رواية انعدام ثقه الفصل الثاني عشر 12 بقلم رنا سليمان
_كل سنة وانتي طيبة يا ريم
_وانت طيب يا كارم........مبسوطة اوي بكل اللي عملتوه علشاني دا بجد شكرا يا كارم وشكرا ليكم كلكم
_العفو دا اقل حاجه ممكن نعملهالك انت متتصوريش انتي غالية علينا كلنا قد ايه
_شكرا بجد يا كارم
_ريم انا كنت عايزه في كلمة ممكن
_اه طبعا.........اتفضل
_لا استني........قبل ما تتكلموا انا عايز اقولك حاجه يا ريم
_حاجه ايه يا مازن
ابتسم وهو باصص ليها ومسك في ايديها........فضلت باصص علي ايديهم وهما ماسكين بعض بحزن وفضلت ساكت ..........بدا يتكلم بصوت عالي
_جماعه ممكن تركزوا معايا شويه لو سمحتوا
الكل انتبه ليه وركز معاه........محدش كان فاهم في ايه........غمضت عيني ومنعت دموعي تنزل لاني اتوقعت اللي هيقوله
_مش عارف بصراحه ابدا منين ولا اقول ايه.........حاسس اني مش قادر اتكلم واعبر عن اللي جوايا
بصلها ومسك ايديها الاتنين وبدا يتكلم وهو بيضحك
_ريم انا بحبك........بحبك من زمان ومكنش عندي الجراءة اني اعترف بحبي ليكي وافتكر ان انهارده انسب يوم اني اعترفلك بمشاعري يوم عيد ميلادك.........ريم انا من اول لحظه شوفتك وانا بحبك ومش عايزك تروحي مني عايزك تفضلي معايا لاخر يوم في عمري
نزل علي ركبته طلع علبة من جيبه وفتحها ومد ايده بيها لريم........الكل كان باصص عليهم بفرحه الا انا رغم انه صحبي وطول الوقت بفرحله وبفرح ب اي حاجه بيعملها الا دي .........للمرة الاولي اللي كان نفسي امنعه عن حاجه او حتي اسمع رفضها ليه لاني بحبها ........انا اللي فضلت عمري كله بحبها وعمري ما حبيت غيرها .........هو ميستحقهاش ولا هيخليها مبسوطة
_ريم انا بحبك ونفسي تكوني ليا لاخر عمري.......تقبلي تكوني معايا لاخر العمر يا ريم وتكوني حبيبتي وصحبتي وام ولادي.......تقبلي تتجوزيني يا ريم
كنت باصص ليها بحزن ومستني ردها وانا عندي امل انها ترفض.........هزبت راسها ب اه وهي فرحانه
_طبعا موافقه يا مازن.........موافقه
ابتسم وقام ولبسها الخاتم ........طلعت العلبة اللي جبتهالها هدية واللي كان فيها الخاتم اللي كنت هتقدملها بيه وبصيت ليها بحزن.......سمعت صوت نور بتتكلم جمبي ........بصتلها بحزن
_شكلهم جميل صح
بصتلها وسكت.......كملت كلامها
_شوفت لما اتاخرت علشان تعترف بمشاعرك حصل اي يا كارم.........عمر التاخر في الحاجات دي بالذات كان ينفع
_تاخير اي يا نور انا مش فاهم حاجه من اللي بتقوليه دا
_لا يا كارم انت فاهمني كويس اوي ........هو انتي فاكر اني مش فاهم ولا فاكرني عبيطة.......انا عارفه من زمان انك بتحب ريم ونفسك تكونوا مع بعض بس للاسف هي عمرها ما كانت ولا هتكون ليك يا كارم.........لانها بتحب مازن من زمان واهي بقيت معاه
بصتلها بحزن.........سابتني وقربت ليهم ........حضنتها بفرحة وكانت معاهم فريدة.......فضلت باصص عليهم بحزن ........خرجت من المكان كله ونزلت ركبت عربيتي وبدات اعيط..........مقدرتش ابارك ليهم حتي.........مش عيب اني ازعل واعيط علي اكتر حاجه اتمنيت انها تكون ليا ومحصلش نصيب .........اكتر حاجه وجعاني اني عارف ان مازن مش هيخليها مبسوطه وانه ممكن يجرحها زي البنات اللي عرفهم قبل كده
كنت قاعد قدامها وهي باصه علي الورق وساكته
_هتفضلي ساكتة كده كتير........دا انتي حتي مسالتيش هما افرجوا عني ازاي وبقالك شهر مش بتسالي عني
_علشان عارفه
_عارفه اية
_انا جيت وبلغت عن نور وكان معايا كل الادلة اللي تاكد انها هي الجاني واكيد دا السبب اللي خلاهم يفرجوا عنك
_ليه عملتي كده.........نور كانت اكتر من اختك يا ريم
_بس الادلة كلها ضدها وبتاكد انها هي الجاني الحقيقي
_بس مش نور اللي عملت كده يا ريم........نور كانت موجوده اه بس مش هي القاتله
_انت افتكرت حاجه يا كارم
_من يومين....... افتكرت ان البنت دي كانت نور فعلا بس مش هي القاتلة
_اومال مين
_مش عارف........الباب بتاع الشقة ساعتها كان مفتوح وحد دخل من الباب بس كان مغطي وشه بس مش فاكر اي حاجه تاني
_دا معناه ان نور شريكة القاتل الحقيقي
_ويمكن لا
_لو مش هي ليه تخلي فريدة تغير لون شعرها للاحمر وفي نفس الوقت تجيب هي بروكه لونها احمر وتخليها تشتري نفس البلوزة والبنطلون بتوعها وتروح بيهم لمازن ولو فعلا مكنش قصدها كانت هتدافع عن فريدة وتقول لا.........في حاجه غريبه في الموضوع مش فاهمها بس اكيد هوصلها
فضلت باصص ليها وساكت........سمعنا صوتها وهي داخله المكتب.......كانت بتتكلم وهي بتطلع حاجه من شنطتها ومش باصه لينا
_معلش يا ريم اتاخرت شوية ك
اول ما شافتني سكتت شويه وبعدين سالت ب استغراب
_كارم.........انت خرجت امتي
_ازيك يا فريدة .........خرجت انهارده الصبح
_حمدلله علي سلامتك
_الله يسلمك........طيب يا ريم انا همشي دلوقتي هبقي اجيلك وقت تاني علشان عايزك في موضوع مهم.......بعد اذنكم
سيبتهم وخرجت من المكتب نزلت من المكتب وروحت علي البيت
"ريم"
_في ايه يا ريم
_في قضية عايزاكي تمسكيها
_ماشي بس ليه مش انتي اللي تمسكيها
_علشان مينفعش انا اللي امسكها
_ليه يعني قضية اية دي اصلا
_قضية نور
_قضية نور!.........هو مش انتي اللي مبلغه عنها.........ازاي عايزاكي انا اللي اخرجها
_اديكي قولتي اهو انتي اللي هتمسكي القضية مش انا.........مش النور الجاني الحقيقي نور في حد اكبر منها هو القاتل ونور بتساعده ف انا عايزاكي تبقي معاها وتكوني المحاميه بتاعتها علشان تعرفي مين الشخص اللي وراها
_وانتي ليه مش مصدقة ان نور تعمل كده من نفسها
_انتي عارفه كويسه اوي يا فريدة ان نور مش بالذكاء اللي يخليها تخطط لكل دا وتتهم كارم بقتل مازن وتتهمك انتي بخيانتك ليا مع مازن وتظبط الادله دي كلها........نور عمرها ما تفكر في كل دا لوحدها اكيد في حد بيساعدها وحد ذكي جدا
_يمكن كلامك صح.........ماشي انا هروح اقابلها واقولها اني همسك القضية بس افرضي رفضت هعمل ايه ساعتها
_هتوافق مهمتك انك تخليها توافق يا فريدة ب اي شكل ولازم تتاكد انك انتي رايحه ليها من ورايا فاهماني
_حاضر يا ريم.......هو انتي اتكلمتي مع كارم في حاجه
_حاجه اية
_انتي فهماني يا ريم موضوع حبه ليكي
_انتي شايفه ان دا وقته
_ومش وقته ليه......... عدا علي وفاة مازن وقت كبير......... ريم كارم بيحبك من زمان وانا شاهدة علي دا يا ريم وهو اكتر واحد هيسعدك
_فريدة........الكلام دا مش وقته خالص ........انا لا ليا دماغ احب ولا اتحب كفاية المصايب اللي كل شويه تنزل فوق دماغي ........لو سمحتي بلاش كلام فس الموضوع دا نهائي علي الاقل لحد ما المشاكل دي تتحل
_ماشي يا ريم.......بس فكري في الموضوع لان كارم هيفضل وراكي ولو انا سكت هو مش هيسكت
"نور"
كنت قاعدة علي الكرسي قدامه وكان جمبه الكاتب .........شبك ايديه الاتنين في بعض وسند علي المكتب وهو بيبصلي
_استاذة نور حضرتك متهمة بقتل الدكتور مازن جمال خطيب شريكتك ريم حامد
_انا مقتلتش حد
_بس المواصفات اللي قالها كارم المتهم الاول واللي كان موجود في موقع الجريمة نقس مواصفاتك انتي
_مواصفات ايه دي
_لون الشعر الاحمر اللي وصلنا بروكة نفس لونه ونفس الهدوم بردو اللي عندك
_وهو دا دليل علي اني انا اللي اتقلته
_يعني انتي مروحتيش ل بيت المجني عليه يوم الجريمة مش كده
_انا مقولتش كده
_يعني كنتي موجوده هناك وقتها
_ايوه........انا كنت موجودة هناك بس دا مش معناه اني انا اللي قتلته
_يعني شوفتي القاتل الحقيقي
_شوفته وعارفه مين القاتل
_مين هو
_فريدة عبد الله
.......يتبع....