رواية انعدام ثقه الفصل الثامن 8 بقلم رنا سليمان
_ريم ذكيه ولو شكيت ان فريده مش هي اللي بتدور عليها وحسيت اني انا اللي كنت مع مازن مش هتسكت غير لما تتاكد من احساسها
_وانا مش هسمح ان دا يحصل طول مانا عايز كده.........لكن اتاكدي يا نور انك لو فكرتي تخونيني انا كمان ساعتها هتزعل من اللي هعمله.........انا مش بس هكشفك قدام ريم لا انا هعمل الاسوء من كده.........ساعتها موتك هيكون علي ايدي بنفس الطريقه اللي مازن مات بيها والمتهم المرة دي مش هيكون كارم لا المرة دي هتكون ريم..........انا اه بحبها بس بحب نفسي اكتر ولازم احمي نفسي منك لانها ساعه ما هتعرف الحقيقه وانك انتي اللي هي بتدور عليها ساعتها هيكون في خطر عليا ولازم احمي نفسي
_متقلقش........انا مستحيل اخونك مش علشان خايفه منك بالعكس انت اكتر واحد انا عمري ما اخاف منك علشان انت صريح ومش بتاع كذب ولا خداع علي الاقل معايا انا بس عدم خيانتي ليك لاني انا اللي عايزه ريم تعيش في الحاله اللي هي عايشه فيها دي باقي عمرها زي ما انا اتأذيت في حياتي كلها بسببها
قومت وقفت واخدت شنطتي واتكلمت قبل ما امشي
_انا لازم امشي دلوقتي علشان ارجعلها ........هي اكيد مدايقه ولازم اكون معاها حاليا
خرجت من المكان قبل ما يرد عليا ........كنت ماشيه بثقه .........كل حرب لازم يكون فيها ضحايا بيكون ملهمش ذنب في الحرب دي وبيكونوا برئين من الحرب دي بس لازم نضحي بيهم علشان نكمل الحرب مع الاشخاص اللي اذونا ودمروا حياتنا..........كارم وفريده هما ضحايا الحرب دي ........علي قد حبي ليهم بس لازم اعمل كده علشان اوصل لهدفي واخلي ريم حياتها تدمر وتخسر كل حاجه.........هخليها تخسر كل اللي بتحبهم واحد واحد وتكون وحيده
"فريده"
وقفت عربيتي قدام النيل نزلت منها وقفلت الباب.........وقفت قدام النيل وفضلت واقفه ساكته لحد ما حد جاه واتكلم جمبي
_سكوتك مش هيغير حاجه
_افندم؟!
_واقعه في مشكله صح
_وحضرتك عرفت منين اني واقعه في مشكله
_اغلب اللي بيجوا هنا قلبهم مكسور بسبب الحب او عندهم مشكله مش قادرين يحلوها وفي الحالتين وجودهم هنا مبيبقاش صح
_ليه مبيبقاش صح؟!
_لو حد واقع في مشكله لازم يفكر في حل ليها مش يجي هنا ويقف بكل غباء من غير ما يفكر حتي يحلها ازاي........حل مشكلتك هتلاقيه لما تقعدي وتفكري مع نفسك مش لما تيجي هنا وتتاملي في النيل
_بس انا مش عايزة احل المشكله اللي عندي.........انا بس عايزه ابقي لوحدي شويه
_خناقه مع حبيبك
_اما معنديش حبيب
_يبقي صاحبتك
سكت بحزن وبصيت ناحيه النيل وانا بمنع دموعي انها تنزل
_يبقي انا صح.........شكلك بتحبيها اوي علشان كده زعلانه علي خناقتكم مع بعض........مهما كانت الخناقه كبيره لو هي فعلا بتحبك هتيجي وتصالحك متقلقيش
_مبقتش عايزه انها تسامحني او تكون في حياتي من بعد النهارده
_للدرجه دي الخناقه بينكم كانت كبيره
فضلت ساكته ومردتش
_علي فكره انتي لو متكلمتيش ومطلعتيش اللي جواكي ممكن يحصلك حاجه من الحزن........اتكلمي وطلعي كل اللي جواكي ومتقلقيش انا شخص مجهول بالنسبه ليكي لا تعرفيني ولا اعرفك و ٩٠% مش هتشوفيني تاني
بصتله بهدوء ورجعت بصيت للنيل اتنهدت بحزن وبدات اتكلم
_هي مش بس صاحبتي هي اختي واقرب الناس ليا هي وصاحبتنا التالته.........بثق فيهم اكتر ما بثق في نفسي.........انهارده خسرتهم ب اسوء طريقه ممكن الانسان يخسر بيها حد بيحبه........شكيت فيها وفكرت اني بخونها مع جوزها اللي اتقتل........شخص حاول يحط قدامها ادله ضدي علشان تصدق اني انا اللي خونتها وللاسف هي صدقت
ضحكت بسخريه وانا بمسح دموعي اللي نزلت غصب عني وكملت كلام
_صدقت الادله وكذبتني انا مع ان صاحب جوزها متهم بقتله والادله كلها ضده وصدقت انه بريئ..........صدقت براءة الغريب لكن برائتي انا لا..........كذبت سنين العِشره اللي بينا وصدقت ادله كلها غلط وكلها من شخص همه الوحيد اننا نبعد عن بعض وانها تكون وحيده
_انتي عارفه مين الشخص دا
بصتله وفضلت ساكته..........هزيت راسي ب لا..........سيبته ورجعت لعربيتي بسرعه من غير ما اتكلم معاه ركبت العربيه وكنت لسه هتحرك..........لقيت عربيه نقل كبيره جايه بسرعه كبيره ناحيه عربيتي .........حاولت ادور العربيه علشان امشي بيها بس ملقيتش المفتاح حاولت انزل من العربيه بسرعه بس العربيه التانيه كانت اسرع مني ودخلت في عربيتي بسرعه
"ريم"
كنت قاعده علي مكتبي وباصه لصورتي انا ومازن والبنات وكارم يوم كتب الكتاب بتاعنا وبفتكر اللي حصل يومها
كان ماسك ايدي وبيبعدني عن الناس اللي موجوده........وقفنا بعيد عز الناس وبدا يتكلم وهو ماسك ايدي
_انا لحد دلوقتي مش مصدق انك خلاص بقيتي ليا
_ولا انا يا مازن انا حاسه اني في حلم
_لا يا حبيبتي دي حقيقي........خلاص مبقاش فيه حاجه تبعدنا عن بعض........ربنا يخليكي ليا يا حبيبتي ونفضل مع بعض لاخر العمر
_ويخليك ليا يا حبيبي
قربت مننا وهي بتحط ايديها في ايدي وبتتكلم وهي علي وشها ابتسامه
_ايه دا بقي انت ناوي تاخدها مننا من اولها ولا ايه.........احنا متفقناش علي كده علي فكرة
_براحتي يا فريده انتي اكتر واحده عارفه انا تعبت قد ايه علشان اوصلها
_مازن انا همشي بقي.......مبروك يا حبيبي ........الف مبروك يا ريم
_رايح علي فين يا كارم لسه بدري
_انتي عارفه يا ريم الشغل بتاعنا دا مبيستناش ابدا لازم اروح المستشفي علشان في عمليه لازم ادخلها بعد ساعه
_طيب استني اتعشي معانا طيب
_مش هينفع والله يا فريده
_طيب استني ناخد صوره مع بعض كلنا........نور يا نور تعالي علشان نتصور
_اخيرا افتكرتوا الصور........معلش يا كارم ممكن تصور انت
_اه طبعا.....يلا
ضحكنا كلنا واتصورنا صورة كانت جميله اوي
دمعه نزلت مني علي الصوره ........مسحت وشي وفضلت باصه عليها بحزن........من سنه واحده بس كنا مع بعض ومبسوطين ازاي الحال اتغير في لحظه وكل اللي في الصورة مبقوش معانا كارم في السجن ومازن اتقتل وفريده طلعت خاينه........انا بجد مش قادرة استحمل كميه الصدمات دي كلها ومش قادره اواجه...........انا لازم اكسب قضيه كارم واخرجه منها وبعدها لازم امشي وابدا حياتي من جديد لازم انسي كل اللي حصل دا.........تلفوني رن بصيت فيه ولقيت اسمها هو اللي بيرن فضلت باصه للتلفون شويه غمضت عيني واتنهدت بتعب وفتحت التلفون حطيته علي وداني وبدات اتكلم
_عايزه ايه يا فريده........مش كفايه اللي حصل
_صاحبه التلفون عملت حادثه وهي دلوقتي في مستشفي....... يا ريت حضرتك تيجي دلوقتي.
وقفت مكاني بصدمه وانا بحاول استوعب اللي سمعته ومش عارفه اعمل ايه
.........يتبع....