في اوضة زياد كان الكل خايف عليه وزينب كانت بتعيط جانبه ومرعوبه و بسمه كانت سانده جميله اللى مش فاهمه حاجه ولا قادرة تقف علي رجليها
عبد المحسن كان واقف وبيدعي بخوف انه ابنه يكون بخير
زينات كانت بتمسح علي شعره بحب وخوف وهو كان نايم وباين علي وشه التعب.
جمال راح يشوف دكتور يجيبه عشان يكشف علي زياد لانهم من الصعب انهم ياخدوه لدكتور.
زينات..لزينب.. بطلي نواح علي الواد هيقوم وهيكون بخير مش بعيده يكون خد دور برد من اللى تتشك دي.
وكان قصدها علي جميله.
جميله بغيظ.. هو اي بلوة في الدنيا كلها تبقي جميله اللى عاملها.
زينب بخوف.. يارب يكون برد وبس.
محمد.. اهدي يا ام زياد ابنك راجل وبعدين تلقي زي ما ام جمال قالت شويه برد.
شويه والجرس رن.
بسمه راحت تفتح.
فتحت وكان جمال ومعاه الدكتور طارق.
بسمه فتحت بؤقها من الصدمه.. دكتور طارق احيه.
جمال.. اتفضل يا دكتور.
الدكتور طارق دخل و خبط علي الباب وكلهم فتحو بؤقهم لما شافوه.
جمال كان محرج 😅.. ملقتش غيره فاتح اصلا روحت جيبته من البيت.
زينات بوعيد.. ماشي يا جمال اصبر عليا.
عبد المحسن.. اتفضل يابني.
طارق قعد علي السرير و كان بيفتح في العده بتاعته.
زينب مسك في ابنها واخدته في حضنها بخوف.
طارق ببرود.. اوعي ايدك ياست يا ام زياد عشان اعرف اكشف علي البغل ده
زينب بصدمه.. بغل.
وهنا بسمه وجميله اتفج'روا في الضحك.
طارق كشف علي زياد.. هو مابينهقش ليه.؟
"اكيد كلكم عرفتو طارق دكتور ايه 😂نعم هو ده 😂 هستني عرفتو ولا لا في الكومنتات"
طارق خلص كشف علي زياد وكل ده وزينب وزينات بيتوعدوا لجمال.
جمال كان بيهرش في راسه باحراج وضحك في نفس الوقت.
بعد شويه طارق خلص ولم عدته واتكلم.. البغل ده مفيش عنده حاجه هو بس اجهاد وتلقيه ما اكلش.. وكمل لما لقاهم كلهم هيضر"بوا بلع ريقه.. بخوف.. انا هكتب ليه علي شويه ادويه هياخدهم وهيقوم زي الحصان الصبح ان شاء الله. بس اهم حاجة تصحوه وياكل.
قام وقف.. الف سلامه عليه ويدوبك مستناش انهم يردو عليه كان طلع يجري بره البيت.
زينب بشر.. جمال انت مش لاقي غير طااارق ده حمااار.
جمال بخوف.. وانا اعمل ايه مش لاقي دكتور غيره وماهو ابنك جاي يتعب في نص الليل اجيب ليه دكتور منين.
وجري استخبي في امه منها.
محمد.. يلا يا جماعه سبوه يرتاح شويه.. يلا الف سلامه عليه.
عبد المحسن.. الله يسلمك يارب.
بسمه خبطت جميله في كتفها براحه وخبث.. هنسيبك تطمني عليه براحتك.
جميله بصتلها بغيظ.. والتانيه خرجت تضحك.
زينب.. انا هقوم اعمل ليه اكل.
عبد المحسن.. وانا هنزل اجيب العلاج.
زينب.. خلي بالك منه افضلي معاه.
جميله بصدمه.. لوحدنا.
زينب بسخريه.. لا مع الجيران يابت هجيب ليكم الجيران كلها تقعد معاكم اتلمي عشان ما طلعش عليكي عفاريتي.
زينب خرجت تبرطم.. الصبر يارب من عندك.
جميله راحت قعدت جانبه علي السرير بتوتر وكانت بتفرك في ايدها وهو كان نايم.
جميله كانت بكلم نفسها.. ايه الورطه دي انا وهو في نفس المكان لوحدنا ياربي هيعمل ايه فيا لما يصحي ويعرف اكيد هيك"سر دماغي ويجي يقولي ايه قعدك في اوضتي.
زياد بتعب وهو لسه مغمض عنيه.. انتي مزعجه اوي مش عارف انام.
جميله فطت من علي السرير.. سلاما قولا من رب رحيم انت انس ولا جن.
زياد فتح عينه ليها وقلبها بملل.. انتي اوفر اوي.
جميله بغيظ.. قربت منه وخبطته في كتفه وهو اتوجع.. يأوفوروك ياخي.
زياد بوجع.. ايدك اتقل من ايد الرجاله يا اوزعه.
زياد قام براحه واتعدل وسند جسمه كله علي السرير.
جميله بغيظ.. انا اوزعه يا عمود النور.
زياد بغيظ.. انا عمود انور يابت.
جميله.. بت لما تبتك انا اسمي جميله.
زياد بستفزاز.. اسمك اوزعه و كلبوزه واه كان اسمك كمان كورة كفر امشي يابت.
جميله ابتسمت لزياد مابين سنانه.. وقعدت قادمه ومسكت ايده وهو كان شاكك فيها.. وهب عضته من ايديه زياد صرخ ااااااااه يابت العضاضه.. زياد مسكها من شعرها وهو كمان هي عملت فيه كدا ومسكته من شعره.. وسيب وانا اسيب.
زينب كانت في المطبخ طلعت تجري علي صوته بخوف وفتحت الباب.. لقتهم كدا ماسكين في شعر بعض وجميله ماسكه ايد زياد بالايد التانيه وبتعض فيه.
زينب بصتلهم بذهول.. فييييي ايييييه؟
جميله بتصنع الدموع.. بيعضني وبيضربني ابنك بيستقوي عليا.
زياد بصدمه.. وربنا ما حصل دي هي اللى بتعضني حتي شوفي يا ماما عضني ازاي وسنانه غازه في قلب اللحم انكها مكلتش لحمه قبل كدا وانها مش مخلصه علي الحمه اللى عند الجزار كلها.
زينب بضحك.. هههه في ده معاك حق وبعدين يابت عضه الواد كدا ليه بتعمليلو ساعه.. وبعدين يا اطفال سيبو شعر بعض انتم هترجعو زي زمان ومحدش كان بيسلكم عن بعض.
زياد بستفزاز.. ماهي هي اللى شعرها وحش عشان كدا كان بيفضل ماسك في ايدي.
جميله بردح.. شوف شوف مين اللى بيكلم لااا يا حبيبي دانا شعري الكل بيحلف بيه مش زي شعرك اللى عامل زي سلك مواعين.
زياد بذهول.. بت انتي بتقولي الكلام ده لمين؟
جميله.. بنشكاح.. ليك انت.
زياد بصلها ورفع حاجبه ليها.. ماما اطلعي واقفلي الباب وراكي لو سمحتي.
جميله برعب.. وحيات عيالك ما تطلعي وتسبيني معاه لوحدنا ابنك هياكلني.
زينب..حاضر.
وطلعت وقفلت الباب وراها.
جميله.. برعب.. زوز حبيبي انت مش هتعمل فيا حاجة صح..؟
زياد بضحكه صفرا.. دلوقتي بقيت زوز و حبيبك صح مش انا اللى كان بيتردحلي من شويه صح؟..
جميله.. هصوت والم عليك الدنيا واقول عاوز يتحرحش بيا.
زياد فضل يضحك.. وهي كانت مستغربه بيضحك ليه.. صوتي باعلي صوتك محدش هيلحقك من تحت ايدي.
جميله.. ليه مفيش حكومه في البلد اكيد هيلحقوني منك.
زياد ضحك اكتر.. صح بس وشدها من ايدها جامد قربها ليه وهمس في ودانها.. انتي مراتي شرعا وقانونا انتي ناسيه ان مكتوب كاتبنا مش شويه.
جميله بلعت ريقها بصعوبه.. يعني.
زياد.. يعني انتي ملكي.
جميله فرحت من جواها وهي بتسمعها وكانت عاوزه يكررها تاني بس من الفرحه لسانها وقف عن الكلام.
زياد حس بقلبه هيقف من قربها منه راح مبعدها عنه وباصص الناحيه التانيه وهو كان بينهج مكنش عاوزاها تسمع صوت قلبه.
جميله ابتسمت بكسوف وكانت عيوانها عليه.
زينب خبطت بالاكل.. ها خلصتو علي بعض ولا لسه 😂.
زياد.. ادخلي يا ماما.
زينب دخلت وجميله قامت عشان تمشي تروح بيتهم .
جميله.. تصبحو علي خير 🙂.
زينب.. وانتي من اهل الخير ياقلبي.
ومشيت وزينب فضلت بتبص عليه مستنياه يتكلم.
زياد.. نعم.. مالك يا ماما؟
زينب.. بفضول.. عملتو ايه ها قولي؟
زياد مكنش فاهم.. تقصدي ايه؟
زينب بخبث.. اعملهم عليا ياض البت خارجه خدودها حمرا وانت قلبك بيرقص جوه وبتقولي معملتش حاجة.
زياد.. فعلاً مفيش حاجة عشان اقولها ليكي.
زينب.. ماشي يا زياد.. اعمل حسابك الصبح ان شاء الله هاخدك ونروح نكشف اطمن عليك.
زياد.. ليه مش اطمنتي عليا من الدكتور.
زينب بغيظ.. هو دكتور طارق ده بيفهم اصلا.
زياد.. اوعي يكون طارق اللى في بالي.
زينب بضحك.. هوو.
زياد بصدمه.. احيه انا مش هاخد علاجه لو هتعملو فيا ايه؟ مين اللى جابه..؟
زينب.. ماتخفش مش هخليك تاخد من علاجه حاجه جمال هو اللى جابه.
زياد بزعيييييق... جممممااااااال.
زينب.. يابن المجانين هتصحي العماره كلها علينا. . خلاص نام دلوقتي والصبح هنروح ان شاء الله.
زياد.. تمام.
زياد نام وعند جميله الكلمه فضلت ترن في ودانها وكانت بتحضن البطانيه بحب.
🙂🙂🙂🙂
الصبح ام زياد صحته واخدته معاها علي المستشفى تعمل ليه تحاليل وعملت ليه صورة د'م كامله عشان تعرف سبب التعب ده من ايه، وزياد كان متوتر وخايف ليطلع في التحاليل انه مدمن ساعتها مش عارف ممكن يحصل ايه؟
الممرضه جات وندهت علي اسمه وامه راحت تشوف التحاليل وزياد كان واقف وراها وقلبه هيقف بس المره دي من الخوف اخدت منها التحاليل و فتحته واتصدمت بقت تبصله وتعيط وويتبع.