رواية انعدام ثقه الفصل السابع 7 بقلم رنا سليمان
_هتصدقي امتي ان نور دي عمرها ما حبيتك وطول عمرها بتغير منك
_هو احنا مش هنخلص من الموضوع دا يا ميريهان
_لا يا ريم مش هنخلص وانا مش ههدأ غير لما تبعدي عن اللي اسمها نور دي خالص
_انا مش فاهمه ليه طول الوقت بتحاولي تطلعي نور وحشه.........يا ميرو يا حبيبتي نور دي صاحبتي من ابتدائي وانا عارفاها كويس نور بتحبني زيك بالظبط
_هو انتي ايه الطيبه اللي انتي فيها دي.........يا حبيبتي دي اكتر واحده بتكرهك وبتكره الخير ليكي.........طول عمرها بتغير منك انتي نسيتي هي عملت ايه في اخر قضيه كسبتيها
_منستش بس انتي عارفه ان وقت القضيه كان باباها لسه متوفي وكانت لسه في صدمه موته وانا مش هلومها علي نرفزتها وقتها لانها مكنتش في وعيها ساعتها بسبب حزنها علي باباها........وبعدين ثانيه واحده انتي ليه طول الوقت بتحاولي تطلعي نور وحشه وبتكرهني وعمرك ما قولتي حاجه عن فريده
_علشان فريده طيبه شبهك وبتحبلك الخير زيي بالظبط وعمرها ولا غارت منك ولا كرهتك زي نور
_ميريهان انا تعبانه بجد ومش قادره اتخانق معاكي ارجوكي اقفلي علي الموضوع دا انا ولا عيله صغيره مبعرفش افرق بين اللي بيحبني واللي بيكرهني ولا نور بتغير مني زي ما انتي فاكره........نور وفريده زيك عندي بالظبط وعمرهم ما هيأذوني علشان بيحبوني قد حبي ليهم
اتنهدت بحزن وقربت مني.......طبطبت علي كتفي واتكلمت بهدوء
_ماشي يا ريم براحتك..........بس مترجعيش تعيطي لما تعرفيها علي حقيقتها في يوم لان ساعتها ندمك مش هيفيد بحاجه
فوقت من سرحاني علي صوت باب الشقه وهو بيتقفل.........وقفت مكاني ومسحت دموعي وخرجت من الاوضه
"كارم"
كنت قاعد علي الارض ساند راسي علي الحيطه وضامم رجلي الاتنين ليا وحاطط ايدي عليهم.........غمضت عيني وانا بفتكر اللي حصل بيني انا وريم
كانت قاعده علي الكرسي بتعيط وباصه في الارض بدات اتكلم وانا واقف قدامها بعصبيه
_لا يا ريم مستحيل تكون فريده اكيد في حاجه غلط
_تفسر ب ايه لون شعرها الاحمر اللي غيرته فجاه واللي نفس لون شعر البنت اللي كانت مع مازن
_بس فريده مكنتش في مصر ساعتها
_فريده رجعت مصر يوم الحادثه الصبح يا كارم ومقالتليش انها راجعه ولا حتي شوفتها غير من يومين بس والهدوم دي انا جايباها من دولابها ........بردو هتقولي في حاجه غلط
_مش معني ان الادله كلها ضدها يبقي هي اللي كانت مع مازن يا ريم
_متحاولش يا كارم فريده هي البنت اللي بندور عليها
_لا مستحيل فريده عمرها ما تخونك يا ريم
_ميريهان طول الوقت كانت بتحذرني من نور وقد ايه هي بتكرهني وبتغير مني وان فريده هي اللي بتحبني لاول مره تكون غلطانه في حكمها علي الناس .........لاول مرة تغلط في حكمها علي الناس كان المفروض تحذرني من فريده مش من نور
_لا يا ريم .......فريده طول الوقت كانت بتحبلك الخير وبتفرح لفرحك ازاي ممكن تعمل كده ........انتي ازاي مصدقه ان هي اللي كانت مع مازن ازاي في الوقت اللي انتي واثقه فيا انا فيه تشكي في اقرب الناس ليكي واللي بتعتبريها زي اختك واكتر
_الادله كلها ضدها
_الادله كلها ضدي انا كمان اشمعني بتدافعي عني وهي لا
_تقرير الطب الشرعي طلع.........مازن مات قبل ما يجوا لموقع الجريمه ب ٣ ساعات تقريبا ايا كان نوع المخدر اللي انت اخدته مش هياخد كل الوقت دا علشان تفوق يعني انت فوقت قبل ما الشرطه تيجي وحاولت تفوقه ومن الصدمه قعدت جمبه مش مصدق اللي حصل مش كده
فضلت ساكت وباصص عليها بهدوء
_مقدرتش اسيبه وامشي حاولت انقذه وكان عندي امل كبير ان دا يحصل لكن مقدرتش لما البوليس جاه مقدرتش اهرب واخدوني ساعتها.......بس انا مش مهم المهم دلوقتي انك تتاكدي ان مش فريده هي البنت اللي بندور عليها
_انت مش مبسوط اننا لقيناها
_اكيد لا فريده بالنسبه ليا وليكي اخت ومستحيل افرح باللي بتقوليه دا ابدا
الظابط دخل المكتب واتكلم وهو بيقرب من مكتبه
_افتكر كفايه اوي كده........خده يا طارق علي الحجز
_تحت امرك يا باشا
اخدني من ايدي وخرجني من المكتب .........فضلت باصص عليها لحد ما خرجت........كانت قاعده علي الكرسي وبتعيط........لاول مرة اشوف فيها ريم ضعيفه بالشكل دا حتي موت مازن مخلاهاش مكسوره كده عارف انه صعب عليها واللي وجعني اكتر اني مش قادر اقف جمبها ولا اساعدها اني اشوفها مكسوره وضعيفه دا اكتر حاجه وجعاني لاني مش قادر اساعدها خالص
فوقت من سرحاني علي صوت عالي........بصيت لقيت الكل ملموم حوالين بعض...... قربت منهم بسرعه ودخلت وسطهم لقيت راجل كبير مرمي علي الارض........قربت منه بسرعه ونزلت جظبه علي الارض.........بدات اقيس نبضه وكان ضعيف جدا.........العسكري دخل وبدا يتكلم بعصبيه
_في ايه انت وهو صوتكم عالي كده ليه........وسعلي انت وهو
وقف قدامي واتكلم بصدمه
_في ايه.........انت عملت فيه ايه
_نبضه ضعيف جدا ولازم يتنقل المستشفي خلال ربع ساعه بالكتير ياما مش هنقدر نلحقه
فضل واقف وساكت اتكلمت بعصبيه
_انت هتفضل واقف كده كتير
_حاضر حاضر
خرج من الحجز........بدات اضغط علي قلبه ب ايدي الاتنين علشان قلبه اللي كان واقف يرجع تاني
"ريم"
_حمدلله علي سلامتك يا فريده
_ريم.......انتي رجعتي امتي ........انتي مش قولتي عندك شغل كتير في المكتب
_قولت اخلصه هنا احسن .........مدايقه من وجودي؟
_وانا اديق ليه بس يا ريم انا بس استغربت.........انا هدخل اعمل الاكل علشان لما نور تيجي نتغدا مع بعض
قربت من المطبخ وكانت هتدخله بس كلامي وقفها
_ليه يا فريده
وقفت مكانها وبصتلي ب استغراب وهي مش فاهمه
_ليه ايه يا نور
اتنهدت وغمضت عيني........بدات اتكلم بهدوء وانا بقرب منها
_قبل موت ميريهان بيوم انا وهي اتخانقنا خناقه كبيره اوي بسبب نور وانتي
_بسببي انا ونور.........ليه بسببنا
_كانت بتحذرني من نور وقد ايه هي بتكرهني وبتغير مني واني لازم ابعد عنها وقد ايه انتي بتحبيني وبتحبي تشوفيني ناجحه لدرجه اني حسيت ان انتي اللي اختها من كتر حبها فيكي عارفه ساعتها انا كذبتها وقولتلها انكم اكتر من اخوات بالنسبه ليا .........قولتلها مستحيل يخونوا ثقتي فيهم ابدا بس للاسف.........انهارده اتاكدت انها كانت صح وانا اللي غلط وفعلا في اللي بتغيري مني وبتكرهني بس للاسف مش نور
_اومال مين يا ريم
_عايزه تعرفي يا فريده؟!
_طبعا علشان اقف معاكي ونجيب حقك منه
_مش هتعرفي تجيبلي حقي منه........هيبقي صعب بالنسبه ليكي
_لي هو حد اعرفه؟!
_جدا.........الشخص دا يبقي انتي يا فريده
_نعم..........ايه اللي بتقوليه دا يا ريم هو دا وقت هزارك
_بس انا مش بهزر ........البنت اللي كان مازن بيخوني معاها هو انتي يا فريده........رجوعك القاهره في نفس يوم الحادثه وشعرك الاحمر وهدومك اللي كنتي لبساها يوم الجريمه كشفوكي........ساكته ليه اتكلمي وردي عليا
صوتي بدا يعلي
_ردي عليا يا فريده وقوليلي عملتي كده ليه
اتكلمت بصوت اعلي من صوتي بعصبيه
_كفايه.........كفايه اللي بتقوليه دا
........يتبع.....
لقراءة جميع فصول الرواية من هنا