أما في شقه أم عصام فلقد كانت تتحدث مع زوجها
أم عصام: يا اخويا عصام بقاله يجي شهر متصلش وقلبي واكلني عليه
أبو عصام: الله اعلم بظروفه
أم عصام: طاب ده رمضان خلاص والبيت فاضي ومعناش فلوس نشتري اي حاجه
أبو عصام: يا وليه رمضان بيجي برزقه وربك مبينساش عبيده
أم عصام: اخر فلوس معانا دفعت بيها الايجار ما انته عارف امينه مبتصبرش يوم واحد لازم تاخد الايجار
وهنا يسمع ابو عصام رنين هاتفه
أبو عصام: قومي هاتي المحمول نشوف مين اللي بيرن
لتذهب ام عصام لتحضر الهاتف
أم عصام: عصام ابني الو ايه يا حبيبي اخبارك ايه وعيالك ومراتك عاملين ايه
عصام: الحمدلله يا امي بس مراتي كانت تعبانه شويه
أم عصام: الف سلامه عليها مالها
عصام: أصلها حامل ومكانتش تعرف ووقعت مني واغم عليها واتحجزت ف المستشفي وانا كت لايص بالعيال بس الحمد لله بقت كويسه قوليلي ابويا أخباره ايه
أم عصام: الحمدلله
عصام: اسمعي يا اما في واحد صاحبي هيعدي عليكم
أم عصام: خير في حاجه
عصام: اصل هو نزل اجازه رمضان وبعتلكم معاه فلوس وشويت حاجات كده
أم عصام: ربنا يكرمك يا ابني ويسترك زي ما بتسترنا
عصام: متقوليش كده يا امي ده حقكم عليا بصي هو قدامه حاجه بسيطه ويوصل عندكم
أم عصام: ياءنس ويشرف
عصام: اه بعتلكم معاه تليفون تاتش وهو هيظبطه عشان اكلمكم فيديو بعد كده هاتي بقا ابويا عشان اسلم عليه
أم عصام: خد يا ابو عصام كلم ابنك عاوز يسلم عليك
لتسمع ام عصام صوت طرق علي الباب
أم عصام: ايوه جايه
لتفتح الباب لتجد شخص أمامها
منير: السلام عليكم يا امي انا من طرف ابنك عصام
أم عصام: ادخل يا ابني اهلا وسهلا بيك
ليدخل منير
أم عصام: عمك الحج بيكلم عصام اهو
منير: بعد اذنك يا ابويا اكلم بس عصام عشان اعرفه اني وصلت
أبو عصام: اتفضل يا ابني
منير: انا وصلت اهو عند الحج والحاجه هيديهم الحاجه وانا نازل هتصل عليك
أم عصام: تشرب ايه يا ابني
منير: ولا حاجه يا امي
أم عصام: لاء لازم تشرب اعملك فنجان قهوه علي السبرتايه
منير: مش عايز اتعب حضرتك
أم عصام: تعب ايه بس اقعد ارتاح يا ابني
ليجلس منير
لتعد له ام عصام فنجانا من القهوه
منير: الله يا امي انا عمري ماشربت قهوه بالحلاوه ديه
أم عصام: الف هنا يا ابني
منير: عصام ده ظرف يا امي باعته عصام وده تليفون انا ظبطته وحطيت فيه خط وشحنته نت ورصيد بصي حضرتك لما تحبو تكلمو عصام فيديو تدخلي علي التطبيق ده واتكلمو براحتكم عصام قاللي اشحنه بباقه سنويه ودول بقا شويه هدايا هو باعتهم
أم عصام: كتر خيرك يا ابني تعبناك معانا
منير: متقوليش كده يا امي عصام اكتر من اخ استاءذن انا بقا
أم عصام: لاء لازم تاكلك لقمه معانا
منير: سامحيني يا امي اصل زمايلي ف السفر باعتين حاجات لاءهاليهم ولازم افوت عليهم بس إنشاءالله ها اجي أفطر معاكم يوم ف رمضان
أبو عصام: وعد يعني
منير: إنشاءالله
ليتركهم منير ويذهب
أبو عصام: مش قولتلك العبد ف التفكير والرب ف التدبير
لتفتح ام عصام الظرف
أم عصام: ايه ده كل ديه فلوس خد عدهم
لتفتح شنطه اخري
أم عصام: الله ديه اسدالات صلاه وجلاليب كمان ليك وحاجات حلوه كتير
أبو عصام: دول عشرين ألف الله يسترك يا ابني زي ما سترتنا انا وامك
أم عصام: ربنا يسعدك يا قلب امك خلاص بقا انا هنزل اشتري خزين رمضان
أما المعلم فرجاني صاحب القهوه
فرجاني: ياله ياواد انته وهو تعالو علقو الزينه ف القهوه واكنسو الشارع ورشوه
صبيان القهوه: وجب يا معلم
فرجاني انا طالع البيت ونازل تاني
ليذهب فرجاني الي منزله
أما في شقه الاستاذه نجاه فكانت تجلس علي سفرتها وحولها طالبات وطلبه كثيرون
نجاه: هاه يا حلوين كده خلصنا الدرس طلعو بقا الفلوس وحطوها هنا قدامي اه وأول اسبوع من رمضان اجازه
ليفرح الطلبه والطالبات
نجاه: بس يا عيال ياله اتكلو علي الله
وهنا يصعد الاسطي فاروق الي شقته
فاروق: حطيلي الاكل علي ما اغير هدومي اتهديت النهارده ف الورشه
نجاه: افتحلك علبه تونه ولا تأكل فول وبيض
فاروق: تونه ايه وفول ايه انا راجل شقيان وعايز اكل لقمه ترم عضمي
نجاه: اصل كان عندي دروس كتير وملحقتش اعمل اكل
فاروق: ده اللي انتي فالحه فيه هو انا منقصك حاجه ده انا بجيب كل حاجه بالزياده اوي وحضرتك موراكيش غير المدرسه والدروس
نجاه: يا سلام باءمن نفسي وبعدين انته تحمد ربنا علي النعمه ديه انته ناسي انك يا دوب معاك اعداديه وانا خريجه جامعه
فاروق: يعني ها اكل من شهادتك ديه عيشه بقت تقرف انا غاير من وشك ياست الاستاذه عيشه تقصر العمر
لينزل الاسطي فاروق ويذهب الي دكان المعلم شكري
فاروق: جعان يا شكري اعملي طلب واتوصي
شكري: من عيوني بقولك ايه احنا عاملين طواجن بطاطس باللحم ورز
فاروق: طاب هاتلي طاجن قوامك وطبق رز الواحد بقا عامل زي العازب
أما العم عبده فكان يجهز بضاعه رمضان
عبده: كده رصيت البلح حاره فقريه أجيب المكسرات وقمر الدين محدش يشتري جاتكم الهم اديني جييت حاجات قليله علي يشترو
أما الاطفال فكانو يعلقون الزينه وهم فرحانين
أما امينه فكانت قد صعدت إلى سطوح بيتها
امينه: اما الم البيض بتاع الطيور وبعد أن جمعت البيض انزل بقا اروح لعبده البقال ابيعله البيض
لتنزل امينه وتذهب الي دكان عبده
امينه: خد يا عبده تلاتين بيضه
عبده: هاتي يا ام رحمه
امينه: متقوليش ام زفته تاني
عبده: ليه بس امينه عيله عاوزه قطم رقبتها موراهاش غير الغرايم
امينه: هات يا اخويه الفلوس
عبده: خدي اهم
امينه: ياخد عدوينك
عبده: مش عاوزه بلح لرمضان ولا قمرالدين
امينه: ليه يعني هيا المايه اشتكت
عبده: انتو هتبقو صايمين هتفطرو علي مايه
امينه: متخليك ف حالك راجل حشري صحيح
لتتركه امينه وتذهب إلى منزلها، لتجد العم خليل في انتظارها.
امينه: ايه ده انته مالك واقف كده ليه؟
خليل (بابتسامة): كت مستنيكي، أصلي شوفتك من الشباك.
امينه: عايز ايه؟
خليل: عاوزك تسامحي رحمه، حتي عشان الايام المفترجه.
امينه: انته عارف هيا عملت ايه؟ ديه غرمتنا فلوس اد كده.
خليل: طاب خلاص آخر مره، ولو عملت حاجه تاني أنا المسؤول قدامك، وخدي يا ستي دول ٥٠٠ جنيه.
امينه: ويعملو ايه ديه؟ مغرمانا ٧٠٠ جنيه.
خليل: خلاص يبقالك ٢٠٠ جنيه، هبقا اديهملك مع ايجار الشهر الجاي إنشاءالله.
امينه: خلاص خليها تتنيل تطلع.
خليل: تعالي يا رحمه، حبي على رأس الست والدتك.
امينه: مش عايزاها تحب ولا تتهبب.
لتخرج عليهم رحمه.
امينه: اطلعي يا بت روقي الشقه وامسحيها، وبعد كده روقي الشقه التانيه وامسحيها عشان الساكن جاي أول يوم رمضان.
رحمه: يا سلام، وانا شغاله عندكم؟ ما تعمليها انتي، مش انتي اللي بتاخدي الايجار؟
امينه: ورحمه أمي، إن ما عملتي اللي قولتلك عليه لاكون…
رحمه: عارفه هتكسري عضمي، أوف بقا كل حاجه رحمه.
امينه: بطلي برطمه واخلصي.
رحمه: طيب حاضر يا اما.
لنذهب إلى شقه السيدة فتنه، حيث كانت تجلس وحدها، فهي أرمله وتعول ولدها يوسف.
فتنه: مش عارفه مالي، حاسه جسمي كله متكسر، شكلي داخله على دور برد. أكيد خدت برد، ما هي الشغلانه ديه تجيب المرض. بس هعمل ايه؟ هربي الواد منين؟ واحنا لا عم ولا خال، مقطوعين من شجره.
فتنه (تتنهد): أقوم أكمل غسيل البياضات بتاعت المستشفى عشان تلحق تنشف وأوديها عشان اقبض… انته المعين يا رب.