رواية انعدام ثقه الفصل الخامس عشر 15 بقلم رنا سليمان
_كارم هو انت جيبتني هنا ليه........اكيد مفيش حاجه حصلت صح
_انزلي يا ريم
_انزل فين يا كارم.......وانزل ليه......لا اكيد مفيش حاجه......ريحني وقولي ان مفيش حد من اللي بحبهم حصله كده........ارجوك قولي ان مفيش حد حصله حاجه
نزل كن العربيه........هزيت راسي ب لا وانا بمنع عقلي من التفكير حتي في الموضوع.......فتحلي باب العربيه ومد ايده ليا علشان يسندني.......اترددت وفكرت الف مرة امدله ايدي ولا لا لحد ما مسكت ايده ونزلت من العربيه.......قفل العربيه ومسك في ايدي........دخلنا........قرب من الشخص اللي كان واقف واتكلم معاه........رجعلي ومسك ايدي ودخلنا وهو كان قدامنا اول ما دخلنا لقيتها في وشي وكانت بتعيط ......بصتلها ب صدمه وهزيت راسي ب لا
_لا لا.......انتو اكيد بتهزروا صح.........اكيد فريده كويس اصل......اصل مينفعش يحصلها حاجه.........والله العظيم مينفعش انتو.......انتو بتعملوا كده علشان تعاقبوني علشان انتحرت مش كده يا كارم......نور اتكلم وقولي حاجه علشان خاطري........اتكلمت من وسط عياطها
_اخر حاجه قالتها انك بتبحبك وانها عايزاكي تسامحيها
_لا لا........والله مينفع انا مليش غيركم لو واحده فيكم راحت هعيش ازاي........قربت من السرير وشيلت الملايه اللي عليها ولقيتها نايمه ........رجعت خطوه لورا بصدمه وحطيت ايدي علي بوقي وهزيت راسي ب لا........رجعت قربت منها ومسكت راسها وبدات اتكلم
_فريده قومي يلا ..........قومي علشان خاطري.........طب والله انا سامحتك وعارفه انك متعمليش كده ومصدقاكي بس علشان خاطري بلاش تمشي........فريده انتي عارفه اني اكتر واحده بحبك في الدنيا دي هتسبينا وتروحي فين........يلا قومي وهنروح مع بعض مش هترجعي الحبس تاني.......قولها يا كارم اني مش هسيبها ترجع تاني بس تقوم
طبطب علي كتفي........زادت في عياطها وقربت مني وحضنتني........حضنتها وبدات ازعق
_قومي يا فريده علشان خاطري متسبينيش
_ادعيلها يا ريم......هي اكيد هتكون في مكان احسن
_انا السبب.......انا اللي المفروض اكون مكانها لو مكنتش حاميتني كنت انا اللي هبقي مكانها
بعدت عنها بغضب ومسحت دموعي وقربت منها وبدات اتكلمت بعصبية
_هو انتي السبب في دي بس يا نور.........انتي السبب في كل حاجه حصلتلنا من الاول كل اللي حصل دا بسببك انتي خيانتك ليا وتخطيطك مع مازن عليا حتي موت مازن بقيت متاكده انك انتي السبب فيه ومش مكفيكي كل دا لا دا انتي كمان اتسببتي في موت الانسانه الوحيده البريئه واللي كانت بتحبني بجد........انتي اكيد شيطانه
_عارفه اني غلطت وحقك تقولي اللي انتي عايزاه عليا.......بس متنسيش ان فريده كانت اختي زي ما كانت اختك بالظبط ومن حقي اني ازعل عليها زيك واكتر كمان
عليت صوتي.......زقيتها ب ايدي جامد
_حقك ايه........انتي مش بتقولي السبب في موتها.......حق اي اللي بتتكلمي عنه دا ........كفايه بقي .........اخرجي من حياتي بقي........بعد كل اللي عملتيه دا كانت بتدافع عنك وكانت هتيجي وتخرجك من التهمه دي لكن انتي مكنتيش تستحقي دا
شاورت علي السرير اللي هي نايمه عليه........واتكلمت وانا بعيط
_انهارده انا مخسرتش فريده بس انا خشرتك انتي كمان اعتبريني مت يا نور زيها وصدقيني حتي لو خرجتي من التهمه دي انا مش هسيبك غير لما اجيب حقها منك يا نور
قرب مني وشدني وطبطب علي كتفي.........كريم اخدها وخرجوا وهي خارجه اتكلمت بصوت عالي
_انا غلطت يا ريم وعارفه اني غلطت بس انا مش معناه اني هسكت علي ظلمك ليا وبرائتي هتظهر دلوقتي او بعدين بس انا لو اتكلمت انتي كمان هتموتي زيها وانا مش هعمل كده يا ريم
مشوا ........طبطب علي كتفي واتكلم بصوت واطي
_يلا يا ريم نخرج من هنا علشان انتي تعبانه
_سيبني مع فريده شويه يا كارم
_مينفعش يا ريم انتي لسه خارجه من المستشفي وتعبانه
_كارم دي اخر مرة هشوفها فيها وفي كلام كتير عايزه اقوله ليها لو سمحت سيبني معاها لاخر مرة
بص في الارض بيأس ورجع بصلي وهز راسه ب ماشي وخرج.....رجعت اقرب ليها ومسكت في ايدي وضحكت من وسط دموعي......بدات اتكلم ب حزن
_كده يا فريده هتسبيني وتمشي ........هتسبيني لوحدي اواجه كل اللي بيحصل دا طب علي الاقل كنتي استني اودعك
بصيت حواليا وكملت كلام
_كنت فاكره اني اخر مرة هدخل المكان دا يوم مازن واني مش هدخله تاني بس للاسف دخلته وفيكي انتي ........فريده انا انهارده بس عرفت قد ايه انا بحبك ومقدرش اعيش من غيرك هتسبيني وتروحي فين يا فريده.........انا عارفه ان المكان اللي هتروحيه احسن مليون مرة من هنا بس انا اعمل ايه من غيرك حتي نور مبقتش معايا وبسببها انتي روحتي مني
قربت من راسها وبوستها وانا بعيط ومسكت ايديها وبوستها واتكلمت وانا بقف علشان امشي
_مع السلامه يا احسن اخت في الدنيا عمري ما هنسي انك كنتي احن الناس عليا وكنتي اكتر من اخت ليا
خرجت برا........اول ما شافني قام وقف وقرب مني مسك ايدي واتكلم بهدوء
_انتي كويسه يا ريم
هزيت راسي ب اه واتكلمت بحزن وانا بمسح دموعي
_قالولك هنستلم الجثة امتي؟!
_بكرا الصبح
هزيت راسي ب ماشي وبعدين بصتله بحزن واتكلمت بتعب
_كارم ممكن توصلني البيت لو سمحت
_حاضر
"كارم"
رجعنا العربيه وركبتها وركبت في مكاني........سوقت لحد ما وصلنا بيتها........وقفت العربيه وبصتلها .........اتكلمت بهدوء
_ريم انتي كويسه صح
_بحاول ابقي كويسه
_تحبي افضل معاكي
_لا يا كارم لو سمحت........انا عايزه ابقي لوحدي
_متاكده
هزيت راسها ب اه
_طيب انا الساعه ٩ الصبح هاجي علشان اخدك
_لا يا كارم خليك انت انا
_ريم انا مش باخد رايك اكيد مش هتروحي لوحدك وانتي في الحاله دي انا الصبح هاجي اخدك ونروح المشرحه علشان نستلم الجثة ونطلع علي المدافن
هزيت راسها ب ماشي ونزلت من غير ما ترد عليا.......فضلت باصص عليها لحد ما طلعت البيت.......اتنهدت بعصبيه ومسكت التلفون واتصلت بيه اول ما فتح اتكلمت بعصبيه
_انت فين
_في الفيلا يا باشا
قفلت في وشه بعصبيه وسوقت علي الفيلا ب اقصي سرعه ........اول ما وصلت نزلت من العربيه ودخلت الفيلا وقفلت الباب جامد ورايا اول ما شافني اتكلم وعلي وشه ابتسامه
_حمدلله علي سلام
قبل ما يكمل كلامه خنقته ب ايدي وخبطت دماغه في الحيطه بعصبيه
_اه.......في ايه يا باشا مالك بس
_يعني انا اقولك خليهم يخوفوا نور في السجن يقوموا قاتلين فريده يا غبي........انت ورجالتك اغبي من بعض
اتكلم بصعوبه
_انا عملت اللي قولتلي عليه وقولتلهم يهددوها اعرف منين انهم اغبيه وهيموتوه فريده دي
.......يتبع.....