نبدا بسم الله الرحمن الرحيم
عند جميلة صحيت من النوم وهي مبتسمه واكنها اول يوم ليها في الدنيا.
قامت وقعدت علي السرير وبصت علي المرايا بحب وفضلت تبتسم.
بسمه كانت قاعده وماسكه كتاب وبتقرا فيه كانت مستغربه مالها.. اه هو ده اول الجنان مالك يا خاله؟
جميله ببتسمه.. مفيش بس مبسوطه وبعدين انا مش اسمي خاله انا اسمي حرم الاستاذ زياد احترميني شويه.
بسمه بلوي بوز.. حرم مين يا ختي 😒 اتلمي يابت وبعدين روحي كلمي ماما بتنادي عليكي من الصبح والست نايمه.
جميله بصتلها بغيظ وقامت تدخل الحمام وتشوف امها عاوزه ايه؟
♥♥♥
عند عبد المحسن ومحمد
عبد المحسن.. بجديه.. احنا لازم نشوف شقه تكون مناسبه للزياد وجميله مش هينفعو يفضلو معانا كل واحد وبيحب ياخد راحته في بيته.
محمد.. فعلاً معاك حق طيب شقة مين اللى بتتاجر دلوقتي؟
عبد المحسن.. في شقة اللى كان ساكن فيها عبد الكريم اللى في اخر الشارع دي حلوة وكمان لسه جديده ان شاء الله بليل ناخدهم يتفرجو عليها وان شاء الله تعجبهم.
محمد.. عادي جميله باعجبها اي حاجه المهم روح انت اتفق معاهم وان شاء الله لو عاوزه توضيب نجهزها لحد يوم الفرح.
عبد المحسن.. ان شاء الله.
♥♥♥
عند زياد
زينب كانت قاعده في الكافيه مع زياد.
وبتبصله بصدمه ومستنياه يتكلم.
زياد كان قاعد قصادها ومنزل راسه في الارض.
زينب.. بجمود.. هتفضل كدا ساكت انطق؟
زياد بندم.. انا مش عارف اقولك ايه يا ماما بس غصب عني.
زينب بجمود.. غصب عنك ازاي عرفني مين جه وخلاك تعمل كدا كدا دي اخرت تربيتي ودلعي فيك ابوه معاه حق لما قال افضلي دلعي فيه لحد مابيوظ ومش هتعرفي تتحكمي فيه واهو ياما حذرناك وانا قولتلك قبل كدا بلاش زفت السجاير عندت وبقيت بتشرب اكتر ليه تعمل كدا فينا يابني ده عقابنا اننا ربيناك التربيه دي دي اخرتها يابني قولي مين اللى عمل فيك كدا اكيد الشيطان اللى اسمه معتز صح. .؟
زياد كان الندم باين علي وشه.
زينب بجمود.. انا هعرف اربيك من اول وجديد انت من انهارده لا ابني ولا اعرفك مش عاوزه اشوف وشك تاني غير لما ترجع ابني الاولى وغير كدا هتطلقها انا مش هسمح تكون بنت زي جميله اخلاقها عالي مع واحد شما"م دي تساهل احسن منك.
زياد بغضب.. قولي اللى انتي عاوزه مش همنعك حتي لو كنتي هتضر'بيني او تمو'تيني بس اللى بتقوليه ده استحاله يحصل
زينب بعند.. لا هيحصل ولما الكل يعرفوا اهلها مش هيوافقو انها تفضل معاك انت هتتعالج من الزفت ده ومعتز ده لو شوفتك تكلمه تاني او قريب منك وقتها اعتبرني مي'ته بالنسبه ليك جميله تستاهل واحد احسن منك هتطلقها غصب عنك ولو محصلش هقولها الحقيقه وساعتها بقا هي اللى هتطلبه منك.
زينب كانت مصره علي رأيها في الموضوع وكانت برضو بتهدد زياد لانها عارفه انه متمرد ومش هيستجاب للقوانين اللى بتنطبق عليه.. وفي نفس الوقت مقهورة عليه وهي شايفاه بيروح من بين ايدها.
زياد بص قدامه بجمود ومره واحد دمعه نزلت من عينه.. زينب قلبها اتقهر اكتر عليه وكانت بتدعي علي معتز من كل قلبها.
زياد في سره.. ماما معاه حق هي مش هتوافق تفضل معايا وبعدين حتي لو وفقت انها تفضل معايا اهلها مش هيوافقو ياربي يعني لما خلاص احس ان الدنيا بتضحك ليا تيجي تقولي خد انت مش مكتوب ليك تفرح... الافضل ليها انها تكون مع واحد تاني وربنا يسعدها.
زياد خرج من سكوته.. وقالها بقهر.. موافق.
زينب.. تمام هنروح نشوف دكتور الاول وبعدين نروح هتخلص كل حاجة انهارده.
زياد.. تمام
راحو لعند دكتور وبدا يحكي ليه عن حالته وانه من امتي ولانه لازم يروح المستشفي عشان يتعالج صح ويكون تحت رعايتهم.
♥♥♥
عند جميله
راحت تشوف امها عاوزه ايه
جميله.. نعم يا ماما.
زينات.. بغيظ.. فينك يابت بنادي عليكي من بدري؟
جميله.. كنت نايمه يا ماما.
زينات.. طيب يلا همي معايا عشان عندنا عزومه.
جميله بستغراب.. مين جاي؟
بسمه بتريقه.. ماما عازمه عريس بنتها واهله علي الغدا وعامله ليه اكل يكفيكم سنين قدام.
زينات بغيظ.. بطلي تريقه يابت يلا ساعدوني شويه والظهر يأذن هنبقي نغديهم امتي الفجر انجزو
وبعدين لو معملتش لزياد هعمل لمين يلا ياختي انتي وهي.
ساعدوها وجميله كانت مبسوطه اوي.
جميله في سرها.. عقبال ما اعملك الاكل في بيتنا ان شاء الله.
♥♥♥♥
محمد وعبد المحسن راحو شافو الشقه واتفقو مع صاحب البيت اللى رحب اوي لانه بيحب زياد وبيعتبره زي ابنه بالظبط.
راحو صلو الضهر ورجعو علي البيت.
زياد وزينب وصلو وهما طالعين
محمد.. بحب.. زياد تعالو اتغدوا عندنا حماتك عامل ليك الاخضر واليابس كله هههه.
زياد كور ايده يقهر وبلع ريقه بصعوبه.
زينب.. معلش مره تانيه عشان زياد بس تعبان لسه؟
محمد..بضحك.. لا ولله ابدا ولا ايه يا عم عبد المحسن يرضيك اتعلق مراتي هتبيتني بره البيت انهارده ههه.
عبد المحسن بضحك.. ادام الحكومه امرت خلاص يلا.
زياد طلع هو وزينب ومحمد وعبد المحسن وخبطو وزينات راحت تفتح وبسمه كانت بترص الاكل في اطباق وشويه وجمال جه وسلم عليهم كلهم وجميله كانت بترتعش في كل التوتر.
زياد كان باصص في الارض والكل كانو بيضحكو حواليه.. محمد قال ليهم يتفضلو علي الاكل والكل قعد وزينات قعدت جانب زياد.
زينات بفرحه.. انا هاكلك يا حبيبي دانت نور عيني وهتاخد حته مني وبصت علي جميله اللى اتكسفت
وجابت طبق وقعدت تاكله.
جمال بغيظ.. يعني هو ابنك وانا لا 😒.
زياد قام مره واحده.. انا شبعت الحمدلله سفره دايما.
زينات.. يابني انت لحقت.
زينب.. بحزن.. الفتره دي هو اكله قليل كدا.
زياد.. انا عاوز اشم هوا انا هروح اقف في البلكونه شويه.
وسابهم وخرج في البلكونه اكنه كان في حبس.
بسمه.. جميله قومي شوفي جوزك.
جميله بكسوف.. حاضر. وقامت.
زينب.. كملي اكلك مفيش حاجة يا حبيبتي.
زينات.. الاكل كتير تشوفه في ايه وبعدين تيجي تاكل.
جميله خرجت وراه وزينب بصت عليهم بحزن.
زينب في سرها بحزن.. اسم الله علي قلبك يا بنتي.
جميله اخدت طبق حلويات وراحت وراه.
جميله.. زياد.
زياد غمض عينه بقهر ووجع.. نعم.
جميله بكسوف.. ماما عملت الحلويات اللى انت بتحبها اتفضل.
زياد قعد علي الكرسي واخد منها الطبق ومسك ايدها وقعدها وهي كانت مكسوفه.
جميلة.. زياد حد يشوفنا.
زياد.. بحزن بصلها واكنه بيشبع منها.. جميله انا عاوز اقولك علي حاجة.
جميله بستغراب.. مالك؟
زياد كان ماسك ايدها قوي واكنها هتهرب منه..قبل كل حاجة غصب عنى وانتي هتفضلي اقرب حد ليا وعاوزك تعرفي اني عاوز ليكي الاحسن بس وهفضل في ظهرك طول عمري.
جميله.. مالك يا زياد بتقول الكلام ده ليه؟
زياد اخد تنهيده.. جميله انتي طالق. وويتبع.