رواية انعدام ثقه الفصل الثالث 3 بقلم رنا سليمان
_اللي بتعمليه في نفسك دا غلط يا ريم ........انتي كده بتموتي نفسك بالبطيء
_عايزني اعمل ايه وانا جوزي اتقتل ولحد دلوقتي معرفش اللي قتله ولا قتله ليه
_ كل حاجه واضحه يا ريم القاتل هو كارم واتمسك.......لي مصممه انك تتعبي نفسك بالشكل دا
_ لا يا نور مش كارم اللي عمل كده .......في حاجه غلط بتحصل وانا لازم اوصلها واعرف مين هو القاتل الحقيقي
_ولي اللي يخليكي متاكده انه مش القاتل وان في حاجه غريبه حصلت ساعه الحادثه
_كارم حكالي اللي حصل يوم الحادثه وقالي انه في حاجات مش فاكرها وان تقريبا حد حطله حاجه في الاكل اللي اكله وهو السبب في انه مش فاكر حاجه
_وانتي صدقتيه يا ريم........انا بجد مش مستوعبه انك بتفكري بالطريقه دي ........ازاي لحد دلوقتي بتثقي في كارم دا بعد كل اللي عمله
_منكرش اني شكيت فيه في الاول يا نور وقولت هو اللي عملها بس بعد ما اتكلمت معاه اتاكدت ان مش هو اللي عملها........انا واثقه ان مش كارم القاتل يا نور بس للاسف معنديش دليل.......كارم لما حكالي اللي حصل يوم الحادثة قالي ان مازن كان بيخوني مع واحده وكانت موجوده ساعه اللي حصل
_ايه اللي انتي بتقوليه دا مستحيل يكون بيقول الحقيقه.......ريم حبيبتي انتي اكتر واحده عارفه قد ايه مازن الله يرحمك كان بيحبك ومستحيل انه يخونك
_كارم قالي ان جاتله رسايل وصور علي تلفونه ل مازن ومعاه واحده .........قالي ان وش البنت دي مكانش باين لو بس نعرفها القضيه كلها هتتحل
_مش هتلاقيها يا ريم ........مش هتلاقيها لان مازن الله يرحمه عمره ما خانك علشان يكون في واحده من الاساس
_وكارم هيكذب ليه يا نور
_علشان بيغير من مازن وعايزك تكرهيه ب اي شكل
_ليه يعني يا نور هيغير منه ليه ........ايه اللي عند مازن مش عند كارم علشان يغير منه
_انتي يا ريم
بصتلها بعدم فهم وبدات اتكلم بهدوء
_مش فاهمه .......قصدك اي يا نور
_لا يا ريم انتي فاهمه قصدي كويس اوي وفاهمه انا عايزه اقول ايه.........كارم بيحبك ومن وانتو صغيرين يا ريم طول عمره بيحبك ولما لاقي مازن اخدك منه بدا يغير منه وحاول يقتله علشان يخلص منه ويكون هو اللي قدامك ويعترفلك بحبه ويكون معاكي
_ايه اللي بتقوليه دا يا نور انا طول عمري شايفه كارم اخويا الكبير زيه زيك بالظبط اكيد اللي بتقوليه دا مش صح
_انتي بتشوفيه اخوكي لكن هو لا يا ريم كارم كان بيحبك ولسه بيحبك وعلشان كده قتل مازن.......اوعي تصدقي انه بريئ ........سيبي القضيه دي لمحامي تاني وانسي اي حاجه تخص كارم لانه قاتل وقتل جوزك اللي كان صاحب عمره واللي ممكن يأذيكي انتي كمان
كنت بسمعها وانا في حاله صدمه ومش مصدقه اللي بتقوله .........سابتني وخرجت من الاوضه فضلت افمر في كلامها وانا مش مصدقه اللي قالته ........فضلت افكر في كلامها وافتكرت الكلام اللي قاله كارم ليا اخر مره قابلته في القسم
"انا معنديش مشكله اني اكمل باقي عمري هنا او حتي اتعدم بس الاهم بالنسبة لي انك تكوني واثقة ومتاكدة اني عمري ما هعمل حاجة تاذيكي ابدا"
فضلت افكر في كلامه ومش قادره اعرف اذا كان كلام نور حقيقي ولا لا..........لازم اروحله واتاكد منه
"جمال"
_يعني ايه يا طه القاتل يبقي كارم.......اكيد في حاجه غلط يبني
_كل الادله اللي قدامنا بتدل ان هو القاتل يا خالو مفيش دليل بيقول عكس كده
_انا مش مصدقه بقي كارم اللي كان هو ومازن روحهم في بعض وكانوا اكتر من اخوات يوصل بيهم الحال لكده انا بجد مش مصدقه ........حسبي الله ونعم الوكيل في اللي كان السبب انهم يوصلوا للحاله دي
_انا واثق ان كارم معملش كده كارم زي مازن ابني بالنسبه ليا وواثق انه مستحيل يعمل كده اكيد في حاجه غلط
_هو انت ليه مصمم تدافع عن قاتل ابنك زي ما مصمم تدافع عن اللي اسمها ريم دي
_وهي ريم كةن ذنبها اي يا عبير
_هي السبب في اللي حصل.......لو مكنش راح الشقه في الوقت دا مكنش اتقتل وكان زمانه وسطنا دلوقتي
_هي ريم اللي قالتله يروح الشقه ولا هي اللي بعتت اللي قتله علشان يقتله.......انا سمعت كلامك وخلتها بعيد عن القضيه وطلبت منها متحضرش الجنازه علشانك بس دا ميمنعش ان حقها انها تحضر...........بس كفايه يا عبير تظلمي البنت بالشكل دا لانها ملهاش ذنب في اي حاجه
_ملهاش ذنب فعلا بدليل انها راحت وبقيت المحاميه بتاعت كارم القاتل
_بطلي تقولي عليه قاتل لاني واثق انه معملش كده ........كارم دا احنا اللي مربينه وانا اكتر واحد عارف هو بيفكر ازاي و واثق انه مستحيل يعمل كده
_يا جماعه مش وقت الخناق دا خالص.........احنا المفروض نهدي لان اللي بتعملوه دا مش هيوصلنا لحاجه ..........حق مازن هيرجع يا طنط واللي عمل كده هياخد جزاءه سواء كارم او غيره ........الحقيقه هتظهر قريب
_يا رب يا فريد يا ابني......يا رب كل حاجه تظهر والكل يرتاح
قعدت علي الكرسي بتعب وبصيت في الارض بحزن وانا مش مصدق كل اللي بيحصل........مش مصدق ان ابني اىلي كنا بنجهز لفرحه اللي كان فاضل عليه يوم واحد يتقتل وعلي ايد صاحب عمره واخوه كارم........مش قادر اصدق ان خلاف بينهم يوصل للقتل .........دول كانوا اكتر من اخوات ........مبقتش قادر افكر في حاجه كل اللي عايزه ان حق ابني يرجع ومش عايز حاجه تانيه
"كارم"
_قدامكم خمس دقايق بس يا استاذه ريم
_شكرا يا حضره الظابط
سابنا في المكتب وخرج اول ما خرج بصتلي وشاورتلي اني اقعد.......قعدت قدامها .......اتكلمت بهدوء
_كارم في حاجه انا عايزه اسالك عنها
_اسالي يا ريم
_انت قولت انك عندك استعداد انك تكمل حياتك كلها في السجن او حتي تتعدم بس اهم حاجه عندك اني اكون واثقه فيك
_ايوه.........اهم حاجه عندي انك تكوني عارفه الحقيقه
_اشمعني انا بالذات
_علشان انتي اكتر حد يهمني وزي اختي الصغيره وبخاف علي زعلك
_دا السبب الوحيد!
_ اكيد يا ريم اومال هيكون ايه السبب
_انك بتحبني مثلا!
_بحبك!.......اي اللي بتقوليه دا يا ريم احبك ازاي انتي زي منه اختي
_اومال ايه اللي يخليك تتخانق مع مازن وترفع عليه سلاحك لما عرفت انه بيخوني
فضلت ساكت وباصص في الارض
_يعني بتحبني بجد يا كارم.........كده كل حاجه بقيت واضحه.........مازن كان عارف بحبك ليا وانت لما شوفت الصور والرسايل اللي اتبعتتلك واللي بعتها كان عارف انك بتحبني علشان كده بعتها ليك روحتله علشان تقوله ان اللي بيعمله دا غلط وانه مينفعش يخوني هو رفض الكلام واتخانقتوا مع بعض لحد ما انت رفعت المسدس وقتلته بيه مش كده
_لا يا ريم.........ايوه انا بحبك وبحبك اكتر من نفسي كمان بس انا لما عرفت انك بتحبيه هو ووافقتي بيه لما جاه يتقدملك بعدت عنكم ونسيت حُبي ليكي وقولت انسي لان سعادتك اهم حاجه عندي ولما جاتلي الرسايل دي اتعصبت وروحتله علشان احذره واه رفعت عليه المسدس من غضبي بس والله ما قتلته
_ايه اللي يخليك متاكد كده طالما انت مش فاكر حاجه
_علشان عارف نفسي كويس وعارف اني مستحيل اعمل كده.......ارجوكي يا ريم صدقيني
_مش قادره اصدقك ولا قادره اني اسيبك ........الادله كلها ضدك وكلها بتاكد انك انت القاتل بس في نفس الوقت في حاجه جوايا بتقولي اصدقك لاني عارفاك من واحنا صغيرين وعارفه انك مستحيل تقتل..........الحاجه الوحيده اللي هتنقذك من هنا انك تفتكر اللي حصل.......حاول تفتكر اي حاجه او حتي حاول تفتكر مين البنت اللي كانت مع مازن يمكن نوصل لحاجه
_بحاول والله بس مش قادر افتكر حاجه حاسس ان البنت دي انا اعرفها او شوفتها قبل كده بس مش فاكر هي مين ولا شوفتها فين
_حاول يا كارم تفتكر حتي شكلها او ملامحها
فضلت باصص عليها وساكت وانا بحاول افتكر اي حاجه
بصيت في الارض وغمضت عيني بتعب
......يتبع....