رواية انعدام ثقه الفصل السادس عشر 16 بقلم رنا سليمان

رواية انعدام ثقه الفصل السادس عشر 16 بقلم رنا سليمان

_هو انت زعلان علي اللي اسمها فريدة دي ليه يا باشا.........هو انت مش كل اللي يهمك ريم وبس

_مهو علشان كل اللي يهمني ريم وبس مكنش ينفع لا فريده ولا نور يموتوا يا غبي

_لا معلش مش فاهم........ليه مينفعش يموتوا يعني 

_علشان ريم بتعتبرهم اكتر من اخوات ليها وبتحبوهم اكتر من روحها وموت واحده فيهم هيكسرها

_دا علي اساس انها مكنتش بتحب جوزها اللي انت قتلته وحرقت قلبها عليه

_انا عملت كده علشان مازن خانها وانا حذرته بدل المرة الف بس هو اللي مأخدش بكلامي وفضل مكمل في اللي بيعمله دا علشان كده عملت اللي عملته دا

_لا بصراحه اقنعتني ........يعني هو علشان خانها ف انت روحت وقتلته.........وبعدين هو اي المكان الغريب اللي انت جايبنا فيه دا

اتكلمت بهدوء وانا بطلع المسدس من جيبي 

_لاني مش بحب اشوف ريم زعلانه لاني بحبها واللي يكون سبب في دمعة واحده تنزل من ريم هيكون مصيره الموت

اتكلم بقلق وهو واقف مكانه بخوف 

_انت تقصد ايه........اوعي تعمل اللي في بالك انت عارف كويس اوي انك من غيري خططك كلها هتبوظ وكل حاجه خططت ليها هتروح

_مش مهم........انت غلطت غلطه كبيرة في حق ريم وخلتها تخسر اكتر واحده بتحبها ولازم تتعاقب علي دا

رفعت السلاح ووجهته ليه........ضربت طلقه بسببها اترمي علي الارض.......قربت من جثته اللي كانت علي الارض واخدت تلفونه من جيبه..........وجهت كلامي ليهم وانا بديهم ضهري وبمشي 

_اخلصوا من جثته

مكنتش عايزه فريده تموت او كنت اقصدها اصلا........الحكايه كلها انا كانت في المكان الغلط والوقت الغلط........نور هي السبب في كل اللي حصل دا .........لو مكانتش اتفقت مع مازن انه يلعب عليها ويمثل حبه ليها من الاول مكنتش اضطريت اني اقتله ابدا

قبل الحادثه بيومين

_مازن انا عرفت كل حاجه 

_عرفت اي يا كارم مش فاهم

_مازن انت فاهم كويس انا بتكلم عن ايه........لعبتك انت ونور اللي بتلعبوها علي ريم

_لعبه ايه دي يا كارم .........وانا هلعب علي ريم ليه مش فاهم بجد

_مازن انا عرفت انك اتفقت مع نور انك توهم ريم بحبك ليها وبعدين تكسر قلبها وتسيبها قبل الفرح 

_ايه الفيلم اللي انت بتقوله دا يا كارم.......وانا هعمل كده ليه........انا بحب ريم يا كارم وفرحي عليها يوم الخميس لو مش واخد بالك........عن اذنك بقي علشان انا فرحي قرب وورايا مليون حاجه اعملها ومش فاضي لتخيلاتك دي

كان هيمشي بس مسكت في ايده وبدات اكلمه بعصبيه

_صدقني يا مازن لو فكرت بس انك تسيب ريم يوم الفرح ولا حتي جربت تقابل نور صدقني هيكون يوم فرحك هو يوم جنازتك وانت عارفني كويس الكلمه اللي بقولها بكون قدها

شال ايدي من علي ايده واتكلم بهدوء وهو باصصلي وعلي وشه ابتسامه

_بلاش كلامك دا يا كارم احسن خوفت منك ........اوعي تفكر تمد ايدك دي عليا تاني.......ولو علي ريم متقلقش عليها انا اكتر واحد بخاف عليها في الدنيا دي لانها روحي وعمري ما افكر اني اذيتها........انا عارف انك بتخاف عليها زي اختك بس ملهوش داعي خوفك دا لانها دلوقتي بقيت متجوزة ومتجوزة صاحب عمرك ف احسنلك تبعد عن ريم بدل ما تخسرني يا كارم

_انا قولتلك اللي عندي يا مازن والله العظيم انا مستعد اعمل اي حاجه مقابل ان ريم متتاذيش من اي حد في الدنيا ايا كان الحد دا مين

_قولتلك يا كارم انا اكتر واحد هحافظ علي ريم واحبها........دفاعك عنها وخوفك عليها دا هيخليني اتاكد من شكي اللي بحاول ابعده عن تفكيري وساعتها هخسرك بجد

سابني ومشي من غير ما يديني فرصه اتكلم........سابني بعد ما كذب عليا .......انا واثق ان هو ونور بينهم حاجه ..........من اسبوع طلعت من اوضه العمليات وخلصتي عمليتي قبل العمليه بتاعته ما تخلص ولما دخلت المكتب بتاعنا ولقيت تلفونه بيرن.......قربت من تلفونه ولقيت نور اللي بترن.......قبل ما ارد عليها كانت قفلت........سيبت التلفون وكنت هرجع علي مكتب بس اتبعتله رساله.......مسكت التلفون وكانت رساله منها.......كانت ظاهره قبل ما افتح التلفون

"وحشتني يا حبيبي........هستناك الساعه ٩ انهارده في الشقه بتاعتكم"

اتصدمت لما شوفت الرساله........مسحتها علطول ورجعت الموبايل مكانه.......فتح المكتب .......اتكلم وهو بيقفل الباب

_خلصت عمليتك

_اه.......لسه مخلصها من خمس دقايق

_مالك في اي

_مفيش انا بس تعبان شويه بقالي كتير منمتش ف عايز انام بس

_طيب ما تنام علي الكنبه وانا ساعه وهصحيك

_لا........انا محتاج اروح

_تروح ايه يا ابني انت ناسي ان عندك نبطشايه انهارده ولا لا

_شيلني انت يا مازن بقي وانا هشيل عنك بكرا يلا سلام

اخدت الجاكيت بتاعي وخرجت من المكتب قبل ما يرد عليا.......اول ما خرجت طلعت تلفوني واتصلت بيه واتكلمت وانا ماشي بعصبيه

_هبعتلك عنوان تكون هناك من الساعه ٨ وتعمل اللي هقولك عليه بالظبط

_تحت امرك

"نور"

عدا ٣ ايام العزا ومقدرتش احضر جنازتها ولا حتي اودعها.......كان وخدني علي مكتب كريم باشا ........كنت ماشيه معاه ساكته ومش بنطق بحرف.........اول ما دخلت المكتب لقيتها........اول ما شوفتها اتكلمت وانا مش فاهمه حاجه

_ريم

اتكلمت وهي بتبصله بحزن واتكلمت بهدوء

_كريم بيه........ممكن تسيبنا نتكلم بس خمس دقايق

_اكيد.......انا برا لما تخلصوا كلام اندهي عليا علشان نتكلم

هزيت راسها ب حاضر........قام من علي مكتبه وخرج........عيني كانت عليه لحد ما خرج وقفل الباب وراه........رجعت بصيت ليها وانا مش فاهمه حاجه.......شاورتلي علشان اقعد.......قعدت ........فضلنا احنا الاتنين ساكتين........بعد دقيقتين بدات تقطع سكوتنا واتكلمت

_عجبك اللي وصلنا ليه دا يا نور........انا بس كان عندي سؤال واحد بس........ليه .........ليه وصلتينا لكده ايه السبب اللي يخليكي تدمري حياتنا كلنا كده........شوفتي مني اي وحش انا ولا حتي فريدة........دا حتي مازن مأذكيش علشان تكوني السبب في موته بالعكس دا حبك انتي بس

_والله العظيم ما قتلته

_مش هتفرق........لانك عارفه مين اللي قتله وساكته ومش عايزه تتكلمي

فضلت ساكته وباصه في الارض

_علي فكرة يا نور انا عمري ما اذيتك في يوم........بالعكس انا كنت بحبك انا وفريده........كنا بنعتبرك اخت لينا.......كنا بنعمل كل اللي نقدر عليه علشان تبقي زيك زينا ويمكن كنا عايزينك احسن مننا كمان.......حتي لما ميريهان حذرتني منك وقالتلي انك مش بتحبيني مصدقتهاش وقولتلها انك عمرك ما تعملي كده.......ليه يا نور عملتي كل دا ........اذيتك في ايه انا ولا هما......ليه وصلتينا لنقطه مستحيل نرجع منها زي الاول 

عليت صوتي وبدات اتكلم بعياط وانا بقف........بدات اتكلم وانا بوطي صوتي

_غيرت يا ريم منك انتي بالذات........من يوم ما دخلتي حياتي وانا بتقارن بيكي وبفريدة........اهلي كانوا بيحبوكم اكتر مني وكانكم انتو اللي بناتهم مش انا

حطيت ايدي علي قلبي وعياطي زاد

_غيرت لما حتي الانسان اللي حبيته حبك انتي واختارك انتي وسابني

_انتي اللي عملتي كده لما طلبتي منه يجي ويمثل حبه ليا علشان يكسر قلبي وتاخدوا فلوسي

عليت صوتي........اتكلمت ب انكار وانا باصه في الارض

_محصلش......محصلش

_يعني ايه محصلش 

_يعني محصلش يا ريم

رفعت راسي من الارض وبصيت ليها بحزن وكملت كلامي

_ايا كان مين اللي قالك كده او عرفتي الكلام دا منين بس دي مش الحقيقه يا ريم........انا عمري ما فكرت في كده.......مازن هو اللي قالي نعمل كده وحاول يقنعني بكل الطرق وانا كنت رافضه في الاول

سكت ١٠ ثواني وكملت كلامي

_بعد كده كان بيقولي لو عملنا كده وقدرنا ناخد منك فلوسك ساعتها هنقدر نتجوز ونكون مع بعض.......علشان بحبها وافقت........كنت غبيه و وافقت ومكنتش عارفه اننا هنوصل لكده ابدا

قامت وقفت .......ادتني ضهرها........فضلت باصه في الارض........رجعت بصيت ليا واتنهدت بتعب وبدات تتكلم وهي مغمضه عنيها 

_نفسي اصدقك يا نور.........بس مبقتش قادرة حتي اصدقك والسبب في دا انتي ........انتي وصلتينا لمرحلة اني حتي مش قادرة افرق بين انك بتكذبي عليا ولا حتي بتقولي الحقيقه.........بس في نفس الوقت مش قادرة اسيبك في اللي انتي فيه دا وانسي اللي كان بينا في يوم........انا هساعدك يا نور........هساعدك علشان انا وانتي كنا في يوم اخوات حتي لو انتي نسيتي دا ومعملتيش بقي ف انا منسيتش 

بصيت ليها وانا عيوني كلها دموع وفضلت ساكته  ........قربت من الباب وفتحته........دخل المكتب وهي وقفت قدامي.......الباب اتقفل.......اتكلمت وهي باصه ليا 

_لازم تحكيلنا كل اللي حصل انا وكريم باشا علشان نقدر نساعدك.........انتي الوحيده يا نور اللي هتحلي القضيه دي

اتكلم وهو بيقعد علي الكرسي قدامي 

_نور انا عارف انك هتخرجي منها ومتاكد انك مظلومه بس انتي لازم تتكلمي علشان تساعدي نفسك قبل ما تساعدينا

_بس انا معرفش مين القاتل الحقيقي

_انتي مش كنتي هناك ساعه الجريمه

شبكت ايدي في بعض وبصيت في الارض وفضلت ساكتع لثواني ورجعت كملت كلام

_انا فعلا كنت حتي لحد ما كارم وصل وبعدين معرفش ايه اللي حصل

_مش فاهم يعني ايه متعرفيش حاجه وانتي كنتي هناك

.......يتبع....

                الفصل السابع عشر من هنا 

        لقراءة جميع فصول الرواية من هنا 

تعديل المقال