله بين أسنانة/ المعلم عبدالله ميغلطش يا روح أمك سامعة ثم ألتقط سروالة أرتداه وترك ليها الغرفة
زينه لنفسها/ هو زعل يالهوى ثم ألتقطت ملابسها أرتدتها وخرجت له تعتذر وتراضية
رن جرس الباب فقال هو بحدة/ ألبسى عباية أو أسدال
زينه / حاضر ،،،وأنت ألبس هتقابل الضيوف بالبنطلون الداخلى
عبدالله على عجالة أرتدى ملابسة وضبط هيئته وفتح الباب غمز لأمه فأطلقت زرغوطه وقالت من غير متغمز وشك باين وأتأخرت عليا فى فتح الباب
أفسح لها المجال تدخل ثم وضعت صنيه كبيرة على طاوله السفره وأزاحت المفرش من على الصنية وقالت / أوعوا تكونوا فطرتوا
عبدالله/ لسة ،،تعبتى نفسك لية الفطير سخن ثم أخذ لقمه وتناولها أمممم تسلم إيدك يا ست الحبايب
الأم/ بيض بالسمن البلدى، ،وعسل نحل وعسل أسود وقشطة وفطير سخن عجنته وخبزته علشانك يا ضنايا ومحدش مد إيدة فيه علشان تاكل وأنت مطمن،،،،،طمنى
عبدالله/ بخير
الأم/ أنا أطمنت على أبنى عايزة أطمن على بنتى هات المنديل
عبدالله هرش فى رأسه/ من الأخر الموضوع تم فى أوضتها عايزة تشوفيه جوا
الأم/ أى مكان المهم هات المنديل كنت فرشاه على السرير
عبدالله/ قولتلك يا راضية الأمانه على الملاية
الأم/ أدخل أشوفها ثم دخلت غرفة زينه وجدت المرتبة بدون ملاية خرجت الصاله وقالت لعبدالله
عبدالله/ يبقا زوزو شالتها، نهار أزرق لو غسلتها ،،،دخل الحمام لم يجد شئ ،،طلع البلكونه لم يجد شئ منشور على الحبل فقال/ يبقا خبتها هههههه
الأم/ مش مهم أشوفها المهم عايزة حفيد كفاية إللى مات قبل مأشوفة
عبدالله تحكم فى غضبة وقال بصوت عالى/ زينه أطلعى أمك هنا ،،،خرجت هى ترتدى عباية بيتى بدون حجاب وحضنتها الأم
زينه/ شامه ريحة حلوة
الأم/ الفطار
زينه/ بجد
الأم/ هو الفطار يطير ثم قالت ليها فى ودنها :- الملاية إللى خبتيها فين،،لاء مش وقت كسوف طمنى قلبى عايزة أطمن على أبنى
عبدالله/ جرا إيه يا راضية
الأم/ أكتم
زينه/ تحت السرير مفيش وقت أغسلها
الأم/ دة من حظى هاتيها
زينه/ مش نظيفة ،،ثم نظرت لعبدو ينقذها
عبدالله بفخر/ هاتيها يا زوزو
زينه دخلت وأحضرتها بكسوف ،،فردتها راضية وأطلقت الزراغيط ثم طبقتها وأخفتها تحت الخمار وقالت:- ألف مبروك ربنا يرزقكم بالخلف الصالح أسيبكم تفطروا بقا
زينه/ خليكى معايا
الأم/ عبدو يزعل ههههههه
زينه/ هاتى الملاية أغسلها
الأم/لاء دى هتفضل فى دولابى لولولولولولولى ،، راجل ذى أبوك يا واااااااااد ثم خرجت من الشقة
عبدالله/ متوترة لية
الأم/ الملاية
سمعوا صوت زراعيط
عبدالله/ هههههههه خالتى ونسوان العيلة شافوها
زينه/ يا كسوفى يا كسوفى
عبدالله/ خدى يا بت بقينا الظهر وأنتى مكلتيش راضية عاملة الفطير بيشر سمن بلدى
زينه هربت للغرفة مكسوفة
عبدالله/ زوزو تعالى كُولى تهبطى منى لازم تقوى هههههههههههه أخلصه كله فيه قشطة يا قشطة
زينه/ أوعا تخلصها
عبدالله/ لو مجتيش أخلص الصنية
أتت هى وجلست أمامه وأكلت فقال/ مكان من الأول ، بعد الفطار استحمى ونصلى الظهر
زينه/ أحنا مش صلينا الفجر
عبدالله/ أنا صليت حاضر فى الجامع كمان
زينه/ سبتنى ونزلت مصحتنيش ليه
عبدالله/ سبتك ترتاحي
زينه/ عبدو ماما عملت كحك وبسكوت وغريبه وبيديفور
عبدالله/ معرفش هو العيد جة
زينه/ ماما قالت لازم يتعمل للعروسة والعريس وبما آن ماما راضية مامتنا يبقا هتعمل
عبدالله/ مش عارف
زينه/ أطلع أفكرها
عبدالله/ مكانك يا جزمه أى حجة علشان تطلعى وتسبينى ماكنتى عايزة تشوفى الشقة خلاص عايزة تخرجى منها
زينه/ بحبك الكحك سخن وهو طالع من الفرن😮💨
وبعد محايلة أتصل عبدالله من التليفون الأرضى للشقة إللى فوق وزينه كلمت راضية وقالت ليها ماما بفكرك الكحك والبسكوت
راضية/ أشتغل فية أنا وأختى بعد الفجر بكرا بأذن الله يا ضئ عينى مش عايزة حد من نسوان العيله تلغوص فيه
زينه/ عبدو مش يرضى أطلع أعمل معاكم
راضية/ فال وحش العروسة تعمله ،،، بكرا المغرب كلة يبقا عندك
زينه/ البديفور والغريبه
راضية/ عامله حسابى هههههه
زينه/ ماما فين صنيه الكنافة إللى عملتيها أمبارح ليا
راضية/ فى التلاجة
زينه/ فى العشا ملقتش ممبار
عبدالله/ أنتى أكلتية ومخديش بالك
زينه/ بجد ،،معلشى بقا يا ماما أكلت أمبارح كتير كنت متوترة مش حسيت
خطف هو منها السماعة/ خلاص يا راضية شوفى حالك وسبينى بقا عريس،ثم أغلق الخط
زينه/ لية كدة
عبدالله/ حاسس فرحانه بالأكل ومهتمية بية عنى
زينه/ أنا عروسه
عبدالله/ هو أنا كنت حرمك
زينه/ لاء بس دى حجات معموله مخصوص علشانى
عبدالله/ ضبطى أوضه النوم بتاعتنا وبتاعتك ،،،أسمعى أهلى نازلين بعد الظهر يباركوا وبعديها يسافروا وكل واحد يرجع بيته ،،، ممنوع حد يدخل أوضة النوم هما خلاص شافوا الأمانه ،،
ممنوع تقولى تفاصيل إللى حصل أمبارح لمرات خالى وعيالها، ،وبنت عم أمى ،،،،
تلبسى أسدال واسع كلامك مع الرجاله بحساب أنتى بقيتى ست متجوزة والحركه والكلمه محسوبه عليكى ،،ماما مش لازم تعرف إللى يحصل بينا حتى لو زعل سامعة يا زينه
لوت هى بوزها/ من أولها خنقة
عبدالله/ خنقة فى عينك يا جزمه عجبك ولا مش عجبك
زينه/ عجبنى
عبدالله/ رايحة فين وأنا بكلمك
زينه/ أكل كنافة تاكل معايا
عبدالله/ لله الأمر من قبل ومن بعد،
زينه/ هتاكل يعنى ولا لاء
عبدالله/ الفطير والعسل جزعوا نفسى ،، سخنى شويه شوربه ورز و لحمه من بتوع العشا
زينه بفرحة/ يبقا أحضر الغدا بقا فى أكل كتتتير أووووى
عبدالله لنفسة/ هى البت دى فاهمة الجواز أكل أستحملها دى ١٩ سنه برضو
______________
[فى نفس الوقت
نذهب لبيت سمر ]
كانت تفكر فى قرار الحجاب ،،،لماذا بهاء شغل تفكيرها هو والدكتور محمد لكنها فى حيرة واحد مؤيد طريقتها والتانى يمنعها فقالت لنفسها/ لو بختار عريس منهم مش أبقا كدة ،،،إيه إللى بقوله دة أوووف أحسن حاجة أفتح الكومبيوتر وألعب علية شوية
(عزيزى القارئ الكومبيوتر دخل أهو بس لسه مفيش نت ههههههه ولا تليفون تاتش هههههه)
_____________
أتى وقت زيارة أهل عبدالله رغم حضروا الفرح لكن منهم معترض على زواجة ٠
لذلك قررت زينه تنفذ الوصايا التى أوصاه لها زوجها حتى تخرص هذة الألسنه
،،، عبدالله يدعو الله من قلبه أن تمر هذة الزيارة فلا يتجمعون غير فى المناسبات وأول مرة يروا زينه وهى كبيرة فى فترة الفرح حتى كتب الكتاب كان مقتصر على الأم والخالة فى مدينه طنطا فقط ،،،،
وراضية كل تركزها مع زينه حتى لا تغلط أمام الأهل رغم فيهم أهل تبعهم هما الاثنين من ناحية الأب
كانت زينه ترتدى عباية أستقبال زهرية اللون ستان مشجرة فضفاضة وخمار بأمر من زوجها وقدمت للضيوف صنية كبيرة من الفاكهة والمشروب الغازى والحلويات وجلست بجوار راضية بأدب
الخال/ لزمته إيه تجهز بيت أبوك هى زينه غريبة دة البيت إللى تربت فيه
عبدالله/ عروسه يا خالى ولازم تاخد حقها وتعيش اللحظة
الخال/ جوازك من تغريد أشتريت أوضة نوم جديدة بس أشمعنا زينه
عبدالله/ حظها بقا،،كول كنافة أحسن عمايل إيد أختك راضية
مرات الخال/ ملكش حق يا عبدالله ترمى أمك من بيتها علشان بنت فردوس
ألتقط هو موزة قشرها وتناول قطمه/ أولا زينه بنت راضية ،،ثانيآ أمى ملهاش شقة ولا اثنين لاء إللى أملكه ملكها أى شقة فى البيت دة من العشر شقق ملكها والبيت التانى والهايبر والمحل وكل حاجة تحت رجليها
مرات الخال/ بس برضو دة بيت راضية
عبدالله/ عايزة تعيش معايا أوضتها أتجدت مع الشقة و موجودة فى البيت هى رافضة وعايشة مع أختها فوقى
مرات الخال/ يحسرة عليكى يا راضية بعد مكنتى ست البيت بقا ليكى أوضه
عبدالله/ أنت عايزه إيه دلوقتى
مرات الخال/ مش عايزة حاجة، ،،إللى عايزه أفهمه فرحك من تغريد مكنتش كدة أشمعنا بنت فردوس
عبدالله/ دى حياتى يا مرات خالى وأنا حر فيها
الخال/ صحيح أزاى تفرح وأنت مطلق وأبنك ميت
تدفق الدماء لوجه عبدالله من غيظة تحكم فى أعصابه/ جاحد بقا وقلبى ميت
بنت خالته/ حد يسيب تغريد البيضة الشقرا أم عين ملونه ثم نظرت لزينه بقرف:- وياخد واحدة قد الفيل حاجة وأربعين سنه
عبدالله بأنفعال/ لما الكبار تتكلم تخرسى يا مفعوصة يا أم ش*خه
بنت خاله بضيق/ أنا كبيرة فى رابعة جامعة مش مفعوصة ومتغلطش فيا يا عبدالله
عبدالله بسخرية/ فكرتك فى أعدادى أمال خراط البنات مخرطش فيكى حاجة لية ،،وشك ذى ظهرك
بنت خالته بفخر/ عودى سمباتيك موضة
عبدالله بغرور/ ههههههههه هى خلة السنان موضة، ،،الإبرة بقت موضة أتارى مش أتجوزتى لحد دلوقتى لعلمك كل راجل ومزاجة وأنا مزاجى القشطة والملبن والسمن البلدى مليش فى المصمصة والعضم، ،ثم نظر لخاله وقال/ أظن يا خالى مزاجك كدة بدليل مراتك قريبة لوزن مراتى
مرات الخال بغل/ أنا مش تخينه دى هرمونات
عبدالله/ يعنى مرض ،،،زوزو وزنها دة صحة بعشق الجيلي
مرات الخال نظرت لبنتها فقد أهانهم عبدالله فقالت لزوجها / يلا نلحق القطر
الخال/ يلا ،،،ثم سلم على عبدالله ورحلوا ،،،وسلم على باقى الأقارب ورحلوا إيضا
راضية/ مرات خالك وبنتها قرفونى التلت أيام إللى فاتوا وكنت عاملة حساب خالك
عبدالله/ مرا ****** وقال إيه أبويا الله يرحمة كان عايز يجوزنى المعضمه دى ثم نظر لزينه الحزينه
راضية/ أنا طالعة فوق لو عايز حاجة اتصل عليا ثم خرجت
زينه/ بجد كنت تتجوزها
عبدالله/ أيوة بس رفضت وجات تغريد
زينه/ علشان كدة التلت أيام إللى قضوهم عندنا يتريقوا عليا
عبدالله/ مقلتيش لية
زينه/ ماما بتجيب حقى ،،،،،
هو وزنى مخلى شكلى حاجة وأربعين سنه مش ١٩سنه
عبدالله/ متسمعيش كلام حد
زينه/ أنا بحب الأكل أوووى 😭
حضنها عبدالله/ وأنا بحبك كدة كول براحتك يا بطل وعيش وسبنى أعيش ثم حاوطها بغزله المخصوص ليها وأنتهى بعالمه الخاص عريس جديد بقا🤭
بقلم نجلاءفتحى عاشقةالكلمات
________________
أتى العصر وصوت مدير المصحة النفسيه عالى ومبهدل الدنيا مكتبة متبهدل،
حبس التمريض المرضى فى غرفهم وبدأ التحقيق فكل المستندات الرسمية متقطعة مين يقدر يعمل كدة
[[محدش يقولى فى كاميرات لسة الاختراع دة مش وصل محدش يشغل دماغة عليا واحدة واحدة بدخل التكنولوجيا جوا القصة☺️☺️]]
_______________
القصة أحداثها مستمرة محدش يقولى كدة كتير أتفقنا مفيش جزء تانى وأكملها فصول وراء بعض ،،لسة زينه مش راحت الكلية وضاعت عليها السنه هل تكمل تعليمها أم لا،،،هل السعادة تدوم بينهم ،،،حكاية فردوس وفاروق لم يعلمها غير عبدالله، ،،،،لسة سمر وآيه وبهاء وباقى الشخصيات وفى شخصيتين جداد ظهروا ذى الدكتور محمد والممرض إبراهيم، ،،وتغريد وفايز يسكتوا عن حقهم تحسوا القصة بتفتح أحداث منى وبعون الله أخلصها ،،وكدة كدة خلينا مع بعض أنا حابة أطولها ،