رواية انعدام ثقه الفصل الرابع 4 بقلم رنا سليمان
_كارم ارجوك حاول تفتكر ملامح البنت اللي كانت مع مازن.......البنت دي هي حل القضيه كلها ........لان انت لو مفتكرتش ولا هقدر اساعدك ولا هنعرف القاتل الحقيقي
_مش قادر افتكر شكلها ........بس
_بس ايه يا كارم اتكلم
_فاكر انها كانت لابسه بلوزة زرقاء وكمان ايوه بنطلون ابيض
سكت وغمض عينه وبعدين فتحها بسرعه
_شعرها.......شعرها كان لونه احمر تقريبا
_طيب مش فاكر اي حاجه من ملامحها
غمض عينه وهز راسه ب لا
اتنهدت بتعب وفضلت باصه قدامي وساكته
_عارف اني لو افتكرتها القضيه هتتحل بس انا مش قادر افتكر اكتر من كده يا ريم.......ملامح وشها مش قادر احددها لان وقتها مكنتش قادر اركز في حاجه ودايخ
_متقلقش يا كارم ........انا هخرجك من هنا لو انت فعلا مظلوم بس يا كارم لو عرفت انك مخبي عليا حاجه حتي لو كانت صغيره صدقني مش هساعدك وساعتها الحكم هيكون ضدك
_انا عمري ما خبيت عليكي حاجه يا ريم في اي وقت علشان اجي دلوقتي و اخبي عليكي حاجه علشان انا بحبك و
_كارم لو سمحت ممكن تقفل الموضوع دا وانا هعتبر نفسي مسمعتش حاجه عنه وهتصرف علي الاساس دا ولما القضيه تتحل وتخرج من هنا نبقي نتكلم........انا همشي دلوقتي .........لو افتكرت اي حاجه يا كارم اطلب انك تقابلني وانا هاجي علطول
_اول ما افتكر حاجه هطلب اقابلك علطول متقلقيش
_تمام
سيبته وخرجت من المكتب ومن القسم.........ركبت عربيتي بتعب وفضلت قاعده فيها وبفكر في كل اللي حصل........مش عارفه ازاي في لحظه كل حاجه اتغيرت كده كُنت عروسه بتجهز لفرحها اللي كان كمان ساعات لواحده جوزها اتقتل واللي متهم بقتلها جارها واعز صاحب ليها ولجوزها .......بقيت في اصعب موقف ممكن اتحط فيه بدل ما اكون واقفه في عزا جوزي وباخد عزاه اهله رافضين حتي اكون معاهم او حتي امسك قضيه قتله علشان اعرف مين اللي عمل فيه وفيا كده وبقيت بدافع عن المتهم بقتله علشان بس اعرف الحقيقه ........رجعت راسي لورا بتعب وغمضت عيني
كنت قاعد ماسك التلفون وشايفها وهي في العربيه وهي قاعده قدامي حاطه رجل علي رجل بدات تتكلم وهي مربعه ايديها
_تفتكر ريم هتصدق ان القاتل هو كارم ولا هتفضل واثقه فيه
_لازم ثقتها فيه دي تتهد وتتاكد ان هو اللي عمل كده والصفحه دي تتقفل نهائيا
_انا حقيقي مستغرباك........ليه مصمم تدمر حياتها
_علي اساس ان انتي يعني اللي بتحبيها وعايزه الخسر ليها
_انا مقولتش كده.......بس علي الاقل انا ليا اسبابي
_ويا تري ايه هي اسبابك بقي
_مش مهم اسبابي انا........المهم انت اللي بتعمل كده ليه
_مع اني مش مجبر اني اقولك بس هقولك وارضي فضولك........انا بعمل كده علشان بحبها
_بتحبها.......هو اللي بيحب حد بيأذيه بالشكل دا........مش غريبه شويه
_ولا غريبه ولا حاجه انا كل اللي بعمله اني بحميها........ مازن مكنش بيحبها وكان بيخونها فانا خلصتها منه علشان متعش باقي حياتها مع شخص خاين زي دا
_وليه اتهمت كارم بالذات بموته
_علشان عارف انه بيحبها وان ممكن مع الوقت هي كمان تحبه علشان كده خليته هو القاتل في نظر القانون علشان يلبس هو القضيه وانا اقدر اكون معاها........في الوقت المناسب هظهر في حياتها وهخليها تحبني وساعتها هتنسي مازن
_ريم مصممه ان كارم بريئ وهتعمل كل اللي تقدر عليه علشان تخرجه منها
_ودي مهمتك انك تعملي كل اللي اتفقنا عليه وطول الوقت تشككيها في اللي اسمه كارم دا وكل ما تقولك علي دليل تيجي وتقوليلي وساعتها انا هقلب الدليل دا من دليل برائته لدليل ياكد ان هو القاتل........ريم بتثق في اتنين بس في حياتها وبتحكيلهم كل اسرارها والاتنين دول انتي وصاحبتكم التالته.......ملهاش حد غيركم تحكيله كل اسرارها علشان كده عايزه تعملي كل اللي اتفقنا عليه
_وافرض شكت فيا انا
_مستحيل
_ريم ذكيه وممكن تشكفني في اي لحظه
_طول ما انتي بتسمعي الكلام مش هتكشفك ........ودلوقتي لازم تروحي وتعملي اللي اتفقنا عليه
_ماشي........استني مني تلفون علشان ابلغك بالجديد
قامت واخدت شنطتها ومشيت رجعت راسي لورا وانا باصص علي التلفون ب ابتسامه
_هانت خلاص يا ريم........مجرد بس الحكم علي كارم هخلص منه وهيكون الطريق ليكي مفتوح وساعتها هعرف اخليكي تحبيني
فضلت باصص علي التلفون وانا علي وشي ابتسامه
"ريم"
فتح باب البيت ودخلت........سمعت صوتها جاي من بعيد بصيت قدامي لقيتها جايه بتجري عليها.........اول ما بقت قدامي حضنتني
_انتي كويسه صح
_فريده! انتي جيتي امتي
_مقدرتش استني اخدت اول طياره وجيت علي هنا علطول
_يا فريده انا قولتلك اني كويسه ليه تعبتي نفسك يا حبيبتي بس ما نور معايا طول الوقت
_يا حبيبتي انا عارفه ان نور معاكي بس مقدرتش استحمل اني اكون بعيده عنكم في الوقت دا .........اوعي تزعلي نفسك يا ريم مازن اكيد في مكان احسن
_انتو هتفضلي تتكلموا علي الباب كده.......ادخلوا الاول وبعدين نتكلم
ابتسمنا ليها......مسكت في ايدي ودخلنا قاعدنا جمب بعض
_انا لحد دلوقتي مش مصدقه ان كارم هو اللي عمل كدا دا كان اكتر من اخ لمازن
_متصدقيش يا فريده لان مش كارم اللي عملها
_مش فاهمه هو كارم طلع برئي وحد غيره اللي عملها
_لا يا ستي الهانم مصدقه ان كارم برئي من غير حتي ما يكون معاها دليل وماسكه هي القضيه بتاعته
_نعم.......ريم انتي اكيد بتهزري صح........ازاي تعملي حاجه زي دي يا ريم........ازاي تدافعي عن واحد زي دا
_لا وكمان قالها ان مازن كان بيخونها وهي صدقته وبتدور علي البنت اللي بيقولها خانها معاها
_علشان انا واثقه فيه يا نور ومتاكده ان مش هو اللي عملها
_واي اللي يخليكي متاكده كده
_علشان كارم بالنسبه ليا زيكم بالظبط بثق فيه وبثق وعارفه انه مستحيل يعمل كده
_شايفه بتعمل ايه
_استني بس يا نور ........ريم حبيبتي اللي بتقولي بتثقي فيه دا في نظر القانون قاتل
_علي فكره احنا المفروض متخرجين من كليه حقوق وكمان كُنا مترتبين علي الدفعه يعني المفروض انتو كمان يبقي رايكم من رايي علشان يبقي في جريمه مكتمله لازم اركان الجريمه تتحقق بس مفيش هنا قصد جنائي عند كارم ولا اي يا استاذه فريده دا غير طبعا انه مكانش في وعيه يا نور هانم
_يمكن يكون بيكذب يا ريم.......ومتقوليش واثقه فيه .........القاضي لما بيحكم بيحكم بالادله اللي قدامه مش ب ان المحامي بيثق في موكله ولا لا
_وانا مش هيجي عليا يوم الجلسه غير وانا معايا الدليل اللي هيخرجه من السجن
سيبتهم ودخلت اوضتي........يمكن يكون كلامهم صح ويمكن تكون ثقتهم في ان كارم هو القاتل صح بس انا قلبي بيقولي ان كارم برئي ومش هسكت غير لما اجيب حقيقه برائته
........يتبع.....