بقلم نجلاء فتحى
أتى العصر وصوت مدير المصحة النفسيه عالى ومبهدل الدنيا مكتبه متبهدل،
حبس التمريض المرضى فى غرفهم وبدأ التحقيق،،، فكل المستندات الرسمية متقطعة مين يقدر يعمل كدة
[[محدش يقولى فى كاميرات لسة الأختراع دة مش وصل محدش يشغل دماغة عليا واحدة واحدة بدخل التكنولوجيا جوا القصة☺️☺️]]
لكنه لم يطلب البوليس، ،ظن حد من المرضى لكن مهلا أى مريض يفعل هذا الأنتقام،،،، ركز فى الخط على الحائط وتوعد للمجر*م المجهول ،،
______________
مر أسبوع كامل على أبطالنا وعبدالله عايش دور العريس الجديد والدلع ومقيم فى البيت جنب عروسته وأحلى دلع وخروجات وباقي الأبطال ذى ماهما مفيش جديد
_____________
【فى المصحة النفسيه 】
إبراهيم/ ليه طلبتى مش تشوفى أهلك
آيه/ مش بحبهم
إبراهيم/ مامتك تتمنالك الرضا
آيه/ بتدافع عنى بالكلام وبس وفى الأخر تنفذ كلمه الراجل إللى أسمه وراء أسمى فى شهادة الميلاد ،،تخيل كان يروح شغله ويقفل عليا بالمفتاح ومش تفتح هى غير لما أروح الحمام ،،،طب أنتى معاكى المفتاح خرجينى أقعد معاكى ،،أقعدى أنتى معايا وأول ميجى هو أحبسينى. أنا معملتش حاجة غلط كل ذنبى مدخلتش كلية الطب أنا دخلت كلية كان نفسى فيها أنا كنت طبيعية وذى أى بنت فجأة بابا أترقى فى شغلة ونقلنا معرفتش أتأقلم رغم عيشنا فى مستوى أعلى ،،رفضته كان يخلينى طول الوقت أذاكر ممنوع الخروجات سنه كامله مخرجتش غير يوم شم النسيم عارف لية علشان أذاكر خروجاتى كلها مدرسه أو درس أو أروح مع ماما مشوار ليها،،،،، ممنوع أريح شويه يوم نتجتى ضربنى أوووى ،، 😭😭 دة ودانى مصحة غير دى كانوا مكتفنى فى السرير بالحديد
إبراهيم/ ليه أنتى مش خطر
آيه/ علشان مش مجنونه وكنت عايزه أخرج برا أوضتى ،،، الحقن إللى أدهالى تعبتنى ، ولما جيت هنا بفضل بهاء أوضتى مش محبوسه فيها ومسموح أخرج للحديقة وأمشى فى أى مكان هنا
إبراهيم/ هنا ذى السجن عالم بين أربع حيطان
آيه/ أحسن من بابا لو طلعت يجوزنى تانى نفس الشخص الرخم،،، العيب فى بابا عايزنى أنا وأخويا نحقق إللى أتحرم هو منه عايزنا مناصب علشان يتباهى بينا أنا فى نظر عيلتى مسافره عند أخويا برا مصر وعايشه معاه ،،بدرس وأشتغل ،،،،، وعارفت أبن عمى عايز يرجع يكتب كتابى تانى ،،فهمت هنا أحسن ليا
إبراهيم/ قبل م أجى هنا أشتغلت فى مستشفى الأمراض النفسيه والعصبية مش مصحة صغيرة ذى دى يعنى عندى خبرة ١٠ سنين أنتى مش مجنونه وجودك ملوش لازمه تعرفى فى شاب عندنا هنا مش مجنون أخوة الكبير رماه علشان الورث
آيه/ أسمه إيه
إبراهيم/ مش عارف أسمع عنه
آيه/ لسه موجود
إبراهيم/ أنتحر
سكتت آيه ولم ترد
إبراهيم/ لأسف خسر دينه ودنيته ذى حضرتك مكنتى عايزة تعملى ،،المشكله المصحة هنا بفلوس خاصة فهمتى
آيه/ أنت أنسان جدع بتساعد الغير لو الشاب لسة موجود وأنت هنا مكنش أنتحر
إبراهيم/ عمره أنتهى ربنا يغفرله،،قوللى أنتى بتصلى
آيه/ لاء
إبراهيم/ إيه رأيك تصلى وتستغلى وقتك هنا بحفظ القرآن الكريم ،،التمريض هنا بيقولوا وجود الدكتور محمد نعمه بدأ يعمل رحالات للمرضى ويدخل أكل جديد ليهم وعمل نظام ذى بتاعك أنتى حرة الحركه المهم متخرجيش برا المصحة ونظامه دة حالات كتير مش بتتعرض لنوبات الهياج والصراخ
آيه/ دة دكتورى قبل مدخل أى مصحة كنت بتعالج عندة فى عيادته الخاصة وهو إللى طلب من بهاء يجبنى هنا أنا بحترمه أووى نفسى أخويا يكون زيه
،، ثم أخرجت من جيبها أشياء وقالت اتفضل
إبراهيم/ إيه دول
آيه/ البسكوت والعصير إللى جبتهولى وأحنا راجعين من فرح زينه
إبراهيم/ بترديهم ليه
آيه/ مش متعودة أخد حاجة من حد وبقالى أسبوع مش شوفتك
إبراهيم/ أنا مش أى حد أقصد عايزانى أزعل
آيه/ لاء
إبراهيم/ خلاص خديهم
آيه/ أنت طيب أووى هو أنت مرتبط
إبراهيم/ ليه
آيه/ يا بخت مراتك أو خطبتك بيك
إبراهيم/ أرمل وعندى بنوته
آيه/ ربنا يحميها
أبتسم إبراهيم
آيه/ سيبها لية ومقيم هنا وبتشتغل
إبراهيم/ هى مع أمى وأبويا فى البلد أنا من الأرياف بشوفها مرة كل شهر
آيه/ هى محتجالك
إبراهيم/ عارف ،،بس الظروف صعبة لازم أشتغل وأوفر فلوس أنا بصرف على نفسى وبنتى وأبويا وأمى وأختى المطلقة وعيالها
آيه خلعت الخاتم الذهب تبعها/ خد دة بيعة دة إللى أملكه
أخذ إبراهيم الخاتم ثم رجعة مكانه فى إيدها وقال/ بحكى معاكى علشان أترتحت معاكى مش علشان أصعب عليكى
آيه بلجلجة/ عايزة أعترف بحاجة
إبراهيم بضيق/ عارف بتحبى بهاء
آيه/ كدة كدة بحبه أصلا، ،،لاء فى سر تانى ،،أنا بهدلت مكتب مدير المصحة
إبراهيم نظر حوالين منه يرى حد سامع شئ ثم نظر ليها/ مش مصدق ،،أنتى ،،أزاى
آيه/ علشان زعقلك وأنت دافعت عنى يعنى بسببى أنت قدمتلى خير لية يقلب عليك شر لازم كنت أنتقم ثم حكت ما فعلته
إبراهيم/ فعلتك دى صاحب المصحة الدكتور ****** طرد مدير المصحة وعين الدكتور محمد مكانه علشان كدة بقولك حط نظام جديد مريح للحالات ومفيش مشاكل والتمريض مرتاح مع الحالات
أبتسمت آيه/ أنا و زينه ياما نعمل مقالب فى اى حد مش يعجبنا يعنى قلبت النظام
إبراهيم/ تخيلى ،،،هووووووش أوعى حد يعرف الموضوع صدقينى إللى عملتية كارثة أنتى ضيعتى أوراق مهمه المهم أوعدينى متعمليش كدة
آيه/ مقدرش أوعدك بس أحاول
إبراهيم/ كدة خروجك سهل من هنا الدكتور محمد مدير المصحة يقنع باباكى وتخرجي
آيه/ معتقدش بابا يقتنع أبويا وأنا عارفاه
بقلم نجلاءفتحى عاشقةالكلمات
____________
(فى بيت العرسان الجداد)
زهقت زينه من جلوسها بمفردها صعدت لشقة حماتها أو أمها راضية
راضية/ قولتى لعبدالله
زينه/ لاء
راضية/ أرجعى بيتك
زينه/ زهقت لوحدى
راضية/ بقاله أسبوع جنبك لازم ينزل شغلة ،،ده بيتك اتعودى تقعدى لوحدك
زينه/ أنزلى معايا
راضية/ مرتاحة مع أختى هنا ،، أتجدعنى وأملى البيت بالعيال ومتبقيش لوحدك
،،،،قوللى جهزتى البيت وطبختى
زينه/ لسة بدرى
راضية/ الأول تفطرى عبدو ودة سهل عارفه نظامه تصحى قبل الفجر بشويه علشان هو يصلى ويفطر وينزل وبعديها نامي شويه لو مش وراكى حاجة ، وتقومي تنظفى البيت وتعملى الغدا ولو فى غسيل يتغسل عارفة بنتى ست بيت شاطرة بس فى فرق الأول كنت بساعدك وبشيل عنك دلوقتى أنتى متجوزة شغل بيتك عليكى ،أبنى عصبى أمتصى غضبة وأوعى تقفى قصادى مش ضعف دة عقل ولما يهدأ عاتبى وأغضبى براحتك أتمتعى قبل متخلفى عيل ويشغلك معاه
زينه/ أعمل إيه
راضية/ خليه يحب البيت دلعيه دة راجل طول اليوم فى الشارع والحريم بتحوم عليه عارفه ابنى محترم بس العين بتشوف فى حريم أعوذ بالله تستغل الوضع وتدلع علشان ينزل فى سعر الحاجات إللى تاخدها ، خلية يتجنن عليكى وميشفش غيرك
زينه/ هو بيحبنى
راضية/هو حارب علشان يتجوزك وأتجوزك وأتمتع بيكى خلاص حته بسبوسة غالية نفسه فيها جمع فلوس وأشتراها وداقها خلاص عرف طعمها والصينيه بتاعته،،،،، أنما لو البسبوسه دى كل مرة تبقا سادة،، مرة بالقشطة ،، مرة بالمكسرات وهكذا يزهق منها ولا يفضل يروح نفس المحل يشترى البسبوسه علشان يجرب طعم جديد لأنه عارف كل مرة يدوقها تفاجئه بطعم مختلف
زينه/تقصدى المحل هو البيت والبسبوسه أنا
راضية/ أيوة ،،،قدام الناس حتى لو أنا ياخد واضعة وفى بيتكم أدلعى وأسعديه براحتك ولما تخلفى دلعك فى أوضه نومك ،، عيالك متحسش بيكم سامعة ،وأهم حاجة إللى بينك وبين عبدالله محدش يعرفه حتى لو أنا ربنا وصانا الستر وآن الزوج والزوجة علاقتهم محدش يعرفها تعرفى الزوج إللى يتفشخر أدام صاحبة وقضى لية محصلتش مع مراتك غلط وحرام والزوجة نفس القصة يلا أنزلى شقتك ولو عايزة تطلعى أستأذنى من جوزك قبل ميخرج الصبح ولو فى حاجة التليفون الأرضى موجود
حضنتها زينه / أنتى أعظم أم فى الدنيا
راضية/ ربنا يرضى عنك ،،أوعى تشيلى سيجادة ولا مرتبة ولا تحركى أنبوبة البوتجاز لو فى حمل يثبت بأذن الله
زينه بكسوف/ أنا لسة عروسة بقالى أسبوع
راضية/ بذمتك أبنى عتقك هههههههههههه أمال أنا سايبه البيت ليه،،، علشان يدلع براحته دة ياكبدى بركان وكنتى مجنناه شهر يعدى ونروح لدكتور نطمن علشان كدة جدعنتك طول ما هو فى البيت لازم يحصل وأنتى فاهمه نفسى فى حفيد
زينه بكسوف/ حاضر أنا نازله بقا
راضية/ أطلقت الدعوات الحلوة ليها
____________
(فى نفس اللحظة )
دخلت سمر غرفة مكتب أخوها سيف بزيها الجديد فبعد فرح زينه لم تخرج من البيت غير مع عائشه خطيبه أخوها ،،
سيف أتنفض فى وقفته وقال/ سمر أختى ولا أنا غلطان
ابتسمت سمر/ السلام عليكم ورحمة الله وبركاته
سيف/ لاء مش أختى
سمر / أنا سمر يا أبية
دلك سيف عيونه من تحقيق أمنيته ،،،لف حوالين أخته :- دة نفس أستايل عائشه
سمر/ جبتلى الطقم هدية قولت لازم أول شخص تشوفه
سيف/ الجيب والبلوزة والحجاب شياكه ربنا يثبتك ثم حضنها بقوة وأخرج من جيبه مال وقال:- أشترى أطقم محجبات ذى دى
أخذتهم سمر ووضعتهم فى شنطتها وشكرته ،،،أبتسم على أسلوبها الجديد فأخته لم تشكره من قبل
سيف/ رايحة فين
سمر/ أروح
سيف بمكر / خليكى هنا أصل مفتاح الخزنه ضايع وهى مفتوحة ومينفعش أسيب المكان مفتوح ،،،أوعى تتحركى أشوف المكتب جنبك وجاى ثم خرج وأرسل عامل نظافة لبهاء وقال:- هو عايزه فى مكتبه
__________
طرق بهاء باب المكتب ثم دخل تنحنح ونظر فى الأرض وقال :- البشمهندس سيف مش موجود
سمر/ زمانه جاى أستنا مش عارفنى
بهاء / عن أذنك
سمر جريت خلفة / يا أستاذ بهاء أنا سمر
توقف ونظر ليها/ أزاى
سمر/ حلو كدة
بهاء/ بسم الله ماشاء الله اللهم بارك أقتنعتى بكلامى
سمر/ أيوة شكرآ
بهاء/ أسلوبك كمان أتغير كسبتى أخرتك ودنيتك
راقب سيف من بعيد وترجل ليهم/ واقفين برا المكتب لية اتفضلوا
ساروا معاة وطلب سيف مشروبات حتى يطول مدة اللقاء بين سمر وبهاء ، و يقربهم لبعض بطريقة غير مباشرة
____________
فى بيت عبدالله دخل البيت وألقى قلاده مفاتيحة على طاولة صغيرة فى الصاله وألقى جسدة على الكنبة بأهمال وقال بصوت عالى :' زوزو أنااااااا جيت يا جلبي
أتها صوتها/ عارفة،،ثانية وجايه
عبدالله كتم ألم ظهره
طلت هى بطلتها وكانت ترتدى بجامة ستان ضيقة للغايه بنصف كم لونها وردية منقوش عليها رسمه فراشات ملونه وواضعة كحل وروج أحمر وفاردة شعرها وقالت / حمدلله على السلامة نورت بيتك
عبدالله بأنبهار/ يا بخت البيت قاعدة قدامه كدة
زينه بدلع/ لابسه كدة علشانك وبقالى ساعة أختار هدومى
عبدالله/ عروسه يا نااااس،،، أةةةةة
زينه بخضة/ مالك فيك إيه ظهرك برضو
حاول هو يكون طبيعى/ لاء شويه أجهاد بقالى أسبوع مريح جنبك
زينه بأبتسامه/ طب قوم حمامك 🚿 جاهز لحد محضر الغدا لعلمك بحاول أعود نفسى مش أكل غير معاك يعنى أنا على لقمة الفطار بعد الفجر زيك،،،
عبدالله/ لاء،،كولى ولو عملتى كدة أزعل
أبتسمت هى /أسند عليا للحمام 🚿
عبدالله/ إيدى مش نظيفة مكان التوابل والشغل و أبهدل القمر
زينه بحب/ بهدل براحتك و حبيبى يجبلى جديد ،،،أى حاجه منك حلوة، ، ربنا يديم عليك التوابل والشغل يا حبيبى
عبدالله/ يااااااة أنا وأنتى لوحدنا مش مصدق حاسس بحلم
زينه/ بتبص فين عيب خليك مؤدب يلا يا بودى على الحمام 🚿
عبدالله/ بلاش بودى دى بتخنق منها
زينه بدلع/ شكلك شبعان أنا طبخت بطه بلدى وحمام🕊 محشى أنت حر بقا
عبدالله / أوبااااااا أتشطف وأتغدا بالبطه وبعديها أمزمز بطتى على مزاجى ثم غمز ليها
ضحكت زينه/ الحمام 🚿 جاهز
عبدالله بمكر/ ورينى الحمام 🚿 مش عارفه
زينه/ عيب يا عبدو بقا
عبدالله/ طب ورينى فى مايه فى الدش 🚿 ولا لاء
زينه بدلع/ يوة أنت عايز إيه
عبدالله/ فى مايه
زينه/ أيوة
عبدالله/ متأكدة
زينه بسعاده / أممم ثم ذهبت للمطبخ حتى تختفى من أمامه
زفر هو بشدة ثم خلع عبايته ودخل الحمام ينعم بشاور منعش من آثر الشغل
جهزت زينه الطعام وجلست تنتظرة وريحة الأكل شهية لكنها لم تتناول أى شئ بدونه ،،،
خرج هو من الحمام ودخل غرفته وهى مراقباه ثم خرج وجلس بجوارها وهو يرتدى عبايه نظيفة ومضبط هيئته ثم ألتقط البطه وقسمها ووضع نصفها فى طبق زينه وأخذ جوز حمام ووضعهم فى طبقها ثم بدأ يأكلوا وهما مبسوطين ،،
بقلم نجلاءفتحى عاشقةالكلمات
__________
مرت أيام أخرى لا يوجد فيها جديد
___________
زارت سمر زينه فى بيتها لأول مرة منذو زواجها وأصرت تتغدا معاهم واتصلت على زوجها من التليفون الأرضى تبلغة بالضيفة و أدايق للغايه
___________
فى حديقة عامه قرر الدكتور محمد يعمل نزهة خارجية للمرضى المستقرة حالتهم وأخذ معاهم تمريض وشنطة فيها مهدئات وحقن للطوارئ جمعهم فى باص كبير حتى يدمجهم فى المجتمع ورفض الدكاترة والتمريض والمرضى ترتدى زى المصحة حتى الباص عادى حتى لا يخاف منهم الناس ،،وعمل ليهم وجبة جاهزة للغداء وبرنامج للألعاب الترفيهية
ضحكة آيه منورة وشها وهى تلعب لعبه شد الحبل مع بنت قصادها وحين كسبت قفزت من فرحتها وعندما وجدت الفتاة الخاسرة تبكى ،،،توقفت آيه عن أصدار فرحتها وذهبت للفتاة تراضيها وأصرت تلعب معاها تانى وجعلتها تكسب
صقف ليها إبراهيم بحرارة/ آيه كسبت بأخلقها الجميله
الدكتور محمد/ فعلآ قدرت تسكت البنت من العياط كنت ناوى أديها حقنه مهدأ
إبراهيم/ آيه عاقله ثم نظر ليها وقال بتشجيع/ شاطرة يا آيه وصفر ليها
الدكتور محمد/ بلاش تهتم بآيه بزيادة وتتعامل زيها ذى أى مريضة سامع دى مجنونه
إبراهيم بصدمه/ دة مش رأيك فى حالتها وكنت بتشجع تخرج من المصحة
الدكتور محمد/ لما دى تخرج ودى تخرج ودة يخرج أنت تقبض منين هتكون حنين عليها عن أهلها خليك فى شغلك وبس صاحب المصحة مش عايز مشاكل ،،،،،،آيه ملهاش مكان برا أبوها بيأذيها ،،،الشهر دة مدفعش فلوس أقامتها هنا ومحدش زارها والواد إللى جابها مجاش
إبراهيم/ والحل
الدكتور محمد/ تترمى فى الشارع دة حكم صاحب المصحة
ثم تركه
نظر إبراهيم لآيه وقال بحسرة/ معرفش المنصب بيغير النفوس كدة ،،،البت تروح فين ،،،لازم حد يدفع الفلوس لو ينفع كنت دفعتها بس غالية أوووى عليا
بقلم نجلاءفتحى عاشقةالكلمات
____________
(فى بيت عبدالله )
ترتدى زينه عباية بيتى ولمه شعرها بتوكه ومشغوله مع سمر ثم جهزوا الطعام
زينه/ عبدو الأكل تعال، ،ثانية واحدة يا سمر أشوفة شكله مش سامعنى، ،،،ثم ذهبت لغرفتهم
زينه/ الأكل
عبدالله بضيق/ مش واكل معاكم
زينه/ ليه دى صاحبتى ،وإللى عملته غلط تدخل البيت وحابس نفسك فى الأوضة
عبدالله بأنفعال/ تجى بمناسبة إيه ،،،غلط البنت تدخل بيوت ،،وأنتى مين علشان تحسبيني غلط ولا صح
زينه/ أنا مراتك
عبدالله بضيق/ صحبتك مش مرحب بيها فى بيتى
زينه/ أطردها
عبدالله/ معرفش،،
زينه بحزن/ دى أول مرة تدخل بيتى 😟
عبدالله/ وأنا راجل البيت كلمتى تتسمع ،،،أنا بخرج بعد صلاة الفجر لشغلى برجع بعد العصر أريح ساعتين وأنزل لشغلى لحد بالليل مع أخر زبون يمشى محتاج وقت راحتى أكون براحتى
زينه/ وطى صوتك تسمعنا، ،فجأة لقتها بتخبط على بابى أطردها أزاى ،،،،سمر أتغيرت فى كل حاجة
عبدالله/ دة إللى عندى
زينه/ رايح فين أستنا
عبدالله بأنفعال/رايح فى داهية أشبعى بصحبتك ،،، النهادرة ضيفة ،،،، بكرا تخلى بيتى ملجأ
زينه/ عبدو عبدو وخرجت تجرى خلفة لحد باب الشقة وتبكى
سمر/ فى إيه صوتكم عالى
زينه أنتبهت/ أصل أصل
سمر/ وجودى عامل مشكلة هو مسلمش عليا وحابس نفسة فى الأوضة
زينه بلجلجة/ أصل صاحبة تعب فجأة وهو نزل يجرى يشوفه
سمر/ وأنتى بتعيطى لية
زينه/ مش راضى يخدنى أشوفة
سمر/ أنتى طيبه أووى يا زينه
زينه أترمت فى حضن سمر تبكى أول مشكله تحدث بينهم
_____________
فرح بهاء بشدة ٠٠٠٠