نبدا بسم الله الرحمن الرحيم
🙃🙃🙃🙃
بليل كان بيلبس ونازل كا العادة قبلته امه..
زينب بغضب.. رايح فين؟
زياد ببرود.. نازل.
زينب بغضب.. هو في ايه كل يوم نازل نازل زياد انت بتروح فين ولا بمعني اصح بتعمل ايه؟
زياد اتوتر.. اعمل اعمل ايه تقصدي اي يا ماما؟
زينب بغموض.. متاكد انك مابتعملش حاجة زياد عيني في عينك كدا لو بتعمل حاجة عرفني يا زياد انا امك عشان نلحق الموضوع.
زياد بتوتر اكتر وبدأ يعرق.. مبعملش حاجة يا ماما انا بنزل مع صحابي اقعد معاهم عادي مفيش حاجة يعني انا همشي عشان اتأخرت عليهم.
وفتح الباب بسرعه وقفله واخد نفسه.. يارب متكونش شكت فيا؟
وهو نازل كان بيصفر لقه العريس وامه وابوه طلعين بيسالوه عن بيت جميلة.
ابو العريس.. ممكن سؤال يابني؟
زياد.. طبعاً اتفضل ياعمو.
ابو العريس.. فين بيت الاستاذ محمد يابني.
زياد.. هو انت العريس اللى جاي؟
العريس عدل هدومه واتكلم ببتسمه.. اه.
زياد شاور ليهم علي الشقه وشكروه وهو نزل وهما كملو طريقهم.
❤❤❤
كلم معتز ومعتز قاله علي مكانه بالظبط وزياد راح ليه.
بعد وقت زياد وصل للمكان.. قابل معتز وسلم عليه.
معتز بخبث.. عندي ليك خبر حلو.
زياد بفرحه.. ايه هو؟
معتز..بخبث.. معايا تذكره بس التذكره دي واحده بس وكمان مفعوله اقوي بتفضل يومين لحد ما اشوف واحده تانيه بس دي سعرها غالي اوي يا زوز.
زياد بخوف.. طيب والتذاكر القديمه مفيش من نفس المفعول انا لو حد عرف في البيت اني مد"من مش بعيد ابويا يق'تلني.
معتز بمكر.. مكنتش اعرف انك جبان كدا يا زوز وبعدين ابوك يق'تلك ليه انت مابتعملش حاجة حرام احنا بنعيش حياتنا.. وبعدين دي حلوة اوي وانا جربتها قبل كدا وعارف مفعوله كويس اوي يابني مانا مش هديك حاجة تضرك يعني انت صحبي واخويا الصغير اخس عليك يا زياد وانا اقول ده مش صحابي ده اخويا.. واتصنع الزعل، زياد كان متردد وكمان بيلقي نفسه مع معتز زي ماهو مفكر او زي ما هو معتز رسم ليه ومفهمه.
زياد بحزن.. اسف ولله مش قصدي ازعلك مني بس اقولك انت اخويا واكيد مش هتجيب ليا حاجة وحشه وبعدين احنا عايشين عشان نجرب وبس هاتها.
معتز.. بمكر.. واتصنع الزعل.. لا خلاص بقا انا هاخدها عشان انت خايف لحد في البيت يعرف صح وبعدين يعني انا عمري عملت فيك حاجه وحشه بالعكس انت لقيت نفسك معايا وبعدين هما اهلك دول يعرفو حاجه انت بتروح وش الصبح وبتنزل بليل محدش هيلحظ انك بت'شم.
"ايون زياد مد'من بس مد" من لسه في الاول "
معتز بيلعب علي الوتر الحساس وهو عارف ومتاكد هو بيلعب فين بالظبط.
زياد.. ماما كانت هتقفشني انهارده بس هربت من قدامها بصعوبه.. وبعدين يلا هات التذكره عاوز انسي قرف اليوم كله بقالي يومين مخدتش و دماغي هتتفج'ر من كتر الصداع.
معتز متصنع البراءة.. لا تصدق صعبت عليا خلاص خدها يا زوز وهي هديه مني ليك.. عشان تعرف بس اني بحبك.
معتز بقا بيتلفت يمين وشمال لحد يشوفه وطلعها وفتحها لزياد وزياد شمها كانو سندين علي عربية زياد نزل قعد علي الارض ومسك دماغه بتعب ومعتز كان بيبص عليه بخبث واتصنع القلق.
معتز.. مالك ياصحبي؟
زياد بتعب.. حاسس بوجع في راسي اوي.
معتز.. معلش دي بس من مفعولها عشان لسه اول مره تجرب انا كنت كدا برضو كلها كام دقيقه والوجع يروح.
زياد بتعب.. اتمني.
"بيقولو الصاحب ساحب و معتز ده ساحب زياد معاه لطريق اخ'طر من صاحبه"
❤❤❤❤
عند جميلة.
❤❤❤
زينب بعد ما زياد مشي اتصلت علي بسمه تشوف جميلة جهزت ولا لا لقت جميلة بتكلمها وبتقولها انها عاوزها تكون معاها في اليوم ده زينب طلبت الاذن من عبد المحسن وهو سمح ليها كان بيتمني انها تكون لابنه بس النصيب.
زينب خبطت و بسمه فتحت ليها ودخلو لجميلة.
كانت لابسه فستان احمر وعليه خمار اسود وفي ورد احمر وكانت متوتره اوي وخايفه تخرج وغير كدا كانت عيونها حمرا من كتر العياط.
زينب.. بسم الله ماشاء الله علي القمر اللى عندنا انا بقول لو شافك كدا هنشبك انهارده ههه بس مالك يا حبيبتي عيونك حمرا ليه مين مزعلها يابسمه امك لو كدا هخرج اشق الوليه دي ولا حد يزعل بنوتي.
بسمه بتوتر وحزن.. مفيش حد يقدر يزعلها بس هي من التوتر بس.
زينب بشك.. متاكده بت قوليلي امك اللى مزعلاكي لو هي هنخلي عمك عبد المحسن يطلقها من ابوكي هي اصلا زهقتنا كلنا ههه.
جميلة بتسمه حزينه.. مفيش حاجة.. عيوني بس وجعاني شويه.
زينب.. بسمه ممكن تجيبي ليا مايه لو سمحتي.
بسمه.. من عيوني يا طنط حاضر.. وراحت تجيب مايه.
زينب بحزن.. معيطه بسبب زياد من الصبح صح حقك عليا انا ولله انا زهقت منه ومن تصرفاته دي ناوي يجلطني انا وابوه ربنا يهديه ويبعد عنه ابليس ده.
جميلة.. يارب.
الباب خبط وكان اخوها سلم علي زينب واتكلم.. جميلة يلا عشان بابا بينادي.. واخدها ودخل بالعصير وهي كانت داخله وراه وسلمت عليهم وقعدت جانب اخوها.
ام العريس.. ببتسمه.. ما شاءلله عليكي عسوله اوي ربنا يجعلها من نصيبك يابني.
جميلة كانت بصه في الارض بحزن.
قعدوا يتكلمو وهي كانت في عالم تاني لحد ما سبوهم لوحدهم يتكلمو.
خرجو في البلكونه بتكلمو مع بعض.
العريس.. انا اسمي احمد عندي 26سنه صيدلي وعندي صيدليه بتاعتي مش حابه تسالي عن حاجه ي انسه جميلة.
جميلة رفعت عيونها ليه شافته زياد ان هو اللى بيكلمها ابتسمت بحزن وسرحت.
جميلة.. زياد انا زعلانه منك اوي.. كدا تكلمني بالطريقه دي.
لقته بيقرب منها وببوس راسها.. وبيبتسم.. حقك عليا انا اسف.
ابتسمت بخجل.. حرام اللى انت بتعمله ده وبعدين كملت بغيظ.. كدا تسبني لوحد تاني غيرك.
.. عمري ما هسيبك لغيري انتي بنتي و حبيبتي.
فاقت علي ترقعت صوابع احمد لما بصلها بستغراب وشافها شارده.. انتي كويسه؟
جميلة بحزن.. الحمدلله معلش سرحت شويه انا اسفه.
احمد.. لا عادي ولا يهمك كنت بسالك حابه تساليني عن ايه؟
جميلة.. ولا حاجة.
احمد قعد يتكلم وهي مابين معاه وسرحانها مع زياد.
❤❤❤❤❤
بعد ما خلصو دخلو جوه تاني وبعدين شويه كانو ماشين وبيودعوهم جميلة دخلت اوضتها وقفلت الباب تاني.
امها كانت رايحه تشوف في ايه بس بسمه منعتها.. سبيها يا ماما تلقيها بتفكر.
امها.. اطمن مالها.
بسمه.. بحزن.. شويه وهدخل اشوفها.
بسمه دخلت ليها دفنه وشها في رجليها وعماله تعيط حطت ايدها عليها بحزن بعد ما قفلت الباب.. هو ميستهلكيش ميستهلش دمعه واحده منك زياد بيعملك بطريقه وحشه يابنتي مش عارفه اشمعنا انتي اللى بيعاملك كدا حتي من واحنا صغرين برضو بيتعامل معاكي بمزاجه.
جميلة بنفس وضعها.. هيحبني ازاي وانا كل ما اشوفه اقوله يا ابيه وفضلت تعيط.
بسمه.. صدقيني زياد مايستهلكيش انتي مش شايف بعينك علاقته ازاي بأهله دول أهله يا مؤمنة بيعملهم اكنهم ولا حاجة عنده زياد بجد رخم اوي وبقا ارخم من يوم ما اتصاحب علي السرسجي ده فكري كويس لو فضلتي تستني زياد عمرك ما هتتجوزي وهو هيتجوز ويعيش حياته وانتي حياتك هتفضل واقفه عليه وهو مايستاهلش ده كله عشانه.
جميلة.. عارفه ده كله بس ازاي اقنع قلبي بالكلام ده فهميني قلبي مش راضي يقتنع بده كله اعمل ايييييه؟
بسمه بخبث.. انا اقولك نربي زياد ازاي وبعد ده كله صدقيني قلبك اللى هيقولك مبقتش عاوزه ولا عنت بحبه.
جميلة رفعت راسها ومسحت دموعها.. معتقدش انه هيقول كدا.
بسمه بخبث.. اسمعي مني بس تعالي اقولك وويتبع.
رايكم بسمه ناويه علي ايه وهل زياد هيتادب فعلاً ولا هيتكشف انه مد"من وليه بيتعامل معاها هي بالذات كدا؟