هنا حسين
في الصباح قامت حبيبه بحماس وفرحه
قامت لبست هدومها وودعت اهلها ومشيت
كان جلال مستنيها علي اول الشارع
حبيبه: صباح الخير
جلال بابتسامه: صباح الجمال اي الشنطه دي
حبيبه: فيها هدومي
جلال: انا جايب لك شنطه فيها هدوم ليكي
حبيبه: مش هينفع عشان اهلي هيقولوا جايبه الهدوم دي منين
جلال: خلاص ما تاخديهاش البيت انت عارفه ان احنا رايحين فين
حبيبه: لا مش عارفه
جلال: رايحين المانيا
حبيبه بذهول: بجد بس انا مش بعرف اتكلم الماني
جلال ما تخافيش انا معاكي
حبيبه: هو انت مش معاك طياره خاصه بيك
جلال: ههه للاسف لا
حبيبه: فكرتك زي بتوع الروايات يبقى ليهم طياره خاصه وبيروحوا المكان اللي عاوزينه في اي وقت
جلال: دي في الروايات بس لكن انا بركب الطيارات زي الناس عادي
حبيبه: اوكي
روح المطار وحبيبه امتلكها الخوف والتوتر وكانت عاوزه ترجع عن قرارها لكن رجعت من تفكيرها على صوت جلال
جلال: حبيبه اوعدك زي ما اخذتك سليمه هترجعي لسليمه ما فيش حاجه هتاذيكي
حبيبه: انا مش خايفه انا بس متوتره لان دي اول مره ليا
بعد وقت وصلوا في بندق في الجمال طبعا حبيبه كانت مش فاهمه حاجه بس جلال كان بيتكلم الماني بطلاقه
جلال: ولد ده مفتاح الاوضه هتبقي جنب اوضتي
حبيبه: تمام ماشي شكرا
وطلعوا الاوض واترمت على السرير كانت حاسه بقلق حاسه انها عملت حاجه غلط
وانها حتى ما قالتش لصاحبتها لينا لانها عارفه انها مش هتوافق بس هي كان نفسها تجرب
طلعت فونها لقيت الشرايح واقفه وما فيش نت حسيت انها ندمت وان كده ما حدش هيوصل لها خافت تطلع تروح لجلال تتوه
ما تعرفش ترجع
فضلت مستنيه كثير بقلق وملل لحد ما الباب خبط فتحت حبيبه بسرعه لقيت قدامها جلال
اللي كان لابس لبس كاجوال ودي اول مره حبيبه تشوفه كده
اذكروا الله
جلال: هو انت لسه ما غيرتيش لكن حبيبه كانت سرحانه فيه
جلال: حبيبه حبيبه
حبيبه حبيبه فاقت على نفسها بخجل
حبيبه: معلش حضرتك كنت بتقول ايه
جلال: قلت لك انت ما غيرتيش ليه
حبيبه: الفون بتاعي واقف ومش عارفه اوصل لحد ولا حد هيوصل لي والصراحه كده خايفه
جلال: قلت لك ما تخافيش بعدين كده احسن بس انا هخليهم يوصلوا لك نت تمام كده
حبيبه: خلاص اوكي
جلال: طب يلا ننزل نتعشى
نزلت حبيبه معاه وهي حاسه انها غريبه في مكان غريب ودنيا غريبه
هيثم: مش عارف الخط مش بيجمع
حمدي: ممكن تكون عامله لك بلوك
هيثم: يبقى جنت على نفسها
حمدي: انا مش عارف ليه مهتم قوي لحبيبه دي مش عارف تجيب معلومه زي الناس
هيثم: علشان انا ما يتضحكش عليا
حمدي: البنت شكلها غلبانه اكيد يعني مش هتعرف توقع اللي اسمه جلال ده
هيثم: في تسليم بضاعه بعد اسبوع وهي ولا هنا لو كمان في كل مره بتحامي له كانها شغاله معاه
حمدي: ما يمكن بتحبه ما انت عارفه ما فيش ست ما بتقعش في حبه
هيثم بانفعال: تحبه ده ايه لا حبيبه مستحيل تحبه
حمدي بشك: وانت مالك انفعلت كده وما تحبوش ليه
هيثم: ولا انفعلت ولا زفت
حمدي: هيثم انت بتحب حبيبه
هيثم: انت بتقول ايه مستحيل طبعا احب مين حبيبه مجرد شخص بيساعدني غير كده مش بعتبرها حاجه طلع انت الاوهام دي من دماغك بقلم هنا حسين
حمدي: هحاول اصدقك رغم اني مش مقتنع
اذكروا الله
عايزه قفل مع المتصل بزهول
لي لي: في ايه مالك مستغرب كده ليه
عيسى: مش عارف في حاجه حصلت غريبه
لي لي: حاجه ايه دي
عيسى: قال لها اخر السكرتيره معاه في السفر
لي لي: طب ايه المشكله مش فاهماك
عيسى: اصل هو ما كانش بيطيق البنت دي خصوصا مش زي البنات اللي من الوسط بتاعنا دي بنطبقه بسيطه مستحيل تكون مسافره مع معاه لمزاجه مش ذوق جلال خالص
لي لي: يعني هيكون واخدها ليه مش فاهمه جلال اصلا بحالات ممكن حبيبي يجرب
عيسى: جلال مش من النوع ده انا عارفه هو في حاجه كبيره وانا لازم اعرفها مهما حصل
ثاني يوم جلال اخذ حبيبه وفي الصحه وفرجها الدنيا كانت حاسه ان السعاده مش سايعاها وانها طايره في السما
في المساء كانت واقفه في الشرفه سرحانه طلع جلال كمان في الشرفه بتاعته كانوا جنب بعض
جلال: مبسوطه
حبيبه: خضتني
جلال: هو انا كل لما اشوفك الاقيك سرحانه
حبيبه: هسالك سؤال وتجاوب بصراحه
جلال: اكيد قولي
حبيبه: انت بجد بتحبني
جلال: طبعا ولا ما كنتش صراحتك
حبيبه: طب ليه حبتني
جلال: ايه السؤال ده وبعدين انا جاوبتك عليه قبل كده وقلت لك انا مرتاح معاكي وده يكفيني
حبيبه: طب انا ليه مش حاسه بحبك ليه حاسه انك مجبر تقول لي الكلام ده
جلال: لانك مش بتحبيني لو بتحبيني كنت حسيتي بكلامي
حبيبه: جلال انت عارف اني حبيتك بس بتمنى انك ما تجرحنيش
جلال: ما تقلقيش عمري ما هجرحك ثقي فيا
حبيبه: اقول لك على سر ما حدش يعرفه غير صاحبتي لينا وانت ثاني شخص يعرفها
جلال: يا ريت يا حبيبه تفتحي قلبك ليا بقلم هنا حسين
حبيبه: انا بعاني من مرض نفسي وبتجيني صراعات
جلال بصدمه.: ايه ده بجد من امتى وما تعالجتيش ليه
حبيبه بحزن: انا طالعه في عيله غير سويه مفيش تفاهم كنت بضرب وبتحرم من الاكل كنت بتعذب ما بقتش بتحكم في اعصابي بقيت بحس اني مجنونه ما رحتش لدكتور ليه انا مش معايا فلوس اتعالج كمان انا بصرف على جماعتي حتى لما اتخطبت لحسام عمري ما قلت له لان عمره ما اهتم بيا صدقني كل اللي عاوزاه من الدنيا الواسعه دي اني اعيش مبسوطه وبس كده
جلال: صدقيني معايا هتعيشي في سعاده مستحيل تتوصف ما تقاليش انا هفضل معاكي لحد ما تتعالجي
حبيبه: معلش بقى صدعتك معايا
جلال: ما تقوليش كده مبسوط انك شرقتيني حاجه مهمه في حياتك
ساعات بنقع في الغلط وبنتعلم ومش بنعيده تاني لكن اللي يغلط ويرجع يغلط نفس الغلط ده غباء منه
مش اللي بيمد ايديه لينا يبقى بيساعدنا ساعات بياخد ايدينا لضيعنا
مش كل اللي يقابلنا يبقى محل الثقه