رواية انعدام ثقه الفصل الرابع عشر 14 بقلم رنا سليمان
_اتاخروا شوية لحد ما جبوكي
_انتي اللي عملتيها يا نور!
_هيكون مين غيري........مش بتبلغوا عني انا........استحملوا بقي نتيجة افعالكم
_انا مبلغتش عندك........ريم عملت كده بعد ما جمعت الادلة اللي بتثبت انك انتي القاتله الحقيقيه
_انا مقتلتش حد
_ولا انا..........انتي عارفه كويس اوي اني عمري ما اعمل كده
_يعني انا اللي ممكن اعمل كده
_مقولتش كده.........بس ليه يا نور تعملي معايا كده انا مأذتكيش
_هو انتو فاكرين اني هسكت وهسيبكم توصلوني لحبل المشنقة واقف اتفرج عليكم لا يا فريدة تبقوا غلطانين........انا مش هسكت وهوصلكم انتم كمان معايا مش هقع لوحدي انا
الكل كان بيتفرج علينا بسبب صوتنا العالي .......عليت صوتي اكتر وانا بقاطعها
_ريم مكانتش هتسيبك........قالتلي اجي وامسك القضية واخرجك منها
_يا سلام........عيلة صغيرة قدامك انا علشان اصدق الكلام العبيط دا مش كده
_دي الحقيقة
_واما هي دي الحقيقه بلغت عني ليه
_معرفش يا نور........انا معرفش حاجه بس الاكيد اني مليش ذنب في كل دا
_ملكيش ذنب مش كده........عايزه تقنعيني انك مش انتي اللي لعبتي في دماغها ساعة ما كنتم في المستشفي لوحدكم.......اوعي تكوني فاكرة اني مش عارفه من اول يوم صاحبتكم فيه انك بتكرهيني ومش عايزاني اكون وسطكم
_لا يا نور انا عمري ما كرهتك........في فرق كبير بين اني اكرهك واني اعرف اللي جواكي ناحيتنا........انا من الاول عارفه غيرتك مننا من اول يوم وانا بتغير من ناجحنا بس عمري في حياتي ما كرهتك بالعكس انا كنت بحبك اكتر من ريم وبحاول بكل الطرق اني اقلل غيرتك دي واحسسك انك زيك زينا ومتنسيش اني صاحبة فكرة المكتب وانك تكوني شريكه فيه
واحده وقفت واتكلمت بصوت عالي
_خلاص بقي انتي وهي صوتكم عالي .........اسكتوا انتو الاتنين بدل ما ناديلكم العسكري يعرف يسكتكم كويس
بصينا ليها ورجعت بصينا لبعض بحزن.........كل واحده فينا قعدت في مكان بعيد عن التانية.......عمري ما كنت اتخيل ان يجي يوم ونوصل ل اللي وصلنا ليه دا........طول الوقت كان في بينا خلافات بسيطة اه بسبب غيرة نور مننا او اختلافات بسبب القضايا اللي بنمسكها بس عمري ما كنت اتخيل ان غيرتها مننا توصل لكده في يوم من الايام ابدا.......سندت راسي علي الحيطة بحزن وبصيت عليها من بعيد وانا بعيط
"كارم"
كنت قاعده علي الكرسي وماسك ايديها..........بدات تفتح عينيها براحه........قومت وقفت وقربت منها........بدات تبص حواليها بعدم فهم........اتكلمت بصوت واطي
_انا فين
_حمدلله علي السلامة .........انتي في المستشفي
بصتلي بحزن اتكلمت وهي بتفتكر
_انا
_انتي حاولتي تنتحر يا ريم ولولا ان انا لحقت علي اخر لحظه ربنا وحده اللي يعلم كان حصل فيكي ايه ساعتها يا ريم
_انت دخلت البيت ازاي
_هو دا اللي همك مش همك كل اللي بقوله دا.........علي العموم هقولك........كنت ماشي وراكي بالعربية لحد ما وصلتي البيت علشان اطمن عليكي ولما طلعتي لقيت كريم باشا واخد فريدة ونازل من عندكم........مفهمتش في ايه بس قلقت عليكي وطلعت علشان افهم منك اللي حصل قعدت اخبط عليكي كتير مفتحتيش وبدات اقلق لحد ما كسرت الباب ولقيتك مرمية في المطبخ وغرقانه في دمك
بدات تعيط وتبص الناحيه التانيه
_ليه انقذتني.........كنت سيبني اموت وارتاح واريحهم
_عايزة تموتي يا ريم ........والناس اللي بيحبوكي مفكرتيش فيهم
_الناس اللي بيحبوني؟!........هما مين دول اللي بيحبوني نور اللي خنتني مع مازن وعملوا هما الاتنين خطة ولا تكون فريدة اللي قتلت مازن قبل فرحي بيومين........انا مفيش حد بيحبني ولا حد بيفكر فيا اصلا........يمكن موتي كان هيبقي ارحم ليا وليهم
_يااه لددرجه دي انتي انانيه ومبتفكريش غير في نفسك .........مفكرتيش لو حصلك حاجه عمو جمال اللي بيعتبرك اكتر من بنته هيعمل هي هو وطنط بعد اللي حصل ل مازن........تفتكري هيستحملوا بعد موت مازن ان يموت ليهم ابن تاني
_لو علي عمو جمال يمكن عندك حق يمكن هو فعلا بيعتبرني زي بنته اه وهيزعل شويه بس هينسي بعدها ولو علي طنط فهي اصلا مش بتحبني ولا هفرق معاها
_انتي عارفه كويس ان طنط بتحبك يا ريم حتي لو بتباين عكس كده........انتي حتي مفكرتيش فيا انا يا ريم........مفكرتيش ممكن يحصلي ايه لو انتي حصلك حاجه
_موتي مكنش هيأثر معاك يومين وكنت هتنساني يا كارم وهتنسي اني كنت في حياتك في يوم اصلا
_يا سلام........هو انتي مبسوطه بالسيناريو اللي رسمتيه في دماغك دا ومصدقاه.......ريم انتي عارفه كويس اوي اني بحبك وانا قولتهالك قبل كده بلاش بقي تعملي نفسك ناسيه الموضوع وتتعاملي عادي يا ريم.........انا الحاجه الوحيده اللي كانت بتصبرني وانا محبوس انك انتي مصدقاني ومصدقتيش اني ممكن اعمل كده وكنت واثق انك هتخرجيني منها
اتنهدت بعصبيه .........قومت وقفت واديتها ضهري غمضت عيني ورجعت ابص ليها واتكلمت بعصبيه
_عارفه يا ريم لو فكرتي في اللي عملتيه انهارده دا تاني صدقيني رد فعلي مش هيعجبك ابدا.........انتي لو مستغنيه عن روحك ف انا لا ومش معني انك اتعرضتي ل صدمه في حياتك من اقرب الناس ليكي انك تعملي في نفسك كده........ايا كان البنات غلطوا ولا لا دا مش معناه انك تموتي نفسك يا ريم
سيبتها وخرجت من الاوضه من غير ما اسمع منها كلمه .........كان لازم اعمل معاها كده........البنات غلطوا في حقها ومازن كمان غلط في حقها بس دا مش معناه انها تموت نفسها وتحرم اللي بيحبوها منها.........قعدت علي اقرب كرسي وطلعت تلفوني من جيبي .........طلعت رقمه واتصلت بيه
"نور"
كنت قاعده علي الارض ضامه رجلي ليا ولافه ايدي حوالين رجلي........كنت باصه عليها من بعيد وهي قاعده علي الارض وسانده راسها علي الحيطه.......للحظه صعبت عليا........مكنش ليها ذنب في اي حاجه حصلت انا كنت بعمل كده علشان عايزه ريم تكون لوحدها بس مكنتش اعرف ان فريده هتوصل لكده وانا اللي هوصلها بنفسي للطريق دا........فريده احن واحده فينا ومش بس صاحبتنا لو انا وريم اتحرمنا من حنيه الام ف فريده كانت بتعوضنا دا من وقت وفاة ميريهان اخت ريم وهي كانت ليا انا وريم الام والاخت........قومت من مكاني وقربت منها بس وقفتني واحده ومسكت ايدي
_علي فين يا حلوه
_في حاجه حضرتك
_حضرتك........حلوه حضرتك دي لا وجديده عليا كمان
_هو حضرتك عايزه مني ايه
_في رساله مبعوتالك يا حلوه معايا وانا عايزه اوصلهالك
_رساله ايه وتوصليلي ايه........مين اصلا اللي يبعتلي رساله معاكي انتي
_الباشا اللي بعتني ولا نسيتي الباشا كمان
بصتلها بصدمه وبدات ابعد عنها بلعت ريقي بخوف
_انتي.......انتي عايزه مني ايه
_الباشا بيقولك بعد كده يا حلوه لما تتكلمي ابقي اتكلمي علي قدك ومتهدديش الاكبر منك بعد كده.........وبعتلك هديه معايا
خرجت من جيبها سكينه وكانت هتضربني بيها.........غمضت عيني بخوف ودموعي نزلت.........حسيت ب صوتها وهي بتصوت
_اااه
فتحت عيني وبصيت قدامي لقيتها مرميه علي الارض والسكينه في بطنها.......اول ما شوفتها صوت وندهت عليها بصوت عالي
_فريده
وقعت علي الارض........فضلت سانده دماغها وقعت جمبها علي الارض
_فريده........لا لا فريده قومي علشان خاطري لا انتي هتبقي كويسه
بصيت حواليا لقيتهم كلهم بيتفرجوا وهي بعدت عننا.......اتكلمت بصوت عالي وانا بزعق فيهم
_انتو هتفضلوا واقفين كده حد يندهم يجيبوا الاسعاف بسرعه
مسكت ايدي وبدات تتكلم بصعوبه
_نور......قولي ل ريم اني كنت بحبها ......قوللها.....قوللها اني مظلومه والله انا عمري ما.......ما اذيت حد علشان ااذي روحي........ولو غلطت في حقك سامحيني يا نور انا والله بحبك وعمري ما فكرت ف اذيتك صدقيني
_لا لا.........فريده انتي هتبقي كويسه والله وهتقومي منها........والله هتبقي كويسه وهتخرجي من هنا........انا اللي استاهل اكون مكانك انا اسفه يا فريده انا اللي جيبتك هنا
_انا مسمحاكي المهم انتو تسامحوني
غمضت عينيها هزيت راسي ب لا وفضلت ازعق
_لا.......لا يا فريده........قومي علشان خاطري......
انا اسفه سامحيني .........لا يا فريده ارجوكي لااااا
........يتبع......