رواية انعدام ثقه الفصل الثالث عشر 13 بقلم رنا سليمان
_ايه دليلك ان فريدة عبد الرحمن هي الجاني الحقيقي
_يوم الحادثة لما كارم جاه وكان بيتكلم مع مازن باب الشقه كان مفتوح وساعتها شوفت فريدة كانت مستخبية علي سلم العمارة بس انا شوفتها وكان في ايديها المسدس اللي اضرب بيه مازن وساعتها انا صورتها ولو روحتوا دلوقتي للبيت اللي احنا التلاته قاعدين فيه هتلاقوا سلاح الجريمة عندها في دورج المكتب في اوضتها
_ولما انتي كان معاكي دليل علي الجاني الحقيقي مقدمتهوش ليه
_خوفت عليها.........فريدة اختي ومكنتش هقدر ابلغ عنها .........بس طالما الغدر جاه منهم هما الاول ف اكيد هدافع عن نفسي واعترف عليها
_انتي عارفه إن سكوتك كل الفترة دي يخليكي شريكة بالتستر
_احسن ما اتعدم بسبب جريمة قتل
بصتله بثقة.......فضل ساكت وحاطط ايده علي خده وبيبص عليا بهدوء........كان لازم اعمل كده........ريم وفريدة هما اللي بداو الاول واتهموني بقتل مازن وانا اكيد مش هقف اتفرج عليهم واسكت كان لازم ارد عليهم ورد يكون اقوي ........لازم اخرج من هنا حتي لو التمن مقابل خروجي هو روحهم.........اللعبه دي اخرها يا قاتل يا مقتول وانا مش هضحي بحياتي بس هضحي بحياتهم وحياة اي حد هيفكر يقف في وشي مهما كان مين
"كارم"
كنت قاعد في العربية تحت البيت ومستنيه........اول ما لقيته بيقرب خرجت بسرعه من العربية وقربت منه.........اول ما شافني وقف مكانه
_ازيك يا عم جمال
_كارم........انت خرجت امتي
_انهاردة الصبح خرجوني.........مش هتقولي حمدلله علي السلامة يا عم جمال
قرب مني وحضني واتكلم ب ابتسامه
_حمدلله علي السلامة يبني.........كنت واثق انك هتخرج منها وانا ريم مش هتستكت غير لما تطلعك منها وتكشف الحقيقة
_الله يسلمك يا عم جمال
_تعالي يبني نطلع فوق ونتكلم براحتنا
_لا بلاش.......معتقدش ان طنط هتحب تشوفني دلوقتي.........هبقي اجي لما القاتل الحقيقي يظهر وتتاكد اني برئي
_خروجك معناه انك برئي يا كارم
_لا........لما القاتل الحقيقي يظهر ساعتها بس هقدر اقف قدام طنط واقولها اني كنت مظلوم.......انا بس حضرتك كنت وحشني وقولت اجي اسلم عليك
_فيك الخير يا حبيبي وانت والله وحشني
ابتسمت وحضنته..........هو مش بس ابو صاحب عمري دا ابويا انا كمان والوحيد اللي صدق اني برئي و وقف جمبي انا حقيقي بحبه وبعتبره اكتر من اب ليا وبعتبر ام مازن امي كمان وبتمني الحقيقه تظهر في اقرب وقت علشان اروح ليها وتعرف اني عمري ما اذيت مازن وانه كان اكتر من اخ ليا وانا اللي حصل دا كان لحظه غضب مني
"ريم"
كنت واقفه قدام قبرها وماسكه بوكيه ورد من النوع اللي كانت بتحبه (الياسمين) حطيت الورد علي قبرها ورفعت ايدي وبدات اقرا الفاتحه.......خلصت وبصيت لقبرها وبدات اتكلم وانا بحاول اتماسك وابطل عياط
_لاول مرة بعد موتك احس اني يتيمة.........طول الوقت وهما كانوا جمبي وكنت فاكرة انهم بيعوضوني عن غيابك وانهم كانوا اخوات ليا بس الحقيقة مش كده........الحقيقة ان الخيانة جات منهم هما........هما اللي كنت بهرب من الدنيا وتعبي ليهم طلعوا اكتر الناس بتأذيني ..........نور كانت طول الوقت بتلعب دور الاخت اللي بتحبني واللي روحها فيا وهي بتخوني من ورا ضهري وبتتفق مع خطيبي علي كسري حتي فريدة.........مبقتش عارفه اذا كانت خاينه زيها ولا بريئة فعلا........ومازن حبيبي واللي كانت روحي فيه طلع كذاب وخاين وكان بيلعب عليا.........ثقتي اتهزت في كل اللي حواليا يا ميريهان مبقتش قادرة اثق في حد تاني بعد كل اللي حصل دا صعب اني اثق في حد تاني
_كنت واثق اني هلاقيكي هنا
لفيت ناحيه الصوت وكان هو .......قرب مني.........واقف جمبي وقلع النظارة وبدا يتكلم
_كنت واثق انك هتبقي هنا
_وعرفت منين
_تلفونك مقفول ومجيتيش المكتب ومدايقه بسبب كل اللي حصل دا قولت اكيد هتيجي هنا تزوري ميريهان
_كانت وحشاني وجيت ازورها
_انا عارف يا ريم ان كل اللي بيحصل دا مدايقك ويمكن تكوني بسببه حاسه انك لوحدك بس خليكي متاكده لو الدنيا كلها كانت ضدك انا هبقي معاكي وعمري ما هسيبك ابدا
مسك ايدي........سحبت ايدي بسرعه وبصيت قدامي ب ارتباك
_ريم هو انتي خايفه مني انا كمان
_مش حكايه خوف ........انا مبقاش عندي ثقة في حد بعد كل دا يا كارم
_حتي انا
بصتله وفضلت ساكتة.......اتكلم بحزن
_ريم هو انا عمري اذيتك ولا فكرت في يوم ازعلك.......دا انتي الوحيدة اللي عمري ما افكر اقولك حتي كلمة تدايقك يا ريم
_مازن ونور وفريدة كانوا كده بردو والنتيجه اهي.........خيانتهم ليه
_بس انا
_كارم لو سمحت الكلام دا مش وقته خالص لو سمحت خلينا علي الاقل نعرف بس مش هو القاتل الحقيقي وبعدين نتكلم في الموضوع دا لو سمحت
سيبته ومشيت وانا بحاول اتمالك اعصابي ........خرجت من المقابر وركبت عربيتي وسوقت بسرعه قبل ما هو يلحقني
"فريدة"
كنت لابسه وخارجه من البيت رايحه المكتب .........اول ما فتحت الباب لقيته هو ومعاه اتنين عساكر اتكلمت ب استغراب وانا مش فاهمه سبب وجودهم
_كريم بيه.......خير حضرتك في حاجه ولا اية
_استاذة فريدة احنا جالنا امر بتفتيش المكان
طلع من جيبه اذن النيابة ........اخدته منه ب استغراب واتكلم بهدوء
_طبعا اتفضل يا كريم بيه
شاورلهم.........بداو يفتشوا في كل البيت وبعد ٥ دقايق خرج واحد منهم من اوضتي وهو ماسك السلاح بتاعي وحاطوا في كيس
_لقينا دا يا فندم
_ايه دا يا استاذه فريدة
اتكلمت بهدوء
_دا السلاح بتاعي ومُرخص ثواني اجيب لحضرتك الترخيص بتاعه
_دا نفس سلاح الجريمة اللي اتقتل بيه مازن جمال
_واية المشكله.......في بدل السلاح دا الف من نفس نوعه عادي
_لا مش عادي يا استاذة فريدة.......لان جالنا بلاغ انك انتي اللي قتلتي مازن
_انا........ازاي يعني وانا اقتله ليه........اكيد في حاجه غلط
_غلط او صح هنعرف في القسم بعد التحقيق
_لا لا........انا معملتش حاجه..........والله العظيم ما عملت حاجه
_استاذة فريدة لو سمحتي تيجي معانا بهدوء اللي بتعمليه دا مش هيغير حاجه ولو بريئة اكيد هتخرجي منها بس طريقتك دي هتخلينا نتاكد ان انتي اللي عملتيها فعلا لو سمحتي تيجي معانا بهدوء
حطوا في ايدي الكلبشات بدات اعيط وانا مش فاهمه حاجه........نزلنا علي السلم .......كانت طالعه وقابلنا بعض......بصت لينا بصدمة وهي مش فاهمه حاجه
_في اية........انتو واخدينها لية يا كريم بيه
_جالنا بلاغ بوجود سلاح الجريمة في اوضة استاذة فريدة وان هي الجاني الحقيقي ولقيناه فعلا ولازم ناخدها نحقق معاها دلوقتي
_ريم........ريم انا مظلومة والله ما عملت حاجه ساعديني بالله عليكي انا مستحيل اعمل كده
فضلت ساكتة ........وباصة قدامها بصدمة ........اخدوني ونزلنا كنت بنده عليها وبكلمها بس مكنتش بترد .........نزلنا من علي السلم وركبوني العربية معاهم
"نور"
كنت قاعده قدامه بهدوء وبتكلم وانا علي وشي ابتسامة
_جاي بنفسك يعني.......انا قولت هتبعت حد من رجالتك وهتخاف تيجي
_متخافيش عليا.......انا عارف انا بعمل ايه كويس اوي.......المهم انتي هتعملي ايه
_ولا حاجه........فريدة خلاص فاضل تكة وهتكون هي القاتل الحقيقي وانا اخرج منها
_متنسيش انك كده هتبقي متهمه بالتستر علي مجرم
_مهو دا دورك بقي.........انا هشيل حبل المشنقة من علي ركبتك وهخلي فريدة اللي تشيل الليله كلها المفروض بقي انك تساعدني اخرج من هنا والا انت عارف انا ممكن اعمل ايه
_ولو قولت اني مش هساعدك
بدات ابص ل ايدي والعب في ضوافري بهدوء
_براحتك.........بس ساعتها مترجعش تزعل لما حبل المشنقه يتلف حوالين رقبتك
_قولتلك مليون مرة يا نور انا محدش يقدر يهددني وانتي هددتيني بدل المرة اتنين
_دا مش تهديد انا بس بقولك هعمل ايه لو مسعدتنيش
_ماشي........سبيني افكر شويه وهرد عليكي
_قدامك يومين بس وتلاقي حل والا رد فعلي مش هتعجبك
_بردو مصممه تهدديني.........ماشي يا نور بس خليكي فاكرة انا حذرتك من انك تهدديني
سابني وخرج من غير ما يسمع رد مني ........العكسري دخل وخدني من ايدي علي الزنزانه.........اول ما دخلت لقيتها قدامي........وقفت وكان باين عليها العياط........ابتسمت وقربت منها ب ابتسامه
"ريم"
كانت قاعده تايهه ومش مصدقه اللي بيحصلي ........ليه انا بالذات يحصل معايا كل دا........انا عمري ما اذيت حد ولا فكرت اني ازعل حد ليه اكتر الناس اللي حبيتها وامنت ليها تعمل معايا كده خيانة جوزي ليا مع اقرب صحابي واتهام التانيه بقتله مبقتش قادرة استحمل اللي بيحصل دا كله حقيقي........قومت مشيت ناحيه المطبخ بهدوء وانا دموعي نازله علي وشي.........فتحت درج السكاكين واخدت سكينة..........مبقاش ليا سبب اعيش علشانه ولا حتي حد اعيش ليه........يمكن موتي هيريحهم ويرحني انا كمان........الباب خبط........بصيت ناحيه الباب ورجعت بصيت علي ايدي اللي حطيت السكينة عليها ........غمضت عيني بحزن وتعب
.......يتبع....