رواية انعدام ثقه الفصل العاشر 10 بقلم رنا سليمان

رواية انعدام ثقه الفصل العاشر 10 بقلم رنا سليمان

_الحمدلله يا فريده انك بقيتي كويسه انتي متعرفيش انا وريم كنا قلقانين عليكي ازاي

_كنتي خايفه عليا بجد يا نور

_ايه يا فريده اللي بتقوليه دا لو مقلقتش عليكي انتي هقلق علي مكان.......هو احنا لينا غير بعض في الدنيا دي.........انتي اكتر واحده عارفه انا شوفت ايه في حياتي واني عديت اكتر اوقاتي الصعبه بسببكم انتو........لو مش هخاف عليكي انتي هخاف علي مين طيب

ابتسمت وبصيت قدامي........اتنهدت وبدات اتكلم وانا بلف وشي ناحيتها

_تفتكري يا نور ريم هتصدق اني مظلومه

_اكيد طبعا يا فريده........ريم دلوقتي في فتره صعبه وافكارها متشتته ومش عارفه تفكر صح بسبب كل اللي بيحصل دا علشان كده شكيت فيكي ووجعتك بكلامها بس صدقيني لما تهدا وتجمع الموضوع تاني هتعرف انها ظلمتك وهتيجي وتعتذرلك

_هو انتي متاكده اني معملتهاش فعلا

_اكيد طبعا يا فريده وانتي هتعملي كده ليه في صاحبة عمرك وتخونيها وتدمري حياتك

_انتقام مثلا

_انتقام!.......لا انتقام اي يا فريده انتي مستحيل تعملي كده........هو انتي بتتكلمي بجد ولا اي انا مش فاهمه حاجه

_متاخديش في بالك........شكل البنج لسه مأثر عليا تقريبا........المهم ان ريم تعرف الحقيقه وتعرف الخاين الحقيقي لان اللي عمل كده حد نعرفه كويس وريم بالذات بتثق فيه..........ومهما حاول يهرب ريم هتلاقيه مانتي عارفه ريم ذكيه قد ايه.......ومش هتسكت غير لما تعرف مين الشخص اللي دمر حياتها بالشكل دا وبيحاول يخسرها اقرب اصحابها والشخص دا سواء كان كارم فعلا او........او حد تاني

_حد تاني........حد تاني زي مين

_مش عارفه ......بس قريب اوي هنعرف.......

بقولك ايه انا تعبانه اوي ممكن تسبيني انام شويه 

_ماشي نامي انتي وانا هفضل معاكي هنا علشان لو احتاجتي حاجه........تصبحي علي خير

_وانتي من اهله

حطيت راسي علي المخده وغمضت عيني بتعب وحزن علي الحالة اللي وصلنا ليها.......رغم اني واثقه مية في المية ان نور هي اللي ورا كل دا بس نفسي احساسي دا يكون غلط..........مش عايزه تكون هي اللي ورا كل اللي بيحصل دا........يمكن نور تكون اكتر واحده عانت في حياتها بينا احنا التلاته انا عارفه قد اي هي مرت بحاجات وحشه وصعبه في حياتها وانها متحبتش من اهلها او من اي شخص تاني .........انا وريم اكتر ناس حبناها وكنا معاها في اوقاتها الصعبه قبل الكويسه مجرد التخيل انها ممكن تأذي واحده فينا صعب علينا اوي.........اديتها ضهري ونمت وانا في بدعي ان تفكيري يكون غلط واكون غلطانه

"ريم"

الساعه كانت ٩ الصبح ........كنت قاعده في مكتب الظابط ومستنيه كارم يجي.......كنت باصه في الارض وبحاول امنع دموعي انها تنزل........الباب اتفتح ودخلوا

_تمام يا فندم

_سيبه واطلع انت يا رجب

_تحت امرك

خرج والظابط وقف مكانه وبدا يتحرك

_قدامكم خمس دقايق بس

سابنا وخرج ......قعد قدامي........فضلت باصه في الارض بتعب لحد ما هو اتكلم

_انتي كويسه

رفعت راسي بحزن وهزيتها ب لا وانا مغمضه عيني ودموعي بدات تنزل

_مش كويسه..........انا في اكتر وقت مش كويسه فيه انا النفس اللي بقيت بتنفسه بقي تقيل عليا .........كل حاجه حواليا صعبه وحاسه اني مبقتش قادره اقاوم او اقف علي رجلي اواجه كل اللي بيحصل دا..........فريده عملت حادثه وكانت هتموت في لحظة 

_هي كويسه دلوقتي صح

_كويسه.........بس انا اللي مش كويسه.........يا ريتني انا اللي عملت الحادثه ومت مكانها وخلصت من كل اللي بيحصل دا

_ايه اللي بتقوليه دا يا ريم.........مش انتي لوحدك اللي وقعتي في مشكله زي دي علشان تقولي كده........انا اهو قدامك متهم بقتل اقرب واحد ليا ومقبوض عليا والله اعلم هطلع منها ولا لا وقدامك اهو لا فكرت في الموت ولا يأست اني هخرج منها حتي

_بس انا اللي بيحصل فيا دا كتير.........انا جوزي اتقتل قبل فرحي بيوم وكمان كان بيخوني في الشقه اللي هنتجوز فيها واللي بيخوني معاها واحده من اتنين والاتنين اقرب ليا من نفسي يعني صعب اني اصدق انهم ممكن يخونوا ثقتي فيهم لو مش فريده هتكون نور وانا مش هقدر استحمل ان تكون واحده منهم الخاينه 

_هو انتي بداتي تشكي في نور كمان

_فريده فسرتلي كل حاجه مرتبطه بيها علي ان نور هي الخاينه مش هي

_وانا ولا قادره اصدق كلامها ولا قادره ان اصدق ان هي اللي عملت كده انا حاسه.........حاسه اني واقفه بين نارين وفي الحالتين انا الخسرانه مش اي حد تاني سواء نور او فريده انا اللي هخسر لانهم اخواتي مش بس صحابي ......... لاول مرة اكون تايهه ومش عارفه اتصرف ازاي..........معرفش حد تاني اروحله علشان كده جاتلك.........لان اللي بهرب ليهم لما اكون في مشكله هما المرة دي المشكله وهما اللي عايزه اهرب من مواجهتهم 

قرب مني ومسك ايدي بصتله بحزن ومسحت دموعي اللي نزلت........بدا يتكلم بهدوء وهو ماسك في ايدي

_ايا كان اللي بيحصل معاكي او اللي هيحصل ف انا هكون معاكي سواء طلعت نور هي اللي ورا كل دا او حتي فريده انا هكون معاكي لحد اخر نفس فيا..........وانا واثق ان الشخص الوحيد اللي هيخرجني من هنا هو انتي بس مش وانتي ضعيفه وخايفه كده........ريم انتي لازم تقفي علي رجلك وتكوني اقوي من كده علشان تقدري تواجهي........لازم تبقي اقوي علشان تبيني للي وصلك للحاله دي انك مش ضعيفه زي ما هي فاكره بالعكس انتي اقوي مليون مره..........الحقيقه هتظهر وانتي اللي هتوصلي ليها من غير مساعدة حد لان ربنا معاكي علشان انتي المظلومه

هزيت راسي ب اه وانا باصه الناحيه التانيه........سحبت ايدي من ايده واتنهدت

_عندك حق..........لازم اكون اقوي ولازم اوصل للحقيقه ايا كانت هي ايه علشان ارتاح واظهر برائتك.........متقلقش انت هتخرج من هنا الجلسه الجايه لاني هوصل للحقيقه مهما كان الثمن

_المهم عندي تكوني كويسه ودا اهم من اني اخرج من هنا

ابتسمت ووقفت اخدت شنطتي وخرجت من المكتب ومشيت............يمكن فريده غلطانه في تفسيرها ونور مظلومه زيي فريده ويمكن يكون عندها حق وفي الحالتين انا ممكن اموت فيها لان مش بس هما اصحابي هما عائلتي الوحيده اللي من غيرها ممكن اموت ..........مش عايزه بس غير ان ربنا يبعتلي اشاره واحده يبين الحقيقه بيها..........وصلت البيت وكنت بركن العربيه لمحته واقف بعيد........نزلت وانا مستغربه وبدات اقرب منه.........اول ما شافني قرب مني........وقفت قدامه وبدات اتكلم

_عمو جمال........ازيك

_ازيك يا ريم يا بنتي عامله ايه

_الحمدلله اتفضل يا عمو واقف ليه

_لا معلش انا لازم امشي........انا بس جيت اديكي حاجه بس وماشي

_حاجة ايه دي يا عمو.......وبعدين مش هنتكلم هنا اتفضل اعملك قهوه حتي

_لا معلش انا لازم امشي........اصل عبير كانت بتروق اوضه مازن الله يرحمه ولقيت دي واقعه علي الارض .........افتكر ان دي فيها كل اسئلتك وكمان هتعرفي منها القاتل الحقيقي وتخرجي كارم منها

_القاتل الحقيقي.........حضرتك متاكد

_ايوه يا ريم ........انا اول ما شوفت اللي فيها جاتلك علطول يا ريم ........سلام يا بنتي 

سابني ومشي بصتله ب استغراب وبعدين بصيت للفلاشه اللي سابها في ايدي وانا مش فاهمه حاجه........قلبي بدا يدق جامد ومش فاهمه ليه

"نور"

كان قاعد قدامي ماسك سلسله فريده اللي وقعت منها ساعة الحادثه وبيلفها علي ايديه وبيبص فيها .........كنت رايحه جايه قدامه بقلق وخوف ........بدات اتكلم وانا بقرب من صورتها اللي علي الحيطة 

_فريده بدات تشك فيا ومن كلامها انها في اي لحظه هتكشفني ل ريم في اي لحظه

_الحل كان قدامك وانتي اللي رفضتي موتها وقولتي لازم ننقذها.........كان ممكن في لحظه واحده تموت ونخلص منها

_مكنتش فاكره انها هتكون سبب في كشفي قدام ريم وانا توصل لانها تهددني........دلوقتي الوضع اتغير وبقيت خطر عليك قبل ما تكون خطر عليا

_خطر عليكي دا اكيد لكن عليا انا.......مفتكرش........لا فريده ولا حتي ريم يعرفوا اسمي حتي ........بس علي العموم انا جاهز........انتي عارفه ان ليا حبايبي في المستشفي وممكن بمكالمه واحده تخلصي منها..........اديني انتي بس اشاره وانا ساعتها هخليهم ينفذوا علطول

قعدت علي الكرسي وابتسمت بهدوء.......حطيت رجل علي رجل واخدت التليفون من علي الترابيزه واتكلمت بهدوء

_مش دلوقتي........محتاجه منها خدمه اخيره لازم تعملها قبل ما اخلص منها........تعملها الاول وساعتها هقولك نفذ

........يتبع.....

                الفصل الحادي عشر من هنا 

      لقراءة جميع فصول الرواية من هنا

تعديل المقال